മലയാളികളുടെ പ്രിയപ്പെട്ട സംവിധായകനും നടനുമായ ബേസിൽ ജോസഫ് ഇന്ത്യയിലെ ആദ്യത്തെ മിനി കൺട്രിമാൻ ഇ (MINI Countryman E) സ്വന്തമാക്കി. വളരെ വേറിട്ടതും ആകർഷകവുമായ ‘വൈൽഡ് ബെറി’ (Wild Berry) നിറത്തിലുള്ളതാണ് ഈ വാഹനം.

മികച്ച പ്രകടനവും, തനതായ ഡിസൈനും, തീർത്തും വ്യത്യസ്തമായ നിറവും കോർത്തിണക്കിയ ഈ വാഹനത്തിലൂടെ ആവേശകരമായ ഒരു പുതിയ അധ്യായത്തിനാണ് തുടക്കമാകുന്നത്. ബേസിലിന്റെ ഈ പുതിയ വൈൽഡ് ബെറി കൺട്രിമാൻ ഇ വെറുമൊരു വാഹനം എന്നതിലുപരി, അതൊരു വ്യക്തമായ സ്റ്റേറ്റ്‌മെന്റ് കൂടിയാണ് പ്രതിനിധീകരിക്കുന്നത്.

View this post on Instagram

A post shared by MINI EVM Autokraft (@minievmautokraft)

basil joseph new mini countryman E

തെന്നിന്ത്യൻ സിനിമാലോകവും ആരാധകരും ഏറെക്കാലമായി കാത്തിരുന്ന ഒരു ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. പ്രശസ്ത നടനും നൃത്തസംവിധായകനുമായ പ്രഭുദേവയുടെ ഭാര്യ ഹിമാനിയുടെയും മകളുടെയും ഏറ്റവും പുതിയ ചിത്രങ്ങളാണിവ. പ്രഭുദേവയുടെ മുൻ നായികയും അടുത്ത സുഹൃത്തുമായ നടി രംഭയാണ് ഈ മനോഹരമായ കുടുംബചിത്രങ്ങൾ തന്റെ സോഷ്യൽ മീഡിയ പേജിലൂടെ പങ്കുവെച്ചിരിക്കുന്നത്.

2020-ൽ ആയിരുന്നു ഡോക്ടർ ഹിമാനി സിംഗുമായുള്ള പ്രഭുദേവയുടെ വിവാഹം. തികച്ചും രഹസ്യമായി നടന്ന ഈ വിവാഹവാർത്ത ഏറെ വൈകിയാണ് പുറംലോകം അറിഞ്ഞത്. 2023-ൽ ഇവർക്കൊരു പെൺകുഞ്ഞ് ജനിച്ച കാര്യവും വാർത്തയായിരുന്നു. എന്നാൽ ഇതുവരെ തന്റെ ഭാര്യയുടെയോ മകളുടെയോ മുഖം വ്യക്തമാകുന്ന യാതൊരു ചിത്രങ്ങളും പ്രഭുദേവ ഔദ്യോഗികമായി എങ്ങും പങ്കുവെച്ചിരുന്നില്ല. ഇതിനൊരു മാറ്റമാണ് ഇപ്പോൾ രംഭയുടെ പോസ്റ്റിലൂടെ ഉണ്ടായിരിക്കുന്നത്.

വിവാഹശേഷം വിദേശത്ത് സ്ഥിരതാമസമാക്കിയ രംഭ, അടുത്തിടെ നാട്ടിൽ എത്തിയപ്പോൾ പ്രഭുദേവയെയും കുടുംബത്തെയും നേരിൽ സന്ദർശിച്ചിരുന്നു. ഈ കൂടിക്കാഴ്ചയിലെ സന്തോഷനിമിഷങ്ങളാണ് രംഭ ആരാധകർക്കായി പോസ്റ്റ് ചെയ്തത്. പ്രഭുദേവയ്ക്കും ഹിമാനിക്കും കുഞ്ഞിനുമൊപ്പം രംഭയും നിൽക്കുന്ന ചിത്രങ്ങൾ നിമിഷനേരം കൊണ്ടാണ് ആരാധകർ ഏറ്റെടുത്തത്.

View this post on Instagram

A post shared by Rambha💕 (@rambhaindran_)

ഒരുകാലത്ത് തെന്നിന്ത്യൻ സിനിമയിലെ ഏറ്റവും മികച്ച ഹിറ്റ് ജോഡികളായിരുന്നു പ്രഭുദേവയും രംഭയും. ഇരുവരും ഒന്നിച്ചുള്ള ഗാനങ്ങളെല്ലാം വലിയ ബ്ലോക്ക്ബസ്റ്ററുകളായിരുന്നു. വർഷങ്ങൾക്ക് ശേഷം പ്രിയ താരങ്ങളെ വീണ്ടും ഒരുമിച്ച് കണ്ടതിന്റെയും, പ്രഭുദേവയുടെ കുടുംബത്തെ ആദ്യമായി വ്യക്തമായി കാണാൻ കഴിഞ്ഞതിന്റെയും ആവേശത്തിലാണ് ഇപ്പോൾ സിനിമാസ്വാദകർ.

Rambha Shares Glimpses of Prabhu Deva With Wife Himani and Their Baby Girl

മലയാളികളുടെ പ്രിയപ്പെട്ട താരകുടുംബമാണ് ഇന്ദ്രജിത്തിന്റേതും പൂർണിമയുടേതും. സോഷ്യൽ മീഡിയയിൽ ഏറെ സജീവമായ പൂർണിമ ഇപ്പോൾ പങ്കുവെച്ച പുതിയ ചിത്രങ്ങളും അതിന് താഴെ വന്ന രസകരമായ ഒരു കമന്റുമാണ് ആരാധകർക്കിടയിൽ ചിരി പടർത്തുന്നത്.

തന്റെ ഇളയ മകൾക്കൊപ്പമുള്ള മനോഹരമായ ചിത്രങ്ങളാണ് പൂർണിമ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്. ഇരുവരുടെയും മനോഹരമായ ചുരുണ്ട മുടിയാണ് ചിത്രത്തിന്റെ ഹൈലൈറ്റ്. പുറംതിരിഞ്ഞു നിന്ന് ഇരുവരുടെയും മുടിയുടെ ഭംഗി വ്യക്തമായി കാണിക്കുന്ന തരത്തിലുള്ള ചിത്രങ്ങളും ഇതിൽ ഉൾപ്പെടുന്നു. ചിത്രത്തിന് പൂർണിമ നൽകിയ ക്യാപ്ഷനും ഏറെ ശ്രദ്ധേയമാണ്. “The golden to my brown⭐️” എന്നാണ് പൂർണിമ ചിത്രത്തിന് താഴെ കുറിച്ചത്.

എന്നാൽ ഈ പോസ്റ്റിന് താഴെ മൂത്ത മകൾ നൽകിയ കമന്റാണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നത്. അമ്മയും അനിയത്തിയും തന്നെ കൂട്ടാതെ ഫോട്ടോ എടുത്തതിലെ പരിഭവം രസകരമായി മൂത്തമകൾ കമന്റിലൂടെ പ്രകടിപ്പിച്ചു. “Wow I feel so betrayed” (വൗ, എന്നെ വഞ്ചിച്ചതുപോലെ തോന്നുന്നു) എന്നാണ് പോസ്റ്റിന് താഴെ വന്ന രസകരമായ കമന്റ്.

ഈ രസകരമായ കമന്റിന് താഴെ നിരവധി ആരാധകരും പ്രതികരണങ്ങളുമായി എത്തിയിട്ടുണ്ട്. സഹോദരങ്ങൾക്കിടയിലെ ഇത്തരം കുസൃതികളും സ്നേഹപ്രകടനങ്ങളും എപ്പോഴും ആരാധകർക്ക് പ്രിയപ്പെട്ടതാണ്. എന്തായാലും പൂർണിമയുടെയും മകളുടെയും പുത്തൻ ചിത്രങ്ങളും അതിലെ രസകരമായ കമന്റും സോഷ്യൽ മീഡിയയിൽ വൈറലായിക്കഴിഞ്ഞു.

View this post on Instagram

A post shared by Ƥσσяиιмα Indrajith (@poornimaindrajith)

Poornima Indrajith and Younger Daughter Flaunt Their Curls

ശ്രീ ഗോകുലം മൂവീസിൻ്റെ ബാനറിൽ ഗോകുലം ഗോപാലൻ നിർമ്മിക്കുന്ന “കത്തനാർ” എന്ന ബിഗ് ബജറ്റ് ചിത്രത്തിൻ്റെ ടീസർ ട്രെയ്‌ലർ പുറത്ത്. റോജിൻ തോമസ് സംവിധാനം ചെയ്ത ഈ ചിത്രം രചിച്ചിരിക്കുന്നത് ആർ രാമാനന്ദ് , റോജിൻ തോമസ് എന്നിവർ ചേർന്നാണ്. മലയാളത്തിലെ ഏറ്റവും വലിയ ചിത്രമായി ഒരുക്കുന്ന ഈ ബ്രഹ്മാണ്ഡ ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ ഇപ്പോൾ അവസാനഘട്ടത്തിലാണ്. ബൈജു ഗോപാലൻ, വി സി പ്രവീൺ എന്നിവരാണ് ചിത്രത്തിൻ്റെ കൊ-പ്രൊഡ്യൂസേർസ്. എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തി. മലയാള സിനിമാ പ്രേമികൾ ഇതുവരെ കാണാത്ത വിസ്മയങ്ങളുടെ ഒരു ലോകമാണ് ചിത്രത്തിൽ ഒരുക്കിയിരിക്കുന്നത് എന്ന സൂചനയാണ് ഇന്ന് പുറത്തു വന്ന ടീസർ ട്രെയ്‌ലർ നൽകുന്നത്.

ഇന്ദ്രൻസ് നായകനായ, ദേശീയ പുരസ്കാരം നേടിയ ‘ഹോം’ എന്ന ചിത്രത്തിനു ശേഷം റോജിൻ തോമസ് സംവിധാനം ചെയ്യുന്ന ചിത്രം കൂടിയാണ് കത്തനാർ. “ഹോം” പുറത്ത് വന്ന് അഞ്ച് വർഷത്തിന് ശേഷം അതേ ക്രിയേറ്റീവ് ടീം തന്നെ ഒന്നിച്ച ഈ ചിത്രത്തിൽ, അവരുടെ 5 വർഷത്തെ പരിശ്രമത്തിന്റെ എല്ലാ മികവും കാണാൻ സാധിക്കുന്നുണ്ട്. ഇതിന് മുൻപ് സിനിമയുടെയും സീരിയലിലൂടെമൊക്കെ കടമറ്റത്തു കത്തനാർ എന്ന കഥാപാത്രത്തെ കുറിച്ച് കേട്ടതും കണ്ടതുമായ കഥകളിൽ നിന്ന് വ്യത്യസ്തമായി, ഈ കഥാപാത്രത്തെ കുറിച്ച് ആഴത്തിൽ പഠിച്ചു കൊണ്ട്, ഒരു പുതിയ ആഖ്യാന ശൈലിയിലാണ് ഈ ചിത്രം അവതരിപ്പിക്കുന്നത്. നമ്മൾ കണ്ടു ശീലിച്ച ഒരു പീരീഡ് ഫാന്റസി ചിത്രത്തിൽ നിന്ന് വ്യത്യസ്തമായ ദൃശ്യ ഭാഷയിൽ ഒരുക്കിയ ചിത്രം, ഒൻപതാം നൂറ്റാണ്ടിൽ നടക്കുന്ന കഥയാണ് പറയുന്നത്.

ഹോളിവുഡ് ചിത്രങ്ങളെ അനുസ്മരിപ്പിക്കുന്ന ദൃശ്യ നിലവാരത്തിനും, ഗംഭീരമായ വിഎഫ്എക്‌സിനുമൊപ്പം രാഹുൽ സുബ്രമണ്യൻ ഒരുക്കിയ പശ്‌ചാത്തല സംഗീതവും ഈ ടീസർ ട്രെയ്‌ലറിനെ അസാമാന്യമായ അനുഭവമാക്കി മാറ്റുന്നുണ്ട്. ചിത്രത്തിൽ ഉപയോഗിച്ചിരിക്കുന്ന വസ്ത്രങ്ങൾ, മേക്കപ്പ്, കലാസംവിധാനം, ശബ്ദം എന്നിവയെല്ലാം നമ്മൾ ഇതുവരെ കണ്ടു ശീലിച്ച പീരീഡ് ചിത്രങ്ങളിൽ നിന്ന് വ്യത്യസ്തമായാണ് ഒരുക്കിയിരിക്കുന്നത്. അഞ്ച് വർഷത്തോളം പല വിഭാഗങ്ങളിലായി അഞ്ഞൂറോളം പേർ ദിനം പ്രതി അധ്വാനിച്ചതിന്റെ ഫലമായാണ് ഇപ്പോൾ ഈ നിലവാരത്തിൽ ചിത്രം റിലീസിന് ഒരുങ്ങുന്നത് എന്നും സംവിധായകൻ റോജിൻ തോമസ് പറയുന്നു.

ഇത്ര വലിയ ചിത്രമൊരുക്കാൻ ശ്രീ ഗോകുലം ഗോപാലനും എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തിയും കാണിച്ച ധൈര്യവും അവരുടെ വിഷനും അഭിനന്ദനം അർഹിക്കുന്നുണ്ട്. 5 വർഷത്തോളം നീണ്ടും നിന്ന നിർമ്മാണ പ്രക്രിയയെ പിന്തുണച്ച പ്രൊഡക്ഷൻ ടീമും, നാല് വർഷത്തോളം തന്റെ കരിയറിൽ നിന്ന് ഈ ചിത്രത്തിനായി മാറ്റി വെച്ച നടൻ ജയസൂര്യയും ഉള്ളത് കൊണ്ടാണ് ചിത്രം ഇന്ന് കാണുന്ന നിലവാരത്തിൽ ഒരുക്കാൻ സാധിച്ചത് എന്നും റോജിൻ തോമസ് കൂട്ടിച്ചേർത്തു. സിനിമയുടെ ഓരോ വിഭാഗത്തിലും അതിന്റെ ഏറ്റവും മികച്ച ഔട്ട്പുട്ട് കൊണ്ട് വരാൻ ശ്രമിച്ചു കൊണ്ട് തന്നെയാണ് ചിത്രം ഒരുക്കിയത് എന്നും അദ്ദേഹം പറഞ്ഞു.

മലയാള സിനിമയെ മറ്റൊരു തലത്തിൽ എത്തിക്കുന്ന ബ്രഹ്മാണ്ഡ സിനിമാനുഭവമായി ആണ് ചിത്രം എത്തുക എന്ന പ്രതീക്ഷയാണ് ചിത്രത്തിന്റെ നേരത്തെ പുറത്തു വന്ന ഫസ്റ്റ് ലുക്കും ഗ്ലിമ്പ്സ് വീഡിയോയും നൽകിയത്. ആ പ്രതീക്ഷകളെ ശരിവെക്കുന്ന തരത്തിലാണ് ഇപ്പോൾ ഈ ടീസർ ട്രെയ്‌ലറും ഒരുക്കിയിരിക്കുന്നത്. ടൈറ്റിൽ വേഷം ചെയ്യുന്ന ജയസൂര്യയെ കൂടാതെ, തെലുങ്ക് സൂപ്പർ നായികാ താരം, അനുഷ്ക ഷെട്ടി, പ്രഭുദേവ, സനൂപ് സാൻ, സാൻഡി, ദേവിക, നിതീഷ് ഭരദ്വാജ്, വിനീത്, ഹരീഷ് ഉത്തമൻ, ശ്രീകാന്ത് മുരളി, കുൽപ്രീത് യാദവ് എന്നിവരാണ് ചിത്രത്തിലെ മറ്റ് പ്രധാന താരങ്ങൾ.15 ഭാഷകളിലായാണ് ചിത്രം പ്രദർശനത്തിന് എത്തുന്നത്.

ഛായാഗ്രഹണം- നീൽ ഡി കുഞ്ഞ, സംഗീതം- രാഹുൽ സുബ്രഹ്മണ്യൻ ഉണ്ണി, എഡിറ്റിംഗ്, വിഎഫ്എക്സ് ഡയറക്ടർ – റോജിൻ തോമസ്, പ്രൊഡക്ഷൻ ഡിസൈൻ – രാജീവൻ, ആക്ഷൻ ഡിസൈൻ – റോജിൻ തോമസ്, ആക്ഷൻ- ജംഗ്ജിൻ പാർക്ക്, കലൈ കിങ്സൺ, ഹെഡ് ഓഫ് ടെക്നോളജീസ് – സെന്തിൽ നാഥ്, പ്രൊഡക്ഷൻ കൺട്രോളർ – സിദ്ധു പനക്കൽ, കലാ സംവിധാനം – അജി കുട്ടിയാനി, രാം പ്രസാദ്, ചീഫ് അസോസിയേറ്റ് ഡയറക്ടർസ് – ശാലം, ഗോപേഷ് ശരത്, മേക്കപ്പ് – റൊണക്സ് സേവ്യർ, വസ്ത്രങ്ങൾ – അനീഷ് തൊടുപുഴ, സൗണ്ട് ഡിസൈൻ – സിങ്ക് സിനിമ, ഓഡിയോഗ്രഫി – അജിത് എ ജോർജ്, കളറിസ്റ്റ് – ലൂക്കാസ്, വിഎഫ്എക്സ് ആൻഡ് ഡിഐ സ്റ്റുഡിയോ – പോയറ്റിക് , പിആർഒ – ശബരി, വാഴൂർ ജോസ്.

തമിഴ് യുവതാരം കെൻ കരുണാസ് സംവിധായകനായി അരങ്ങേറ്റം കുറിച്ച “യൂത്ത്” ബ്ലോക്ക്ബസ്റ്റർ വിജയം നേടി രണ്ടാം വാരത്തിലും പ്രദർശനം തുടരുന്നു. 11 ദിവസം കൊണ്ട് ചിത്രം നേടിയ ആഗോള ഗ്രോസ് കളക്ഷൻ 50 കോടിക്കും മുകളിലാണ്. ചിത്രം ആദ്യ ദിനം നേടിയതിനേക്കാൾ കൂടുതൽ കളക്ഷൻ ആണ് പതിനൊന്നാം ദിവസം സ്വന്തമാക്കിയത് എന്നത് ചിത്രത്തിന് ലഭിക്കുന്ന അസാധാരണമായ പ്രേക്ഷക പിന്തുണയാണ് കാണിച്ചു തരുന്നത്. കെൻ കരുണാസ് തന്നെ നായകനായും വേഷമിട്ട ചിത്രം കേരളത്തിൽ പ്രദർശനത്തിന് എത്തിച്ചത് ദുൽഖർ സൽമാന്റെ വേഫറെർ ഫിലിംസ് ആണ്. മലയാളത്തിലെയും ബോളിവുഡിലെയും വമ്പൻ ചിത്രങ്ങൾക്കൊപ്പം മാർച്ച് 19 ന് പ്രദർശനം ആരംഭിച്ച യൂത്ത് ഗംഭീര പ്രേക്ഷക പ്രതികരണമാണ് നേടിയത്.

കേരളത്തിലെ തീയേറ്ററുകളിലും വലിയ പ്രേക്ഷക പിന്തുണ നേടിയാണ് ചിത്രം രണ്ടാം വാരത്തിൽ പ്രദർശനം തുടരുന്നത്. വലിയ ചിത്രങ്ങളുടെ ഇടയിലും പ്രേക്ഷകർ കയ്യടികളോടെ സ്വീകരിച്ച ഈ കൊച്ചു ചിത്രം, ബോക്സ് ഓഫീസിലും ബ്ലോക്ക്ബസ്റ്റർ കളക്ഷൻ ആണ് സ്വന്തമാക്കുന്നത്. കേരളത്തിലും തമിഴ്നാട്ടിലും ഗംഭീര പ്രതികരണം നേടുന്ന “യൂത്ത്”, ഒരു യുവതാര തമിഴ് ചിത്രം ബോക്സ് ഓഫീസിൽ നിന്ന് നേടുന്ന ഏറ്റവും വലിയ കളക്ഷൻ ആണ് സ്വന്തമാക്കുന്നത്.

വയലൻസും രക്തച്ചൊരിച്ചിലും ഇല്ലാതെ, ആദ്യാവസാനം പ്രേക്ഷകർക്ക് ചിരിച്ച് ആസ്വദിച്ചു കാണാവുന്ന പക്കാ എന്റെർറ്റൈനെർ ആണെന്നതാണ് ഈ ചിത്രത്തിന്റെ ഏറ്റവും വലിയ ഹൈലൈറ്റ് എന്ന് പ്രേക്ഷകരും നിരൂപകരും ഒരുപോലെ അഭിപ്രായപ്പെടുന്നു. കുടുംബ പ്രേക്ഷകർക്കും യുവ പ്രേക്ഷകർക്കും ഒരുപോലെ ടെൻഷനും പിരിമുറുക്കങ്ങളും മറന്ന് ചിരിച്ചു ആസ്വദിച്ചു കാണാവുന്ന ഈ ചിത്രത്തിന് ലഭിക്കുന്ന പ്രേക്ഷക പിന്തുണ, പ്രതീക്ഷകൾക്കും അപ്പുറമാണ്. ചിത്രത്തിൽ മികച്ച പ്രകടനവുമായി തിളങ്ങി നിൽക്കുന്നത് മലയാളികളുടെ സ്വന്തം സുരാജ് വെഞ്ഞാറമൂട് ആണ്. ചിത്രത്തിലെ നായകനായ കെനിന്റെ അച്ഛൻ വേഷത്തിലാണ് സുരാജ് ഈ ചിത്രത്തിൽ വേഷമിട്ടത്. കെൻ, സുരാജ് വെഞ്ഞാറമൂട് എന്നിവരുടെ ഗംഭീര പ്രകടനമാണ് ചിത്രത്തെ അതീവ രസകരമായ സിനിമാനുഭവമാക്കി മാറ്റുന്നത്.

പ്രേക്ഷകർക്ക് നൊസ്റ്റാൾജിയ സമ്മാനിക്കുന്ന രീതിയിൽ, സ്കൂൾ – കോളേജ് കാലഘട്ടവും അതിലുള്ള രസകരമായ നിമിഷങ്ങളും പ്രണയവും സൗഹൃദവും കുടുംബ ബന്ധങ്ങളുടെ വൈകാരികതയും എല്ലാം ഉൾപ്പെടുത്തി ഒരുക്കിയ ചിത്രം, തീയേറ്ററുകളിൽ യുവത്വത്തിൻ്റെ ആഘോഷം സൃഷ്ടിക്കുന്നുണ്ട്.
ഫാമിലി ഫൺ, റൊമാന്റിക് കോമഡി, ഫീൽ ഗുഡ് തുടങ്ങി എല്ലാ രീതിയിലും പ്രേക്ഷകരെ ആദ്യാവസാനം ചിരിപ്പിച്ചു, രസിപ്പിച്ചു, വമ്പൻ തീയേറ്റർ വൈബ് സമ്മാനിക്കുന്ന ഒരു പക്കാ ഫെസ്റ്റിവൽ എന്റെർറ്റൈനെർ ആയാണ് ചിത്രം കഥ പറയുന്നത്. മലയാളി താരം അനിഷ്മ അനിൽകുമാറാണ് ചിത്രത്തിലെ നായികയായി എത്തുന്നത്.

ദേവദർശിനി ചേതൻ, പ്രിയാൻഷി യാദവ്, മീനാക്ഷി ദിനേശ് എന്നിവരാണ് ചിത്രത്തിലെ മറ്റു പ്രധാന താരങ്ങൾ. കെൻ കരുണാസ് തന്നെ രചനയും നിർവഹിച്ച ഈ സ്‌കൂൾ ടീനേജ് റൊമാന്റിക് കോമഡി ഡ്രാമ നിർമ്മിച്ചിരിക്കുന്നത് പാർവത എന്റർടൈൻമെൻറ്സിന്റെ ബാനറിൽ കറുപ്പയ്യ സി റാം, സുലോചന കുമാർ എന്നിവർ ചേർന്നാണ്. തമിഴിലെ കോമഡി വേഷങ്ങളിലൂടെ പ്രശസ്തനായ കരുണാസിന്റെ മകനാണ് കെൻ. ജി വി പ്രകാശ് കുമാർ ആണ് ചിത്രത്തിലെ ട്രെൻഡ് ആയി മാറിയ ഗാനങ്ങൾക്ക് സംഗീതം നൽകിയത്.

ഛായാഗ്രഹണം- വിക്കി, എഡിറ്റർ- നാഷ്, മ്യൂസിക് ജി വി പ്രകാശ് കുമാർ, ആക്ഷൻ- കലൈ കിങ്‌സൺ, കലാസംവിധായകൻ- രാമു തങ്കരാജ്, കോസ്റ്റ്യൂം ഡിസൈനർ – കാവ്യാ ശ്രീറാം, ക്രിയേറ്റീവ് പ്രൊഡ്യൂസർ- വിജയ് എംപി, പ്രൊഡക്ഷൻ ഹെഡ്- ചെല്ലദുരൈ ബി, എക്സിക്യൂട്ടീവ് പ്രൊഡ്യൂസർ – അരോകിയ വിക്ടോ പ്രിൻസ്. എം , തേജേഷ് സുരേഷ്, അഡ്മിനിസ്ട്രേഷൻ എക്സിക്യൂട്ടീവ്- സുരേഷ് കുമാർ, വരികൾ- വിഘ്നേഷ് ശ്രീകാന്ത്, കെൻ കെ, ഈശ്വർ സന്താനലക്ഷ്മി, സൌണ്ട് ഡിസൈൻ- സിങ്ക് സിനിമ, സൌണ്ട് മിക്സ്- അരവിന്ദ് മേനോൻ, ഡിഐ- സുരേഷ് രവി (മാംഗോ പോസ്റ്റ്), പിആർഒ- ശബരി

ജിയോ സ്റ്റുഡിയോസും ബി 62 സ്റ്റുഡിയോസും ചേർന്ന് നിർമ്മിച്ച, ആദിത്യ ധർ – രൺവീർ സിങ് ചിത്രം ‘ധുരന്ധർ പ്രതികാരം’ ആഗോള ഗ്രോസ് 1365 കോടി പിന്നിട്ടു. ചിത്രത്തിന്റെ ആദ്യ ഭാഗമായ ‘ധുരന്ധർ’ നേടിയ ഫൈനൽ ആഗോള ഗ്രോസ് ആണ് രണ്ടാം ഭാഗമായ ‘ധുരന്ധർ പ്രതികാരം’ വെറും 11 ദിനങ്ങൾ കൊണ്ടാണ് പിന്നിട്ടത്. റിലീസ് ചെയ്ത് തുടർച്ചയായ രണ്ടാം ആഴചയിലും റെക്കോർഡ് കളക്ഷൻ ആണ് ചിത്രം ആഗോള ബോക്സ് ഓഫീസിൽ നിന്ന് സ്വന്തമാക്കുന്നത്. ഇന്ത്യയിൽ നിന്ന് മാത്രം ചിത്രം നേടിയ നെറ്റ് കളക്ഷൻ 867 കോടി രൂപയാണ്.

അന്താരാഷ്ട്ര വിപണികളിലടക്കം നേടുന്ന വമ്പൻ കളക്ഷൻ, ചിത്രത്തിന് ലഭിക്കുന്ന അസാധാരണമായ ആഗോള ആകർഷണത്തിനും ആധിപത്യത്തിനും തെളിവാണ്. പ്രീമിയർ ഷോകൾ മുതൽ, ആദ്യ ദിനത്തിലും ആദ്യ വീക്കെന്ഡിലും ബോളിവുഡിന്റെ ചരിത്രത്തിലെ റെക്കോർഡ് കളക്ഷൻ ആണ് ചിത്രം സ്വന്തമാക്കിയത്. ആദ്യത്തെ ആഴ്ച ഏറ്റവും കൂടുതൽ കളക്ഷൻ നേടിയ ചിത്രം മുതൽ, ഏറ്റവും വേഗത്തിൽ ആയിരം കോടി രൂപ ആഗോള ഗ്രോസ് നേടുന്ന ചിത്രം എന്ന റെക്കോർഡും ‘ധുരന്ധർ പ്രതികാരം’ സ്ഥാപിച്ചിട്ടുണ്ട്. ഒരാഴ്ചയ്ക്കുള്ളിൽ, ഇന്ത്യൻ സിനിമയുടെ ആഗോള വിജയത്തിന്റെ തോത് പുനർനിർവചിച്ചുകൊണ്ട് എക്കാലത്തെയും വലിയ ഇന്ത്യൻ ചിത്രമായി ആണ് ‘ധുരന്ധർ പ്രതികാരം’ ഉയർന്നു വന്നിരിക്കുന്നത്.

ആദ്യ ആഴ്ചയിൽ നേടിയ റെക്കോർഡ് കളക്ഷന് ശേഷം, വെള്ളിയാഴ്ച, ശനിയാഴ്ച, ഞായറാഴ്ചകളിലുടനീളം ഗംഭീരമായ കളക്ഷനുകൾ നേടിക്കൊണ്ട് രണ്ടാം വാരാന്ത്യത്തിലും ചിത്രം അതിന്റെ അസാധാരണമായ ബോക്സ് ഓഫീസിൽ പ്രകടനം തുടർന്നു. 8 ദിവസം നീണ്ട ആദ്യ ആഴ്ചയിൽ 690 കോടി നെറ്റ് കളക്ഷൻ ഇന്ത്യയിൽ നിന്ന് നേടിയ ചിത്രം, രണ്ടാം ആഴ്ച 9-ാം ദിവസം വെള്ളിയാഴ്ച നേടിയത് 42.00 കോടി രൂപ, 10-ാം ദിവസം ശനിയാഴ്ച നേടിയത് 64.00 കോടി രൂപ, 11-ാം ദിവസം ഞായറാഴ്ച നേടിയത് 71.00 കോടി എന്നിങ്ങനെയാണ്.

രണ്ടാം വാരാന്ത്യത്തിലെ ചിത്രം നേടിയ ആകെ വരുമാനം177.00 കോടി രൂപയാണ്. ഇന്ത്യയിൽ നിന്ന് മാത്രം ചിത്രം നേടിയ ആകെ നെറ്റ് ഗ്രോസ് 867 കോടി രൂപയും, ഇന്ത്യയിൽ നിന്ന് ചിത്രം നേടിയ ആകെ ഗ്രോസ് കളക്ഷൻ 1023 കോടി രൂപയുമാണ്. വിദേശത്തു നിന്നും ചിത്രം നേടിയ ആകെ ഗ്രോസ് കളക്ഷൻ
342 കോടി രൂപയാണ്. ആകെ മൊത്തം 11 ദിവസം കൊണ്ട് ചിത്രത്തിന്റെ ലോകമെമ്പാടുമുള്ള ബോക്സ് ഓഫീസ് ഗ്രോസ് 1365.00 കോടി പിന്നിട്ടു.

എക്കാലത്തെയും വലിയ ഹിന്ദി ഓപ്പണിങ് കളക്ഷൻ നേടുന്ന ചിത്രം, ഏറ്റവും കൂടുതൽ കളക്ഷൻ ലഭിച്ച പ്രീമിയർ ഷോകൾ, ലോകമെമ്പാടുമുള്ള ഏറ്റവും വലിയ ആദ്യ വാരാന്ത്യ കളക്ഷൻ, ആദ്യ ആഴ്ചയിലെ ഏറ്റവും ഉയർന്ന കളക്ഷൻ, ഏറ്റവും വേഗത്തിൽ ആഗോളതലത്തിൽ 1000 കോടി രൂപ നേടിയ ഇന്ത്യൻ ചിത്രം, വിദേശ വിപണികളിലെ ഏറ്റവും കൂടുതൽ കളക്ഷൻ നേടിയ ഇന്ത്യൻ ചിത്രം (ആദ്യ ആഴ്ചയ്ക്കുള്ളിൽ), വടക്കേ അമേരിക്കയിൽ ഏറ്റവും കൂടുതൽ കളക്ഷൻ നേടിയ ഇന്ത്യൻ ചിത്രം, വെറും 11 ദിവസത്തിനുള്ളിൽ ധുരന്ധർ പാർട്ട് 1 ഫൈനൽ ആഗോള കളക്ഷൻ മറികടന്ന ചിത്രം എന്നീ റെക്കോർഡുകൾ സ്ഥാപിച്ചു കൊണ്ട് റെക്കോർഡ് വിജയവും നേട്ടവുമാണ് ‘ധുരന്ധർ പ്രതികാരം’ നേടുന്നത്. അസാധാരണമായ പ്രേക്ഷകശ്രദ്ധ, വീണ്ടും വീണ്ടും കാണാനെത്തുന്ന പ്രേക്ഷകർ, ആഗോള തലത്തിൽ നിറയുന്ന സിനിമാശാലകൾ എന്നിവയിലൂടെ ബോക്സ് ഓഫീസിൽ മറ്റൊരു ചരിത്രപരമായ ലോങ്ങ് റണ്ണിനാണ് ചിത്രം വേദിയൊരുക്കുന്നത്. പിആർഒ- ശബരി

തെലുങ്ക് സൂപ്പർതാരം രാം ചരൺ നായകനായി അഭിനയിക്കുന്ന പാൻ ഇന്ത്യൻ ചിത്രമായ ‘പെദ്ധി’ യിലെ പുതിയ ഗ്ലിമ്പ്സ് വീഡിയോ ഇപ്പോൾ സമൂഹ മാധ്യമങ്ങളിൽ വലിയ ശ്രദ്ധ നേടുകയാണ്. ‘പെദ്ധി പെഹൽവാൻ’ എന്ന പേരിൽ മാസ്സ് അവതാരമായി രാം ചരൺ എത്തുന്ന വീഡിയോ ചർച്ചയാവുന്നത് വീഡിയോയിലെ രാം ചരണിന്റെ അമ്പരപ്പിക്കുന്ന ശാരീരിക പരിവർത്തനം കൊണ്ടാണ്. ഞെട്ടിക്കുന്ന തരത്തിലാണ് ചിത്രത്തിലെ ഗുസ്തിക്കാരനായ കഥാപാത്രത്തിന് വേണ്ടി രാം ചരൺ തന്റെ ശരീരം രൂപപ്പെടുത്തിയത്. ഇപ്പോഴിതാ, ഹൈദരാബാദ് ടൈംസിന് നൽകിയ അഭിമുഖത്തിൽ രാം ചരൺ നടത്തിയ ബോഡി ട്രാൻസ്ഫോർമേഷനെ കുറിച്ച് കൂടുതൽ വെളിപ്പെടുത്തിയിരിക്കുകയാണ് സംവിധായകൻ ബുചി ബാബു സന. 2026 ഏപ്രിൽ 30 ന് ആണ് ചിത്രം ആഗോള തലത്തിൽ തീയേറ്ററുകളിലെത്തുക. ദേശീയ അവാർഡ് ജേതാവ് ബുചി ബാബു സന സംവിധാനം ചെയ്യുന്ന ചിത്രം വൃദ്ധി സിനിമാസിൻ്റെ ബാനറിൽ വെങ്കട സതീഷ് കിലാരു ആണ് നിർമ്മിക്കുന്നത്. മൈത്രി മൂവി മേക്കർസ്, സുകുമാർ റൈറ്റിങ്സ് എന്നിവർ ചേർന്നാണ് ഈ ബിഗ് ബഡ്ജറ്റ് ചിത്രം അവതരിപ്പിക്കുന്നത്.

ബലിഷ്ഠമായ ശരീരത്തോടെ, കയ്യിൽ വമ്പൻ ഗദയും ഏന്തി, ഗുസ്തിയുടെ മുറകളുമായി എതിരാളികളെ നിലംപരിശാക്കുന്ന രാം ചരണിന്റെ മാസ്സ് സംഘട്ടനത്തിന്റെ ദൃശ്യങ്ങളാണ് ഗ്ലിമ്പ്സ് വീഡിയോയിൽ കാണാൻ സാധിക്കുന്നത്. എട്ടു മാസത്തോളമായി എല്ലാ ദിവസവും മണിക്കൂറുകളോളം പരിശീലനം നടത്തിയാണ് രാം ചരൺ തന്റെ വമ്പൻ ശരീരം ഉണ്ടാക്കിയെടുത്തത് എന്നാണ് ബുചി ബാബു സന വെളിപ്പെടുത്തിയത്. മാത്രമല്ല, അയ്യപ്പ ദീക്ഷ വ്രതം അനുഷ്ഠിക്കുന്നതിനാൽ നോൺ വെജിറ്റേറിയൻ ഭക്ഷണം ഒന്നും തന്നെ ഉപയോഗിക്കാതെ, മൊത്തമായി വെജിറ്റേറിയൻ ഭക്ഷണം മാത്രം കഴിച്ചാണ് രാം ചരൺ ഈ ശരീരം ഉണ്ടാക്കിയതെന്നും അദ്ദേഹം വെളിപ്പെടുത്തി.

നൂറു ശതമാനം അച്ചടക്കം പുലർത്തിയ ജീവിതചര്യകൊണ്ടാണ് അദ്ദേഹം ഈ ശരീരം ഉണ്ടാക്കിയതെന്നും അതിനൊപ്പം തന്നെ ഗുസ്തിക്കാരുടെ പ്രധാന ആയുധങ്ങളിൽ ഒന്നായ ഗദ ഉപയോഗിക്കാനുള്ള പരിശീലനവും അദ്ദേഹം നേടിയെന്നും സംവിധായകൻ വിശദീകരിച്ചു. ഗുസ്തിക്ക് ഒപ്പം ക്രിക്കറ്റിനും ചിത്രത്തിൽ പ്രാധാന്യം ഉണ്ടെന്നും, രാം ചരൺ കഥാപാത്രം ഏതിലാണ്‌ തന്റെ സ്ഥാനം കണ്ടെത്തുന്നതെന്ന് ചിത്രം കാണുമ്പോൾ മാത്രമേ പ്രേക്ഷകരുടെ മുന്നിൽ വെളിപ്പെടുകയുള്ളു എന്നും സംവിധായകൻ പറയുന്നു. ബോളിവുഡ് താരം ജാൻവി കപൂർ ആണ് ചിത്രത്തിലെ നായിക.

കന്നഡ സൂപ്പർതാരം ശിവരാജ് കുമാറും ഈ ചിത്രത്തിൽ ഒരു നിർണായകമായ കഥാപാത്രത്തെ അവതരിപ്പിക്കുന്നു. രാം ചരൺ- ശിവരാജ് കുമാർ ടീം ആദ്യമായി ഒന്നിക്കുന്ന ചിത്രം കൂടിയാണിത്. ബോളിവുഡ് താരം ദിവ്യേന്ദു ശർമ, ജഗപതി ബാബു, ബോമൻ ഇറാനി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. എ ആർ റഹ്മാൻ ഈണം നൽകി പുറത്തു വന്ന, ചിത്രത്തിലെ “ചികിരി ചികിരി” എന്ന ഗാനവും “റായ് റായ് രാ രാ” എന്ന ഗാനവും ഇതിനോടകം ആഗോള തലത്തിൽ സൂപ്പർ ഹിറ്റുകളായി മാറിയിട്ടുണ്ട്. അസാധാരണമായ പ്രേക്ഷക പ്രതികരണമാണ് ചിത്രത്തിലെ ഗാനങ്ങൾ, ഗ്ലിമ്പ്സ് വീഡിയോകൾ, പോസ്റ്ററുകൾ എന്നിവക്ക് സമൂഹ മാധ്യമങ്ങളിൽ നിന്ന് ലഭിക്കുന്നത്.

രചന, സംവിധാനം -ബുചി ബാബു സന, അവതരണം – മൈത്രി മൂവി മേക്കേഴ്‌സ്, സുകുമാർ റൈറ്റിംഗ്സ്, നിർമ്മാണം – വെങ്കട സതീഷ് കിലാരു, ബാനർ – വൃദ്ധി സിനിമാസ്, കോ പ്രൊഡ്യൂസർ – ഇഷാൻ സക്സേന, എക്സിക്യൂട്ടീവ് പ്രൊഡ്യൂസർ- വി. വൈ. പ്രവീൺ കുമാർ, ഛായാഗ്രഹണം – രത്നവേലു, സംഗീതം – എ ആർ റഹ്മാൻ, എഡിറ്റർ- നവീൻ നൂലി, പ്രൊഡക്ഷൻ ഡിസൈൻ – അവിനാഷ് കൊല്ല, മാർക്കറ്റിംഗ്- ഫസ്റ്റ് ഷോ

ശ്രീ ഗോകുലം മൂവീസിൻ്റെ ബാനറിൽ ഗോകുലം ഗോപാലൻ നിർമ്മിക്കുന്ന “കത്തനാർ” എന്ന ബിഗ് ബജറ്റ് ചിത്രത്തിൻ്റെ ടീസർ ട്രെയ്‌ലർ മാർച്ച് 31 ന് റിലീസ് ചെയ്യും. റോജിൻ തോമസ് സംവിധാനം ചെയ്ത ഈ ചിത്രം രചിച്ചിരിക്കുന്നത് ആർ രാമാനന്ദ് , റോജിൻ തോമസ് എന്നിവർ ചേർന്നാണ്. മലയാളത്തിലെ ഏറ്റവും വലിയ ചിത്രമായി ഒരുക്കുന്ന ഈ ബ്രഹ്മാണ്ഡ ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ ഇപ്പോൾ പുരോഗമിക്കുകയാണ്. ബൈജു ഗോപാലൻ, വി സി പ്രവീൺ എന്നിവരാണ് ചിത്രത്തിൻ്റെ കൊ-പ്രൊഡ്യൂസേർസ്. എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തി.

മലയാള സിനിമയെ മറ്റൊരു തലത്തിൽ എത്തിക്കുന്ന ബ്രഹ്മാണ്ഡ സിനിമാനുഭവമായി ആണ് ചിത്രം എത്തുക എന്ന പ്രതീക്ഷയാണ് ഫസ്റ്റ് ലുക്കും ഗ്ലിമ്പ്സ് വീഡിയോയും നൽകുന്നത്. ടൈറ്റിൽ വേഷം ചെയ്യുന്ന ജയസൂര്യയെ കൂടാതെ, തെലുങ്ക് സൂപ്പർ നായികാ താരം, അനുഷ്ക ഷെട്ടി, പ്രഭുദേവ, സനൂപ് സാൻ, സാൻഡി, ദേവിക, നിതീഷ് ഭരദ്വാജ്, വിനീത്, ഹരീഷ് ഉത്തമൻ, ശ്രീകാന്ത് മുരളി, കുൽപ്രീത് യാദവ് എന്നിവരാണ് ചിത്രത്തിലെ മറ്റ് പ്രധാന താരങ്ങൾ.

ഇന്ദ്രൻസ് നായകനായ, ദേശീയ പുരസ്കാരം നേടിയ ‘ഹോം’ എന്ന ചിത്രത്തിനു ശേഷം റോജിൻ തോമസ് സംവിധാനം ചെയ്യുന്ന ചിത്രം കൂടിയാണ് കത്തനാർ. വെർച്വൽ പ്രൊഡക്‌ഷൻ ഉൾപ്പെടെയുള്ള അതിനൂതനമായ സാങ്കേതികവിദ്യകൾ ഉപയോഗിച്ച് ആണ് ഈ ചിത്രം ചിത്രീകരിച്ചിരിക്കുന്നത്. 15 ഭാഷകളിലായാണ് ചിത്രം പ്രദർശനത്തിന് എത്തുന്നത്.

ഛായാഗ്രഹണം- നീൽ ഡി കുഞ്ഞ, സംഗീതം- രാഹുൽ സുബ്രഹ്മണ്യൻ ഉണ്ണി, എഡിറ്റിംഗ്, വിഎഫ്എക്സ് ഡയറക്ടർ – റോജിൻ തോമസ്, പ്രൊഡക്ഷൻ ഡിസൈൻ – രാജീവൻ, ആക്ഷൻ ഡിസൈൻ – റോജിൻ തോമസ്, ആക്ഷൻ- ജംഗ്ജിൻ പാർക്ക്, കലൈ കിങ്സൺ, ഹെഡ് ഓഫ് ടെക്നോളജീസ് – സെന്തിൽ നാഥ്, പ്രൊഡക്ഷൻ കൺട്രോളർ – സിദ്ധു പനക്കൽ, കലാ സംവിധാനം – അജി കുട്ടിയാനി, രാം പ്രസാദ്, ചീഫ് അസോസിയേറ്റ് ഡയറക്ടർസ് – ശാലം, ഗോപേഷ് ശരത്, മേക്കപ്പ് – റൊണക്സ് സേവ്യർ, വസ്ത്രങ്ങൾ – അനീഷ് തൊടുപുഴ, സൗണ്ട് ഡിസൈൻ – സിങ്ക് സിനിമ, ഓഡിയോഗ്രഫി – അജിത് എ ജോർജ്, കളറിസ്റ്റ് – ലൂക്കാസ്, വിഎഫ്എക്സ് ആൻഡ് ഡിഐ സ്റ്റുഡിയോ – പോയറ്റിക് , പിആർഒ – ശബരി, വാഴൂർ ജോസ്.