സിബിഐ ഡയറക്‌ടർ സ്ഥാനത്തേക്ക് ലോക് നാഥ് ബെഹ്റയും പരിഗണനയിൽ. പതിനേഴ് ഉദ്യോഗസ്ഥരുടെ പട്ടിക തയാറാക്കി കേന്ദ്ര ആഭ്യന്തര മന്ത്രാലയം. 34 പേരുടെ പട്ടിക 17 പേരിലേക്ക് ചുരുക്കുകയായിരുന്നു.

വനിതാ മതിലിനെതിരായ വി.എസിന്റെ നിലപാട് ശരിയല്ലെന്ന് കാനം. വി.എസ്.ഇപ്പോഴും സി.പി.എമ്മുകാരനാണെന്നാണ് തന്റെ വിശ്വാസമെന്നും സി.പി.എം നയിക്കുന്ന മുന്നണിയാണ് വനിതാ മതിൽ സംഘടിപ്പിക്കാൻ തീരുമാനിച്ചത്. വിഎസ് എടുത്ത നിലപാട് ശരിയാണോ എന്ന് അദ്ദേഹത്തോട് തന്നെ ചോദിക്കണമെന്നും കാനം രാജേന്ദ്രൻ പറഞ്ഞു. കൂടാതെ നവോത്ഥാനം വേണോ വിമോചന സമരം വേണോ എന്ന് എൻഎസ്എസ് തീരുമാനിക്കണമെന്നും മന്നത്തിന്റെ ശിഷ്യന്മാർ നവോഥാന പാരമ്പര്യത്തിൽ നിന്ന് മാറിപ്പോകുന്നുവെന്നും കാനം രാജേന്ദ്രൻ വിമർശിച്ചു.

തിരുവാഭരണം തിരിച്ചേൽപ്പിക്കുമെന്ന് ദേവസ്യം ബോർഡിൽ നിന്നും പന്തളം കൊട്ടാരം ഉറപ്പ് വാങ്ങി. തിരുവാഭരണം തിരിച്ചേൽപ്പിക്കിലെന്ന പ്രചരണം നടക്കുന്ന സാഹചര്യത്തിലാണ് ഈ നടപടി.ദേവസ്വം പ്രതിനിധികളുമായി നിരീക്ഷക സമിതിയുടെ സാന്നിധ്യത്തിൽ പന്തളം കൊട്ടാരം ചർച്ച നടത്തി. മകരവിളക്കിന് ശേഷം തിരുവാഭരണം തിരിച്ചേൽപ്പിക്കുമെന്ന് ദേവസ്വം ബോർഡ് അറിയിച്ചു.

ഓർത്തഡോക്സ് – യാക്കോബായ സഭാ തർക്കം പരിഹരിക്കാൻ കൊച്ചിയിൽ മധ്യസ്ഥ ചർച്ച.മുൻ സുപ്രീം കോടതി ചീഫ് ജസ്റ്റിസ് കെ.ജി.ബാലകൃഷ്ണന്റെ മധ്യസ്ഥതയിലായിരുന്നു ചർച്ച. മെത്രാപൊലീത്തമാർ അടക്കമുള്ളവർ ചർച്ചയിൽ പങ്കെടുത്തിരുന്നു.

ചെന്നിത്തലയുടെ പത്ത് ചോദ്യങ്ങൾക്ക് മുഖ്യമന്ത്രിയുടെ മറുപടി.വനിതാ മതിൽ എന്തിനെന്ന് പോലും ചെന്നിത്തലയ്ക്ക് മനസിലാക്കാൻ കഴിയില്ലെങ്കിൽ പിന്നെന്ത് കാര്യമെന്നും സ്ത്രീകൾക്കെതിരായ കടന്നുകയറ്റത്തെ സ്ത്രീകൾ തന്നെ ചെറുത്തു തോൽപ്പിക്കുമെന്നും മുഖ്യമന്ത്രി. ശബരിമല സ്ത്രീ പ്രവേശനം മാത്രമല്ല വിഷയമെന്നും ഖജനാവിൽ നിന്ന് വനിതാ മതിലിന് വേണ്ടി ഒരു കാശ് പോലും എടുക്കില്ലെന്നും ക്ഷേമപെൻഷനിൽ നിന്ന് പണം വാങ്ങിയെന്നത് ശുദ്ധ അസംബന്ധം മാത്രമാണ് ആവശ്യമായ തെളിവുകൾ ലഭിച്ചാൽ അത് അന്വേഷിക്കാമെന്നും മുഖ്യമന്ത്രി പിണറായി വിജയൻ പറഞ്ഞു.

ചെന്നൈയിൽ മലയാളി പെൺകുട്ടിയെ പീഡിപ്പിച്ചു കൊന്ന കേസിൽ ഡി.എം.കെ മുൻ എം.എൽ.എ എ.എം . രാജ്കുമാറിന് 10 വർഷം തടവും 42000 രൂപ പിഴയും വിധിച്ചു. പതിനഞ്ചുകാരിയെ വിദ്യാഭ്യാസ സഹായം വാഗ്ദാനം ചെയ്ത് വീട്ടിലെത്തിച്ചു പീഡിപ്പിച്ചു കൊലപ്പെടുത്തുകയായിരുന്നു. 2012-ൽ ആയിരുന്നു സംഭവം. ഇടുക്കി പീരുമേട് സ്വദേശിനി ആണ് മരിച്ച പെൺകുട്ടി.ജനപ്രതിനിധികൾ ഉൾപ്പെട്ട കേസുകൾ കൈകാര്യം ചെയ്യുന്ന കോടതിയുടേതാണ് വിധി.

വനിതാ മതിലിന്റെ പേരിൽ പ്രളയബാധിതർക്കുള്ള വായ്പ നിഷേധിക്കുന്നു. മതിലിൽ പങ്കെടുക്കില്ലെന്ന് പറഞ്ഞതിലാണ് വായ്പ നിഷേധിച്ചത്.കുട്ടനാട്ടിലെ കുടുംബശ്രീ അംഗങ്ങൾ വൻ ദുരിതത്തിൽ. തിങ്കളാഴ്ച അപേക്ഷ നൽകിയില്ലെങ്കിൽ വായ്പ നഷ്ടമാകുമെന്ന് അറിയിപ്പ്. എന്നാൽ ഇത്തരം ആരോപണങ്ങളെ നിഷേധിച്ച് സിഡിഎസ് ചെയർപേഴ്സൺ രംഗത്ത്.

വനിതാ മതിലിന് ക്ഷേമ പെൻഷർകാരിൽ നിന്ന് പണം പിരിച്ചതിൽ പാലക്കാട് പരാതികൾ കൂടുന്നു. ഒറ്റപ്പാലത്തും എലപ്പുള്ളിയിലും കൂപ്പൺ നൽകാതെ പിരിച്ചെടുത്തത് ലക്ഷങ്ങൾ.കൂടാതെ ആലത്തൂർ, കൊടുവായൂർ, കുഴൽമന്ദം എന്നിവിടങ്ങളിലും പണപ്പിരിവ് സജീവമായി തുടരുന്നു.ഇതിനെതിരെ സഹകരണ വകുപ്പ് അന്വേഷണം തുടങ്ങിയെങ്കിലും അട്ടിമറിക്കാൻ ശ്രമം.മാധ്യമങ്ങളോട് പ്രതികരിച്ചവരെ പരാതിയില്ലെന്ന് പറയിപ്പിച്ച് വീഡിയോ ചിത്രീകരിക്കുന്നു. മാത്രമല്ല പരാതി നൽകാനിരിക്കാൻ വീടുകളിലെത്തി സമ്മർദവും താക്കീതും ഏറുന്നു.

എസ്.എൻ.ഡി.പി യിൽ പിളർപ്പിന് ബി ജെ പി ശ്രമിക്കുന്നുവെന്ന് വെള്ളാപ്പള്ളി നടേശൻ. തന്നെ മാനസികമായി തകർക്കാൻ തറവേല കാണിക്കുന്നുവെന്നും സോഷ്യൽ മീഡിയയിലെ ആക്രമണം അറിയിച്ചിട്ടും ബി ജെ പി നേതാക്കൾ തടയുന്നുമില്ല. അമിത് ഷാ പറഞ്ഞത് പോലും കേൾക്കാത്തവരാണ് കേരളത്തിലെ ബി ജെ പി.അയ്യപ്പ ജ്യോതിയിൽ പങ്കെടുക്കരുതെന്നും പങ്കെടുക്കാനും പറഞ്ഞിട്ടില്ല എന്നും വെള്ളാപ്പള്ളി നടേശൻ.