ശബരിമല ക്ഷേത്രത്തിലെ മേടമാസ പൂജയോടനുബന്ധിച്ച് ദർശനം ബുക്ക് ചെയ്യുന്നതിനുള്ള വെർച്വൽ-ക്യൂ പോർട്ടൽ ഇന്ന് വൈകിട്ട് 5 മണി മുതൽ സജ്ജമാകും. തീർത്ഥാടകർക്ക് http://sabarimalaonline.org എന്ന വെബ്സൈറ്റ് വഴി വെർച്വൽ-ക്യൂ ബുക്കിംഗ് നടത്താവുന്നതാണ്. ശബരിമല ക്ഷേത്രം മേടമാസ പൂജക്കായി 10-04-2024 തുറക്കും , വിഷു 14-04-2024 , 18-04-2024 പൂജ കഴിഞ്ഞ് ക്ഷേത്രം അടക്കും.
പ്രധാന കാര്യങ്ങൾ:
വെർച്വൽ ക്യൂ ബുക്കിംഗ് ഇന്ന് വൈകിട്ട് 5 മണിക്ക് ആരംഭിക്കും.
പത്തനംതിട്ട: പത്തംനംതിട്ടയിൽ എൻ.ഡി.എസ്ഥാനാർത്ഥി അനിൽ ആന്റണിക്കെതിരെ കുടുംബം ഒന്നാകെ രംഗത്തിറങ്ങുമെന്ന് ഉമ്മൻ ചാണ്ടിയുടെ മകൾ മറിയാമ്മ ഉമ്മൻ. അനിൽ ആന്റണിക്കെതിരെ പ്രചരണ രംഗത്ത് ഉണ്ടാകില്ലെന്ന തരത്തിൽ മറിയം ഉമ്മൻ പ്രതികരിച്ച രീതിയിൽ വാർത്ത എത്തിയതിന് പിന്നാലെയാണ് കടുംബത്തിന്റെ പ്രതികരണം. ഉമ്മൻചാണ്ടിയുടെ മക്കൾ പാർട്ടി വിടുമെന്നാണ് പല തരത്തിലുള്ള വാർത്തകൾ എത്തുന്നത്.
എന്നാൽ ഉമ്മൻ ചാണ്ടിയുടെ മക്കൾ തുണ്ടം ചെയ്താലും പാർട്ടി വിടില്ലെന്നും മറിയാമ്മ ഉമ്മൻ പ്രതികരിച്ചു. അനിൽ ആന്റണിക്കെതിരെ നാളെ മുതൽ യു.ഡി.എഫ് സ്ഥാനാർത്ഥിയുടെ പ്രചാരണത്തിനായി ഉണ്ടാകും. അച്ചുവിനെക്കുറിച്ചും, ചാണ്ടിയെക്കുറിച്ചുമെല്ലം കേൾക്കുന്നത് തെറ്റായ വാർത്തയാണ്. പാർട്ടി മാറ്റം ഉമ്മൻചാണ്ടിയുടെ മക്കൾക്ക് ഉണ്ടാകില്ലെന്നും മറിയാമ്മ ഉമ്മൻ പ്രചികരിച്ചു.
പത്തനംതിട്ടയിൽ പ്രചരണത്തിന് ഇറങ്ങുന്നത് അനിൽ ആന്റണിക്ക് എതിരെയല്ല, കോൺഗ്രസ് എന്ന പ്രസ്ഥാനത്തിന് വേണ്ടിയാെന്നും മറിയാമ്മ ഉമ്മൻ പ്രതികരിച്ചു. ഇന്ത്യ മുന്നണി, കോൺഗ്രസ് , ജയിക്കണം , അതിൽ വ്യക്തിപരമായ കാരണങ്ങളില്ലെന്നും മറിയമ്മ ഉമ്മൻ വ്യക്തമാക്കി. എനിക്ക് അനിൽ ചാണ്ടി മോനെ തന്നെയാണ്, മാതൃബന്ധം അങ്ങനെ പൊട്ടിച്ചുകളയാൻ കഴിയുമോ എന്നും മറിയാമ ഉമ്മൻ പ്രതികരിച്ചു.
ആട് ജീവിതം കണ്ട് കരഞ്ഞു പോയെന്ന് നടി മല്ലികാ സുകുമാരൻ. കഴിഞ്ഞ ദിവസമാണ് തിരുവനന്തപുരത്തെ തീയറ്ററിലെത്തി മല്ലികാ സുകുമാരൻ ആട് ജിവിതം കണ്ടത്. സിനിമ കണ്ടിറങ്ങിയ ശേഷം കേരള 9 നോട് പ്രതികരണം രേഖപ്പെടുത്തുകയായിരുന്നു. ഫസ്റ്റ് ആഫ് കണ്ടപ്പോഴെ ശരീരം വല്ലാതെയായി, സിനിമ കണ്ട് തീർന്നപ്പോൾ എന്താ പറയേണ്ടതെന്ന് അറിയില്ലെന്നും മല്ലിക സുകുമാരൻ പ്രതികരിച്ചു. സിനിമയിൽ ഒരിടത്തും ഞാൻ പൃഥ്വിരാജിനെ കണ്ടില്ല, നജീബിനെയാണ് കണ്ടത്. ഏങ്ങനൊക്കെയോ അവിടെ കിടന്നു കഷ്ടപ്പെടുന്ന ഒരാളായിട്ടാണ് കണ്ടത്. ആകഷ്ടപ്പാടിന്റെ തീവ്രത കണ്ടപ്പോൾ നല്ല വിഷമം തോന്നി. സിനിമ കണ്ടപ്പോൾ നജീബിനെ പിടിച്ചു കൊണ്ടുപോകുമോ എന്നൊക്കെ ആദിയായിരുന്നെന്നും മല്ലിക സുകുമാരൻ പ്രതികരിച്ചു.
16 വർഷം മുൻപാണ് കഥ പൃഥ്വി കണ്ടത്. പിന്നീട് തിരുവല്ലയിൽ ഷൂട്ടിങ് നടന്നു. കോറോണ സമയത്ത് ഷൂട്ടിങ്ങ് നടത്തിയെങ്കിലും അവർ മരുഭൂമിയിൽ പെട്ട് പോയിരുന്നു. ഫ്ളൈറ്റില്ല, കടകളില്ല, ഞാൻ വിളിക്കുമ്പോൾ പറയുന്നത്. അമ്മ പേടിക്കണ്ട, അവർ ഇവിടെ സുരക്ഷിതരായിരുന്നു എന്നാണ്,. സിനിമ കണ്ടപ്പോൾ അവരുടെ കഷ്ടപ്പാടിനെല്ലാം നല്ല റിസൾട്ട് കിട്ടിയതായി തോന്നി. അവനെ വിളിക്കണം, സംസാരിക്കണം എന്നുമായിരുന്നു മല്ലിക സുകുമാരന്റെ പ്രതികരണം.
English SUmmary : Mallika Sukumaran Reacts to Prithviraj Aadujeevitham
തിരുവനന്തപുരം: കള്ളക്കടൽ പ്രതിഭാസത്തിൽ തിരുവനന്തപുരം ജില്ലയിലെ വലിയതുറ, കോവളം, വിഴിഞ്ഞം തീരപ്രദേശങ്ങളിലായി തകർന്നത് 15ലധികം ഭവനങ്ങൾ. നാല് ദിവസത്തെ മുന്നറിയിപ്പിൽ ഭയന്ന് വീട് വിട്ട് ഓടാനൊരുങ്ങുകയാണ് തീരദേശ ജനത. കഴിഞ്ഞ ദിവസത്തെ ഭീമമായ കടൽകയറ്റത്തിന്റെ നടുക്കുന്ന ഓർമകളാണ് മത്സ്യത്തൊഴിലാളികൾ കേരള 9 നോട് പങ്കുവച്ചത്. ഇരച്ചെത്തിയ തിരമാലകൾ ആദ്യം വീടുകൾ തകർത്തു. ഇറങ്ങി ഓടിയ പല കുടുംബങ്ങളും തലനാഴിരയ്ക്കാണ് രക്ഷപ്പെട്ടത്. മത്സ്യത്തൊഴിലാളി കോൺഗ്രസ് ജില്ലാ പ്രസിഡന്റ് ആന്റണിയാണ് പ്രതികരണം രേഖപ്പെടുത്തിയത്.
സർക്കാർ കൊണ്ടുവന്ന അശാസ്ത്രീയമായ തീരസുരക്ഷാ രീതികൾ മൂലമാണ് അടിക്കടി കടൽക്ഷോഭത്തിൽ വീടുതൾക്ക് നാശനഷ്ടം ഉണ്ടാകുന്നതെന്ന് തീരദേശ വാസികളുടെ പ്രതികരണം. ഇന്നലെ ഉച്ചയോടെയാണ് കടൽ ഉൾവലിയുകയും പിന്നീട് തീരത്തേക്ക് അതിഭാകരമായ തിര എത്തിയതെന്നും മത്സ്യത്തൊഴിലാളികൾ പറയുന്നത്. ഭീമമായ തിരയിൽ വലിയ തുറ, പൊഴിയൂർ ഭാഗത്താണ് ഏറ്റവും കൂടുതൽ നാശനഷ്ടം റിപ്പോർട്ട് ചെയ്തിരിക്കുന്നത്. 15ലധികം വീടുകൾ, ബീച്ചിലേക്കുള്ള റോഡ്, മത്സ്യഫെഡിന് കീഴിലുള്ള സ്ഥാപനങ്ങൾ, മിനിഹാർബറുകൾ ഉൾപ്പടെ ഭീമമായ തകർച്ചയാണ് പൊഴിയൂർ തീരം സാക്ഷ്യം വഹിച്ചിരിക്കുന്നത്. വീട് തകർന്നവരെ ജില്ലാ അധികൃതർ പൊഴിയൂർ സർക്കാർ സ്ക്കൂളിൽ പ്രവർത്തനം ആരംഭിച്ചിരിക്കുന്ന ദുരിതാശ്വാസ ക്യാമ്പിലേക്ക് മാറ്റി.
ഇന്നലെ മുതൽ തുടരുന്ന ഭീമൻ തിരയിൽ തമിഴ്നാട്ടിൽ രണ്ട് മരണവും റിപ്പോർട്ട് ചെയ്തു. മൂന്ന് ദിവസം കൂടി മത്സ്യത്തൊഴിലാളികൾ കടലിൽ പോകരുതെന്നണ് സംസ്ഥാന ദുരന്തനിവാരണ അതോറിറ്റിയുടെ മുന്നറിയിപ്പിൽ വ്യക്തമാക്കുന്നത്. അതേസമയം കോവളം ബീച്ചിൽ സന്ദർശകരെ പൂർണമായും വിലക്കി. ഇതരസംസ്ഥാനത്ത് നിന്നെത്തുന്ന വിനോദ സഞ്ചാരികളേയും വിദേശ സഞ്ചാരികളേയും ലൈഫ് ഗാർഡുമാർ പ്രത്യേക നിർദേശത്തോടെയാണ് ബീച്ചിൽ നിന്ന് മാറ്റിയത്.
മലയാളികളുടെ പ്രിയ താരം ടൊവിനോ തോമസ് നായകനായി എത്തുന്ന ‘നടികർ’ സിനിമയിലെ ഏറ്റവും പുതിയ പാട്ടെത്തി. ഓമൽ കനവേ എന്ന് തുടങ്ങുന്ന ഗാനം ഒരു നൊമ്പരത്തോടെ മാത്രമേ കണ്ടു തീ‍ർക്കാൻ കഴിയൂ. വിനായക് ശശികുമാറിന്റെ വരികൾക്ക് യാക്സൻ ഗാരി പെരേരയും നേഹ നായറുമാണ് സംഗീതം നൽകിയിരിക്കുന്നത്. ജോബ് കുര്യൻ ആണ് ഗാനം ആലപിച്ചിരിക്കുന്നത്.
ലാൽ ജൂനിയർ സംവിധാനം ചെയ്യുന്ന ചിത്രത്തിൽ ടോവിനോ നായകനാകുന്ന ചിത്രത്തിൽ ഭാവനയാണ് നായികയാകുന്നത്. ടൊവിനോയ്‌ക്കൊപ്പം മറ്റൊരു പ്രധാന കഥാപാത്രത്തെ അവതരിപ്പിക്കുന്നത് സൗബിന്‍ ഷാഹിറാണ്. ബാല എന്ന കഥാപാത്രത്തെയാണ് സൗബിന്‍ ചിത്രത്തില്‍ അവതരിപ്പിക്കുന്നത്. ടൊവിനോയും സൗബിനും ആദ്യമായി ഒന്നിക്കുന്ന ചിത്രമെന്ന പ്രത്യേകതയും നടികര്‍ സിനിമയ്ക്കുണ്ട്. മെയ് മൂന്നിന് ചിത്രം ലോകമെമ്പാടും റിലീസ് ചെയ്യും.
ഡ്രൈവിംഗ് ലൈസന്‍സ് എന്ന ഹിറ്റ് ചിത്രത്തിന് ശേഷം ലാല്‍ ജൂനിയര്‍ സംവിധാനം ചെയ്യുന്ന നടികർ അലന്‍ ആന്റണി, അനൂപ് വേണുഗോപാല്‍ എന്നിവരുടെ നേതൃത്വത്തിലുള്ള ഗോഡ്‌സ്പീഡാണ് നിര്‍മിക്കുന്നത്. പുഷ്പ – ദ റൈസ് പാര്‍ട്ട് 1 ഉള്‍പ്പെടെ ഒട്ടേറെ ജനപ്രിയ ചിത്രങ്ങള്‍ നിര്‍മിച്ച മൈത്രി മൂവി മെക്കേഴ്‌സിന്റെ നവീൻ യർനേനിയും വൈ. രവി ശങ്കറും ചിത്രത്തിന്റെ ഭാഗമാകുന്നുണ്ട്. ധ്യാൻ ശ്രീനിവാസൻ, അനൂപ് മേനോൻ, ഷൈൻ ടോം ചാക്കോ, ലാൽ, ബാലു വർഗീസ്, സുരേഷ് കൃഷ്ണ, സംവിധായകൻ രഞ്ജിത്ത്, ഇന്ദ്രൻസ്, മധുപാൽ, ഗണപതി, വിജയ് ബാബു, അൽത്താഫ് സലിം, മണിക്കുട്ടൻ, മേജർ രവി, മൂർ, സുമിത്, നിഷാന്ത് സാഗർ, അഭിറാം പൊതുവാൾ, ചന്ദു സലിംകുമാർ, ശ്രീകാന്ത് മുരളി, അർജുൻ നന്ദകുമാർ, ദിവ്യ പിള്ള, ജോർഡി പൂഞ്ഞാർ, ദിനേശ് പ്രഭാകർ, അബു സലിം, ബൈജുക്കുട്ടൻ, ഷോൺ സേവ്യർ, തുഷാര പിള്ള, ദേവി അജിത്, സ്മിനു സിജോ, കൃഷ്ണ സംഗീത്, ലെച്ചു (ബിഗ് ബോസ് ഫെയിം ) രജിത്ത് (ബിഗ് ബോസ് ഫെയിം) തിരക്കഥാകൃത്ത് ബിപിൻ ചന്ദ്രൻ,ചെമ്പിൽ അശോകൻ, മാലാ പാർവതി, ദേവികാ ഗോപാൽ നായർ, ബേബി ആരാധ്യ, ജയരാജ്‌ കോഴിക്കോട്, അഖിൽ കണ്ണപ്പൻ, ഖയസ് മുഹമ്മദ്, ബേബി വിയ എന്നിവരും ചിത്രത്തിൽ അഭിനയിക്കുന്നുണ്ട്.
ചിത്രത്തിന്റെ തിരക്കഥ ഒരുക്കുന്നത് സുവിന്‍ എസ് സോമശേഖരനാണ്. ആല്‍ബിയാണ് ചിത്രത്തിനായി ക്യാമറ ചലിപ്പിക്കുന്നത്. യക്സന്‍ ഗാരി പെരേര, നേഹ എസ് നായര്‍ എന്നിവരാണ് ചിത്രത്തിൻ്റെ സംഗീത സംവിധാനം നിർവഹിക്കുന്നത്. രതീഷ് രാജാണ് എഡിറ്റര്‍. പ്രശാന്ത് മാധവ് പ്രൊഡക്ഷൻ ഡിസൈൻ നിര്‍വഹിക്കുന്നു. നിതിന്‍ മൈക്കിളാണ് ചീഫ് അസോസിയേറ്റ്. പ്രൊഡക്ഷൻ കൺട്രോളർ – മനോജ് കാരന്തൂർ, ഓഡിയോഗ്രഫി – ഡാൻ ജോസ്. ഏക്ത ഭട്ടേത് വസ്ത്രാലങ്കാരവും ആര്‍ ജി വയനാടൻ മേക്കപ്പും നിര്‍വഹിക്കുന്നു. സൗണ്ട് ഡിസൈൻ – അരുൺ വർമ്മ MPSE, കൊറിയോഗ്രാഫി – ഭൂപതി, ആക്ഷൻ – കാലൈ കിങ്സൺ, വിഷ്വൽ എഫ് എക്സ് – മേരകി വി എഫ് എക്സ്, പ്രോമോ സ്റ്റിൽ – രമ ചൗധരി, സ്റ്റിൽ ഫോട്ടോഗ്രഫി – വിവി ചാർളി, പ്രോമോ ഡിസൈൻ – സിജെ അച്ചു, പബ്ലിസിറ്റി ഡിസൈൻ – ഹെസ്റ്റൺ ലിനോ, ഡിജിറ്റൽ പി ആർ – അനൂപ് സുന്ദരൻ, പി ആർ ഓ – ശബരി.
2023ലെ ഏറ്റവും വലിയ ഹിറ്റ് ചിത്രമായിരുന്നു ദസറ. നാനിയുടെ കരിയറിൽ തന്നെ ഏറ്റവും വലിയ കളക്ഷൻ നേടിയെടുത്ത ചിത്രം കൂടിയായിരുന്നു ദസറ. ദസറ കോംബോ മറ്റൊരു ചിത്രത്തിനായി വീണ്ടും ഒന്നിക്കുന്നു. ശ്രീ ലക്ഷ്മി വെങ്കടേശ്വര സിനിമാസിന്റെ ബാനറിൽ സുധാകർ ചെറുകുരി നിർമിച്ച് ശ്രീകാന്ത് ഒഡെലയുടെ സംവിധാനത്തിൽ #നാനി 33 ഒരുങ്ങുകയാണ്.
ദസറയിലൂടെ ശ്രീകാന്ത് ഒഡെല മികച്ച തുടക്കമാണ് നടത്തിയത്. ബോക്‌സ് ഓഫീസ് കളക്ഷനുപരി ക്രിട്ടിക്കൽ അഭിപ്രായങ്ങളും ദസറ നേടി. തിരക്കഥാകൃത്തും സംവിധായകനും എന്ന നിലയിൽ ശ്രീകാന്ത് ഒഡെല പ്രശംസിക്കപ്പെട്ടിരുന്നു. നാനിയെ ഇതുവരെ കാണാത്ത ഗെറ്റപ്പിലാണ് സംവിധായകൻ പ്രേക്ഷകർക്ക് മുന്നിൽ എത്തിച്ചിരുന്നത്.
വയലന്റ് അന്നൗൺസ്‌മെന്റ് പോസ്റ്ററാണ് പുറത്ത് വന്നത്. കൂറ്റൻ താടിയും മീശ പിരിച്ചും നാനിയെ പോസ്റ്ററിൽ കാണാം. സ്റ്റൈലായി സിഗരറ്റ് വലിക്കുന്നതും പോസ്റ്ററിൽ കാണാം.
ദസറയ്ക്ക് ശേഷം മറ്റൊരു മാസ് കഥാപാത്രമാണ് ഒരുങ്ങുന്നത്. വൻ ബഡ്ജറ്റിലാണ് ചിത്രം ഒരുങ്ങുന്നത്. ഒരു പ്രത്യേക ജോണറിൽ ഒതുങ്ങാതെ വ്യക്തമായി പല സബ്ജക്ടുകൾ തിരഞ്ഞെടുക്കുകയാണ്. ശ്രീകാന്ത് ഒഡെലയുമായി വീണ്ടും ഒന്നിക്കുന്നതിന്റെ ആവേശത്തിലാണ് നാനി. 2025 വേനൽക്കാലത്ത് ചിത്രം തീയേറ്ററുകളിലെത്തും. പി ആർ ഒ – ശബരി
അദിവി ശേഷ് നായകനാകുന്ന ജി2വിൽ നടി ബനിത സന്ധു നായികയായി എത്തുന്നു. വമ്പൻ ആക്ഷൻ രംഗങ്ങളോടെ ഒരുങ്ങുന്ന ബനിതയുടെ ആദ്യ പാൻ ഇന്ത്യൻ ചിത്രമാണ് ജി 2. ഗുജറാത്തിലെ ഭുജിൽ ബനിത ഉടൻ ചിത്രീകരണം ആരംഭിക്കുമെന്നാണ് റിപ്പോർട്ട്. ഒക്ടോബർ, സർദാർ ഉദം, ആദിത്യ വർമ്മ തുടങ്ങിയ ചിത്രങ്ങളിൽ ബനിത അഭിനയിച്ചിട്ടുണ്ട്.
2018-ൽ പുറത്തിറങ്ങിയ ഗൂഡചാരി എന്ന ചിത്രത്തിൻ്റെ സീക്വൽ ആറ് വർഷത്തിന് ശേഷം എത്തുകയാണ്. പീപ്പിൾ മീഡിയ ഫാക്ടറി, അഭിഷേക് അഗർവാൾ ആർട്സ്, എകെ എൻ്റർടൈൻമെൻ്റ്‌സ് എന്നിവയുടെ ബാനറിൽ ടിജി വിശ്വ പ്രസാദും അഭിഷേക് അഗർവാളും ചേർന്നാണ് ചിത്രം നിർമ്മിക്കുന്നത്. വിനയ് കുമാർ സിരിഗിനീടിയാണ് സംവിധാനം. ഇമ്രാൻ ഹാഷ്മി മറ്റൊരു പ്രധാന വേഷത്തിൽ എത്തുന്നു.
ജി 2 വിൻ്റെ ഭാഗമാകുന്നത് തനിക്ക് സന്തോഷമാണെന്ന് ബനിത നേരത്തെ ചിത്രത്തെക്കുറിച്ച് സംസാരിച്ചിരുന്നു. ചിത്രത്തിൽ ബനിതയുടെ വേഷം മുമ്പത്തെ കഥാപാത്രങ്ങളിൽ നിന്നെല്ലാം വ്യത്യസ്തമാണ്. പി ആർ ഒ – ശബരി
പുണർതം ആർട്സിന്റെ ബാനറിൽ നിർമ്മിച്ച് രമേശ്കുമാർ കോറമംഗലം രചനയും സംവിധാനവും നിർവ്വഹിച്ച “മായമ്മ” റിലീസിംഗിന് തയ്യാറാകുന്നു.
നാവോറ് പാട്ടിന്റേയും പുള്ളൂവൻ പാട്ടിന്റേയും അഷ്ടനാഗക്കളം മായ്ക്കലിന്റേയും പശ്ചാത്തലത്തിൽ ഒരു പുള്ളുവത്തിയും നമ്പൂതിരിയും തമ്മിലുള്ള പ്രണയത്തിന്റേയും തുടർന്ന് പുള്ളുവത്തി നേരിടേണ്ടി വരുന്ന ദുരന്തങ്ങളുടേയും സ്ത്രീത്വത്തിനും അഭിമാനത്തിനും വേണ്ടി പുള്ളൂവത്തി നടത്തുന്ന പോരാട്ടത്തിന്റേയും കഥ പറയുന്ന മായമ്മയിൽ മായമ്മയായി അങ്കിത വിനോദും നമ്പൂതിരി യുവാവായി അരുൺ ഉണ്ണിയും വേഷമിടുന്നു. വിജിതമ്പി, ചേർത്തല ജയൻ, കൃഷ്ണപ്രസാദ്, പൂജപ്പുര രാധാകൃഷ്ണൻ, ബിജു കലാവേദി, പി ജെ രാധാകൃഷ്ണൻ, ഇന്ദുലേഖ, കെ പി എസി ലീലാമണി, സീതാലക്ഷ്മി, രാഖി മനോജ്, ആതിര, മാസ്റ്റർ അമൽപോൾ, ബേബി അഭിസ്ത, ബേബി അനന്യ തുടങ്ങിയവരും ചിത്രത്തിൽ വേഷമിടുന്നുണ്ട്.
നിർമ്മാണം – പുണർതം ആർട്സ് ഡിജിറ്റൽ പ്രൈവറ്റ് ലിമിറ്റഡ്, യോഗീശ്വര ഫിലിംസ് പ്രൈവറ്റ് ലിമിറ്റഡ്, രചന, സംവിധാനം -രമേശ്കുമാർ കോറമംഗലം, ഛായാഗ്രഹണം – നവീൻ കെ സാജ്, എഡിറ്റിംഗ് – അനൂപ് എസ് രാജ്, എക്സിക്യൂട്ടീവ് പ്രൊഡ്യൂസേഴ്സ് – രാജശേഖരൻ നായർ, ശബരീനാഥ്, വിഷ്ണു, ഗണേഷ് പ്രസാദ്, ഗിരീഷ്, പ്രോജക്ട് കോ-ഓർഡിനേറ്റർ, ചീഫ് അസ്സോസിയേറ്റ് ഡയറക്ടർ – അനിൽ കഴക്കൂട്ടം, ചമയം – ഉദയൻ നേമം, കോസ്റ്റ്യും – ബിജു മങ്ങാട്ടുകോണം, കല- അജി പായ്ച്ചിറ, അസ്സോസിയേറ്റ് ഡയറക്ടർ – റാഫി പോത്തൻകോട്, ഗാനരചന – രമേശ്കുമാർ കോറമംഗലം, ഉമേഷ്പോറ്റി ( നാവോറ്), സംഗീതം – രാജേഷ് വിജയ്, ആലാപനം – അഖില ആനന്ദ്, രാജേഷ് വിജയ്, ലക്ഷ്മി ജയൻ, പ്രമീള, പ്രിയ രാജേഷ്, പ്രൊഡക്ഷൻ കൺട്രോളർ – അജയഘോഷ് പരവൂർ, കോറിയോഗ്രാഫി -രമേശ്, പ്രൊഡക്ഷൻ മാനേജർ – പത്മാലയൻമംഗലത്ത്, സംവിധാന സഹായികൾ – കുട്ടു ഗണേഷ്, അനൂപ് ശർമ്മ, സുധീഷ് ജനാർദ്ദനൻ, കളറിസ്റ്റ് – വിജയകുമാർ, റിക്കോർഡിസ്റ്റ് – ഷഹനാസ് നെടുങ്കണ്ടം, സൗണ്ട് മിക്സിംഗ് – ആദർശ്, സ്റ്റുഡിയോ- ബോർക്കിഡ് മീഡിയ, പിആർഓ – അജയ് തുണ്ടത്തിൽ
ആൻഡ്രിയായെ കേന്ദ്ര കഥാപാത്രമാക്കി നാഞ്ചിൽ സംവിധാനം ചെയ്ത സിനിമയാണ് ‘ കാ – ദി ഫോറസ്റ്റ് ‘. ഷാലോം സ്റ്റുഡിയോസാണ് നിർമ്മാതാക്കൾ. സിനിമ ഇന്ന് മാർച്ച് 29 നാണ് റിലീസ് നിശ്ചയിച്ചിരുന്നത്. എന്നാൽ കഴിഞ്ഞ ദിവസം ചെന്നൈ ഹൈകോടതി ന്ന് പ്രസ്തുത ചിത്രത്തിൻ്റെ പ്രദർശനം തടഞ്ഞു കൊണ്ട് ഇടക്കാല ഉത്തരവ് പുറപ്പെടുവിച്ചിരിക്കയാണ്. എയ്ഡ് എൻ്റർടൈൻമെൻ്റ് ഉടമ ജയകുമാണ് നിറർമ്മാതാവിനെതിരെ കോടതിയിൽ അപേക്ഷ നൽകി സ്റ്റേ നേടിയത്. സിനിമ നിർമ്മിക്കുന്നതിനായി നിർമ്മാതാവ് ജോൺ മാക്സ് തൻ്റെ പക്കൽ നിന്നും ഇരുപതു ലക്ഷം രൂപ കടം വാങ്ങിയെന്നും, ഈ തുക നഷ്ട പരിഹാരത്തോടൊപ്പം മൂന്നു മാസം കൊണ്ടു തിരിച്ചു നൽകാം എന്നും ചിത്രത്തിൻ്റെ സാറ്റ്‌ലൈറ്റ് അവകാശം തനിക്ക് നൽകാം എന്നും ഉടമ്പടി ഉണ്ടാക്കി. എന്നാൽ ഉടമ്പടി പ്രകാരം പണം തിരിച്ചു നൽകാതെയും തന്നെ അറിയിക്കാതെയും റിലീസ് ചെയ്യാൻ തീരുമാനിച്ചു. സിനിമ റിലീസ് ചെയ്താൽ അത് തനിക്ക് നികത്താനാവാത്ത നഷ്ടം ഉണ്ടാക്കുമെന്നും ജയകുമാർ കോടതിയിൽ സമർപ്പിച്ച ഹർജിയിൽ പറഞ്ഞു. ഹർജി സ്വീകരിച്ച കോടതി ചിത്രത്തിന് ഇടക്കാല സ്റ്റേ നൽകി കേസിൻ്റെ വിചാരണ ഏപ്രിൽ 12 ലേക്ക് മാറ്റി വെച്ചു. ഇതോടെയാണ് ‘ കാ – ദി ഫോറസ്റ്റ് ‘ ൻ്റെ പ്രദർശനം പ്രതിസന്ധിയിലായത്. ആൻഡ്രിയായെ സംബന്ധിടത്തോളം ഏറെ പ്രതീക്ഷയുള്ള വുമൺ സെൻ്റ്റിക്ക് സിനിമയാണ് ‘ കാ – ദി ഫോറസ്റ്റ് ‘.
ഗ്ലോബൽ സ്റ്റാർ രാം ചരണിനെ നായകനാക്കി ശങ്കർ സംവിധാനം ചെയ്യുന്ന ‘ഗെയിം ചേഞ്ചർ’ലെ ‘ജരഗണ്ടി’ എന്ന ഗാനത്തിന്റെ ലിറിക്കൽ വീഡിയോ പുറത്തിറങ്ങി. അനന്ത ശ്രീറാം വരികൾ ഒരുക്കിയ ഗാനം ദലേർ മെഹന്ദിയും സുനിധി ചൗഹാനും ചേർന്നാണ് ആലപിച്ചിരിക്കുന്നത്. തമൻ എസിന്റെതാണ് സംഗീതം. പ്രഭുദേവയുടെതാണ് കോറിയോഗ്രഫി.
‘ആർആർആർ’ന്റെ മികച്ച വിജയത്തിന് ശേഷം രാം ചരൺ നായകനായെത്തുന്ന ‘ഗെയിം ചേഞ്ചർ’ ശ്രീ വെങ്കിടേശ്വര ക്രിയേഷൻസിന്റെ ബാനറിൽ ദിൽ രാജുവും സിരീഷും ചേർന്നാണ് നിർമ്മിക്കുന്നത്. ഹർഷിത്താണ് സഹനിർമ്മാതാവ്. ശ്രീമതി അനിതയാണ് ചിത്രം അവതരിപ്പിക്കുന്നത്. കാർത്തിക് സുബ്ബരാജിന്റെതാണ് കഥ. സു വെങ്കിടേശൻ, ഫർഹാദ് സാംജി, വിവേക് എന്നിവർ ചേർന്ന് തിരക്കഥ ഒരുക്കിയ ചിത്രത്തിലെ സംഭാഷണങ്ങൾ തയ്യാറാക്കിയത് സായ് മാധവ് ബുറയാണ്.
അസാധാരണമായ ഒരു സിനിമാറ്റിക് അനുഭവം പ്രേക്ഷകർക്ക് സമ്മാനിക്കുന്ന പാൻ ഇന്ത്യൻ സിനിമയാണ് ‘ഗെയിം ചേഞ്ചർ’. കിയാര അദ്വാനി നായികയായെത്തുന്ന ചിത്രത്തിലെ മറ്റ് സുപ്രധാന വേഷങ്ങൾ അഞ്ജലി, സമുദ്രക്കനി, എസ് ജെ സൂര്യ, ശ്രീകാന്ത്, സുനിൽ തുടങ്ങിയവരാണ് അവതരിപ്പിക്കുന്നത്.
ഛായാഗ്രഹണം: എസ് തിരുനാവുക്കരശു, ചിത്രസംയോജനം: ഷമീർ മുഹമ്മദ്, ഗാനരചന: രാമജോഗയ്യ ശാസ്ത്രി, അനന്ത ശ്രീറാം, കാസർള ശ്യാം, ലൈൻ പ്രൊഡ്യൂസർ: എസ് കെ സബീർ, നരസിംഹറാവു എൻ, കലാസംവിധാനം: അവിനാഷ് കൊല്ല, ആക്ഷൻ: അൻബരിവ്, കോറിയോഗ്രഫി: പ്രഭുദേവ, ഗണേഷ് ആചാര്യ, പ്രേം രക്ഷിത്, ബോസ്കോ മാർഷ്യ, ജാനി, സാൻഡി, സൗണ്ട് ഡിസൈൻ: ടി ഉദയ് കുമാർ, പിആർഒ: ശബരി.
സഹ മത്സരാർത്ഥിയെ മർദിച്ചതിനാൽ ബിഗ്ഗ്‌ബോസിൽനിന്നും പുറത്തായി റോക്കി . തിരിച്ചെത്തിയ റോക്കിക്ക് സ്വീകരണമൊരുക്കി സ്നേഹിതരും ഫാൻസും, ചുറ്റും കൂടിയ ആളുകളിൽനിന്നും രക്ഷപെടാൻ എയർപോർട്ടിൽനിന്നും പുറത്തേക്ക് ഓടി റോക്കി റോക്കിയുടെ പ്രതികരണം ഇങ്ങനെ,
ഞാൻ വലിയ ഗെയിംമർ അല്ലാത്തതിനാൽ എനിക്ക് ഗെയിം ഒന്നും കളിക്കാൻ പറ്റിയില്ല ഞാൻ എങ്ങനാണോ അതുപോലെയാണ് അവിടെ നിന്നത്. എനിക്ക് പേടിയൊന്നും ഇല്ല അതുപോലെ ഞാൻ രണ്ടുകാര്യങ്ങൾ കൊണ്ടാണ് കരഞ്ഞത് ഒന്ന്‌ എനിക്ക് ആറു വർഷം കാത്തിരുന്നു കിട്ടിയ അവസരം നഷ്ടമായി രണ്ടാമത്തെ കാര്യം സിജോയെ ഞാൻ ഒരു ദിവസമെങ്കിലും സുഹൃത്തായി കണ്ടു അങ്ങനൊരാളുടെ ദേഹത്ത് കൈവെയ്ക്കേണ്ടി വന്നതിൽ എനിക്ക് വിഷമമുണ്ട്, അയാളുടെ കുടുംബത്തെയും സ്നേഹിക്കുന്നവരെയും ഓർത്താണ് ഞാൻ കരഞ്ഞത്. അല്ലാതെ ഞാൻ പേടിച്ചിട്ട് കരഞ്ഞതല്ല, റോക്കിക് എവിടെയും ഒറ്റയ്ക്ക് പോയി കളിച്ച് ജയിച്ച് വരാനറിയാം , ആരെയും ഞാൻ പേടിക്കില്ല എന്നും റോക്കി പറയുന്നു.
തനിക്ക് ഇനിയും ഒരുപാട് സംസാരിക്കാൻ ഉണ്ടെന്നും ഇപ്പോഴത്തെ ബിഗ്ഗ് ബോസ്സിന്റെ നിയമം വെച്ച് ഉടൻ അത് സാധിക്കില്ല എന്നും റോക്കി പറയുന്നു
തന്നെ പ്രഘോപിപ്പിച്ചതിനാലാണ് സിജോയെ ഇടിക്കേണ്ടി വന്നതെന്നും തന്നെ സപ്പോർട്ട് ചെയ്ത ജനങ്ങളോട് നന്ദി ഉണ്ടെന്നും റോക്കിയുടെ വാക്കുകൾ.
English Summary : Biggboss rocky reaction after out of Biggboss show
‘പുഷ്പ’ സംവിധായകൻ സുകുമാറും മൈത്രി മൂവി മേക്കേഴ്‌സും ഒന്നിക്കുന്ന പുതിയ ചിത്രത്തിൽ നായകനായ് ഗ്ലോബൽ സ്റ്റാർ രാം ചരൺ എത്തുന്നു. എസ് എസ് രാജമൗലിയുടെ ‘ആർആർആർ’ൻ്റെ വമ്പൻ വിജയത്തിന് ശേഷം സുകുമാറുമായുള്ള രാം ചരണിന്റെ ഈ കൂട്ടുകെട്ട് നടൻ്റെ കരിയറിലെ മറ്റൊരു നാഴികക്കല്ലിനാണ് തുടക്കമിടുന്നത്. ചിത്രത്തിന്റെ നിർമ്മാണം ഈ വർഷാവസാനം ആരംഭിക്കാനാണ് ഷെഡ്യൂൾ ചെയ്തിരിക്കുന്നത്.
‘ആർസി17’ എന്നാണ് ചിത്രത്തിന് താൽകാലികമായ് ടൈറ്റിൽ നൽകിയിരിക്കുന്നത്. മൈത്രി മൂവി മേക്കേഴ്‌സും സുകുമാർ റൈറ്റിംഗ്‌സും ചേർന്ന് നിർമ്മിക്കുന്ന ഈ ചിത്രം 2025ന്റെ അവസാനത്തിൽ ഗംഭീരമായ് റിലീസ് ചെയ്യാനാണ് അണിയറ പ്രവർത്തകർ ലക്ഷ്യമിടുന്നത്.
2018 മാർച്ച് 30ന് റിലീസ് ചെയ്ത സുകുമാർ ചിത്രം ‘രംഗസ്ഥലം’ത്തിന്റെ ബ്ലോക്ക്ബസ്റ്റർ ഹിറ്റിന് ശേഷം രാം ചരൺ, സുകുമാർ, മൈത്രി മൂവി മേക്കേഴ്‌സ്, ഡിഎസ്പി എന്നിവരുടെ കോമ്പിനേഷനിൽ എത്തുന്ന രണ്ടാമത്തെ ചിത്രമാണിത്. ഇവർ വീണ്ടും ഒന്നിക്കുന്നതോടെ മുമ്പെങ്ങും കണ്ടിട്ടില്ലാത്തവിധമൊരു പാൻ-ഇന്ത്യ സിനിമാറ്റിക് അനുഭവം ആരാധകർക്ക് പ്രതീക്ഷിക്കാം. പിആർഒ: ശബരി
