സിനിമയിൽ പിച്ചവെച്ചു തുടങ്ങിയിരിക്കയാണ് പ്രിയാലാൽ . സിനിമയിൽ പ്രിയയ്ക്കിത് സെക്കന്റ് ഇന്നിങ്‌സ് വേള . ദുബായിലെ റാസൽ ഖൈമയിൽ ജനിച്ച് , യൂ കെ യിലെ ലിവർപൂളിൽ പഠിച്ചു വളർന്ന പ്രവാസി മലയാളിയായ പ്രിയാലാലിന്‌ നൃത്തവും അഭിനയവും ശ്വാസം പോലെയാണ് . സിനിമയോടുള്ള അഭിനിവേശത്താൽ കൊച്ചിയിൽ താമസമാക്കിയിരിക്കുന്ന ഈ കലാകാരി മലയാളം ,തമിഴ് ,തെലുങ്ക് എന്നീ ഭാഷകളിൽ ഓരോ സിനിമ വീതം അഭിനയിച്ചു കഴിഞ്ഞു .ചെറുപ്പം മുതലേ ഭരതനാട്യം ,മോഹിനിയാട്ടം, പാശ്ചാത്യ നൃത്തം എന്നിവ അഭ്യസിച്ചു പ്രാവീണ്യം സിദ്ധിച്ച പ്രിയ രണ്ടു വർഷം ‘ ലിവർപൂൾ കലാതിലക’ മായിരുന്നു. സിനിമയോട് താൽപര്യമുണ്ടായിരുന്നെങ്കിലും വിദേശത്തായതു കൊണ്ടും സിനിമാ ബന്ധങ്ങൾ ഇല്ലാത്തതിനാലും കാര്യമായ പരിശ്രമം ഒന്നും നടത്താനായില്ല.എന്നാൽ തികച്ചും അവിചാരിതമായിട്ടായിരുന്നത്രെ  തന്റെ പതിമൂന്നാം വയസ്സിൽ  അവധി കാലത്ത് നാട്ടിലെത്തിയപ്പോൾ ആദ്യമായി ക്യാമറക്കു മുന്നിലെത്തിയത്.

ഒരു കുടുംബ സുഹൃത്ത് മുഖേന ‘ ജനകൻ ‘ എന്ന സിനിമയിലൂടെയായിരുന്നു ആദ്യ ചുവടു വെയ്പ്പ് . അതിൽ സുരേഷ് ഗോപിയുടെ മകളുടെ വേഷമായിരുന്നു. ആ സിനിമയുടെചിത്രീകരണത്തോടൊപ്പം തന്നെ അവധിയും തീർന്ന് ലിവർ പൂളിലേക്ക് മടങ്ങി.ഇപ്പോഴിതാ പഠിത്തവും ഉപരിപഠനവുമൊക്കെ കഴിഞ്ഞു നാട്ടിൽ തിരിച്ചെത്തി കൊച്ചയിൽ താമസമാക്കി. മടങ്ങിയെത്തിയ ശേഷം തമിഴിൽ പ്രശസ്‌ത സംവിധായകൻ സുശീന്ദ്രന്റെ ‘ ജീനിയസ് ‘ എന്ന സിനിമയിൽ നായികയായി . മലയാളത്തിൽ ശരത്ചന്ദ്രൻ വയനാട് സംവിധാനം ചെയുന്ന ‘മയിൽ’ എന്നസിനിമയിൽ അഭിനയിച്ചു വരുന്നു . തെലുങ്കിൽ രാംഗോപാൽ വർമ്മയുടെ സഹസംവിധായകൻ മോഹൻ  ബൊമ്മിഡി സംവിധാനം ചെയ്‌ത ‘ഗുവ ഗോരിങ്ക’ (Love Birds)യിൽ നായികയായാണ്. തെലുങ്കു യുവതാരം സത്യദേവാണ് ചിത്രത്തിൽ പ്രിയയുടെ നായകൻ .സമ്മറിന് റിലീസാകേണ്ടിയിരുന്ന പ്രിയാ ലാലിൻ്റെ ഈ  തെലുങ്കു  അരങ്ങേറ്റ സിനിമ കോവിഡ് ലോക്ക് ഡൗൺ കാരണം വൈകി. ഡിസംബർ 17ന്  ആമസോൺ പ്രൈമിലൂടെ ‘ഗുവ ഗോരിങ്ക ‘ റിലീസാവുകയാണ്. അതിൻ്റെ ത്രില്ലിലാണ് പ്രിയ. പ്രണയ കഥയെ അവലംബമാക്കിയുള്ള ചിത്രത്തിൻ്റെ ട്രെയിലറിനും ഗാനങ്ങൾക്കും  ആരാധകർക്കിടയിൽ വലിയ സ്വീകരണമാണ് ലഭിച്ചത്, ഇത് അണിയറ പ്രവർത്തകരിലും ആത്മ വിശ്വാസം വര്ധിച്ചിരിക്കയാണ്.                                              

    “തമിഴ് ,തെലുങ്കു സിനിമയിൽ നിന്നും ഒട്ടനവധി ഓഫറുകൾ വരുന്നുണ്ടെങ്കിലും എണ്ണത്തിൽ കുറച്ചു സിനിമകൾ ചെയ്‌താലും പ്രേക്ഷക മനസ്സിൽ തങ്ങി നിൽക്കുന്ന നല്ല കഥയും ,കഥാപാത്രങ്ങളും തിരഞ്ഞെടുത്തു ചെയ്യണമെന്നാണ് ആഗ്രഹിക്കുന്നത് ” എന്ന് തന്റെ നയം വ്യക്തമാക്കുന്നു                  

സി കെ .അജയ് കുമാർ , പി ആർ ഒ 

English : Priya Lal’s Telugu debut film Guwahati to be screened

മെഗാസ്റ്റാറിന്റെ പ്രായം റിവേഴ്സ് ഗിയറില്‍ ആണെന്നാണ് പ്രേക്ഷകരുടെ പക്ഷം. ഇത് ആരാധകരെ ആവേശത്തിലാക്കാറുമുണ്ട്. ഒരു അപൂര്‍വ്വ ചിത്രമാണ് സോഷ്യല്‍ മീഡിയയില്‍ ഇപ്പോള്‍ വൈറലായിക്കൊണ്ടിരിക്കുന്നത്. 1988-ല്‍ പുറത്തിറങ്ങിയ മനു അങ്കിള്‍ എന്ന സിനിമയില്‍ മമ്മൂട്ടിക്കൊപ്പം അഭിനയിച്ച ബാലതാരങ്ങളില്‍ ഒരാളെയും മമ്മൂട്ടിയെയും താരതമ്യം ചെയ്തുള്ള പോസ്റ്റാണ് ചര്‍ച്ചയാകുന്നത്. കുര്യച്ചന്‍ ചാക്കോ എന്ന താരത്തിന്റെ ഇപ്പോഴുള്ള ചിത്രവും മമ്മൂട്ടിയുടെ ചിത്രവും താരതമ്യം ചെയ്യുകയാണ് സോഷ്യല്‍ മീഡിയ. മമ്മൂട്ടി അന്നത്തേക്കാള്‍ ചെറുപ്പമായി എന്നാണ് ആരാധകര്‍ പറയുന്നത്. എന്നാല്‍ ചിത്രത്തിന് നേരെ വരുന്ന ബോഡി ഷെയ്മിംഗ് കമന്റുകള്‍ക്കെതിരെ വിമര്‍ശനങ്ങളും ഉയരുന്നുണ്ട്. ഒറിജിനല്‍ പച്ച എലിയെ കൊടുത്ത് സുരേഷേട്ടനെ കൊണ്ട് കടിപ്പിച്ചു; വെളിപ്പെടുത്തലുമായി പ്രൊഡക്ഷന്‍ കണ്‍ട്രോളര്‍ ഒരാളെ തരംതാഴ്ത്തി കൊണ്ടല്ല മറ്റൊരാളെ പുകഴ്ത്തേണ്ടത് എന്നാണ് ചിലര്‍ ചൂണ്ടിക്കാട്ടുന്നത്. മമ്മൂട്ടി മേക്കപ്പിലാണ് പിടിച്ച് നില്‍ക്കുന്നത്, മഴ നനഞ്ഞാലോ കഴുകിയാലോ പോകുന്നതാണ് ആ സൗന്ദര്യം എന്നും ചിലര്‍ വിമര്‍ശിക്കുന്നുണ്ട്. അതേസമയം, കുര്യച്ചന്റെ അഭിമുഖവും ശ്രദ്ധ നേടുന്നുണ്ട്. സൈക്കിള്‍ ചവിട്ടാന്‍ അറിയാവുന്ന കുട്ടികളെ വേണം എന്ന പത്രപരസ്യം കണ്ടാണ് എട്ടാം ക്ലാസുകാരനായ തന്നെ വീട്ടുകാര്‍ ഓഡിഷന് കൊണ്ടു പോയത്. അങ്ങനെ സിനിമയുടെ ഭാഗമായി. ഇപ്പോഴും മമ്മൂട്ടിയെ കണ്ടാല്‍ ഓടിച്ചെന്ന് സംസാരിക്കുമെന്നും അദ്ദേഹം തിരിച്ചറിയാറുണ്ടെന്നുമാണ് കുര്യച്ചന്‍ ഒരു അഭിമുഖത്തില്‍ പറയുന്നത്.

English : Manu Uncle was young and the child grew up ‘; Fans comparing the look

ഐഡിയ സ്റ്റാർ സിംഗർ എന്ന ഒറ്റ റിയാലിറ്റി ഷോയിലൂടെ മലയാളി പ്രേക്ഷകരുടെ പ്രിയ താരമായ ആളാണ് അമൃത സുരേഷ്. അമൃതയുടെ ജീവിതം തന്നെ പാടേ മാറ്റിമറിച്ചത് ഐഡിയ സ്റ്റാർ സിംഗർ ആയിരുന്നു. സ്പെഷ്യൽ ഗസ്റ്റായി എത്തിയ ബാല തന്റെ ജീവിതത്തിലേക്ക് വന്നതും, നാടറിയുന്ന ഗായികയായി അമൃത വളർന്നതും ഇതേ റിയാലിറ്റി ഷോയിലൂടെ ആയിരുന്നു. ഇപ്പോൾ സംഗീത രംഗത്തും ഫാഷൻ രംഗത്തും വ്ളോഗിങ്ങിലും താരം സജീവമാണ്.

അമൃത യുടെ ഏറ്റവും ഒടുവിലത്തെ ഫോട്ടോഷൂട്ട് ഏറെ ശ്രദ്ധിക്കപ്പെട്ടിരുന്നു. വിവിധ ഗെറ്റപ്പുകളിൽ ആണ് ഇപ്പോൾ അമൃത ഫോട്ടോഷൂട്ടിൽ നിറയുന്നത്. വിവിധ അഭിപ്രായങ്ങൾ ആണ് ആരാധകർ പങ്ക് വയ്ക്കുന്നതും. കഴിഞ്ഞ ദിവസം അമൃത പങ്കിട്ട ചില ചിത്രങ്ങളും അതിനു വന്ന ഒരു കമന്റും ആണ് ഇപ്പോൾ ശ്രദ്ധിക്കപ്പെടുന്നത്.അമൃതയുടെ പുതിയ ലുക്കിലുള്ള ചിത്രങ്ങൾക്ക് നിറഞ്ഞ കൈയ്യടിയും ഒപ്പം, വിമർശനങ്ങളും ലഭിക്കുന്നുണ്ട്.

ബിഗ് ബോസിൽ എത്തിയപ്പോൾ ഞങ്ങൾ മനസിലാക്കിയതാണ് അമൃതയെ. ഏത് സ്ത്രീയും ഐശ്വര്യ റായിയാക്കുന്ന മാന്ത്രിക വിദ്യ. അതാണ് മേക്കപ്പ് തുടങ്ങിയ കമന്റുകൾ ലഭിക്കുമ്പോൾ അമൃതയെ അനുകൂലിച്ചുകൊണ്ടാണ് നിരവധി പേർ രംഗത്ത് എത്തുന്നത്. ഇതിനൊക്കെ അസൂയപ്പെടാനോ??കഷ്ടം…. വേറെ എന്തൊക്കെ യുണ്ട് അസൂയപ്പെടാൻ എന്നാണ് ചിലർ കമന്റുകളിലൂടെ ചോദിക്കുന്നത്!

English Summary : Viral comments about amritha suresh photos

ലേഡി സൂപ്പർസ്റ്റാർ നയന്‍താരയും, മലയാളത്തിന്റെ ചോക്ലേറ്റ് ഹീറോ കുഞ്ചാക്കോ ബോബനും ആദ്യമായി ഒന്നിക്കുന്ന ‘നിഴല്‍’ എന്ന ചിത്രത്തിന്റെ ചിത്രീകരണം പുരോഗമിക്കുന്നു.ത്രില്ലർ പശ്ചാത്തിലൊരുക്കുന്ന ചിത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.രാജ്യാന്തര പുരസ്കാരങ്ങളും സംസ്ഥാന സർക്കാറിന്റെ അം​ഗീകാരങ്ങളും നേടിയിട്ടുള്ള എഡിറ്റർ അപ്പു എന്‍. ഭട്ടതിരി ആദ്യമായി സംവിധാനം ചെയ്യുന്ന ചിത്രമാണിത്. ചിത്രത്തിന്റെ തിരക്കഥ ഒരുക്കുന്നത് എസ്. സഞ്ജീവാണ്.ആന്‍റോ ജോസഫ് ഫിലിം കമ്പനി, മെലാഞ്ച് ഫിലിം ഹൗസ്, ടെന്‍റ്പോള്‍ മൂവീസ് എന്നിവയുടെ ബാനറുകളില്‍ ആന്‍റോ ജോസഫ്, അഭിജിത്ത് എം പിള്ള, ബാദുഷ, സംവിധായകൻ ഫെല്ലിനി ടി.പി, ജിനേഷ് ജോസ് എന്നിവർ ചേർന്നാണ് ചിത്രത്തിന്‍റെ നിര്‍മ്മാണം.

ലവ് ആക്ഷന്‍ ഡ്രാമ’യ്ക്കു ശേഷം നയന്‍താര മലയാളത്തില്‍ അഭിനയിക്കുന്ന ചിത്രം എന്ന പ്രത്യേകതയും ‘നിഴലി’നുണ്ട്.പൂര്‍ണ്ണമായും എറണാകുളമാണ് ലൊക്കേഷന്‍. 45 ദിവസത്തെ ഷൂട്ടിംഗ് ആണ് പ്ലാന്‍ ചെയ്തിരിക്കുന്നത്. സുധീഷ്,അനീഷ്,പ്രശാന്ത് നാരായണൻ ,ഡോ. റോണി, ദിവ്യപ്രഭ എന്നിവരാണ് മറ്റ് അഭിനേതാക്കള്‍.ചിത്രത്തിന്റെ ഫസ്റ്റ്ലുക്ക്,സെക്കന്റ് ലുക്ക് പോസ്റ്ററുകൾ ഇതിനോടകം പ്രേക്ഷകശ്രദ്ധ ആകർഷിച്ചിരുന്നു.
ഛായാഗ്രഹണം ദീപക് ഡി മേനോന്‍. സംഗീതം സൂരജ് എസ് കുറുപ്പ്. സംവിധായകനൊപ്പം അരുണ്‍ലാല്‍ എസ്.പിയും ചേര്‍ന്നാണ് എഡിറ്റിംഗ് നിര്‍വ്വഹിക്കുന്നത്. വസ്ത്രാലങ്കാരം സ്റ്റെഫി സേവ്യര്‍.അഭിഷേക് എസ് ഭട്ടതിരി സൗണ്ട് ഡിസൈനിംഗ്, നാരായണ ഭട്ടതിരി ടൈറ്റിൽ ഡിസൈൻ, മേക്കപ്പ് റോണക്സ് സേവ്യർ.പ്രൊഡക്ഷൻ ഡിസൈൻ സുഭാഷ് കരുൺ, ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ ഡിക്‌സണ്‍ പൊഡുത്താസ്, പ്രൊഡക്ഷൻ എക്സിക്യൂട്ടീവ് രാജീവ് പെരുമ്പാവൂർ, ചീഫ് അസോസിയേറ്റ് ഡയറക്ടര്‍ ഉമേഷ് രാധാകൃഷ്ണന്‍,പി.ആർ.ഓ: പി.ശിവപ്രസാദ്, ജിനു വി നാഥ്, കുഞ്ഞുണ്ണി സി.ഐ എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്,ഫിനാൻസ് കൺട്രോളർ ഉദയൻ കപ്രശ്ശേരി.
ശിവപ്രസാദ് ഒറ്റപ്പാലം

English : Nayanthara-Kunchacko Boban movie ‘Nizhal’; Filming is in progress

എം കെ പ്രൊഡക്ഷൻസിന്റെ ബാനറിൽ റെനീഷ് മുഹമ്മദ് വാടാനപ്പള്ളി നിർമ്മിച്ച് റഫീഖ് പട്ടേരി രചന നിർവ്വഹിക്കുന്ന “ദി ഗെയിം ” എന്ന ഹ്രസ്വചിത്രം സംവിധാനം ചെയ്യുന്നത് നൈഷാബ് .സി ആണ്.

പ്രശസ്ത ചലച്ചിത്ര നടന്മാരും തിരക്കഥാകൃത്തുക്കളുമായ വിഷ്ണു ഉണ്ണികൃഷ്ണൻ , ബിബിൻ ജോർജ് , പ്രശസ്ത പ്രൊഡക്ഷൻ കൺട്രോളർ ബാദുഷ തുടങ്ങിയവരുടെ എഫ് ബി പേജുകളിലൂടെയാണ് ചിത്രത്തിന്റെ ആദ്യ പോസ്റ്റർ റിലീസ് ചെയ്തത്. ട്രെയിലർ റിലീസ്, ഫ്ളവേഴ്സ് ടീവി കോമഡി ഉത്സവം ആർട്ടിസ്റ്റ് അൻഷാദ് അലിയുടെ ഫേസ്ബുക്ക് വഴിയും ചിത്രത്തിന്റെ റിലീസ്, പ്രശസ്ത താരം ആസിഫ് അലി, പ്രൊ.. കൺട്രോളർ ബാദുഷ എന്നിവരുടെ എഫ് ബി പേജുകളിലൂടെയുമായിരുന്നു.

ഗ്രാമീണജീവിതങ്ങളുടെ ഉൾതുടിപ്പുകൾ തിരിച്ചറിയുന്ന ജോസഫേട്ടന്റെ ചായക്കട. പുതിയ തലമുറയിലെ ഹൈടെക്കായ കുട്ടികളും ആ ഗ്രാമത്തിലുണ്ട്. അവരുടെ ചിന്തകളും പ്രവർത്തികളും സ്വാഭാവികമായും അൽപ്പം ഹൈടെക്ക് തന്നെയാകും. ഇന്റർനെറ്റിന്റെ പരിമിതികളില്ലാത്ത സാധ്യതകൾ, നന്മതിന്മകളുടെ സമ്മിശ്രലോകമാണ് അവർക്ക് മുന്നിൽ തുറന്നിട്ടിരിക്കുന്നത്. അവനവന്റെ കഴിവിൽ വിശ്വാസമുള്ള കുട്ടികൾ ഒരുങ്ങുകയാണ് പുതിയ കളിക്കായി . നമുക്ക് കാത്തിരിക്കാം …..

ശിവജി ഗുരുവായൂർ , അൻഷാദ് അലി , ലത്തീഫ് കുറ്റിപ്പുറം, ഓ.കെ. രാജേന്ദ്രൻ , സലാം മലയംകുളത്തിൽ, ജാൻ തൃപ്രയാർ, അർജുൻ ഇരിങ്ങാലക്കുട, ചാൾസ് എറണാകുളം, മിഥിലാജ് മൂന്നാർ, സുഫിയാൻ മാറഞ്ചേരി, നൗഷാദ്, ഇസ്റ , ഇൻഷ എന്നിവരഭിനയിക്കുന്നു.

ബാനർ – എം കെ പ്രൊഡക്ഷൻ, നിർമ്മാണം – റെനീഷ് മുഹമ്മദ് വാടാനപ്പള്ളി, സംവിധാനം – നൈഷാബ് സി, തിരക്കഥ, സംഭാഷണം – റഫീഖ് പട്ടേരി, കഥാതന്തു – നിഷാദ് എം കെ, ഛായാഗ്രഹണം – ലത്തീഫ് മാറാഞ്ചേരി, എഡിറ്റിംഗ് – താഹിർ , പ്രൊഡക്ഷൻ കൺട്രോളർ – റഫീഖ് എം, പശ്ചാത്തലസംഗീതം – എം ടി ശ്രുതികാന്ത്, ശബ്ദലേഖനം – ആദിസ്നേവ് , റിക്കോർഡിസ്റ്റ് – റിച്ചാർഡ് അന്തിക്കാട്, സ്‌റ്റുഡിയോ – ചേതന മീഡിയ തൃശൂർ, അസി: ക്യാമറാമാൻ – ആസാദ്, വി എഫ് എക്സ്- അനീഷ് വന്നേരി ( എ.വി. മീഡിയ, ദുബായ്) , ചമയം – സുധീർ കൂട്ടായി , സഹസംവിധാനം – റസാഖ് സെക്കോറം , സംവിധാന സഹായികൾ – ഷെഫീർ വടക്കേകാട് , ഷെബി ആമയം, സ്റ്റിൽസ് – രദുദേവ്, ഡിസൈൻസ് – ജംഷീർ യെല്ലോക്യാറ്റ്സ്, പി ആർ ഓ – അജയ് തുണ്ടത്തിൽ.

English : The Game (short film by Nishab C)

സൂരറൈ പോട്ര്’ സിനിമ കണ്ടിറങ്ങിയ ആര്‍ക്കും ബൊമ്മി എന്ന കഥാപാത്രത്തെ മറക്കാനാവില്ല. അത്രയ്ക്ക് മനോഹരമായി അപര്‍ണ ബാലമുരളി ആ വേഷം കൈകാര്യം ചെയ്തു. സൂര്യയുടെയും ഉര്‍വശിയുടെയും പ്രകടനത്തോട് കിട പിടിക്കുന്ന പെര്‍ഫോമന്‍സ് തന്നെയായിരുന്നു അപര്‍ണയും ചിത്രത്തില്‍ കാഴ്ച വച്ചത്. ബഡ്ജറ്റ് ഏവിയേഷന്‍ അഥവാ ബഡ്ജറ്റ് എയര്‍ ലൈനുകള്‍കള്‍ക്ക് ഇന്ത്യയില്‍ തുടക്കം കുറിച്ച ക്യാപ്റ്റന്‍ ഗോപിനാഥിന്റെ ജീവിതകഥ പറഞ്ഞ ചിത്രത്തില്‍ ഗോപിനാഥിന്റെ ഭാര്യ ഭാര്‍ഗവിയുടെ വേഷത്തിലാണ് അപര്‍ണ എത്തിയത്.

അസാധ്യമെന്നു തോന്നിപ്പിക്കുന്ന ഒരു വലിയ സ്വപ്നത്തിനു പിന്നാലെയുള്ള ക്യാപ്റ്റന്‍ ഗോപിനാഥിന്റെ കഠിനയാത്രയില്‍ ഉടനീളം താങ്ങായി നിന്നത് ഭാര്‍ഗവി ഗോപിനാഥ് ആയിരുന്നു. ‘ബണ്‍ വേള്‍ഡ്’ അയ്യങ്കാര്‍ ബേക്കറി എന്ന പേരില്‍ സ്വന്തമായൊരു ബേക്കറി തുടങ്ങുകയും അതിനെ വലിയൊരു സംരഭമായി വളര്‍ത്തി കൊണ്ടുവരികയും ചെയ്ത ഭാര്‍ഗവി, ഗോപിനാഥിന്റെ ജീവിതയാത്രയില്‍ പകര്‍ന്ന കരുത്ത് ചെറുതല്ല.

ഭാര്‍ഗവിയുടെ ബണ്‍ വേള്‍ഡിന് 25 വയസ്സ് പൂര്‍ത്തിയായ സന്തോഷം പങ്കുവയ്ക്കുകയാണ് ക്യാപ്റ്റന്‍ ഗോപിനാഥ്. സ്വപ്നം പാതി വഴിയില്‍ ഉപേക്ഷിക്കാതെ സാക്ഷാത്കരിച്ച തന്റെ ജീവിതപങ്കാളിയെ അഭിനന്ദിക്കുകയാണ് ഗോപിനാഥ് ട്വീറ്റില്‍. മല്ലേശ്വരത്തും ബാംഗ്ലൂരിലുമെല്ലാം ശാഖകളുള്ള ബണ്‍ വേള്‍ഡ് ഏറെ പ്രശസ്തമായ ബേക്കറി ശൃംഖലകളില്‍ ഒന്നാണ്.

പല്ലവി, കൃതിക എന്നിങ്ങനെ രണ്ടു പെണ്‍ണ്‍മക്കളാണ് ഗോപിനാഥ്- ഭാര്‍ഗവി ദമ്പതികള്‍ക്ക് ഉള്ളത്. ഇരുവരും അച്ഛന്റെ വഴിയെ ഏവിയേഷന്‍ മേഖലയിലാണ് പ്രവര്‍ത്തിക്കുന്നത്. ഫ്രാന്‍സില്‍ നിന്നും എയ്‌റോസ്‌പേസില്‍ എംബിഎ എടുത്ത പല്ലവി ഇപ്പോള്‍ ഡെക്കാന്‍ 360യിലെ ബിസിനസ്സ് ഡെവലപ്പ്‌മെന്റ് കാര്യങ്ങള്‍ നോക്കി നടത്തുകയാണ്. ഡെക്കാന്‍ ചാര്‍ട്ടേഴ്‌സ് ലിമിറ്റഡിലാണ് ഇളയമകള്‍ കൃതിക ജോലി ചെയ്യുന്നത്.

English Summary : Soorarai Pottru, Bommy’s Bakery is 22 years old

നടന്‍ മുസ്തഫ സംവിധാനം ചെയ്ത ആദ്യ ചിത്രം ‘കപ്പേള’ തെലുങ്കിലേക്ക്. ബാലതാരമായെത്തിയ നടി അനിഖ സുരേന്ദ്രനാണ് ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത്. മലയാളത്തില്‍ അന്ന ബെന്‍ അവതരിപ്പിച്ച കഥാപാത്രത്തെയാണ് അനിഖ തെലുങ്കില്‍ അവതരിപ്പിക്കുന്നത്. അനിഖ ആദ്യമായി നായികയായെത്തുന്ന ചിത്രം കൂടിയാണിത്.

സിത്താര എന്റര്‍ടെയിന്‍മെന്റ്സ് ആണ് ചിത്രം നിര്‍മ്മിക്കുന്നത്. ചിത്രം സംബന്ധിച്ച മറ്റ് വിവരങ്ങള്‍ ഉടന്‍ തന്നെ അണിയറപ്രവര്‍ത്തകര്‍ പുറത്തുവിടുമെന്നാണ് വിവരം. അന്ന ബെന്‍, റോഷന്‍, ശ്രീനാഥ് ഭാസി എന്നിവര്‍ പ്രധന വേഷത്തില്‍ എത്തിയ കപ്പേള, നെറ്റ്ഫ്‌ളിക്‌സില്‍ റിലീസിന് ശേഷം വന്‍ വിജയമായിരുന്നു.

English Summary : Movie kappela in telugu, Anika in the role of Anna Benn