നടനും എംഎൽഎ യുമായ മുകേഷിനെതിരെയുള്ള പീഡനാരോപണത്തിൽ പരാതി ലഭിച്ചാൽ അന്വേഷിച്ച് നടപടി എടുക്കുമെന്ന് നിയമ മന്ത്രി എ കെ ബാലൻ. ഇതുവരെ പരാതികൾ ഒന്നും മുകേഷിനെതിരെ ലഭിച്ചിട്ടില്ല. പരാതി ലഭിച്ചാൽ മാത്രമേ തുടർ നടപടികൾ സ്വീകരിക്കാൻ സാധിക്കു എന്നും അദ്ദേഹം പറഞ്ഞു.
കഴിഞ്ഞ ദിവസമാണ് ലൈംഗിക അതിക്രമങ്ങള്‍ സ്ത്രീകള്‍ സ്വയം വെളിപ്പെടുത്തുന്ന, മീറ്റു ക്യാംപെയ്നിലൂടെ നടനും എംഎല്‍എയുമായ മുകേഷില്‍ നിന്ന് മോശം പെരുമാറ്റമുണ്ടായെന്ന ട്വീറ്റുമായി ബോളിവുഡിലെ കാസ്റ്റിങ് ഡയറക്ടര്‍ ടെസ് ജോസഫ് രംഗത്തെത്തിയത്. എന്നാല്‍ സംഭവം നിഷേധിച്ച മുകേഷ് പെണ്‍കുട്ടിയെ ഒാര്‍മ്മയിലെന്നും, ആര്‍ക്കും ആരെയും തേജോവധം ചെയ്യാവുന്ന അവസ്ഥയാണെന്നും ആരോപിച്ചു.