ഇൻഡിപെൻഡന്റ് സിനിമാ ബോക്സിന്റെ ബാനറിൽ നിർമ്മിച്ച് എസ് എസ് ജിഷ്ണുദേവ് സംവിധാനം ചെയ്ത ” എന്ന് സാക്ഷാൽ ദൈവം” എന്ന സിനിമ സ്ക്രിപ്റ്റ് ടു സ്ക്രീൻ കാറ്റഗറിയിൽ വെറും 16 മണിക്കൂർ കൊണ്ട് പൂർത്തിയാക്കി ഒടിടി പ്ളാറ്റ്ഫോമുകളിൽ റിലീസ് ചെയ്ത് ലോക റെക്കോർഡ് നേട്ടം കൈവരിച്ചിരുന്നു. ആ നേട്ടത്തിനു ലഭിച്ച യു ആർ എഫ് ( യൂണിവേഴ്സൽ റെക്കോർഡ്സ് ഫോറം) വേൾഡ് റെക്കോർഡ് സർട്ടിഫിക്കേറ്റുകൾ കൃഷിവകുപ്പ് മന്ത്രി പി പ്രസാദ്, ചലച്ചിത്ര സംവിധായകനും നടനുമായ രാജസേനൻ , ചലച്ചിത്ര നിർമ്മാതാവ് കല്ലിയൂർ ശശി എന്നിവർ ചേർന്നാണ് ചിത്രത്തിന്റെ ക്രൂ മെമ്പേഴ്സിനു സമ്മാനിച്ചത്.
തദവസരത്തിൽ, എസ് എസ് ജിഷ്ണുദേവ് സംവിധാനം ചെയ്യുന്ന കുട്ടികളുടെ സിനിമ " ലിറ്റിൽ ഹാർട്ട്സി "ന്റെ ഫസ്റ്റ് ലുക്ക് പോസ്റ്റർ പ്രകാശനം, ചലച്ചിത്ര നടൻ ജോബിയും കല്ലിയൂർ ശശിയും ചേർന്ന് ചിത്രത്തിലെ അഭിനേതാക്കളായ കുട്ടികൾക്കു നൽകി നിർവ്വഹിച്ചു
നെയ്യാറ്റിൻകര എംഎൽഎ കെ ആൻസലൻ അദ്ധ്യക്ഷത വഹിച്ച ചടങ്ങിൽ ചലച്ചിത്ര ഗാനരചയിതാവ് ദീപു ആർ എസ് ചടയമംഗലം സ്വാഗതമാശംസിച്ചു. അജയ് തുണ്ടത്തിൽ, ചാല കുമാർ ,ടി സുനിൽ പുന്നക്കാട്, സന്തോഷ് ശിവദാസ് , എന്നിവർ ആശംസകളറിയിച്ച് സംസാരിച്ചു. സുദർശനൻ റസ്സൽപുരം നന്ദി രേഖപ്പെടുത്തി. ചിത്രങ്ങളുടെ പി ആർ ഓ അജയ് തുണ്ടത്തിൽ.
