കല്യാശേരിയിലും കള്ളവോട്ട്

കാസർകോട് മുസ്ലീം ലീഗ് കള്ളവോട്ട് ചെയ്തെന്ന പരാതിക്ക് സ്ഥിരീകരണം. കല്യാശ്ശേരിയിൽ മൂന്ന് പേർ കള്ളവോട്ട് ചെയ്തെന്ന് മുഖ്യ തെരഞ്ഞെടുപ്പ് ഓഫീസർ.മുഹമ്മദ് ഫായിസ്‌, അബ്ദുൽ സമദ്, മുഹമ്മദ് കെ.എം. എന്നിവരാണ് കള്ളവോട്ട് ചെയ്തത്. കള്ളവോട്ട് ചെയ്ത 3 പേർക്കെതിരെ ക്രിമിനൽ കേസെടുക്കാൻ നിർദേശിച്ചു. ഇതിൽ ഒരാളെ കള്ളവോട്ടിന് പ്രേരിപ്പിച്ചത് കോൺഗ്രസ് ബൂത്ത് ഏജന്റെന്ന് മൊഴി ലഭിച്ചു. കള്ളവോട്ടിന് പ്രേരിപ്പിച്ച ബൂത്ത് ഏജൻറിനെതിരെ നടപടിക്ക് നിർദേശിക്കുകയും ഉദ്യോഗസ്ഥരുടെ വീഴ്ച അന്വേഷിക്കാൻ നിർദ്ദേശം നൽകുകയും ചെയ്തതായി മുഖ്യ തെരഞ്ഞെടുപ്പ് ഓഫീസർ വ്യക്തമാക്കി.