തിരുവനന്തപുരം : ചാരക്കേസിൽ നിയമനടപടികൾ നേരിട്ട നമ്പിനാരായണൻ നൽകിയ ഹർജിയിൽ കോടതി വിധിച്ച നഷ്ടപരിഹാരം മുഖ്യമന്ത്രി തിരുവനന്തപുരത്തുവച്ചു നടന്ന ചടങ്ങിൽ നമ്പിനാരായണന് കൈമാറി. കോടതി വിധിയിൽ ഉടൻ തുക നൽകിയതിൽ സന്തോഷമുണ്ടെന്ന് നമ്പി നാരായണൻ പറഞ്ഞു. അൻപതുലക്ഷം രൂപയാണ് നഷ്ടപരിഹാരതുകയായി കോടതി വിധിച്ചത്.
ചാരക്കേസിൽ നമ്പി നാരായണനെ അനാവശ്യമായി പ്രതിചേർത്തതാണെന്നും നമ്പിനാരായണൻ അനുഭവിച്ച പീഡനങ്ങൾക്ക് നഷ്ടപരിഹാരം അനുവദിക്കേണ്ടത് അത്യാവശ്യമാണെന്നും ചൂണ്ടിക്കാണിച്ചാണ് സുപ്രീംകോടതി ഉത്തരവ് പുറപ്പെടുവിച്ചത്.
കേസിൽ അനാവശ്യമായി തന്നെ കുടുക്കിയെന്നും മുൻ ഡിജിപി സിബി മാത്യൂസ്, പൊലീസ് ഉദ്യോഗസ്ഥരായിരുന്ന കെ കെ ജോഷ്വാ. എസ് വിജയൻ എന്നിവർക്കെതിരെ നടപടി ആവശ്യപ്പെട്ടും നമ്പി നാരായൺ നൽകിയ കേസിലായിരുന്നു വിധി.
