കൊച്ചി: മലയാളി പ്രേക്ഷകർ ആകാംക്ഷയോടെ കാത്തിരിക്കുന്ന ‘ദൃശ്യം 3’യുടെ ടീസർ ചർച്ചയാകുന്നു. സാധാരണക്കാരനായ ജോർജ്ജുകുട്ടിയുടെയും കുടുംബത്തിന്റെയും ജീവിതത്തിൽ ഇത്തവണ എന്താണ് കാത്തിരിക്കുന്നതെന്ന ആകാംക്ഷയാണ് പുതിയ ടീസർ പ്രേക്ഷകരിലേക്ക് എത്തിക്കുന്നത്.
എത്രയൊക്കെ മൂടിവെക്കാൻ ശ്രമിച്ചാലും ജോർജ്ജുകുട്ടിയെ തേടി അവന്റെ ഭൂതകാലം വീണ്ടും വേട്ടയാടാൻ എത്തുന്നു എന്നാണ് ടീസർ നൽകുന്ന പ്രധാന സൂചന. ജോർജ്ജുകുട്ടിയുടെ ബുദ്ധിയും നിയമവ്യവസ്ഥയും തമ്മിലുള്ള പുതിയ പോരാട്ടം എങ്ങനെയാകുമെന്ന കാത്തിരിപ്പിലാണ് ഇപ്പോൾ സിനിമാലോകം. പുതിയ ടീസർ പുറത്തുവന്നതോടെ ചിത്രത്തിന്റെ കഥാഗതിയെക്കുറിച്ചുള്ള ചർച്ചകളും സോഷ്യൽ മീഡിയയിൽ സജീവമായിരിക്കുകയാണ്.
