വനിതാ മതിലിന്റെ പേരിൽ പ്രളയബാധിതർക്കുള്ള വായ്പ നിഷേധിക്കുന്നു. മതിലിൽ പങ്കെടുക്കില്ലെന്ന് പറഞ്ഞതിലാണ് വായ്പ നിഷേധിച്ചത്.കുട്ടനാട്ടിലെ കുടുംബശ്രീ അംഗങ്ങൾ വൻ ദുരിതത്തിൽ. തിങ്കളാഴ്ച അപേക്ഷ നൽകിയില്ലെങ്കിൽ വായ്പ നഷ്ടമാകുമെന്ന് അറിയിപ്പ്. എന്നാൽ ഇത്തരം ആരോപണങ്ങളെ നിഷേധിച്ച് സിഡിഎസ് ചെയർപേഴ്സൺ രംഗത്ത്.

വനിതാ മതിലിന് ക്ഷേമ പെൻഷർകാരിൽ നിന്ന് പണം പിരിച്ചതിൽ പാലക്കാട് പരാതികൾ കൂടുന്നു. ഒറ്റപ്പാലത്തും എലപ്പുള്ളിയിലും കൂപ്പൺ നൽകാതെ പിരിച്ചെടുത്തത് ലക്ഷങ്ങൾ.കൂടാതെ ആലത്തൂർ, കൊടുവായൂർ, കുഴൽമന്ദം എന്നിവിടങ്ങളിലും പണപ്പിരിവ് സജീവമായി തുടരുന്നു.ഇതിനെതിരെ സഹകരണ വകുപ്പ് അന്വേഷണം തുടങ്ങിയെങ്കിലും അട്ടിമറിക്കാൻ ശ്രമം.മാധ്യമങ്ങളോട് പ്രതികരിച്ചവരെ പരാതിയില്ലെന്ന് പറയിപ്പിച്ച് വീഡിയോ ചിത്രീകരിക്കുന്നു. മാത്രമല്ല പരാതി നൽകാനിരിക്കാൻ വീടുകളിലെത്തി സമ്മർദവും താക്കീതും ഏറുന്നു.

എസ്.എൻ.ഡി.പി യിൽ പിളർപ്പിന് ബി ജെ പി ശ്രമിക്കുന്നുവെന്ന് വെള്ളാപ്പള്ളി നടേശൻ. തന്നെ മാനസികമായി തകർക്കാൻ തറവേല കാണിക്കുന്നുവെന്നും സോഷ്യൽ മീഡിയയിലെ ആക്രമണം അറിയിച്ചിട്ടും ബി ജെ പി നേതാക്കൾ തടയുന്നുമില്ല. അമിത് ഷാ പറഞ്ഞത് പോലും കേൾക്കാത്തവരാണ് കേരളത്തിലെ ബി ജെ പി.അയ്യപ്പ ജ്യോതിയിൽ പങ്കെടുക്കരുതെന്നും പങ്കെടുക്കാനും പറഞ്ഞിട്ടില്ല എന്നും വെള്ളാപ്പള്ളി നടേശൻ.

മുത്തലാഖ് ബിൽ ലോക്സഭയിൽ പാസായി. പ്രതിപക്ഷത്തിന്റെ പ്രധാന ഭേദഗതി നിർദ്ദേശങ്ങൾ വോട്ടിനിട്ട് തള്ളിയിരുന്നു. ബില്ലിനെ സെലക്ട് കമ്മിറ്റിക്ക് വിടണമെന്ന ആവശ്യവും തള്ളി. ബില്ലിനെ 245 പേർ അനുകൂലിക്കുകയും 11 പേർ എതിർത്തും വോട്ടുകൾ രേഖപ്പെടുത്തി. കൂടാതെ കോൺഗ്രസ് ,എഐഎഡിഎംകെ, ഡിഎംകെ എന്നീ പാർട്ടികൾ വോട്ടെടുപ്പ് ബഹിഷ്കരിച്ചു.

കൊച്ചി നാവികസേന ആസ്ഥാനത്ത് ഹെലികോപ്റ്റർ ഹാങ്ങറ്റിന്റെ വാതിൽ തകർന്ന് വീണ് പരുക്കേറ്റ് രണ്ട് നാവികർ മരിച്ചു. ഹെലികോപ്റ്ററുകൾ സൂക്ഷിക്കുന ഹാങ്ങറിന്റെ വാതിൽ തകർന്ന് ഉദ്യോഗസ്ഥരുടെ ദേഹത്ത് വീഴുകയായിരുന്നു.

ഇന്ന് നടന്ന അയ്യപ്പ ജ്യോതിയിൽ പങ്കെടുത്ത ആളുകൾക്ക് നേരെയുണ്ടായ ആക്രമത്തിൽ പ്രതിഷേധിച്ച് ശബരിമല കർമ്മസമിതി നാളെ ദേശവ്യാപകമായി പ്രതിഷേധ ദിനം ആചരിക്കും. കേരളത്തിൽ നാളെ ശബരിമല കർമ്മസമിതിയുടെ നേതൃത്യത്തിൽ പ്രതിഷേധ പ്രകടനങ്ങൾ സംഘടിപ്പിക്കുമെന്നും അറിയിച്ചു. അയ്യപ്പ ജ്യോതിയിൽ പലയിടങ്ങളിലും വ്യാപകമായി അക്രമ സംഭവങ്ങൾ ഉണ്ടായിട്ടുണ്ട്. പയ്യന്നൂരിനടുത്ത് പെരമ്പ, കണ്ണൂർ -കാസർഗോഡ് അതിർത്തിയായ കരിവെള്ളൂർ, കാലിക്കടവ്, കാഞ്ഞങ്ങാട്, തളിപ്പറമ്പ് എന്നിവിടങ്ങളിൽ ഉണ്ടായ ആക്രമത്തിൽ 10 സ്ത്രീകളും 3 കുട്ടികളും ഉൾപെടെ 31 പേരെ വിവിധ ആശുപത്രികളിലായി പ്രവേശിപ്പിച്ചിട്ടുണ്ട്.കാസർഗോഡു മുതൽ കളിയിക്കാവിള വരെ 310 സ്ഥലങ്ങളിൽ പ്രധാന നേതാക്കൾ പങ്കെടുത്ത യോഗങ്ങളും ഉണ്ടായിരുന്നു.കൂടാതെ കേരളത്തിന് പുറത്തും പലയിടത്തും അയ്യപ്പ ജ്യോതി തെളിയിച്ചിരുന്നു.

വനിതാ മതിലിനെതിരെ ആചാര അനുഷ്ഠാനങ്ങളും സംരക്ഷിക്കണമെന്ന് ആവശ്യപ്പെട്ട് ശബരിമല കർമ്മസമിതിയുടെ നേതൃത്വത്തിൽ കാസർകോടു മുതൽ കളിയിക്കാവിള വരെ അയ്യപ്പ ജ്യോതി തെളിയിച്ചു.വീഥികളിൽ സ്ത്രീകളുടെ വൻ നിര തന്നെ പ്രത്യക്ഷമായി.

സുരക്ഷ നൽകാനാകില്ലെന്ന് സന്നിധാനത്തെ പോലീസ് ഉദ്യോഗസ്ഥർ ഡിജിപിക്ക് റിപ്പോർട്ട് സമർപ്പിച്ചു. ശബരിമലയിലെത്തുന്ന പല യുവതികളുടെയും ലക്ഷ്യം പ്രശസ്തി മാത്രമെന്നും പ്രശ്നമുണ്ടായാൽ അത് തീർത്ഥാടകരെ ഒന്നടങ്കം ബാധിക്കുമെന്നും തിരക്കുള്ള സമയങ്ങളിൽ യുവതികളെ പ്രവേശിപ്പിക്കുന്നത് പ്രായോഗികമല്ല. ഇത്തരം ഘട്ടങ്ങളിൻ യുവതികളെ തിരിച്ചയയ്ക്കാൻ അനുമതി തരണമെന്നും കൂടാതെ ഇന്നലെ എത്തിയ രണ്ട് പേർ അക്റ്റിവിസ്റ്റുകളെന്നും ഇന്നലെ എത്തിയ ബിന്ദുവിന് ക്രിമിനൽ പശ്ചാത്തലമെന്നും റിപ്പോർട്ടിൽ സൂചിപ്പിച്ചിട്ടുണ്ട്.