തിരുവനന്തപുരം :  സിനിമ  പ്രൊഡക്ഷൻ കൺട്രോളർ എസ്‌.  മുരുകന്റെയും  അമുത മുരുകന്റെയും മകൾ അഞ്ജലി വിവാഹിതയായി. കൊല്ലം കൊട്ടാരക്കര കലയപുരം പാറയ്ക്കൽവീട്ടിൽ ദേവദാസിന്റെയും ലീലാകുമാരിയുടെയും മകൻ  നിധിൻ ആണ്  വരൻ.  തിരുവനന്തപുരം വഴുതക്കാട് കോട്ടൺഹിൽ മൗണ്ട് കാർമൽ  കൺവെൻഷൻ സെന്ററിൽ വച്ചായിരുന്നു വിവാഹ ചടങ്ങുകൾ. 

ചലച്ചിത്ര  രംഗത്തുനിന്നും  എം. മണി,  ജി. സുരേഷ് കുമാർ, മണിയൻപിള്ള രാജു ,  ഷാജി കൈലാസ്‌,  എം.  രഞ്ജിത്ത്,  രഘു ചന്ദ്രൻ,  ബി. രാകേഷ്,   ബൈജു  സന്തോഷ്‌,  കല്ലിയൂർ  ശശി, ദിനേശ് പണിക്കർ, തുളസീദാസ് , ടി. എസ്. സുരേഷ്ബാബു,  ഷിബു ഗംഗാധരൻ,  ജീവൻ,  മണിക്കുട്ടൻ,  ഇന്ദ്രൻസ് ജയൻ, ശാന്തിവിള ദിനേശ് , ബോബൻ, നിരഞ്ജൻ, സന്ദീപ് സേനൻ,  അനീഷ് എം. തോമസ്, സഞ്ജിത,  ജയന്തി നരേന്ദ്രൻ,  രാമു  മംഗലപ്പള്ളി, രാകേഷ് ഗോപൻ,  രതീഷ് നെടുമങ്ങാട്,  ഗോപൻ ശാസ്തമംഗലം,  പ്രദീപ് രംഗൻ,  കെ. ജി. നായർ, അരുൺ രാമചന്ദ്രൻ,  ജി. എസ്‌. വിജയ്,  ബാബു  അരോമ, ഡെഗ്ലസ് , , ഷെബി  ഷൗക്കത്ത് , കുടപ്പനക്കുന്ന്  രാജീവ്,  നെബു, അനു പള്ളിച്ചൽ, റഹിം  പനവൂർ, മനോജ്‌  ഗോപിനാഥ്,  കണ്ണൻ  തിരുമല, രഞ്ജിത്ത്,    റിയാസ് തുടങ്ങി നിരവധി പേർ പങ്കെടുത്തു. 

 കോവിഡ് സാഹചര്യത്തിൽ സാമൂഹിക അകലം പാലിച്ചായിരുന്നു ചടങ്ങ് നടന്നത്.      നടന്മാരായ ഇന്ദ്രൻസ്,  വിജയകുമാർ തുടങ്ങിയവർ  വധുവിന്റെ  വീട്ടിലെത്തി ആശംസകൾ അറിയിച്ചിരുന്നു.    അഞ്ജലി ബി സി എ പഠനം പൂർത്തിയാക്കിയിട്ടുണ്ട്.ന്യൂയോർക്കിൽ കാർഡിയോളജി  വിദ്യാർത്ഥിയാണ്   നിധിൻ. അശ്വിൻ  ആണ് അഞ്ജലിയുടെ  അനുജൻ. കമ്പ്യൂട്ടർ  എഞ്ചിനീയറിംഗ് മൂന്നാം വർഷ വിദ്യാർത്ഥിയാണ്  അശ്വിൻ. 

റഹിം  പനവൂർ 
പി  ആർ  ഒ 

English : Film Production Controller S‌. Murugan’s daughter Anjali got married

രാജ്യത്ത്‌ കോവിഡ്‌ സാഹചര്യം നിയന്ത്രണാതീതമെന്ന്‌ സുപ്രീംകോടതി. വരും മാസങ്ങളിൽ സ്ഥിതി കൂടുതൽ വഷളാകാമെന്നും സംസ്ഥാനസർക്കാരുകൾ അടിയന്തര സാഹചര്യങ്ങൾ നേരിടാൻ തയ്യാറാകണമെന്നും- ജസ്‌റ്റിസ്‌ അശോക്‌ഭൂഷൺ അധ്യക്ഷനായ മൂന്നംഗബെഞ്ച്‌ മുന്നറിയിപ്പ്‌ നൽകി.
എവിടെയാണ്‌ പിഴവുകൾ പറ്റിയതെന്നതിൽ സൂക്ഷ്‌മപരിശോധന നടക്കണം. വരുംമാസങ്ങളിൽ സാഹചര്യം കൂടുതൽ മോശമാകാനാണ്‌ സാധ്യതയെന്ന്‌ എല്ലാവരും ഓർക്കണം.  ഡൽഹിയിൽ രണ്ടാഴ്‌ചയായി മരണം വല്ലാതെ വർധിച്ചു‌. ഗുജറാത്ത്‌, മഹാരാഷ്ട്ര, അസം തുടങ്ങിയ സംസ്ഥാനങ്ങളിൽ സ്ഥിതി മോശമാണ്‌.

സർക്കാരുകൾ എന്തൊക്കെ നടപടി സ്വീകരിച്ചെന്ന്‌ ഞങ്ങൾക്ക്‌ അറിയണമെന്നും സുപ്രീംകോടതി നിരീക്ഷിച്ചു. കോവിഡ്‌ വിഷയത്തിൽ സുപ്രീംകോടതി സ്വമേധയാ എടുത്ത കേസിലാണ്‌ മൂന്നംഗബെഞ്ചിന്റെ ശ്രദ്ധേയ നിരീക്ഷണം‌. വ്യാഴാഴ്‌ചയ്‌ക്കുള്ളിൽ സംസ്ഥാനങ്ങളും കേന്ദ്രസർക്കാരും തൽസ്ഥിതി റിപ്പോർട്ട്‌ സമർപ്പിക്കണം. വെള്ളിയാഴ്‌ച കേസിൽ വാദംകേൾക്കൽ തുടരും.

‘എന്താണ്‌ ഗുജറാത്തിൽ സംഭവിക്കുന്നത്‌’കോവിഡ്‌ സാഹചര്യം വഷളായിട്ടും നടപടികൾ സ്വീകരിക്കാത്ത ഗുജറാത്ത്‌ സർക്കാരിന്‌ സുപ്രീംകോടതിയുടെ രൂക്ഷവിമർശം. ഡൽഹിയും മഹാരാഷ്ട്രയും കഴിഞ്ഞാൽ ഗുജറാത്തിലാണ്‌ കോവിഡ്‌ ഗുരുതരം. എന്താണ്‌ അവിടെ സംഭവിക്കുന്നത്‌? മഹാമാരി തടയാൻ എന്താണ്‌ നിങ്ങളുടെ നയം? വിവാഹങ്ങൾക്കും ഘോഷയാത്രകൾക്കും രാഷ്ട്രീയ പരിപാടികൾക്കും നിയന്ത്രണങ്ങൾ ഏർപ്പെടുത്താത്തത്‌ എന്തുകൊണ്ടാണ്‌? –- സുപ്രീംകോടതി ചോദിച്ചു.

English Summary : The Supreme Court has ruled that the covid situation in the country is out of control

ഓക്‌സ്‌ഫഡ്‌ കോവിഡ്‌ വാക്‌സിൻ പരീക്ഷണം ഇന്ത്യയിൽ പൂർത്തിയായി. നിയന്ത്രണ അതോറിറ്റിയുടെ അനുമതി ലഭിച്ചാൽ പുനെ സെറം ഇൻസ്‌റ്റിറ്റ്യൂട്ട്‌ ലൈസൻസിങ്‌ നടപടികളിലേക്ക്‌ കടക്കും. ജനുവരിയോടെ ഇന്ത്യയിൽ നൂറ് മില്യൺ കൊവിഷീൽഡ് (കൊവിഡ് വാക്‌സിൻ) ലഭ്യമാകുമെന്ന് സെറം ഇൻസ്റ്റിറ്റ്യൂട്ട് സിഇഒ അദർ പൂനവാല അറിയിച്ചു. ഓക്‌സ്‌ഫഡ്‌ സർവകലാശാലയും അസ്‌ട്രാസെനക്കയും ചേർന്ന്‌ തയ്യാറാക്കുന്നതാണ്‌  കൊവീഷീൽഡ്‌ വാക്‌സിൻ .

അതേസമയം മുൻഗണനാടിസ്‌ഥാനത്തിൽ ആർക്കെല്ലാം വാക്‌സിൻ ആദ്യം ലഭ്യമാക്കണമെന്ന കാര്യത്തിൽ ഇന്ന്‌ തീരുമാനമുണ്ടാകും. കോവിഡ്‌ രൂക്ഷമായ സംസ്‌ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ഇന്ന്‌ ചർച്ച നടത്തും. ആരോഗ്യ പ്രവർത്തകർ ഉൾപ്പെടുന്ന കോവിഡ്‌ മുൻനിര പോരാളികൾക്ക്‌ ആദ്യഡോസ്‌ വാക്‌സിൻ എത്തിക്കും.

സ്വകാര്യ മാർക്കറ്റിൽ 1000 രൂപയാകും കൊവിഡ് വാക്‌സിന്റെ വില. ആയിരം ഒരു ഡോസിന് 250 രൂപ എന്ന നിരക്കിൽ സപ്ലൈയുടെ 90 ശതമാനവും സർക്കാർ വാങ്ങുമെന്നും പൂനവാല പറഞ്ഞു. ജൂലൈയോടെ 300 മുതൽ 400 മില്യൺ വരെ വാക്‌സിൻ ഡോസുകൾ തയാറാക്കണമെന്നാണ് സർക്കാർ നിർദേശിച്ചിരിക്കുന്നത്. രണ്ടോ മുന്നോ മാസങ്ങൾക്ക് ശേഷം ഇന്ത്യയിലെ ജനങ്ങൾക്ക് വാക്‌സിൻ ലഭ്യമാകുമെന്നും പൂനവാല പറഞ്ഞു. വാക്‌സിൻ ഉപയോഗിച്ച വ്യക്‌തികളിൽ ഗുരുതര പ്രത്യാഘാതങ്ങൾ ഇല്ലെന്നും അദ്ദേഹം പറഞ്ഞു.

മാർച്ച് മാസത്തിന് ശേഷമാകും സ്വകാര്യ വിപണിയിൽ വാക്‌സിൻ ലഭ്യമാകുക. അതുവരെ സർക്കാർ വിതരണത്തിലാകും വാക്‌സിൻ.

English Summary : covid vaccine trial completed in India; First to the health workers.

കേരളത്തിൻ്റെ വികസന ചരിത്രത്തിൽ പുതിയ ഏടായി മാറുന്ന ഗെയ്ൽ പൈപ്പ് ലൈൻ  കമ്മീഷൻ ചെയ്തതായി മുഖ്യമന്ത്രി പിണറായി വിജയൻ അറിയിച്ചു. കൊച്ചി – മംഗലാപുരം പ്രകൃതി വാതക പൈപ്പ്ലൈൻ ആണ് കമ്മീഷൻ ചെയ്തത്. കൊച്ചിയിൽ നിന്നുള്ള പ്രകൃതി വാതകം മംഗലാപുരത്ത് എത്തി തുടങ്ങി.

മംഗലാപുരത്ത് മാംഗ്ലൂർ കെമിക്കൽസ് & ഫെർട്ടിലൈസേഴ്സിന് (MCF) ഇന്ന് മുതൽ പ്രകൃതി വാതകം നൽകി തുടങ്ങുമെന്നാണ് അറിയിച്ചിരിക്കുന്നത്. MRPL, OMPI എന്നീ കമ്പനികൾക്ക് പ്രകൃതി വാതകം നൽകുന്നതിനുള്ള പണികൾ അന്തിമ ഘട്ടത്തിലാണ്‌.

കേരളത്തിൽ പൈപ്പ് ലൈൻ കടന്നു പോകുന്ന സ്ഥലങ്ങളിൽ വീടുകൾക്കും, വാഹനങ്ങൾക്കും, വ്യവസായശാലകൾക്കും ചിലവ് കുറഞ്ഞ ഇന്ധനം ലഭ്യമാകുന്ന സാഹചര്യവും ഒരുങ്ങുകയാണ്. വീടുകൾക്കും വാഹനങ്ങൾക്കും ഇന്ധനം വിതരണം ചെയ്യുന്ന സിറ്റി ഗ്യാസ് വിതരണ ശൃംഗല (CGD ) പൈപ് ലൈൻ വിന്യാസം പൂർത്തിയാകുന്നതോടെ യാഥാർത്ഥ്യമാകും.

English Summary : Gail Pipe line news

സരിഗമപ വിജയ് ലിബിന്‍ സ്‌കറിയ വിവാഹിതനായി. ആഴ്ചകള്‍ക്ക് മുന്‍പാണ് സേവ് ദി ഡേറ്റ് ചിത്രങ്ങളുമായി ലിബിനെത്തിയത്. തുടക്കത്തില്‍ ആല്‍ബത്തിന്റെ ഭാഗമാണെന്ന് എല്ലാവരും കരുതിയെങ്കിലും തന്റെ വിവാഹമാണെന്ന് അഭിമുഖത്തിലൂടെ ലിബിന്‍ വ്യക്തമാക്കുകയായിരുന്നു. ഇന്നലെയായിരുന്നു വിവാഹം. ഹൈക്കോടതി ഉദ്യോഗസ്ഥയായ അല്‍ഫോണ്‍സ തെരേസയാണ് വധു. ഈ മാസം 19 നായിരുന്നു ഇരുവരുടെയും മനസമ്മതം. വിവാഹശേഷം വധുവിനൊപ്പം നില്‍ക്കുന്ന ലിബിന്റെ ചിത്രങ്ങള്‍ സമൂഹ മാദ്ധ്യമങ്ങളിലൂടെ പുറത്ത് വന്നിരിക്കുകയാണ്.

നവവധു വരന്മാര്‍ക്ക് ആശംസകളുമായി സുഹൃത്തുക്കളും ആരാധകരുമെല്ലാം എത്തിയിരിക്കുകയാണ്. ലിബിന്‍ വിവാഹിതനാവുന്നു എന്ന വാര്‍ത്ത വന്നത് മുതല്‍ സത്യമാണോ എന്ന സംശയം ഉയര്‍ന്ന് വന്നിരുന്നു. താരത്തിന് വിവാഹപ്രായമായോ എന്ന് ചോദിച്ചവരും ഉണ്ടായിരുന്നു. എന്നാല്‍ യഥാര്‍ഥത്തില്‍ താന്‍ വിവാഹിതനാവുകയാണെന്ന് ഒരു അഭിമുഖത്തില്‍ ലിബിന്‍ പറഞ്ഞിരുന്നു. ‘എനിക്ക് വിവാഹം കഴിക്കാന്‍ ഉള്ള പ്രായമൊക്കെ ആയി. എനിക്ക് 26 വയസും തെരേസക്ക് 24 വയസുമുണ്ട്. ഞങ്ങളെ രണ്ടുപേരെയും കണ്ടാല്‍ പ്രായം തീരെ പറയില്ല എന്ന് എല്ലാവരും പറയാറുണ്ട്. അതുകൊണ്ടു തന്നെ എല്ലാവരും എന്നോട് ചോദിക്കും എന്തിനാണ് ഇത്ര നേരത്തെ വിവാഹം കഴിക്കുന്നത് എന്ന്. ആക്ച്വലി എനിക്ക് വിവാഹം കഴിക്കാന്‍ ഉള്ള പ്രായം ആയി എന്നതാണ് സത്യം.
 തെരേസയുമായി പ്രണയത്തിലായതിന് പിന്നിലെ കഥയും അഭിമുഖത്തില്‍ ലിബിന്‍ പറഞ്ഞിരുന്നു. സരിഗമപയിലെ എന്റെ പാട്ടുകളൊന്നും തെരേസ കാണാറില്ലായിരുന്നു. അവളുടെ മമ്മി ആയിരുന്നു എന്റെ സ്ഥിരം പ്രേക്ഷക. എന്റെ ഒരു അഭിമുഖം കണ്ടിട്ട് ഇത് ആരാണെന്ന് അറിയാന്‍ വേണ്ടിയാണ് സരിഗമപ കാണുന്നതും എന്നെ കുറിച്ച് അറിയുന്നതും. ഇന്റര്‍വ്യൂയിലെ എന്റെ സ്വഭാവം,  മാനറിസം അതൊക്കെ കണ്ട് ആണ് ഇഷ്ടം ആയതെന്ന് തെരേസ പറഞ്ഞിട്ടുണ്ട്. തെരേസയുടെ ഒരു സുഹൃത്ത് വഴിയാണ് എന്റെ നമ്പര്‍ അവള്‍ക്ക് ലഭിക്കുന്നത്.അങ്ങനെ ആശംസകള്‍ അറിയിക്കാന്‍ ആയിട്ടാണ് ഞങ്ങള്‍ പരസ്പരം കോണ്ടാക്റ്റ് ചെയ്യുന്നത്. പിന്നെ പയ്യെ പയ്യെ സൗഹൃദം ആവുകയും, പ്രണയത്തിലേക്ക് കടക്കുകയുമായിരുന്നു.

English : Sarigamapa winner Libin got married

വീണ്ടും കോവിഡ്‌ ബാധിതരുടെ എണ്ണം കുതിച്ചുയരാൻ തുടങ്ങിയതോടെ പല സംസ്ഥാനങ്ങളും നിയന്ത്രണങ്ങൾ പുനഃസ്ഥാപിച്ചു. നിയന്ത്രണങ്ങളിൽ അയവുവരുത്തിയതാണ്‌ രോഗം വ്യാപിക്കാൻ ഇടയാക്കിയതെന്ന വിമർശം ശക്തമായ സാഹചര്യത്തിലാണ്‌ നടപടി. 

■ഡൽഹിമാസ്‌ക്‌ ധരിക്കാത്തവർക്കും കോവിഡ്‌ നിയമങ്ങൾ ലംഘിക്കുന്നവർക്കും പിഴ 2000 രൂപയാക്കി. വിവാഹചടങ്ങുകൾക്ക്‌ പരമാവധി 50 പേർ മാത്രം. മാർക്കറ്റുകളിൽ നിരീക്ഷണം ശക്തമാക്കി. തൽക്കാലം സമ്പൂർണ അടച്ചുപൂട്ടൽ ഇല്ല.

■ഹരിയാനഗുരുഗ്രാമിൽ എല്ലാ സ്‌കൂളും ഈ മാസം 30 വരെ അടച്ചിടാൻ ഹരിയാന സർക്കാർ നിർദേശം.

■മഹാരാഷ്ട്രബൃഹൻ മുംബൈ മുനിസിപ്പൽ കോർപറേഷനു കീഴിലെ സ്‌കൂളുകൾ ഈ വർഷം തുറക്കില്ല. താനെയിലും സ്‌കൂളുകൾ ഈ വർഷം തുറക്കില്ല. മറ്റിടങ്ങളിൽ സ്‌കൂൾ തുറക്കുന്നതിൽ തദ്ദേശസ്ഥാപനങ്ങൾക്ക്‌ തീരുമാനം എടുക്കാമെന്ന്‌ മഹാരാഷ്ട്രസർക്കാർ. ലോക്കൽ ട്രെയിൻ സർവീസും തൽക്കാലം ഇല്ല.

■ഗുജറാത്ത്‌അഹമ്മദാബാദ്‌, രാജ്‌കോട്ട്‌, സൂറത്ത്‌, വഡോദര എന്നിവിടങ്ങളിൽ വെള്ളിയാഴ്‌ചമുതൽ രാത്രി നിരോധനാജ്ഞ. രാത്രി ഒമ്പതുമുതൽ രാവിലെ ആറുവരെയാണ്‌ നിരോധനാജ്ഞ. മരുന്ന്‌, പാൽ കടകൾക്കുമാത്രമേ ഇളവുള്ളൂ.

■മധ്യപ്രദേശ്‌ഇൻഡോർ, ഭോപാൽ, ഗ്വാളിയോർ, രത്‌ലാം, വിദിഷ എന്നിവിടങ്ങളിൽ രാത്രി 10 മുതൽ രാവിലെ ആറുവരെ നിരോധനാജ്ഞ.  കണ്ടെയ്‌ൻമെന്റ്‌ സോണുകളിൽ അടച്ചുപൂട്ടൽ. മറ്റു ജില്ലകളിലേക്കും സംസ്ഥാനത്തിനു പുറത്തേക്കുമുള്ള  വാഹനഗതാഗതത്തിൽ കർശനനിയന്ത്രണം. ഒന്നുമുതൽ എട്ടുവരെ ക്ലാസുകൾ ഇല്ല. ഒമ്പതുമുതൽ 12 വരെയുള്ള വിദ്യാർഥികൾക്ക്‌ നിബന്ധനകൾ പാലിച്ച്‌ ക്ലാസെടുക്കാം. തിയറ്ററുകളിൽ 50 ശതമാനം ആളുകൾമാത്രം.

■രാജസ്ഥാൻവെള്ളിയാഴ്‌ചമുതൽ നിരോധനാജ്ഞ പ്രഖ്യാപിച്ചു. ജില്ലാ മജിസ്‌ട്രേട്ടുമാർക്ക്‌ 144 പ്രകാരമുള്ള നടപടി സ്വീകരിക്കാൻ സർക്കാർ നിർദേശം നൽകി.

Covid cases rising in India :States tightened control again

രണ്ടില ചിഹ്നവും കേരള കോൺഗ്രസ് (എം) എന്ന പേരും ജോസ്  വിഭാഗത്തിന് അനുവദിച്ച തെരഞ്ഞെടുപ്പ് കമ്മീഷന്റെ ഉത്തരവ് ഹൈക്കോടതി ശരിവെച്ചു. കമ്മീഷന്റെ ഉത്തരവ് ചോദ്യം ചെയ്ത് പി ജെ ജോസഫ് സമർപ്പിച്ച ഹർജി ഹൈക്കോടതി തള്ളി.
ഭരണഘടനാ സ്ഥാപനമായ തെരഞ്ഞെടുപ്പ് കമ്മിഷന്റെ തിരുമാനത്തിൽ ഇടപ്പെടരുതെന്നും കമ്മീഷറേത് ഭൂരിപക്ഷ തീരുമാനമാണമെന്നുമുള്ള ജോസ് കെ മാണിയുടെ വാദം അംഗീകരിച്ചാണ് കോടതിയുടെ ഉത്തരവ്. കമ്മീഷന്റെത് ഏകകണ്ം മായ നീരുമാനമല്ലന്നും ഒരംഗം വിയോജിപ്പ് രേഖപ്പെടുത്തിയെന്നും സംസ്ഥാന കമ്മിറ്റി അംഗങ്ങളുടെ നിലപാടിൽ തെളിവെടുക്കണമെന്ന് നിർദേശിച്ചിരുന്നുവെന്നും ചൂണ്ടിക്കാട്ടിയായിരുന്നു ജോസഫിന്റെ ഹർജി.

Randila Symbol for the Jose Party :Joseph's plea was rejected

തിരുവനന്തപുരം: സംസ്ഥാനത്തെ സിനിമ തീയേറ്ററുകള്‍ ഉടന്‍ തുറക്കില്ല. മുഖ്യമന്ത്രി വിളിച്ചു ചേര്‍ത്ത ചലച്ചിത്ര സംഘടനകളുടെ യോഗത്തിലാണ് ഈ തീരുമാനം എടുത്തത്. കോവിഡ് വ്യാപനം തുടരുന്ന സാഹചര്യത്തിലാണ് തീയേറ്ററുകള്‍ ഉടനെ തുറക്കേണ്ടെന്ന തീരുമാനം വന്നത്.

നിലവിലെ സാഹചര്യം പരിഗണിച്ച് തീയേറ്ററുകള്‍ തുറക്കുന്നത് നീട്ടിവയ്ക്കുന്നതാവും ഉചിതമെന്ന സര്‍ക്കാര്‍ നിര്‍ദേശത്തോട് ചലച്ചിത്ര സംഘടനകളും യോജിക്കുകയായിരുന്നു.  ഫിലിം ചേംബര്‍, ഫിയോക്, പ്രൊഡ്യൂസേഴ്‌സ് അസോസിയേഷന്‍ തുടങ്ങിയ സംഘടനകളുടെ പ്രതിനിധികളും മന്ത്രി എ.കെ. ബാലനും യോഗത്തില്‍ പങ്കെടുത്തു. തീയേറ്ററുകള്‍ തുറക്കുന്ന ഘട്ടം വരുന്‌പോള്‍ വിനോദ നികുതിയില്‍ ഇളവ് അനുവദിക്കണമെന്ന് സംഘടനകള്‍ സര്‍ക്കാരിനോട് ആവശ്യപ്പെട്ടു.

സിനിമ തീയേറ്ററുകള്‍ കൊവിഡ് പ്രോട്ടോക്കോള്‍ പാലിച്ചു കൊണ്ട് തുറക്കുവാന്‍ നേരത്തെ കേന്ദ്രസര്‍ക്കാര്‍ അനുമതി നല്‍കിയിരുന്നു. എന്നാല്‍ സംസ്ഥാനത്തെ തീയേറ്ററുകള്‍ ഉടനെ തുറക്കേണ്ടതില്ലെന്ന നിലപാടാണ് സര്‍ക്കാരും സിനിമ സംഘടനകളും സ്വീകരിച്ചത്. അതേസമയം സമീപ സംസ്ഥാനമായ തമിഴ്‌നാട്ടിലും മറ്റും ഇതിനോടകം തീയേറ്ററുകള്‍ സാധാരണ നിലയില്‍ പ്രവര്‍ത്തനം ആരംഭിച്ചു കഴിഞ്ഞു.

English : Kerala Movie theaters will not open soon