കൊല്ലം: പ്രശസ്ത നടനും സംവിധായകനുമായ ഇ.എ. രാജേന്ദ്രൻ (71) അന്തരിച്ചു. കൊല്ലം പട്ടത്താനത്തെ വസതിയിൽ വെച്ചായിരുന്നു അന്ത്യം. വാർദ്ധക്യസഹജമായ അസുഖങ്ങളെത്തുടർന്ന് ദീർഘനാളായി ചികിത്സയിലായിരുന്നു അദ്ദേഹം.
നടനും എം.എൽ.എയുമായ മുകേഷിന്റെ സഹോദരി സന്ധ്യാ രാജേന്ദ്രന്റെ ഭർത്താവാണ്. നാടകരംഗത്തുനിന്നും സിനിമയിലെത്തിയ അദ്ദേഹം നിരവധി ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്. അഭിനയത്തിന് പുറമെ സംവിധാന രംഗത്തും അദ്ദേഹം സജീവമായിരുന്നു. തൃശൂർ ജില്ലയിലെ തൃത്തല്ലൂർ സ്വദേശിയാണ്. സംസ്കാരം നാളെ ജന്മനാടായ തൃത്തല്ലൂരിൽ നടക്കും.
മലയാള സിനിമയിലെയും നാടകരംഗത്തെയും പ്രമുഖർ അദ്ദേഹത്തിന്റെ നിര്യാണത്തിൽ അനുശോചനം രേഖപ്പെടുത്തി.
