വി എസിനെതിരെ വിമർശനവുമായി കാനം രാജേന്ദ്രൻ

വനിതാ മതിലിനെതിരായ വി.എസിന്റെ നിലപാട് ശരിയല്ലെന്ന് കാനം. വി.എസ്.ഇപ്പോഴും സി.പി.എമ്മുകാരനാണെന്നാണ് തന്റെ വിശ്വാസമെന്നും സി.പി.എം നയിക്കുന്ന മുന്നണിയാണ് വനിതാ മതിൽ സംഘടിപ്പിക്കാൻ തീരുമാനിച്ചത്. വിഎസ് എടുത്ത നിലപാട് ശരിയാണോ എന്ന് അദ്ദേഹത്തോട് തന്നെ ചോദിക്കണമെന്നും കാനം രാജേന്ദ്രൻ പറഞ്ഞു. കൂടാതെ നവോത്ഥാനം വേണോ വിമോചന സമരം വേണോ എന്ന് എൻഎസ്എസ് തീരുമാനിക്കണമെന്നും മന്നത്തിന്റെ ശിഷ്യന്മാർ നവോഥാന പാരമ്പര്യത്തിൽ നിന്ന് മാറിപ്പോകുന്നുവെന്നും കാനം രാജേന്ദ്രൻ വിമർശിച്ചു.