ശബരിമലയില്‍ നൂറ്റാണ്ടുകളായി നിലനിന്നുവരുന്ന വിശ്വാസങ്ങളും ആചാരാനുഷ്ഠാനങ്ങളും നിലനിന്നുകാണണമെന്ന് ആഗ്രഹിക്കുന്ന വിശ്വാസികള്‍ക്കെതിരെയുള്ള സംസ്ഥാനസര്‍ക്കാരിന്റെ നിലപാട് അധാര്‍മ്മികവും ജനാധിപത്യവിരുദ്ധവുമാണെന്ന് എന്‍എസ്എസ്. സുപ്രീംകോടതിയുടെ വിധിയുടെ പേരിലാണ് ഈ നടപടി സ്വീകരിച്ചിട്ടുള്ളത് എന്നാണ് സര്‍ക്കാര്‍നിലപാട് എന്നും , വിശ്വാസവും ആചാരാനുഷ്ഠാനവും സംരക്ഷിക്കാനുള്ള ഭരണഘടനാപരമായ അവകാശം നിലനില്ക്കുന്ന സാഹചര്യത്തില്‍ കോടതിവിധിയുടെ അടിസ്ഥാനത്തില്‍ റിവ്യൂഹര്‍ജി ഫയല്‍ ചെയ്യുന്നതിനോ, കോടതിയെ സാഹചര്യം ബോദ്ധ്യപ്പെടുത്തുന്നതിനോ സര്‍ക്കാര്‍ തയാറാകുന്നില്ല എന്നും ദേവസ്വം ബോര്‍ഡിനെ അതിന് അനുവദിക്കുന്നുമില്ല എന്നും എന്‍എസ്എസ് പുറത്തിറക്കിയ വാർത്താകുറിപ്പിൽ പറയുന്നു . അടിയന്തിരാവസ്ഥയ്ക്ക് തുല്യമായ തരത്തിലാണ് വിശ്വാസികൾക്കെതിരെ പോലീസ് നടപടികൾ സർക്കാർ നടത്തുന്നതെന്നും നായർ സർവീസ് സൊസൈറ്റി ഈ വിഷയത്തിൽ വിശ്വാസികൾക്ക് ഒപ്പമാണെന്നും വാർത്താകുറിപ്പിൽ പറയുന്നു .
ഇതിനെതിരെ എന്‍എസ്എസ് ന്റെ പതാകദിനമായ ഒക്ടോബർ 31 ന് സംസ്ഥാനമൊട്ടാകെ വിശ്വാസസംരക്ഷണനാമജപം നടത്തുമെന്നും വാർത്താകുറിപ്പിൽ പറയുന്നു
നീരജ് മാധവ് നായകനാകുന്ന പുതിയ ചിത്രം ‘ക’ ഫസ്റ്റ് ലുക്ക് പോസ്റ്റർ എത്തി. ദുൽഖർ സൽമാനാണ് തന്റെ സോഷ്യൽ മീഡിയ പേജിലൂടെ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടത്.
രജീഷ് ലാൽ വംശ ആണ് ചിത്രം സംവിധാനം ചെയ്യുന്നത്, വിഷ്ണു വംശ ആണ് സംഭാഷണം. പിക്സീറൊ യുടെ ബാനറിൽ ശ്രീജിത്ത് എസ് പിള്ള ആണ് നിർമ്മാണം.
ചിത്രത്തെക്കുറിച്ചു നീരജ്ന്റെ വാക്കുകൾ ഇങ്ങനെ “ചുറുചുറുക്കുള്ള ഒരു പറ്റം ചെറുപ്പക്കാരുണ്ട്‌ ഞങ്ങളുടെ അണിയറയിൽ. സംഗീത സംവിധാനം ജേക്സ് ബിജോയാണ്. ആൽബം ചെയ്തിരുന്ന കാലം മുതൽ അദ്ദെഹത്തിന്റെ പാട്ടുകളുടെ ആരാധകനായിരുന്നു ഞാൻ . ഇപ്പൊൾ ഒരുമിച്ച് വർക്ക് ചെയ്യാൻ സാധിച്ചതിൽ ഏറെ സന്തോഷം,”
ശബരിമല പ്രവേശനത്തെ സംബന്ധിച്ച കോടതിയിൽ ധാരാളം ഹർജികൾ ലഭിച്ചിരുന്നു. അതിൽ അടിസ്ഥാനസൗകര്യമില്ലാതെ ശബരിമലയിൽ യുവതീപ്രവേശം അനുവദിക്കരുതെന്ന ഹര്‍ജി ഹൈക്കോടതി തള്ളി.
പൊതുപ്രവര്‍ത്തകനായ പി.ഡി ജോസഫാണ് ഹര്‍ജിനൽകിയത് . സ്ത്രീകളെ പോലീസ് നിര്‍ബന്ധിച്ച് മലകയറ്റുന്നുവെന്നും മുന്‍കാലത്ത് ഉണ്ടായിരുന്നതില്‍ അധികമായി സൗകര്യങ്ങള്‍ ഒന്നും ഏര്‍പ്പെടുത്താതെയാണ് ശബരിമലയില്‍ സ്ത്രീ പ്രവേശനം അനുവദിക്കാന്‍ ഒരുങ്ങുന്നതെന്നും ചൂണ്ടിക്കാട്ടിയാണ് ഹർജി നൽകിയത്.
യുവതികള്‍ക്ക് പോലീസ് സംരക്ഷണം നല്‍കുന്നതിനെ നിര്‍ബന്ധിച്ച് ശബരിമലയില്‍ എത്തിക്കുന്നതായി വ്യാഖ്യാനിക്കാൻ കഴിയില്ല , ഭരണഘടനയുടെ 140ാം അനുച്ഛേദം അനുസരിച്ച് വിധി പാലിക്കാന്‍ എല്ലാ ഭരണഘടനാ സ്ഥാപനങ്ങള്‍ക്കും ബാധ്യതയുണ്ടെന്നും ഹൈക്കോടതി വ്യക്തമാക്കി. ഹര്‍ജിക്കാരന് വേണമെങ്കില്‍ സുപ്രീംകോടതിയെ സമീപിക്കാമെന്നും ഡിവിഷന്‍ ബഞ്ച് നിര്‍ദ്ദേശിച്ചു.
പ്രശസ്ത ചിത്രകാരി പത്മിനിയുടെ ജീവിത കഥ പറയുന്ന ചിത്രം “പത്മിനി”യുടെ മേക്കിങ് വീഡിയോ പുറത്തിറങ്ങി. ചിത്രത്തിൽ പത്മിനിയായി വേഷമിടുന്ന അനുമോൾ ആണ് തന്റെ പേജിലൂടെ മേക്കിങ് വീഡിയോ പുറത്തുവിട്ടത്.
ടി കെ പദ്മിനി മെമ്മോറിയൽ ട്രസ്റ്റ് അവതരിപ്പിക്കുന്ന ഈ ചിത്രം സംവിധാനം ചെയ്യുന്നത് സുസ്മേഷ് ചന്ദ്രോത് ആണ്.അനുമോളോടൊപ്പം ഇർഷാദ്, സഞ്ജു ശിവറാം എന്നിവരും ഈ ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തിന് സംഗീതം പകരുന്നത് ശ്രീവത്സൻ ജെ മേനോൻ ആണ്.
അനുമോളുടെ കരിയറിലെ മികച്ച കഥാപാത്രങ്ങളിൽ ഒന്നായിരിക്കും പത്മിനി.
ശബരിമല പ്രശ്നത്തിൽ മുഖ്യമന്ത്രിയ്ക്ക് മറുപടിയുമായി പന്തളം രാജകുടുംബം. ക്ഷേത്രം ഭക്തരുടേതാണ്, ഭരണാധികാരികളുടേതല്ല മേല്‍ക്കോയ്മ അധികാരമാണ് ദേവസ്വം ബോര്‍ഡിനുള്ളത്, ക്ഷേത്രം ആരുടേതെന്ന ചർച്ച പോലും ഉണ്ടാകാൻ പാടുള്ളതല്ല, ക്ഷേത്രത്തിന്റെ പൂര്‍ണ്ണ അധികാരം ദേവസ്വം ബോര്‍ഡിനാണുള്ളതെന്ന മുഖ്യമന്ത്രിയുടെ പ്രസ്താവന തള്ളിക്കൊണ്ട് പന്തളം രാജകുടുംബം.
ശബരിമലയിലെ സ്വത്തിൽ പന്തളം രാജകുടുംബം കണ്ണുവച്ചിട്ടില്ല, രാജകുടുംബവും ക്ഷേത്രവും തമ്മിലുള്ള ബന്ധം അഞ്ചുവർഷം കൂടുമ്പോൾ മാറുന്നതല്ല. ആചാര ലംഘനം നടന്നാൽ, ക്ഷേത്രം അടച്ചു ശുദ്ധിക്രിയയ്ക്കു ശേഷമേ തുറക്കാവൂ എന്നാണ് പറഞ്ഞത് അല്ലാതെ കടയടയ്ക്കുന്നതുപോലെ നട അടയ്ക്കും എന്നല്ല.
ശബരിമലയിൽനിന്നും ഒരു രൂപപോലും രാജകുടുംബത്തിന് വേണ്ട, ശബരിമലയുടെ സ്വത്തിൽ കണ്ണുള്ളവരാണ് പ്രശ്നങ്ങൾ ഉണ്ടാക്കുന്നത്. ജാതിയുടെയും മതത്തിന്റെയും പേരു പറഞ്ഞു ജനങ്ങളെ രണ്ടാക്കി രക്തംകുടിക്കാനുള്ള ശ്രമത്തിൽ ജനങ്ങൾ വീണില്ല അതിൽ സന്തോഷമുണ്ട്, ഭക്തരെ സംരക്ഷിക്കാൻ അയ്യപ്പനും മലവേടന്മാരും മാത്രമേ ഉണ്ടായിരുന്നുള്ളു എന്നും രാജകുടുംബ പ്രതിനിധികൾ പറഞ്ഞു.
പ്രകൃതി ദുരന്തങ്ങളില്‍ വീടു തകര്‍ന്നവര്‍ക്ക് മുഖ്യമന്ത്രിയുടെ ദുരിതാശ്വാസനിധിയില്‍ നിന്നും നല്‍കുന്ന നഷ്ടപരിഹാര തുക വര്‍ധിപ്പിക്കാന്‍ മന്ത്രിസഭ തീരുമാനിച്ചു. 75 ശതമാനവും അതിനുമേലേയും നാശമുണ്ടായ വീടുകളെ പൂര്‍ണ്ണമായി തകര്‍ന്ന വീടുകളായി കണക്കാക്കും. കേന്ദ്രസര്‍ക്കാരിന്‍റെ മാനദണ്ഡപ്രകാരം പൂര്‍ണ്ണമായി തകര്‍ന്ന വീടുകള്‍ക്ക് മലയോരപ്രദേശങ്ങളില്‍ 1,01,900 രൂപയും സമതലപ്രദേശങ്ങളില്‍ 95,100 രൂപയുമാണ് ദുരന്തപ്രതികരണനിധിയില്‍ നിന്നും നല്‍കുന്നത്. ഏതു മേഖലയിലായാലും മഖ്യമന്ത്രിയുടെ ദുരിതാശ്വാസനിധിയില്‍ നിന്നുളള വിഹിതം ചേര്‍ത്ത് മൊത്തം 4 ലക്ഷം രൂപ ഓരോ വീടിനും നല്‍കും. മലയോരപ്രദേശത്ത് 2,98,100 രൂപയും സമതലപ്രദേശത്ത് 3,04,900 രൂപയും ദുരന്തപ്രതികരണനിധിയില്‍ നിന്നുളള തുകയ്ക്കു പുറമെ മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് അനുവദിക്കും.
പൂര്‍ണ്ണമായി തകര്‍ന്ന വീടുകള്‍ ഒഴികെ മറ്റുളളവയെ നാലു വിഭാഗങ്ങളായി തിരിച്ചാണ് നഷ്ടപരിഹാരം നല്‍കുന്നത്. കുറഞ്ഞത് 15 ശതമാനം നാശമുണ്ടായ വീടുകള്‍ക്ക് മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് 4,800 രൂപ അടക്കം 10,000 രൂപ നല്‍കും.
16-29 ശതമാനം നഷ്ടം – മൊത്തം 60,000 രൂപ
30-59 ശതമാനം നഷ്ടം – മൊത്തം 1,25,000
60-74 ശതമാനം നഷ്ടം – മൊത്തം 2,50,000
ഇതനുസരിച്ച് നഷ്ടപരിഹാര തുക പുതുക്കി നിശ്ചയിക്കുമ്പോള്‍ ആഗസ്റ്റ് മാസത്തിലെ പ്രളയത്തില്‍ വീട് തകര്‍ന്നവര്‍ക്ക് നല്‍കേണ്ട നഷ്ടപരിഹാര തുകയില്‍ ആയിരം കോടിയിലധികം രൂപ മുഖ്യമന്ത്രിയുടെ ദുരിതാശ്വാസനിധിയില്‍ നിന്നാണ് ചെലവഴിക്കുക. കേന്ദ്ര ദുരന്തപ്രതികരണനിധിയില്‍ നിന്ന് 450 കോടി രൂപ മാത്രമാണ് നഷ്ടപരിഹാരമായി നല്‍കുന്നത്. നാശനഷ്ടത്തിന്‍റെ വ്യാപ്തി കണക്കിലെടുത്താണ് മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് കൂടുതല്‍ തുക അനുവദിക്കാന്‍ തീരുമാനിച്ചത്. മൊത്തം 2.43 ലക്ഷം കുടുംബങ്ങള്‍ക്ക് ഇതിന്റെ പ്രയോജനം ലഭിക്കും. സ്വന്തമായി വീട് നിര്‍മിക്കുന്നവര്‍ക്കാണ് നാലു ലക്ഷം രൂപ നല്‍കുന്നത്.
ഏകദിന ക്രിക്കറ്റിൽ പതിനായിരം റൺസ് തികച്ച് വീരാട് കോഹ്ലി. പതിനായിരം റൺസ് തികയ്ക്കുന്ന പതിമൂന്നാമത്തെ ബാറ്റ്സ്മാനും അഞ്ചാമത്തെ ഇന്ത്യക്കാരനുമാണ് കോഹ്ലി. ഈ നേട്ടത്തോടെ കോഹ്ലി സച്ചിനെയും കടത്തിവെട്ടി.
കോഹ്ലി ഈ നേട്ടം കൈവരിക്കുന്നത് 213 ഏകദിനത്തിൽനിന്നാണ്, സച്ചിൻ 259 ഏകദിനത്തിൽനിന്നാണ് പതിനായിരം റൺസ് തികച്ചത്. വിൻഡീസിനെതിരെ വിശാഖപട്ടണം ഏകദിനത്തിലാണ് കോഹ്ലി നേട്ടം കൈവരിച്ചത്
ശബരിമല സ്ത്രീ പ്രവേശന വിധിയിൽ പുനഃപരിശോധനയ്ക്കായി സുപ്രീംകോടതിയിൽ ദേവസ്വം ബോർഡ് റിപ്പോർട്ട് നൽകില്ല. കോടതി ആവശ്യപ്പെട്ടാൽ മാത്രം റിപ്പോർട്ട് നൽകും. ഇന്ന് കൂടാനിരുന്ന ബോർഡ് മീറ്റിങ്ങും വേണ്ടെന്നുവച്ചു. റിപ്പോർട്ട് നൽകുന്നതിനെ മുഖ്യമന്ത്രി ശക്തമായി എതിർത്തിരുന്നു.
അതെ സമയം സ്ത്രീ പ്രവേശനത്തിന് പോലീസ് സംരക്ഷണ വേണം എന്നാവശ്യപ്പെട്ട് യുവതികൾ നൽകിയ ഹർജി ഇന്ന് കോടതി പരിഗണിക്കും.
മോഹൻലാലിന്റെ അടുത്ത പടം നവാഗതർക്കൊപ്പം. നവാഗതരായ ജിബി, ജോജു എന്നിവർ ചേര്‍‍ന്നാണ് ചിത്രം സംവിധാനം ചെയ്യുന്നത്. “ഇട്ടിമാണി മേഡ് ഇൻ ചൈന” എന്ന് പേരിട്ടിരിക്കുന്ന ചിത്രം നിർമ്മിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്.
ഒടിയൻ, ലൂസിഫർ, മരക്കാർ എന്നീ ചിത്രങ്ങൾക്കു ശേഷം ആശീർവാദ് സിനിമാസ് നിർമിക്കുന്ന ചിത്രം ആണ് ഇത്. ചിത്രത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല. സുനിൽ, മാർട്ടിൻ പ്രക്കാട്ട്, ജിബു ജേക്കബ് തുടങ്ങിയ സംവിധായകർക്കൊപ്പം സഹായികളായി പ്രവർത്തിച്ചവരാണ് ജിബിയും ജോജുവും.
മോഹൻലാൽ തന്നെയാണ് തന്റെ സോഷ്യൽ മീഡിയ പേജിലൂടെ പുതിയ ചിത്രത്തിന്റെ വിവരം പങ്കുവച്ചത്.
മലയാളികളുടെ പ്രിയ ഗായിക വൈക്കം വിജയലക്ഷ്മി വിവാഹിതയായി. വൈക്കം മഹാദേവക്ഷേത്രത്തിൽവച്ചായിരുന്നു അനൂപിന്റെയും വിജയലക്ഷ്മിയുടെയും വിവാഹം. പാലാ സ്വദേശിയായ അനൂപ് മിമിക്രി കലാകാരന്‍ കൂടിയാണ്..
സെല്ലുലോയിഡ് എന്ന ചിത്രത്തിലൂടെയാണ് വിജയലക്ഷ്മി മലയാളസിനിമാ രംഗത്തെത്തിയത്. മികച്ച ഗായികയ്ക്കുള്ള സംസ്ഥാന സർക്കാരിന്റെ പുരസ്കാരo നേടിയിട്ടുള്ള വിജയലക്ഷ്മി എല്ലാ ദക്ഷിണേന്ത്യൻ ഭാഷകളിലും തന്റെ കഴിവ് തെളിയിച്ചിട്ടുണ്ട്.
Newspaper is your news, entertainment, music fashion website. We provide you with the latest breaking news and videos straight from the entertainment industry.
Contact us: [email protected]
© Newspaper WordPress Theme by TagDiv
