മലയാളികളുടെ പ്രിയ ഗായികയും അവതാരകയുമായ റിമി ടോമി തന്റെ ഫിറ്റ്നസ് യാത്രയിലെ പുതിയ വിശേഷങ്ങൾ ആരാധകരുമായി പങ്കുവെച്ചിരിക്കുകയാണ്. പാട്ടുകൾക്കൊപ്പം തന്നെ തന്റെ ആരോഗ്യകാര്യങ്ങളിലും അതീവ ശ്രദ്ധ പുലർത്തുന്ന താരമാണ് റിമി. ഇപ്പോഴിതാ തന്റെ ഫിറ്റ്നസ് പരിശീലകനായ ലിബിൻ മാത്യുവിന് നന്ദി പറഞ്ഞുകൊണ്ട് റിമി പങ്കുവെച്ച പുതിയ സോഷ്യൽ മീഡിയ പോസ്റ്റാണ് ശ്രദ്ധ നേടുന്നത്.
തന്റെ ഔദ്യോഗിക സോഷ്യൽ മീഡിയ പേജിലൂടെയാണ് പരിശീലകനൊപ്പമുള്ള സന്തോഷം താരം പങ്കുവെച്ചത്.
റിമി ടോമിയുടെ കുറിപ്പിന്റെ പൂർണ്ണരൂപം:
“നിങ്ങൾക്കൊപ്പം പരിശീലനം നടത്താൻ കഴിയുന്നതിൽ എനിക്ക് അതിയായ സന്തോഷമുണ്ട് കോച്ച് ലിബിൻ മാത്യു. മികച്ച മാറ്റങ്ങൾക്കായി ഞാൻ കാത്തിരിക്കുന്നു, ഒപ്പം ഈ ഫിറ്റ്നസ് യാത്ര നിങ്ങളോടൊപ്പം തുടരാനും ഞാൻ ആഗ്രഹിക്കുന്നു.
ഫിറ്റ്നസിനോടുള്ള നിങ്ങളുടെ അർപ്പണബോധവും, പാഷനും, ആഴത്തിലുള്ള അറിവും പറഞ്ഞറിയിക്കാനാവാത്തതാണ്. കഴിഞ്ഞ 20 വർഷമായി ഈ മേഖലയിലുള്ള നിങ്ങളുടെ അവിശ്വസനീയമായ പ്രതിബദ്ധതയ്ക്ക് മുന്നിൽ ശിരസ്സ് നമിക്കുന്നു. നിങ്ങളിൽ നിന്ന് കാര്യങ്ങൾ പഠിക്കാൻ കഴിയുന്നതിൽ വളരെയധികം നന്ദിയുണ്ട്!”
rimi tomy fitness coach
