വാട്സാപ്പിൽ മെസ്സേജസ്സുകൾ തപ്പുന്ന കൊച്ചുണ്ണി. ഒരുപാടങ്ങു ചിന്തിക്കാൻ വരട്ടെ. ഈ കൊച്ചുണ്ണി നമ്മുടെ നിവിൻ പൊളി ആണ്.
കായംകുളം കൊച്ചുണ്ണിയുടെ ലൊക്കേഷനിൽ വച്ചെടുത്ത ഒരു ചിത്രമാണ് ഇപ്പോൾ സോഷ്യൽ മീഡിയയിൽ ചിരി ഉണർത്തുന്നത്. ഷൂട്ടിങിനിടയിൽ നടൻ നിവിൻ കൊച്ചുണ്ണിയുടെ വേഷത്തിൽ മൊബൈൽ നോക്കുന്ന ചിത്രമാണ് ഇപ്പോൾ വൈറൽ. കൊച്ചുണ്ണിയെ കെട്ടിയിട്ടിരിക്കുന്ന രംഗം ഷൂട്ട് ചെയ്യുന്നതിനിടയിലാണ് നിവിൻ മൊബൈൽ നോക്കുന്നത്.
മോഹൻലാൽ ഭീമനായി എത്തുന്ന രണ്ടാമൂഴം തിരക്കഥ നൽകി നാല് വർഷമായിട്ടും ചിത്രീകരിക്കാത്തതിനെത്തുടർന്ന് എം.ടി. വാസുദേവന്‍ നായര്‍ നൽകിയ പരാതിയിൽ കേസ് ഈ മാസം 13 ന് കോടതി വീണ്ടും പരിഗണിക്കും. കോഴിക്കോട് അഡിഷണൽ മുൻസിഫ് ഒന്നാം ക്ലാസ് കോടതിയാണ് കേസ് പരിഗണിക്കുന്നത്. തിരക്കഥ തിരികെ ആവശ്യപ്പെട്ടു സംവിധായകൻ ശ്രീകുമാർ മേനോനെതിരെയാണ് എം ടി കേസ് നൽകിയത്.
കേസിൽ എം ടി ഉറച്ചു നിൽക്കുമെന്നും സിനിമ തുടങ്ങിയതിനുശേഷം തർക്കമുണ്ടായാലാണ് ആർബിട്രേറ്ററെ വെക്കേണ്ടത്. ചിത്രീകരണം തുടങ്ങാത്തതിനാൽ ആർബിട്രേറ്ററെ വയ്‌ക്കേണ്ട ആവശ്യമില്ലെന്നു എം ടിയുടെ അഭിഭാഷകൻ പറഞ്ഞു.
രണ്ടാമതൊരു ആലോചന ഇനിം ഇല്ല, അനുവദിച്ച സമയം കഴിഞ്ഞിട്ടും ചിത്രീകരണം തുടങ്ങാൻ സംവിധായകന് സാധിച്ചിട്ടില്ല. കേസ് കൊടുത്തതിനുശേഷം മൂന്നു തവണയോളം ശ്രീകുമാർ തന്നെ വന്നുകണ്ട് സമയം നീട്ടി ചോദിച്ചു. എന്നാൽ ഇനിം സമയം നൽകാൻ ആകില്ല. അതിനാൽ തിരക്കഥ തിരിച്ചുവേണം, തിരക്കഥ നൽകുമ്പോൾ മുൻ‌കൂർ വാങ്ങിയ പണം തിരികെ നൽകും എന്നും എം.ടി പറഞ്ഞു.
കോഴിക്കോട് : ഗവ. മെഡിക്കല്‍ കോളേജ് സൂപ്പര്‍ സ്‌പെഷ്യാലിറ്റി ആശുപത്രിയില്‍ പുതുതായി നിര്‍മ്മിച്ച, പവര്‍ ലോണ്‍ട്രി, സ്‌ട്രോക്ക് യൂണിറ്റ് എന്നിവയുടെ ഉദ്ഘാടനം ആരോഗ്യ സാമൂഹ്യ നീതി വകുപ്പ് മന്ത്രി കെ.കെ. ശൈലജ ടീച്ചറും, തൊഴില്‍ എക്‌സൈസ് വകുപ്പ് മന്ത്രി ടി.പി. രാമകൃഷ്ണന്‍ എന്നിവര്‍ ചേര്‍ന്ന് നിര്‍വഹിച്ചു.
എക്‌സറെ ഇമേജിങിനുള്ള അത്യാധുനിക സംവിധാനമാണ് ഡിജിറ്റല്‍ റേഡിയോഗ്രഫി സിസ്റ്റം. സാധാരണ എക്‌സറെയിലുള്ള ഫോട്ടോഗ്രാഫി ഫിലിമിന് പകരം എക്‌സറെ സെന്‍സറുകള്‍ ഉപയോഗിച്ചാണ് ഇതില്‍ ഇമേജിങ് ചെയ്യുന്നത്. കൂടുതല്‍ കൃത്യവും വ്യക്തവുമായ ഫലം നല്‍കുന്നുണ്ടെന്ന് മാത്രമല്ല, രോഗിയുടെ സൗകര്യത്തിനനുസരിച്ച് നിന്നോ ഇരുന്നോ എക്‌സറേക്ക് വിധേയനാക്കാന്‍ സാധിക്കും. ഉപകരണം ചെറുതായി നീക്കിയാല്‍ ശരീരത്തിന്റെ ഏത് ഭാഗത്തെയും എക്‌സറെ എടുക്കാന്‍ ആവുമെന്നത് ഡിജിറ്റല്‍ റേഡിയോഗ്രഫിയുടെ ഗുണമാണ്. കേരള മെഡിക്കല്‍ സര്‍വ്വീസസ് കോര്‍പ്പറേഷന്‍ മുഖേനയാണ് സിസ്റ്റം സ്ഥാപിച്ചത്.
സൂപ്പര്‍ സ്‌പെഷ്യാലിറ്റി ബ്ലോക്കില്‍ ഇതുവരെ പവര്‍ ലോണ്‍ട്രി ഇല്ലാത്തതിനാല്‍ കാത്ത് ലാബില്‍ നിന്നുള്‍പ്പെടെയുള്ള തുണിത്തരങ്ങള്‍ അലക്കുന്നതിനും ഉണക്കുന്നതിനും മെഡിക്കല്‍ കോളെജ് ആശുപത്രിയിലെ ലോണ്‍ട്രിയാണ് ഉപയോഗിച്ചിരുന്നത്. 20 ലക്ഷം രൂപ ചെലവിലാണ് ഇത് സ്ഥാപിച്ചിരിക്കുന്നത്.
പക്ഷാഘാതം മരണകാരണങ്ങളില്‍ മൂന്നാം സ്ഥാനത്ത് നില്‍ക്കുന്ന രോഗമാണ്. പക്ഷാഘാതം വന്നവര്‍ക്ക് അടിയന്തിര വിദഗ്ദ ചികിത്സ നല്‍കുന്നതിനാണ് സ്‌ട്രോക്ക് ഐ.സി.യു നിര്‍മ്മിച്ചത്. ഇവിടെ മൂന്ന് വെന്റിലേറ്ററുകള്‍, 13 കിടക്കകള്‍, എട്ട് മോണിറ്റര്‍ എന്നിവയുള്‍പ്പെടെ 45 ലക്ഷം രൂപയുടെ വിദഗ്ദ ചികിത്സാ സൗകര്യം ഒരുക്കിയിട്ടുണ്ട്. രോഗം തുടങ്ങി 45 മണിക്കൂറിനുള്ളില്‍ രക്തം കട്ടപിടിക്കാനുള്ള മരുന്ന് നല്‍കുന്ന മെക്കാനിക്കല്‍ ത്രോംബെക്ടമി ചികിത്സ , കട്ട പിടിച്ച രക്തം വലിച്ചെടുക്കുന്ന ക്യാനിയോട്ടോമി ചികിത്സ എന്നീ ആധുനിക ചികിത്സാ സൗകര്യവും ലഭിക്കും.
എ. പ്രദീപ് കുമാര്‍ എം.എല്‍.എ അദ്ധ്യക്ഷത വഹിച്ച ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ മുഖ്യാതിഥിയായിരുന്നു. പൊതുമരാമത്ത് എക്‌സിക്യൂട്ടീവ് എന്‍ജിനീയര്‍ ഒ. സുനിത റിപ്പോര്‍ട്ട് അവതരിപ്പിച്ചു. ഐ.എം.സി.എച്ച് സൂപ്രണ്ട് ഡോ.സി. ശ്രീകുമാര്‍, ചെസ്റ്റ് ഹോസ്പിറ്റല്‍ സൂപ്രണ്ട് ഡോ. ടി.പി. രാജഗോപാല്‍, രാഷ്ട്രീയ പാര്‍ട്ടി പ്രതിനിധികളായ എം. നാരായണന്‍ മാസ്റ്റര്‍, സി. സത്യചന്ദ്രന്‍ എന്നിവര്‍ സംസാരിച്ചു. മെഡിക്കല്‍ കോളേജ് പ്രിസിപ്പാള്‍ ഡോ.വി.ആര്‍. രാജേന്ദ്രന്‍ നന്ദിയും എം.സി.എച്ച് സൂപ്രണ്ട് ഡോ.കെ.ജി. സജിത്ത് കുമാര്‍ നന്ദിയും പറഞ്ഞു.
ദീപാവലി ദിനത്തിൽ 71 റൺസിന്റെ ഗംഭീര വിജയത്തോടൊപ്പം വെസ്റ്റ് ഇൻഡീസിനെതിരായ T20 പരമ്പര സ്വന്തമാക്കി ഇന്ത്യൻ ടീം. ആദ്യം ബാറ്റ് ചെയ്ത ഇന്ത്യ രോഹിത്ത് ശർമയുടെ 111* റൺസിന്റെ മികവിൽ 20 ഓവറിൽ 195/2 എന്ന നിലയിൽ ഇന്നിംഗ് അവസാനിപ്പിച്ചപ്പോൾ മറുപടി ബാറ്റിംഗിനിറങ്ങിയ വെസ്റ്റ് ഇൻഡീസ് 124/9 എന്ന നിലയിൽ അവരുടെ ഇന്നിംഗ്സ് അവസാനിപ്പിച്ചു. 111 റൺസ് നേടി ഔട്ടാകാതെ നിന്ന ക്യാപ്റ്റൻ രോഹിത്ത് ശർമ്മയാണ് കളിയിലെ കേമൻ.
നട അടക്കുന്നതിന് മുന്നോടിയായ പടിപൂജ ശബരിമലയിൽ ആരംഭിച്ചു. സന്നിധാനത്ത് ആയിരക്കണക്കിന് ഭക്തജനങ്ങളാണ് എത്തിചേർന്നിട്ടുള്ളത്. സന്നിധാനം സംഘർഷാവസ്ഥയിൽ നിന്നും ഭക്തി സാന്ദ്രമായ അന്തരീക്ഷമായിട്ടുണ്ട്. രാത്രി 10 മണിയോടെ നടയടയ്ക്കും
ശബരിമലയെ കലാപഭൂമി ആക്കാനാണ് സംഘപരിവാർ ലക്ഷ്യമെന്ന് മുഖ്യമന്ത്രി. വിശ്വാസങ്ങൾ സംരക്ഷിക്കാനല്ല വിശ്വാസികളെ ആക്രമിക്കുകയും ആചാരങ്ങൾ ലംഘിക്കുകയുമാണ് അവർ ചെയ്യുന്നതെന്ന് മുഖ്യമന്ത്രി കൂട്ടിച്ചേർത്തു. സംഘപരിവാർ നേതാക്കൾ തന്നെ പതിനെട്ടാം പടി കയറി ആചാരലംഘനങ്ങൾ നടത്തിയ സാഹചര്യത്തിലാണിത്.
ദേവസംബോർഡ് അംഗം കെ പി ശകരദാസ് ഇരുമുടിക്കെട്ടില്ലാതെ പതിനെട്ടാംപടികയറുന്നതിന്‍റെ ദൃശ്യങ്ങള്‍ പുറത്തുവന്നു . ഇന്നലെ നടതുറന്ന സമയത്താണ് ദേവസ്വംബോര്‍ഡ് അംഗം കെ പി ശകരദാസ് ഇരുമുടിക്കെട്ടില്ലാതെ പതിനെട്ടാംപടി കയറിയത് .സമാനമായ ആരോപണം ആര്‍.എസ്എസ് നേതാവ് വല്‍സന്‍ തില്ലങ്കേരിക്കെതിരെ കെ പി ശകരദാസ് ഇന്ന് രാവിലെ ആരോപിച്ചിരുന്നു .തൊട്ടുപിന്നാലെയാണ് കെ പി ശകരദാസ് ഇരുമുടിക്കെട്ടില്ലാതെ പതിനെട്ടാംപടികയറുന്നതിന്‍റെ ദൃശ്യങ്ങള്‍ പുറത്തുവന്നത് . ആചാരലംഘനം നടന്നിട്ടുണ്ടെകിൽ പരിഹാരക്രിയകൾ നടത്തുമെന്ന് തന്ത്രി മാധ്യമങ്ങളോട് പറഞ്ഞു .
തിരുമുടി കെട്ടില്ലാതെ പൂജാരിമാർക്കും കൊട്ടാരം പ്രതിനിധികൾക്കും മാത്രമാണ് 18-ാം പടി കയറാനുള്ള അനുവാദമുള്ളു എന്നും മറ്റാരെങ്കിലും കയറിയാൽ അത് ആചാരലംഘനമാണെന്നും തന്ത്രി കണ്ഠര് രാജീവര്. പരാതി ലഭിച്ചാൽ പരിഹാരക്രിയകൾ ചെയ്യുമെന്ന് തന്ത്രി അറിയിച്ചു. മുമ്പ് ദേവസം ബോർഡ് അംഗം കെ പി ശങ്കരദാസും Rടട നേതാവ് വത്സൻ തില്ലങ്കേരിയും പതിനെട്ടാം പടി കയറിയത് വിവാദത്തിനിടയാക്കിയിരുന്നു.
നടി മഞ്ചുവാരിയർ കേന്ദ്രകഥാപാത്രമാകുന്ന സന്തോഷ് ശിവൻ ചിത്രം ‘ജാക്ക് ആൻഡ് ജിൽ ന്റെ ലൊക്കേഷൻചിത്രങ്ങൾ കാണാം.
സന്തോഷ് ശിവൻ തന്നെ ഛായാഗ്രഹണവും സംവിധാനവും നിർവഹിക്കുന്ന ചിത്രത്തിൽ മഞ്ജു വാരിയറിനൊപ്പം കാളിദാസ് ജയറാo, സൗബിൻ ഷാഹിർ, നെടുമുടി വേണു, അജു വർഗീസ്, സുരാജ് വെഞ്ഞാറമ്മൂട്, രമേഷ് പിഷാരടി തുടങ്ങി വൻ താരനിരതന്നെ ഉണ്ട്.
ഹോളിവുഡിലെയും ബോളിവുഡിലെയും പ്രശസ്തരായ സാങ്കേതിക വിദഗ്ധർ ഉൾപ്പെടെയുള്ള വലിയ ഒരു ടീമാണ് ഈ ചിത്രത്തിൽ സന്തോഷ് ശിവനൊപ്പം ഉള്ളത്. കേരളവും ലണ്ടനുമാണ് ചിത്രത്തിന്റെ ലൊക്കേഷൻ.
നടി പ്രിയങ്ക ചോപ്രയും അമേരിക്കന്‍ ഗായകന്‍ നിക് ജൊനാസിനും തമ്മിലുള്ള വിവാഹം ആരാധകർ ആകാംഷയോടെ കാത്തിരിക്കുകയാണ്. വിവാഹത്തിന് മുന്നോടിയായുള്ള ചിത്രങ്ങൾ ഇപ്പോൾ തന്നെ സോഷ്യൽ മീഡിയയിൽ വയറലാണ്.
ഇപ്പോൾ പ്രിയങ്ക ചോപ്രയുടെ ബാച്ചിലറേറ്റ് പാർട്ടിയുടെ ചിത്രങ്ങളാണ് പുറത്തുവന്നിരിക്കുന്നത്. നടി പരിനീതി ചോപ്ര ബാച്ചിലറേറ്റ് പാർട്ടിയിൽ പങ്കെടുത്തു.
നാടെങ്ങും ദീപാവലി ആഘോഷിക്കുമ്പോൾ ആശംസകളുമായി നടൻ മോഹൻലാൽ. തന്റെ സോഷ്യൽ മീഡിയ പേജിലൂടെയാണ് മോഹൻലാൽ എല്ലാവർക്കും ആശംസകൾ നേർന്നത്.
മോഹൻലാൽ കേന്ദ്രകഥാപാത്രമായെത്തിയ ഡ്രാമ ഇപ്പോൾ തീയറ്ററിൽ പ്രദർശനം തുടരുകയാണ്.
ശബരിമല സ്ത്രീപ്രവേശനത്തിനുവേണ്ടി ഹർജി നൽകിയ തൃപ്തിദേശായി വൃശ്ചികത്തിൽ ശബരിമലയിൽ എത്തും. നവംബർ പതിനേഴിന് ശേഷം ശബരിമലയിൽ എത്തുമെന്ന് തൃപ്തിദേശായി മാധ്യമങ്ങളോട് പറഞ്ഞു.
സ്ത്രീകൾക്ക് സംരക്ഷണം നൽകിയാൽ ഇനിയും ധാരാളം സ്ത്രീകൾ ശബരിമലയിലേക്ക് വരുമെന്നും ഇപ്പോൾ സംരക്ഷണം ലഭിക്കാത്തതിനാലാണ് സ്ത്രീകൾ മലകയറാൻ എത്താത്തത്, സംരക്ഷണം കിട്ടിയാലും ഇല്ലെങ്കിലും വൃശ്ചികത്തിൽ മലകയറാൻ താൻ എത്തുമെന്നും അവർ പറഞ്ഞു.
Newspaper is your news, entertainment, music fashion website. We provide you with the latest breaking news and videos straight from the entertainment industry.
Contact us: [email protected]
© Newspaper WordPress Theme by TagDiv