ശബരിമലയിൽ ദർശനം നടത്തിയെന്ന് അവകാശപ്പെട്ട് യുവതി.ഇന്നലെ പുലർച്ചെ ദർശനം നടത്തിയെന്ന് അവകാശം ഉന്നയിച്ച് കൊല്ലം ചാത്തന്നൂർ സ്വദേശിനി മഞ്ജു.പോലീസ് സുരക്ഷയില്ലാതെയാണ് താൻ ദർശനം നടത്തിയതെന്നും മറ്റ് തീർത്ഥാടകർക്കൊപ്പമാണ് പതിനെട്ടാം പടി ചവിട്ടിയതെന്നും മഞ്ജു പറഞ്ഞു. കേരള ദളിത് മഹിളാ ഫെഡറേഷൻ നേതാവാണ് മഞ്ജു. തന്റെ ഫേസ്ബുക്ക് പേജിലൂടെയാണ് മഞ്ജു മലകയറിയ ദൃശ്യങ്ങൾ പുറത്ത് വിട്ടത്. എന്നാൽ വേഷം മാറിയാണ് മഞ്ജു മല കയറിയതെന്ന് ആരോപണം ഉയർന്നു. എന്നാൽ താൻ വേഷം മാറിയല്ല കയറിയതെന്നും സന്നിധാനത്ത് നെയ്യഭിഷേകം ഉൾപ്പെടെ വഴിപാടുകൾ ചെയ്തു എന്നും അയ്യപ്പ സേവാ സംഘത്തിലുള്ളവരാണ് തന്നെ സഹായിച്ചതെന്നും മഞ്ജു പറഞ്ഞു.
മിഖായേൽ ട്രെയിലർ എത്തി
നിവിൻ പോളിയെ നായകനാക്കി അബ്രഹാമിന്റെ സന്തതികൾക്ക് ശേഷം ഹനീഫ് അദേനി തിരക്കഥയും സംവിധാനവും ഒരുക്കുന്ന മിഖായേലിന്റെ ട്രെയിലർ പുറത്തിറങ്ങി. ആറ്റോ ജോസഫ് ഫിലിം കമ്പനിയുടെ ബാനറിൽ ആറ്റോ ജോസഫാണ് ചിത്രം നിർമ്മിക്കുന്നത്.ഗോപി സുന്ദർ സംഗീതവും മഹേഷ് നാരായൺ എഡിറ്റിംഗും നിർവ്വഹിക്കുന്ന ചിത്രത്തിൽ ക്യാമറ കൈകാര്യം ചെയ്യുന്നത് വിഷ്ണു പണിക്കരാണ്. നിവിൻ പോളിയെ കൂടാതെ ഉണ്ണി മുകുന്ദനും, സിദ്ധിഖും, സുദേവ് നായർ, മഞ്ജിമ മോഹൻ എന്നിവരടങ്ങുന്ന അഭിനേതാക്കളുടെ നിരയും സിനിമയിലുണ്ട്.
‘മുതിര’യുടെ ഗുണങ്ങൾ
വയറ് കുറയ്ക്കാൻ ഏറ്റവും നല്ല ഔഷധതുല്യമായ ആഹാരമാണ് മുതിര. മുതിര വെള്ളത്തിൽ കുതിർത്തുവെച്ച് ആ വെള്ളം കുടിച്ചാൽ ശരീരത്തിലെ മാലിന്യങ്ങൾ പുറംതള്ളപ്പെടുന്നു. അതുപോലെ ദുർമേദസിനെ കുറയ്ക്കുവാനുള്ള കഴിവും മുതിരയ്ക്കുണ്ട്.
മുതിര കുതിർത്തുവെച്ചും വറത്തും കഴിക്കാം. മുതിര തിളപ്പിച്ച വെള്ളം കുടിച്ചാൽ ജലദോഷത്തിന് ശമനം കിട്ടുന്നു.
ശരീരവങ്ങൾക്ക് ബലം കിട്ടാനും, വയറിളക്കം , ഉദര വൈഷമ്യം, നേത്രരോഗങ്ങൾ എന്നിവയ്കും മുതിര നല്ലതാണ്.
സ്ത്രീകൾക്കുണ്ടാകുന്ന വെള്ളപോക്ക് മുതിര നിയന്ത്രിക്കുന്നു, ആർത്തവത്തെ ക്രമപ്പെടുത്തുന്നു. മുതിരക്കഞ്ഞി വിശപ്പിനെ ഉത്തേജിപ്പിക്കുന്നു. പുരുഷന്മാർക്ക് ധാതുപുഷ്ടി, എല്ലിനും ഞരമ്പിനും ബലമേകാനും മുതിര നല്ലതാണ്.
തണുപ്പ് കാലത്തും മഴക്കാലത്തും മുതിര സൂപ്പുവെച്ചു കുടിച്ചാൽ ജലദോഷം പിടിപെടില്ല.
മുതിര വാരത്തുപൊടിച്ച് രസത്തിൽ ഇത് ഒരു ടീസ്പൂൺ ചേർത്താൽ രസത്തിന്റെ രുചിയും ഗുണവും വർദ്ധിക്കും.
ദിവസേനയുള്ള ആഹാരത്തിൽ ഏതെങ്കിലും ഒരു തരത്തിൽ മുതിര ഉൾപ്പെടുത്തുന്നത് ആരോഗ്യത്തിന് ഉത്തമമാണ്.
“9” ട്രെയ്‌ലർ എത്തി
പൃഥ്വിരാജ് പ്രൊഡക്ഷന്‍സിന്റെ ആദ്യ സിനിമ 9 ന്റെ ട്രെയ്‌ലർ എത്തി. പൃഥ്വിരാജ് തന്നെയാണ് തന്റെ സോഷ്യൽ മീഡിയ പേജിലൂടെ ട്രെയ്‌ലർ പുറത്തുവിട്ടത്.
സംവിധായകൻ കമലിന്റെ മകൻ ജനൂസ് മുഹമ്മദാണ് 9 സംവിധാനം ചെയ്തിരിക്കുന്നത്. വാമിഖ ഗബ്ബി, മംമ്ത മോഹന്‍ദാസ്, പ്രകാശ് രാജ് എന്നിവരാണ് ചിത്രത്തില്‍ മറ്റ് പ്രധാന താരങ്ങൾ.
മലയാള സിനിമ ഇന്നുവരെ കാണാത്ത തരത്തിലുള്ള സയന്‍സ് ഫിക്ഷന്‍ ചിത്രമായ 9 പൃഥ്വിരാജ് പ്രൊഡക്ഷന്‍സി നൊപ്പം സോണി പിക്‌ചേഴ്‌സും ചേർന്നാണ് നിർമ്മിച്ചിരിക്കുന്നത്. ഫെബ്രുവരി 7 ന് ചിത്രം തീയറ്ററുകളിൽ എത്തും.
ട്രെയ്‌ലർ കാണാം
ഏക പാദ മൂർത്തി
തമിഴ്‌നാട്ടിൽ തിരുഒറ്റിയൂർ ക്ഷേത്രത്തിൽ കുടികൊള്ളുന്ന ശിവരൂപമാണ് ആദിപുരീശ്വരർ. ഇത് സ്വയംഭൂലിംഗമാണ്. പുറ്റായി വളർന്നുവന്ന അതിൽ ബ്രഹ്‌മാവിഷ്‌ണു മഹേശ്വരന്മാർ ഒരേ ഉടലും മൂന്നുപേർക്കുംകൂടി ഒരു പാദവുമായി ഒറ്റ വിഗ്രഹമായി സ്ഥിതി ചെയ്യുന്നു.
ഏകപാദമൂർത്തിയെന്നാൽ സൃഷ്ടിക്കുമുമ്പും സർവ്വസംഹാരത്തിനുശേഷം നിലനിൽക്കുന്ന മൂർത്തിയെന്നർത്ഥം. താൻ മാത്രമാണ് സർവ്വതിനും സൃഷ്ടികർത്താവെന്നാണ് തമിഴ് അരുൾ മൊഴികളിൽ ഈ അപൂർവ്വ മൂർത്തിയെക്കുറിച്ച് പറയുന്നത്
പൗരത്വ ബിൽ പാസാക്കി
മൂന്ന് രാജ്യങ്ങളിൽ നിന്നുള്ള അമുസ്ലീങ്ങൾക്ക് പൗരത്വം നൽകുന്ന ഭേദഗതി ബിൽ ലോക്സഭ പാസാക്കി. അഭയാർഥികളായെത്തിയ അമുസ്ലിംകൾക്ക് പൗരത്വം അനുവദിക്കുന്നതാണ് ബിൽ. ബംഗ്ലാദേശ്, പാകിസ്ഥാൻ, അഫ്ഗാനിസ്ഥാൻ, എന്നിവിടങ്ങളിൽ നിന്നുള്ളവർക്കാണ് പൗരത്വ ബിൽ ഗുണം ചെയ്യുക.
പിന്നെ വളർന്നില്ല ; വളർത്തിയത് നിങ്ങൾ
മിമിക്രിയിലൂടെ സിനിമയിലെത്തിയ താരമാണ് ഗിന്നസ്സ് പക്രു. കാഴ്ചയിൽ ചെറുതെങ്കിലും അദ്ദേഹം തന്റെ കഴിവുകളായാൽ വളരെ ഉയരത്തിലാണ്. കഴിഞ്ഞ ദിവസം തന്റെ ഫേസ്ബുക്ക് പേജിൽ പക്രു ഒരു ഫോട്ടോ പങ്കുവച്ചു.
അദ്ദേഹത്തിന്റെ ചെറുപ്പത്തിലേ ഫോട്ടോയോടൊപ്പം കുറിച്ചതിങ്ങനെ “പിന്നെ വളർന്നില്ല ….
വളർത്തിയത് നിങ്ങൾ”.
ചെറുപ്പത്തിൽ പോളിയോ വന്നതിനെത്തുടർന്നാണ് പക്രുവിന് ശാരീരിക പരിമിതി ഉണ്ടായത് . എന്നാൽ അദ്ദേഹത്തിന്റെ കഴിവുകളെ ഇല്ലാതാക്കാൻ അസുഖത്തിനായില്ല. ശാരീരിക പരിമിതികളെ വെല്ലുവിളിച്ച് ഗിന്നസിന്റെ തലപ്പൊക്കത്തോളം അദ്ദേഹം വളർന്നു.
ഇനിം ഇളയരാജ, ഫാൻസി ഡ്രസ്സ് എന്നീ ചിത്രങ്ങളാണ് അദ്ദേഹത്തിന്റേതായി പുറത്തിറങ്ങാനുള്ളത്.
വെജിറ്റബിൾ പുലാവ്
തയ്യാറാക്കാം വെജിറ്റബിൾ പുലാവ്
ആവശ്യമായ സാധനങ്ങൾ
ബസുമതി റൈസ് – 1 കപ്പ്
ഉഴുന്നുപരിപ്പ് – കാൽ കപ്പ്
കറുവാപ്പട്ട – 1 കഷ്ണം
ഗ്രാമ്പു – 3
ഏലയ്ക്ക – 4
ജീരകം – അര ടീസ്പൂൺ
കടുക് – അര ടീസ്പൂൺ
മഞ്ഞൾപ്പൊടി – അര ടീസ്പൂൺ
പച്ചമുളക് – 2
കാപ്സികം – 1
തക്കാളി – 2
നെയ്യ് – 3 ടേബിൾ സ്പൂൺ
ഗ്രീൻപീസ് – അരകപ്പ്
പുതിനയില – ആവശ്യത്തിന്
ഉപ്പ് – പാകത്തിന്
അണ്ടിപ്പരിപ്പ് , കിസ്മിസ് – ആവശ്യത്തിന്
തയ്യാറാക്കുന്ന വിധം
- ബസുമതി അരി കഴുകി ഒരു മണിക്കൂർ കുതിർത്ത് വയ്ക്കുക
- ഉഴുന്നുപരിപ്പ് ഉപ്പ് ചേർത്ത് ഒരു കപ്പ് വെള്ളത്തിൽ വേവിച്ച് ഊറ്റിവെയ്ക്കുക .
- ഗ്രീൻപീസും ഇതുപോലെ വേവിച്ചുവെയ്ക്കുക.
- ഗ്രാമ്പു,കറുവാപ്പട്ട , ഏലയ്ക്ക എന്നിവ വറുത്ത് പൊടിച്ചുവയ്ക്കുക.
- ഒരു പാത്രത്തിൽ നെയ്യ് ചൂടാക്കി ജീരകവും,കടുകും പൊട്ടിക്കുക. അതിലേക്ക് ചെറുതായി നുറുക്കിയ തക്കാളി,കാപ്സികം, പച്ചമുളക് എന്നിവ ചേർത്ത് വഴറ്റണം.
- കുതിർത്തുവച്ചിരിക്കുന്ന അരി വെള്ളത്തോടെ ഈ പാത്രത്തിലേക്ക് മാറ്റി തിളപ്പിക്കണം.
- തിളപ്പിച്ചതിനു ശേഷം പത്രം അടച്ചുവച്ചു തീ കുറച്ചു വേവിക്കുക.
- ഇതിലേക്ക് ഉഴുന്നുപരിപ്പ് , ഉപ്പ് , പുതിനയില, എന്നിവ ചേർത്തിളക്കുക.
- വെള്ളം വറ്റി, ചോറ് വെന്തതിനു ശേഷം ഗ്രീൻപീസ് ചേർത്ത് ചോറ് കുഴഞ്ഞു പോകാതെ ചേർത്തിളക്കുക.
- അണ്ടിപ്പരിപ്പും കിസ്മിസും നെയ്യിൽ വറുത്തുകോരി തയ്യാറാക്കി വച്ചിരിക്കുന്ന ചോറിലേക്ക് വിതറിയശേഷം ചൂടോടെ വിളമ്പാം.
കാപ്പാൻ ; മോഹൻലാലിന്റെ ലൂക്ക് എത്തി
തമിഴ് നടൻ സൂര്യയും മോഹൻലാലും ഒരുമിച്ചെത്തുന്ന തമിഴ് ചിത്രം കാപ്പാനിലെ മോഹൻലാലിന്റെ ലുക്ക് എത്തി. കെ.വി. ആനന്ദ് സംവിധാനം ചെയ്യുന്ന ചിത്രത്തിൽ ഒരു പ്രധാനവേഷത്തിൽ നടൻ ആര്യയുമുണ്ട്.
ചിത്രത്തിൽ ഒരു രാഷ്ട്രീയക്കാരന്റെ വേഷമാണ് ലാലിന് എന്ന് സൂചിപ്പിക്കുന്ന ചിത്രങ്ങളാണ് പുറത്തുവന്നിരിക്കുന്നത്.
മരക്കാർ ; പ്രണവിന്റെ ആദ്യ ലുക്ക് ഏറ്റെടുത്ത് ആരാധകർ
മോഹൻലാൽ കുഞ്ഞാലി മരക്കാർ ആകുന്ന പ്രിയദർശന്‍ സംവിധാനം ചെയ്യുന്ന ബ്രഹ്മാണ്ഡചിത്രം മരയ്ക്കാറിലേ പ്രണവിന്റെ ഫസ്റ്റ് ലുക്ക് ഏറ്റെടുത്ത് ആരാധകർ.
നായകൻറെ ചെറുപ്പമാണ് പ്രണവ് അവതരിപ്പിക്കുന്നത്. ചിത്രത്തിലെ ഓരോരുത്തരുടെയും ഫസ്റ്റ് ലൂക്ക് പുറത്തുവന്നുകൊണ്ടിരിക്കുകയാണ്, മോഹൻലാലിന്റെ കുഞ്ഞാലി മരക്കാരായുള്ള ഫസ്റ്റ് ലൂക്ക് ഇതിനോടകംതന്നെ ശ്രദ്ധ നേടിയിരുന്നു. അതിനുപിറകെയാണ് പ്രണവിന്റെ ഫസ്റ്റ് ലൂക്കും ആരാധകർ ഏറ്റെടുത്തിരിക്കുന്നത്.
സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരയ്ക്കാറുടെ കഥയാണ് ചിത്രം പറയുന്നത്. സുനില്‍ ഷെട്ടി, മഞ്ജു വാരിയര്‍, കീര്‍ത്തി സുരേഷ്, മധു, കല്യാണി പ്രിയദർശൻ എന്നിവരാണ് മറ്റു താരങ്ങൾ. ചിത്രത്തിന്റെ ഷൂട്ടിങ് ഹൈദരാബാദിൽ പുരോഗമിക്കുകയാണ്.
ദേശീയ പൊതുപണിമുടക്ക്: ട്രെയിൻ ഗതാഗതം താറുമാറായി
ദേശീയ പണിമുടക്ക് ആരംഭിച്ചു.സംസ്ഥാനത്ത് ട്രെയിൻ ഗതാഗതം താറുമാറായി.വേണാട് എക്സ്പ്രസ് പുറപ്പെട്ടത് ഒന്നര മണിക്കൂർ വൈകി.പരശുറാം ,ജനശതാബ്ദി,രപ്തി സാഗർ തുടങ്ങിയ ട്രെയിനുകളും തടഞ്ഞു. ജനശതാബ്ദി എക്സ്പ്രസ്സും ഒന്നര മണിക്കൂർ വൈകിയാണ് പുറപ്പെട്ടത്.ചെന്നൈ- തിരുവനന്തപുരം മെയിൽ തൃപ്പുണിത്തുറയിൽ തടഞ്ഞു.കോഴിക്കോടും സമരാനുകൂലികൾ ട്രെയിൻ തടഞ്ഞു സംഘർഷമുണ്ടാക്കി. ട്രെയിൻ തടഞ്ഞ അൻപതോളം പേരെ പോലീസ് അറസ്റ്റ് ചെയ്തു നീക്കി.