വനിതാമതിലിൽ നിർബന്ധത പങ്കാളിത്തം ഉണ്ടോയെന്ന് സർക്കാരിനോട് ഹൈക്കോടതി. നിർബന്ധിത സ്വഭാവമുണ്ടോയെന്ന് മറുപടി നൽകണമെന്നും പങ്കെടുക്കാതിരുന്നാൽ നടപടി എടുക്കുമോ എന്നും സർക്കാർ വിശദീകരിക്കണമെന്ന് ഹൈക്കോടതി. എന്നാൽ വനിതാ മതിലിൽ പങ്കെടുക്കാൻ ആരെയും നിർബന്ധിച്ചിട്ടില്ലെന്ന് സർക്കാർ. വനിതാ മതിൽ സംഘടിപ്പിക്കുന്നതിൽ എന്താണ് കുഴപ്പമെന്ന് ഹർജിക്കാരനോട് കോടതി ചോദ്യം ഉന്നയിച്ചു.ഇത്തരം പരിപാടികൾ സംഘടിപ്പിക്കാൻ സർക്കാരിന് അവകാശമുണ്ടെന്നും കോടതി ചൂണ്ടി കാട്ടി. ഇതുമായി ബന്ധപെട്ട വിശദീകരണങ്ങൾ വ്യാഴാഴ്ച്ച കോടതിയെ അറിയിക്കാൻ കോടതി ഉത്തരവ്.വനിതാ മതിലിൽ അധ്യാപകർ തീർച്ചയായും പങ്കെടുക്കണമെന്നും സർക്കുലർ.

ബിജെപി ഹർത്താൽ ജനം തള്ളിക്കളഞ്ഞു എന്ന് ദേവസ്വംമന്ത്രി കടകംപള്ളി സുരേന്ദ്രൻ. ഏത് വിധേനയും ബലിദാനികളെ സൃഷ്ടിക്കലാണ് ബി ജെ പി തന്ത്രമെന്നും മരിച്ച വേണുഗോപാലൻ നായരുടെ കുടുംബം ഇടതുപക്ഷക്കാരെന്നും വേണുഗോപാലൻ നായർക്ക് മാനസികാസ്വാസ്ഥ്യം ആയിരുന്നെന്നും കടകംപള്ളി സുരേന്ദ്രൻ മാധ്യമങ്ങളോട് വ്യക്തമാക്കി.ഇന്നലെ ബിജെപി സമരപന്തലിന് മുന്നിൽ വേണുഗോപാലൻ നായർ എന്ന വ്യക്തി തീകൊളുത്തി മരിച്ച വിഷയത്തിലാണ് ബി ജെ പി ഹർത്താൽ ആഹ്വാനം ചെയ്തിരുന്നു. എന്നാൽ ശബരിമല വിഷയവുമായി വേണുഗോപാലൻ നായരുടെ മരണത്തിന് യാതൊരു ബന്ധവുമില്ലെന്ന് അദ്ദേഹത്തിന്റെ മൊഴിയിൽ നിന്നും പോലീസ് റിപ്പോർട്ട് നൽകിയിരുന്നു.

പാലക്കാട് ,പെരിന്തൽമണ്ണ ഡിപ്പോകളിലെ കെഎസ്ആർടിസി ബസ്സുകൾക്ക് നേരെയാണ് ആക്രമണം. ഡിപ്പോയ്ക്ക് മുന്നിൽ നിർത്തിയിട്ടിരുന്ന മൂന്ന് ബസ്സുകളുടെ ചില്ലുകളാണ് തകർത്തത്. പുലർച്ചെ മൂന്നരയോടെയാണ് ആക്രമണം നടന്നത്.

ബി ജെ പി പ്രഖ്യപിച്ച നാളത്തെ ഹർത്താലിൽ ജനജീവിതം സുരക്ഷ ഉറപ്പ് വരുത്താൻ എല്ലാ നടപടികളും സ്വീകരിക്കാൻ സംസ്ഥാന പോലീസ് മേധാവി ലോക് നാഥ് ബെഹ്റ എല്ല ജില്ലാ പോലീസ് മേധാവികൾക്കും നിർദ്ദേശം നൽകി. ഏതെങ്കിലും വിധത്തിൽ ആക്രമം നടത്തുകയോ ആക്രമണത്തിന് മുതിരുകയോ കടകമ്പോളങ്ങൾ നിർബന്ധിച്ച് അടപ്പിക്കുവാൻ ശ്രമിക്കുന്നവർക്കെതിരെ കർശന നടപടി സ്വീകരിക്കുകയും അറസ്റ്റ് ചെയ്ത് കേസ് ചാർജ് ചെയ്യണമെന്നും ലോക് നാഥ് ബെഹ്റ നിർദ്ദേശം നൽകി. ആവശ്യമായ എല്ലാ നടപടികളും സ്വീകരിക്കാൻ റേഞ്ച് ഐജിമാരോടും സോണൽ എ ഡി ജി പിമാരോടും സംസ്ഥാന പോലീസ് മേധാവി ആവശ്യപ്പെട്ടു.

കമൽനാഥിനെ മധ്യപ്രദേശ്  മുഖ്യമന്ത്രിയാക്കാൻ കോൺഗ്രസ് തീരുമാനമായി.മധ്യപ്രദേശിൽ ഉപമുഖ്യമന്ത്രി സ്ഥാനമില്ല. ഭോപ്പാലിൽ നടന്ന നിയമസഭകക്ഷി യോഗത്തിലാണ് തീരുമാനമായത്. കമൽനാഥിനെ കൂടാതെ ജ്യോതിരാദിത്യ സിന്ധ്യയും യോഗത്തിൽ പങ്കെടുത്തിരുന്നു.

ബി ജെ പി സമരപന്തലിനു മുന്നിൽ തീ കൊളുത്തി ആത്മഹത്യ ശ്രമം നടത്തിയ മുട്ടട സ്വദേശി വേണുഗോപാലൻ നായർ മരിച്ച സംഭവത്തിൽ പ്രതിഷേധിച്ച് നാളെ സംസ്ഥാനം വ്യാപകമായി ബിജെപി ഹർത്താലിന് ആഹ്വാനം ചെയ്തു. രാവിലെ ആറു മുതൽ വൈകിട്ട് ആറു വരെയാണ് ഹർത്താൽ. ശബരിമല തീർത്ഥാടകരെ ഹർത്താലിൽ  നിന്ന് ഒഴിവാക്കി. ഇന്ന്  പുലർച്ചെ രണ്ട് മണിക്കായിരുന്നു സെക്രട്ടേറിയേറ്റിന് മുന്നിലെ ബി ജെ പി സമരപന്തലിനു മുന്നിൽ വേണുഗോപാലൻ നായർ പെട്രോൾ ഒഴിച്ച് തീ കൊളുത്തി അത്മഹത്യയ്ക്ക് ശ്രമിച്ചത്.

സെക്രട്ടേറിയറ്റിനു മുന്നിലെ ബി ജെ പി സമരപ്പന്തലിനു മുന്നിൽ മുട്ടട സ്വദേശിയായ വേണുഗോപാലൻ നായർ പെട്രോൾ ഒഴിച്ചു തീ കൊളുത്തി സമരപ്പന്തലിനു മുന്നിലേക്ക് നടന്നു വരുകയായിരുന്നു. പോലീസും സമരക്കാരും ചേർന്ന് തീ കെടുത്തി. ഗുരുതരാവസ്ഥയിൽ ഇയാളെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. വേണുഗോപാലൻ നായർക്ക് കുടുംബ പ്രശ്നങ്ങൾ ഉണ്ടായിരുന്നുവെന്നും രാത്രി പത്തു മണി വരെ വീട്ടിൽ ഉണ്ടായിരുന്നുവെന്നും ബന്ധുക്കളുടെ മൊഴി. പുലർച്ചെ രണ്ട് മണിക്കായിരുന്നു ആത്മഹത്യാ ശ്രമം.

വനിതാ മതിലിന് സർക്കാർ പണം ഉപയോഗിക്കിലെന്ന് മുഖ്യമന്ത്രി പിണറായി വിജയൻ.സർക്കാർ ആശയ പ്രചാരണമാണ് നടത്തുന്നത്. വനിതാ മതിലിന് സ്ത്രീകളെ എത്തിക്കുന്നത് നവോത്ഥാന സംഘടനകളെന്നും മുഖ്യമന്ത്രി പറഞ്ഞു. എല്ലാവരും ജാതി മത ഭേദമന്യേ വനിതാ മതിലിൽ പങ്കെടുക്കണമെന്നും മുഖ്യമന്ത്രി അറിയിച്ചു. ജനുവരി ഒന്നിനാണ് കാസർകോട് മുതൽ തിരുവനന്തപുരം വരെ വനിതകൾ അണിനിരക്കുന്ന വനിതാ മതിൽ സൃഷ്ടിക്കാൻ മുഖ്യമന്ത്രി പിണറായി വിജയന്റെ സാനിധ്യത്തിൽ ചേർന്ന സമുദായ സംഘടനകളുടെ യോഗത്തിൽ തീരുമാനമായത്.