By admin 
ബോളിവുഡ് നടൻ നാനാ പടേക്കറിനെതിരെ മുംബൈ പോലീസ് അന്വേഷണം ആരംഭിച്ചു. നടി തനുശ്രീ ദത്തയുടെയുടെ പീഡന പരാതിയിലാണ് അന്വേഷണം. പത്തു വർഷങ്ങൾക്ക് മുൻപ് നടന്ന സംഭവം ആയതിനാൽ അന്വേഷണത്തിന് ശേഷം മാത്രമേ കേസ് രജിസ്റ്റർ ചെയ്യുകയുള്ളൂ എന്ന് മുംബൈ പോലീസ് പറഞ്ഞു.
എന്നാൽ നാനാ പടേക്കർ ആരോപണങ്ങളെ എതിർത്തു. പത്ത് വർഷങ്ങൾക്ക് മുൻപ് പറഞ്ഞതുതന്നെയാണ് ഇപ്പോഴും പറയാനുള്ളത്. പത്തുവർഷം മുന്പത്തെ സത്യം ഇപ്പോഴും സത്യം തന്നെയായിരിക്കും എന്നും അദ്ദേഹം പറഞ്ഞു.
2008ല് ഹോൺ ഓ കെ എന്ന ചിത്രത്തിന്റെ സെറ്റിൽവെച്ച് താരം മോശമായി പെരുമാറിയെന്നായിരുന്നു തനുശ്രീയുടെ വെളിപ്പെടുത്തൽ. ഇന്ന് പതിനൊന്നു മണിയോടെ തനുശ്രീ പോലീസിന് മുൻപിൽ എത്തി മൊഴി നൽകും.