ഷൂട്ടിംഗിന്റെ തിരക്കുമായി ബന്ധപ്പെട്ട്  രണ്ടുമാസമായി വീട്ടില്‍നിന്ന് മാറിനില്‍ക്കുകയായിരുന്ന നടന്‍ പൃഥ്വിരാജ്. താരം വീട്ടില്‍ തിരിച്ചെത്തിയ വിവരം ആരാധകരുമായി പങ്കുവച്ചിരിക്കുകയാണ് ഭാര്യ സുപ്രിയ. പൃഥ്വിരാജിനൊപ്പമുള്ള സെല്‍ഫി പങ്കുവച്ചുക്കൊണ്ടായിരുന്നു താരം മടങ്ങിയെത്തിയ വിവരം സുപ്രിയ ആരാധകരെ അറിയിച്ചത്.

‘രണ്ടുമാസത്തിനുശേഷം താടിക്കാരന്‍ വീട്ടിലെത്തിയിട്ടുണ്ട്’, എന്ന് കുറിച്ചുക്കൊണ്ടായിരുന്നു സുപ്രിയ ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തത്. ‘അയ്യപ്പനും കോശിയും’ എന്ന ചിത്രത്തിന്റെ ഷൂട്ടിംഗ് പൂര്‍ത്തിയാക്കിയാണ് പൃഥ്വിരാജ് വീട്ടില്‍ മടങ്ങിയെത്തിയത്. മൂന്ന് മാസത്തേക്ക് സിനിമയില്‍ നിന്ന് ബ്രേക്ക് എടുക്കുന്നുവെന്ന് പൃഥ്വിരാജ് നേരത്തെ സോഷ്യല്‍മീഡിയയിലൂട വ്യക്തമാക്കിയിരുന്നു. ഇതിന് പിന്നാലെയാണ് താരം വീട്ടിലേക്ക് മടങ്ങിയെത്തിയത്.

നേരത്തെ താടിക്കാരനെ മിസ് ചെയ്യുന്നുവെന്ന് പറഞ്ഞുള്ളൊരു ചിത്രം സുപ്രിയ ഇന്‍സ്റ്റഗ്രാമില്‍ പങ്കുവച്ചിരുന്നു. പൃഥ്വിയോടൊപ്പം ‘ഡ്രൈവിങ് ലൈസന്‍സ്’ എന്ന ചിത്രത്തിന്റെ ലൊക്കേഷനില്‍ നിന്നെടുത്ത സെല്‍ഫിയായിരുന്നു സുപ്രിയ പങ്കുവച്ചത്. രണ്ടുമാസമായി വീട്ടില്‍നിന്ന് വിട്ടുനില്‍ക്കുന്ന താടിക്കാരനെ മിസ് ചെയ്യുന്നുവെന്നായിരുന്നു ചിത്രത്തിനൊപ്പം സുപ്രിയ കുറിച്ചത്.

ഡ്രൈവിങ് ലൈസന്‍സ്, അയ്യപ്പനും കോശിയും എന്നിവയാണ് പൃഥ്വിരാജിന്റെ പുതിയ ചിത്രങ്ങള്‍. ലാല്‍ ജൂനിയര്‍ ആണ് ഡ്രൈവിങ് ലൈസന്‍സ് സംവിധാനം ചെയ്തിരിക്കുന്നത്. ഈമാസം 20ന് ചിത്രം തിയേറ്ററുകളില്‍ പ്രദര്‍ശനത്തിനെത്തും.

View this post on Instagram

ThaadiKaran back home after 2 months! #DaadaBackHome👨‍👩‍👧#DaThaadi🙊#BreakForAWhile✌️🧿

A post shared by Supriya Menon Prithviraj (@supriyamenonprithviraj) on Dec 7, 2019 at 8:02am PST

‘ഞാനൊരു പൃഥ്വിരാജ് ഫാന്‍, ഞാനൊരു സിനിമ സംവിധാനം ചെയ്താല്‍ നായകനായി പൃഥ്വിരാജ് വരണം എന്നാണ് ആഗ്രഹം,” ഗോകുല്‍ സുരേഷിന്റെതാണ് വാക്കുകള്‍. സ്‌കൂള്‍കാലം മുതല്‍ താന്‍ പൃഥ്വിരാജ് സുകുമാരന്റെ ആരാധകനാണെന്നും റിലീസിന്റെ അന്നു തന്നെ ചിത്രങ്ങള്‍ തിയേറ്ററില്‍ പോയി കാണാന്‍ ശ്രമിക്കാറുണ്ടെന്നും ഗോകുല്‍ പറയുന്നു. ”അച്ഛന്റെ മേല്‍വിലാസം എന്ന സിനിമയും പൃഥ്വിരാജ് സിനിമയും റിലീസ് ചെയ്ത ദിവസം ഞാന്‍ തിയേറ്ററില്‍ പോയി കണ്ടത്, പൃഥ്വിരാജിന്റെ ചിത്രമാണ്,” ഗോകുല്‍ സുരേഷ് പറഞ്ഞു. ആനീസ് കിച്ചണില്‍ അതിഥിയായെത്തിയപ്പോഴായിരുന്നു ഗോകുല്‍ തന്റെ ആരാധന തുറന്നു പറഞ്ഞത്.

അഭിനയത്തിനൊപ്പം സംവിധാനത്തോടും തനിക്ക് താല്‍പ്പര്യമുണ്ടെന്നും സിനിമയെ കുറിച്ച് കൂടുതല്‍ മനസിലാക്കാന്‍ ശ്രമിക്കുകയാണെന്നും ഗോകുല്‍ പറഞ്ഞു. പത്തു പതിനഞ്ചു വര്‍ഷം കഴിഞ്ഞാല്‍ ചിലപ്പോള്‍ സംവിധാനത്തിലേക്ക് കടക്കുമെന്നും ഗോകുല്‍ പറയുന്നു. ആരായിരിക്കും ഗോകുലിന്റെ സിനിമയിലെ നായകന്‍ എന്ന ആനിയുടെ ചോദ്യത്തിന് സംശയമേതുമില്ലാതെ പൃഥ്വിരാജിന്റെ പേരാണ് ഗോകുല്‍ പറയുന്നത്.

ഗോകുല്‍ നായകനാവുന്ന ‘ഉള്‍ട്ട’ എന്ന ചിത്രത്തിന്റെ പ്രമോഷന് എത്തിയതായിരുന്നു ഗോകുലും പ്രയാഗ മാര്‍ട്ടിനും. ‘ദീപസ്തംഭം മഹാശ്ചര്യം’, ‘നാടന്‍ പെണ്ണും നാട്ടുപ്രമാണിയും’, ‘അച്ഛനെയാണെനിക്കിഷ്ടം’ തുടങ്ങിയ ചിത്രങ്ങളുടെ തിരക്കഥാകൃത്തായ സുരേഷ് പൊതുവാള്‍ സംവിധായകനാവുന്ന ചിത്രമാണ് ‘ഉള്‍ട്ട’. സിപ്പി ക്രീയേറ്റീവ് വര്‍ക്സിന്റെ ബാനറില്‍ ഡോ.സുഭാഷ് സിപ്പിയാണ് ചിത്രം നിര്‍മിക്കുന്നത്. ഗോകുലിനെയും പ്രയാഗയേയും കൂടാതെ അനുശ്രീയും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

അമ്മയാകാന്‍ ഒരുങ്ങുന്ന സന്തോഷം പങ്കുവച്ച് പ്രിയ നടി ദിവ്യാ ഉണ്ണി. തന്റെ വളകാപ്പിന്റെ ചിത്രങ്ങള്‍ പങ്കുവച്ചാണ് താരം സന്തോഷ വാര്‍ത്ത ആരാധകരെ അറിയിച്ചത്.  ഇന്‍സ്റ്റഗ്രാം പേജിലൂടെയാണ് ചിത്രങ്ങല്‍ പങ്കുവച്ചത്. മൂന്നാമതും അമ്മയാകുന്നതിന്റെ സന്തോഷത്തിലാണ് താരം.

ആദ്യ വിവാഹബന്ധം വേര്‍പ്പെടുത്തിയ ദിവ്യ കഴിഞ്ഞ വര്‍ഷം വീണ്ടും വിവാഹിതയായിരുന്നു. ഹൂസ്റ്റണിലെ ഗുരുവായൂരപ്പന്‍ ക്ഷേത്രത്തില്‍ ഫെബ്രുവരി നാലിനായിരുന്നു ദിവ്യയുടെ വിവാഹം. മുംബൈ മലയാളിയായ അരുണ്‍ കുമാര്‍ മണികണ്ഠനാണ് വരന്‍. എന്‍ജിനീയറായ അരുണ്‍ നാലുവര്‍ഷമായി ഹൂസ്റ്റണിലാണ്. ആദ്യവിവാഹത്തിലെ രണ്ടു കുട്ടികളും ദിവ്യയ്ക്കൊപ്പമാണ്. യുഎസ് നഗരമായ ഹൂസ്റ്റണില്‍ ശ്രീപാദം സ്‌കൂള്‍ ഓഫ് ആര്‍ട്‌സ് എന്ന പേരില്‍ നൃത്തവിദ്യാലയവും നടത്തുന്നുണ്ട് ദിവ്യ.
വിനയന്റെ ‘കല്യാണസൗഗന്ധികം’ എന്ന ചിത്രത്തിലൂടെയാണ് ദിവ്യ നായികയായി അരങ്ങേറ്റം കുറിച്ചത്.

തമിഴ്നാട് മുന്‍ മുഖ്യമന്ത്രി ജയലളിതയുടെ ബയോപിക്കായ ‘തലൈവി’യില്‍ നടി പ്രിയാമണിയും എത്തുന്നു.  ജയലളിതയായി
കങ്കണ റണാവത്ത് എത്തുമ്പോള്‍ തോഴി ശശികല ആയാണ് പ്രിയാമണി വേഷമിടുക.

ആമസോണ്‍ പ്രൈമിന്റെ ‘ദ ഫാമിലി മാന്‍’ എന്ന വെബ് സീരിസിന് ശേഷം രാജേഷ് ആനന്ദ് ലീല ഒരുക്കുന്ന ‘ഡോ. 56’ എന്ന ചിത്രത്തില്‍ സിബിഐ ഓഫീസറായി പ്രിയാമണി എത്തുന്നുണ്ട്. എ.എല്‍ വിജയ് സംവിധാനം ചെയ്യുന്ന തലൈവിയില്‍ എം.ജി.ആര്‍ ആയി അരവിന്ദ് സാമിയാണ് എത്തുന്നത്.

കെ.വി വിജയേന്ദ്രപ്രസാദും രജത് അരോറയും ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. കങ്കണയുടെ അമ്പരപ്പിക്കുന്ന മേക്കോവര്‍ ഫസ്റ്റ് ലുക്ക് ടീസറില്‍ ശ്രദ്ധിക്കപ്പെട്ടിരുന്നു. ഇതിനായി പ്രോസ്‌തെറ്റിക് മേക്കപ്പ് ചെയ്യുന്ന കങ്കണയുടെ വീഡിയോയും ചിത്രങ്ങളും പുറത്തെത്തിയിരുന്നു. തമിഴിലും ഹിന്ദിയിലുമായി എത്തുന്ന ചിത്രം അടുത്ത വര്‍ഷം ജൂണ്‍ 26-നാണ് തിയേറ്ററുകളിലെത്തുക.