By admin 
മലയാളികളുടെ പ്രിയതാരം ദിലീപിന്റെ മകൾ മീനാക്ഷി ദിലീപിന് ഇന്ന് ഇരുപത്തിയാറാം പിറന്നാൾ. ഇത്തവണത്തെ പിറന്നാൾ ആഘോഷം വിദേശത്താണെന്ന പ്രത്യേകതയുമുണ്ട്. അയർലൻഡിൽ വെച്ച് മകൾക്കൊപ്പം കേക്ക് മുറിച്ച് സന്തോഷം പങ്കിടുന്ന ദിലീപിന്റെ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു.
സിനിമയിലെയും ജോലിയിലെയും തിരക്കുകളിൽ നിന്ന് മാറി നിൽക്കുന്ന ഇരുവരും നിലവിൽ അയർലൻഡിൽ അവധിക്കാലം ആഘോഷിക്കുകയാണ്. മകൾക്കൊപ്പമുള്ള ഹൃദ്യമായ നിമിഷങ്ങൾ ദിലീപ് തന്നെയാണ് ആരാധകർക്കായി പങ്കുവെച്ചത്. മീനൂട്ടി എന്ന് സ്നേഹത്തോടെ വിളിക്കുന്ന മീനാക്ഷിക്ക് പിറന്നാൾ ആശംസകളുമായി സിനിമാ രംഗത്തെ പ്രമുഖരും ആരാധകരും രംഗത്തെത്തിയിട്ടുണ്ട്. നടൻ കലാഭവൻ ഷാജോൺ ഉൾപ്പെടെയുള്ളവർ മീനാക്ഷിക്ക് ആശംസകൾ നേർന്നു.
ചെന്നൈ ശ്രീരാമചന്ദ്ര മെഡിക്കൽ കോളജിൽ നിന്നും എംബിബിഎസ് പൂർത്തിയാക്കിയ മീനാക്ഷി നിലവിൽ ആസ്റ്റർ ഹോസ്പിറ്റലിലെ ഡെർമറ്റോളജി വിഭാഗത്തിൽ ഡോക്ടറായി സേവനമനുഷ്ഠിക്കുകയാണ്. ജഗൻ ഷാജി കൈലാസ് സംവിധാനം ചെയ്യുന്ന പുതിയ ത്രില്ലർ ചിത്രത്തിന്റെ തിരക്കുകളിലാണ് ദിലീപ് ഇപ്പോൾ. ഈ സിനിമയുടെ റിലീസിനായുള്ള കാത്തിരിപ്പിലാണ് ആരാധകർ.
Meenakshi Dileep Birthday