തന്റെ ജീവിതത്തിലെ ഏറ്റവും സന്തോഷകരവും അഭിമാനകരവുമായ നിമിഷം ആരാധകരുമായി പങ്കുവെച്ച് നടി അനാർക്കലി മരിക്കാർ. അനാർക്കലിയുടെ പങ്കാളിയായ അമീൻ ബാരിഫ് ആദ്യമായി സംവിധാനം ചെയ്യുന്ന ‘കാക്കി സർക്കസ്’ (Kaaki Circus) എന്ന ചിത്രം പ്രേക്ഷകരിലേക്ക് എത്തുന്നതിന്റെ ആവേശത്തിലാണ് താരം.

പങ്കാളിയുടെ കരിയറിലെ ഈ വലിയ ചുവടുവെയ്പ്പിന് സാക്ഷിയാകാൻ കഴിഞ്ഞതിലും ആ യാത്രയുടെ ഭാഗമാകാൻ സാധിച്ചതിലും വലിയ സന്തോഷമുണ്ടെന്ന് അനാർക്കലി പറയുന്നു. “ഇന്ന് എനിക്ക് വളരെ വികാരനിർഭരമായ ഒരു ദിവസമാണ്. ചെറിയ പരിഭ്രമവും അതേസമയം വലിയ അഭിമാനവും ആവേശവുമുണ്ട്. ഈ യാത്രയുടെ ഭാഗമാകാൻ കഴിഞ്ഞതിൽ ഞാൻ ഭാഗ്യവതിയാണ്,” അനാർക്കലി സോഷ്യൽ മീഡിയയിൽ കുറിച്ചു.

View this post on Instagram

A post shared by anarkali marikar (@anarkalimarikar)

ചിത്രത്തിൽ ഒരു ഗാനം ആലപിച്ചിട്ടുള്ള അനാർക്കലി, നടി ഗൗതമി നായർക്ക് വേണ്ടി ഡബ്ബ് ചെയ്യാനും ഈ സിനിമയിലൂടെ അവസരം ലഭിച്ചതായി വ്യക്തമാക്കി. സീ5 (ZEE5) ഒടിടി പ്ലാറ്റ്‌ഫോമിലൂടെയാണ് കാക്കി സർക്കസ് റിലീസ് ചെയ്തിരിക്കുന്നത്.

മുമ്പൊരു അഭിമുഖത്തിൽ തനിക്കൊരു കാമുകനുണ്ടെന്നും തങ്ങൾ ലിവിങ് ടുഗെദർ ആണെന്നും അനാർക്കലി വെളിപ്പെടുത്തിയിരുന്നു. സംവിധായകനാകുക എന്നതാണ് അവന്റെ സ്വപ്നമെന്നും അന്ന് താരം പറഞ്ഞിരുന്നു. ഇരു കുടുംബങ്ങൾക്കും ഇതേക്കുറിച്ച് അറിവുണ്ടെന്നും താരം വ്യക്തമാക്കിയിരുന്നു.

View this post on Instagram

A post shared by anarkali marikar (@anarkalimarikar)

2016-ൽ പുറത്തിറങ്ങിയ ‘ആനന്ദം’ എന്ന ചിത്രത്തിലൂടെയായിരുന്നു അനാർക്കലിയുടെ സിനിമാ പ്രവേശനം. തുടർന്ന് വിമാനം, മന്ദാരം, ഉയരെ, ഗഗനചാരി തുടങ്ങിയ ചിത്രങ്ങളിലൂടെ പ്രേക്ഷക ശ്രദ്ധ നേടാൻ താരത്തിന് കഴിഞ്ഞു.

actress Anarkali Marikar has shared joy and excitement as her partner

മലയാളികളുടെ പ്രിയ നായിക ഭാമ തന്റെ മകൾ ഗൗരിക്കൊപ്പമുള്ള പുതിയ ചിത്രം സോഷ്യൽ മീഡിയയിൽ പങ്കുവെച്ചിരിക്കുകയാണ്. മകൾക്കൊപ്പമുള്ള മനോഹരമായ നിമിഷങ്ങൾ എപ്പോഴും ആരാധകരുമായി പങ്കുവെക്കുന്ന താരം, ഇത്തവണ ഹൃദ്യമായ ഒരു അടിക്കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്.

“Life with her ‘G'” എന്നാണ് ഭാമ ചിത്രത്തിന് നൽകിയിരിക്കുന്ന ക്യാപ്ഷൻ. ഇതിലെ ‘G’ എന്നത് മകളായ ഗൗരിയെയാണ് സ്നേഹത്തോടെ സൂചിപ്പിക്കുന്നത്.

സിനിമയിൽ നിന്ന് താൽക്കാലികമായി മാറിനിൽക്കുകയാണെങ്കിലും, മകൾക്കൊപ്പമുള്ള ഓരോ നിമിഷവും താരം എത്രത്തോളം ആസ്വദിക്കുന്നുണ്ടെന്ന് ഈ പോസ്റ്റിൽ നിന്ന് വ്യക്തമാണ്. ക്യൂട്ട് ചിത്രത്തിന് താഴെ സ്നേഹം അറിയിച്ചുകൊണ്ട് നിരവധി സിനിമാ താരങ്ങളും ആരാധകരുമാണ് കമന്റുകളുമായി എത്തിയിരിക്കുന്നത്.

View this post on Instagram

A post shared by bhamaa (@bhamaa)

Actress Bhama with her daughter

മലയാള സിനിമയുടെ ചരിത്രത്തിലാദ്യമായി കോടതി റിസീവർഷിപ്പിൽ ഒരു സിനിമ റിലീസിന് തയ്യാറെടുക്കുന്നു. റോഷൻ മാത്യുവും നിമിഷ സജയനും കേന്ദ്ര കഥാപാത്രങ്ങളായെത്തുന്ന സസ്പെൻസ് ത്രില്ലർ ചിത്രം “ചേര”.

ലൈൻ ഓഫ് കളേഴ്‌സിൻ്റെ ബാനറിൽ നിർമ്മാതാവ് എം സി അരുണും എൻ എൻ ജി ഫിലിംസിൻ്റെ ബാനറിൽ കോ- പ്രൊഡൂസർ നിരൂപ് ഗുപ്‌തയും തമ്മിലുണ്ടായ സാമ്പത്തിക തർക്കത്തെ തുടർന്നുള്ള കേസ്സിലാണ്, കോടതി ഒരു റിസീവറിനെ നിയമിക്കുന്ന നടപടിയിലേക്ക് എത്തിച്ചേർന്നത്. ചേര സിനിമയുമായി ബന്ധപ്പെട്ട തുടർ കാര്യങ്ങൾ റിസീവറുടെ നിയന്ത്രണത്തിലായിരിക്കും ഇനി മുന്നോട്ട് പോകുന്നത്.

ലൈൻ ഓഫ് കളേഴ്‌സ് ഇൻ അസ്സോസിയേഷൻ വിത്ത് എൻ എൻ ജി ഫിലിംസിൻ്റെ ബാനറിൽ എം സി അരുൺ നിർമ്മാണവും നിരൂപ് ഗുപ്‌ത കോ-പ്രൊഡ്യൂസറുമായ ചേര സംവിധാനം ചെയ്തിരിക്കുന്നത് ലിജിൻ ജോസ് ആണ്.
അലക്സ് ജെ പുളിക്കൽ ഛായാഗ്രഹണം നിർവ്വഹിച്ച ചിത്രത്തിൻ്റെ പിആർഓ അജയ് തുണ്ടത്തിലാണ്.

അഡ്വക്കേറ്റ് രശ്‌മി ഗോപാലകൃഷ്‌ണനെയാണ് എറണാകുളം അഡീഷണൽ കോമേഴ്സ്യൽ കോർട്ട് ജഡ്ജ് രശ്മി ബി ചിറ്റൂർ ചേര സിനിമയുടെ റിസീവർ ആയി നിയമിച്ച് ഉത്തരവിട്ടിട്ടുള്ളത്. ഈ കേസ്സിൽ വാദി എൻ എൻ ജി ഫിലിംസ് (NNG Films) നിരൂപ് ഗുപ്ത (Niroup Gupta) യ്ക്ക് വേണ്ടി കോടതിയിൽ ഹാജരായത് അഡ്വ. റെയിൻ കെ രവിയും അഡ്വ. ജീമോൻ പി എബ്രഹാമും ആയിരുന്നു ….

തമിഴ്നാട്ടിലെ ഒരു ഗ്രാമത്തിൽ ചിത്രശലഭം ചിറകിട്ടടിച്ചാൽ കേരളത്തിൽ സുനാമി ഉണ്ടാകുമോ…? ഈ ബട്ടർഫ്ലൈ എഫക്ട് ചോദ്യത്തിൽ നിന്നാണ് കാക്കി സർക്കസിന്റെ തുടക്കം. കൗതുകം ഉണർത്തുന്ന ഈ ചോദ്യത്തിന്റെ രസകരമായ മറുപടിയാണ് 7 എപ്പിസോഡുകൾ നീണ്ടുനിൽക്കുന്ന കാക്കി സർക്കസിലൂടെയുള്ള രസകരമായ യാത്ര. ഇന്ത്യയിലെ നമ്പർവൺ സ്ട്രീമിംഗ് പ്ലാറ്റ്ഫോം ആയ സീ 5 വഴി ഇന്നുമുതലാണ് അമീൻ ബാരിഫ് രചനയും സംവിധാനവും നിർവഹിച്ചിരിക്കുന്ന കാക്കി സർക്കസ് പുറത്തിറങ്ങിയത്.

തമിഴ്നാട്ടിലെ ഒരു ജയിൽ പശ്ചാത്തലം ആക്കിയാണ് ചിത്രത്തിൻറെ കഥ പുരോഗമിക്കുന്നത്. സ്വന്തമായി പുസ്തകങ്ങൾ എഴുതുകയും അത് തടവി ശിക്ഷയ്ക്ക് എത്തുന്ന കുറ്റവാളികളെ കൊണ്ട് വായിപ്പിക്കുകയും, ജയിലിൽ തന്നെ ഒരു അമ്പലം ഉണ്ടാക്കി അതിൽ തടവുപുള്ളികളെ കൊണ്ട് നേർച്ച ഇടുന്ന ഒരു ജയിലും അതിലെ ജയിൽ സൂപ്രണ്ടിലൂടെയുമാണ് സീരീസ് ആരംഭിക്കുന്നത്. ഒരു ദിവസം ജയിലിലെ ഭണ്ഡാര പെട്ടി കളവു പോകുന്നു, ജയിലിൽ തന്നെ മോഷണം നടക്കുകയും അത് പുറത്തിറങ്ങാൻ ഉണ്ടാകുന്ന പ്രശ്നങ്ങളെ ആലോചിച്ച് അത് മൂടി വയ്ക്കുവാൻ ശ്രമിക്കുകയും, മോഷണം നടത്തുകയാ പ്രതിയെ കണ്ടെത്തുവാൻ ശ്രമിക്കുന്നതും ആണ് കാക്കി സർക്കസിന്റെ കഥാഗതി. ഏറെ രസകരമായ പ്രമേയം അതിൻറെ രസിച്ച ഒട്ടും പൊട്ടാതെ തന്നെ ഗംഭീരമായി ഏഴ് എപ്പിസോഡുകളായി പ്രേക്ഷകർക്ക് മുന്നിൽ ഒരുക്കിയിട്ടുണ്ട്. ഒരു പോലീസ് കഥയ്ക്ക് വേണ്ട ത്രില്ലിംഗ് സ്വഭാവവും, ഏറെ വ്യത്യസ്തകരമായി അതിനെ ട്രീറ്റ് ചെയ്ത കോമഡിയിൽ ഊന്നിയ മേക്കിങ്ങുമാണ് കാക്കി സർക്കസിനെ വ്യത്യസ്തമാക്കുന്നത്.

മുനിഷ്കാന്ത്,സുഭാഷ് സെൽവം,രാജേഷ് മാധവൻ,ഗൗതമി നായർ,അമൃത,അബ്ദുൾ ലീ,വിൻസു റേച്ചൽ,രാകേഷ് ഉഷാർ,സാവിത്രി,മരുതുപാണ്ടിയൻ,ചിത്തിരസേനൻ, അരുൺ, വിഘ്നേശ്വർ എന്നിവരടങ്ങുന്ന ഒരു വലിയ താരനിര തന്നെ സീരീസിൽ അണിനിരക്കുന്നുണ്ട്. അതിൽ എടുത്തുപറയേണ്ടത് മുനീഷ് കാന്തിന്റെയും മലയാളി താരമായ രാജേഷ് മാധവന്റെയും പ്രകടനങ്ങളാണ്.

തമിഴ്, മലയാളം ഭാഷകളിലായി   ZEE5ന്റെ  ഒറിജിനൽ സീരീസ് ആയാണ് കാക്കി സർക്കസ് പ്രേക്ഷകർക്ക് മുന്നിൽ എത്തുന്നത്. ഈ സീരീസ് റൈസ് ഈസ്റ്റ് എന്റർടെയ്ൻമെന്റ് ബാനറിൽ ശ്രീനിധി സാഗർ ആണ്.

തമിഴ് മലയാളം ഭാഷകളിലായി ഒരുങ്ങിയ കാക്കി സർക്കസ് ഒരു വ്യത്യസ്തമായ പോലീസ് കഥയെ കോമഡിയും ത്രില്ലും ചേർത്ത് അവതരിപ്പിക്കുന്ന സീരീസാണ്. ശക്തമായ താരനിരയും മികച്ച സാങ്കേതിക സംഘവും ചേർന്ന ഈ സീരീസ് പ്രേക്ഷകർക്ക് ഒരു രസകരമായ അനുഭവം സമ്മാനിക്കുന്നു.
റേറ്റിംഗ് : 3.5/5

തെലുങ്ക് താരം നിഖിലിനെ നായകനാക്കി ഭരത് കൃഷ്ണമാചാരി സംവിധാനം ചെയ്യുന്ന പാൻ ഇന്ത്യൻ ചിത്രം “സ്വയംഭൂ” വിലെ ആദ്യ ഗാനം ഏപ്രിൽ 16 ന് റിലീസ് ചെയ്യും. രവി ബസ്‌റൂർ സംഗീതം നൽകിയ, “വാ വാ വീരവ” എന്ന വരികളോടെ ആരംഭിക്കുന്ന ഈ ഗാനം യോദ്ധാക്കളുടെ ആവേശവും വീര്യവും പ്രതിഫലിപ്പിക്കുന്ന ഒരു “വാരിയർ ആന്തം” ആയാണ് അവതരിപ്പിക്കുന്നത്. നിഖിൽ ഒരു ഇതിഹാസ യോദ്ധാവായി വേഷമിടുന്ന ഈ ചിത്രം പിക്സൽ സ്റ്റുഡിയോസിന്റെ ബാനറിൽ ഭുവനും ശ്രീകറും ചേർന്നാണ് നിർമ്മിക്കുന്നത്. ടാഗോർ മധുവാണ് ചിത്രം അവതരിപ്പിക്കുന്നത്.

അടുത്തിടെ ചിത്രത്തിന്റെ ആദ്യ ടീസർ പുറത്തു വരികയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. സ്വയംഭൂവിന്റെ തീവ്രമായ ലോകത്തിലേക്കുള്ള ആദ്യ കാഴ്ചയാണ് സമ്മാനിച്ച ടീസർ,. ഇന്ത്യയുടെ സാംസ്കാരിക പൈതൃകത്തിൽ വേരൂന്നിയ ഒരു ഇതിഹാസ യുദ്ധകഥയുടെ സൂചനയും നൽകി. മെഗാ കാൻവാസിലാണ് ചിത്രം ഒരുക്കിയിരിക്കുന്നതെന്നും ടീസർ കാണിച്ചു തന്നിരുന്നു. ഇന്ത്യൻ ചരിത്രത്തെയും പുരാണത്തെയും സംയോജിപ്പിച്ച് 985 എ. ഡിയുടെ പശ്ചാത്തലത്തിൽ ഒരു ആകർഷകമായ ഇതിഹാസ യുദ്ധകഥയാണ് ഇതിലൂടെ പ്രേക്ഷകരുടെ മുന്നിലെത്തിക്കുന്നത്.

നീണ്ട മുടി, ചുരുണ്ട മീശ, പരുക്കൻ താടി, കടഞ്ഞെടുത്ത പോലത്തെ ശരീരം എന്നിവയുമായി ഒരു ഇതിഹാസ യോദ്ധാവിന്റെ രൂപത്തിലാണ് നിഖിൽ ഈ ചിത്രത്തിൽ എത്തുന്നത്. ഗാനത്തിന്റെ റിലീസ് തീയതി പ്രഖ്യാപിച്ചു കൊണ്ടുള്ള പോസ്റ്ററിലും അദ്ദേഹത്തെ മികച്ച ലുക്കിലാണ് അവതരിപ്പിച്ചിരിക്കുന്നത്.
അദ്ദേഹത്തിന്റെ ഗംഭീര ആക്ഷൻ ആയിരിക്കും ചിത്രത്തിന്റെ ഹൈലൈറ്റ് എന്ന് ടീസർ സൂചിപ്പിച്ചിരുന്നു. കാർത്തികേയ 2 എന്ന ചിത്രത്തിലൂടെ രാജ്യം മുഴുവൻ ശ്രദ്ധ നേടിയ നിഖിലിൻ്റെ ഇരുപതാമത്തെ ചിത്രമാണ് “സ്വയംഭൂ”.

മലയാളി താരം സംയുക്തയും നഭാ നടേഷും ആണ് ചിത്രത്തിലെ നായികാതാരങ്ങൾ. സുബ്ബരാജു, സുനിൽ എന്നിവരും ചിത്രത്തിൽ നിർണ്ണായക വേഷങ്ങളിൽ എത്തുന്നുണ്ട്. വമ്പൻ ബജറ്റും ഉയർന്ന സാങ്കേതിക നിലവാരവുമുള്ള പീരിയോഡിക് യുദ്ധ പശ്ചാത്തലത്തിലാണ് ഈ ചിത്രം അവതരിപ്പിക്കുന്നത്. ഭരത് കൃഷ്ണമാചാരി തന്നെയാണ് ചിത്രം രചിച്ചത്. സമ്മർ റിലീസായി ചിത്രം തീയേറ്ററുകളിലെത്തും. തെലുങ്ക്, കന്നഡ, തമിഴ്, ഹിന്ദി, മലയാളം ഭാഷകളിൽ ചിത്രം ആഗോള റിലീസായെത്തും.

ഛായാഗ്രഹണം- കെ. കെ. സെന്തിൽ കുമാർ, സംഗീതം- രവി ബസ്രൂർ, എഡിറ്റിംഗ് – തമ്മി രാജു , പ്രൊഡക്ഷൻ ഡിസൈനർസ്- എം. പ്രഭാകരൻ, രവീന്ദർ, സംഭാഷണം – വിജയ് കാമിസേട്ടി, ആക്ഷൻ – കിങ് സോളമൻ, സ്റ്റണ്ട് സിൽവ, ജോഷുവ, വരികൾ – രാമജോഗയ്യ ശാസ്ത്രി, ശിവ ശക്തി ദത്ത, കെ കെ, നൃത്ത സംവിധാനം- വിജയ് ബിന്നി, ഭാനു, വസ്ത്രങ്ങൾ- അനുറെഡ്ഢി അക്കന്റി, എക്സികുട്ടീവ് പ്രൊഡ്യൂസർ- BBHR പ്രസാദ് , വിഎഫ്എക്സ്- ഫാന്റം എഫ്എക്സ്, പബ്ലിസിറ്റി ഡിസൈൻ- ധനി എലായ്, മാർക്കറ്റിംഗ്- ഫസ്റ്റ് ഷോ, പിആർഒ – ശബരി.

തമിഴ് സൂപ്പർതാരം ആര്യയും മലയാളത്തിന്റെ പ്രിയതാരം മഞ്ജു വാര്യരും ഒന്നിക്കുന്ന ബിഗ് ബജറ്റ് സ്പൈ ആക്ഷൻ ത്രില്ലർ ‘മിസ്റ്റർ എക്സ്’ (Mr. X) ട്രെയിലർ പുറത്തിറങ്ങി. ആവേശം നിറക്കുന്ന ആക്ഷൻ രംഗങ്ങളും സസ്പെൻസും നിറഞ്ഞ ട്രെയിലർ ഇതിനോടകം സോഷ്യൽ മീഡിയയിൽ തരംഗമായിക്കഴിഞ്ഞു.

ചിത്രത്തിന്റെ പ്രധാന വിശേഷങ്ങൾ:

സംവിധാനം: ‘എഫ്.ഐ.ആർ’ (FIR) എന്ന ഹിറ്റ് ചിത്രത്തിന് ശേഷം മനു ആനന്ദ് ഒരുക്കുന്ന ചിത്രമാണിത്.

പ്രമേയം: രാജ്യത്തിന്റെ സുരക്ഷയെ ബാധിക്കുന്ന അഞ്ച് യഥാർത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. കാണാതായ ഒരു ആണവ ഉപകരണം കണ്ടെത്താനുള്ള രഹസ്യ അന്വേഷണ ഉദ്യോഗസ്ഥരുടെ പോരാട്ടമാണ് ഇതിവൃത്തം.

താരനിര: ആര്യയോടൊപ്പം ഗൗതം കാർത്തിക്, ശരത് കുമാർ, മഞ്ജു വാര്യർ എന്നിവർ കരുത്തുറ്റ വേഷങ്ങളിൽ എത്തുന്നു. അനഘ, റൈസ വിൽസൺ തുടങ്ങിയവരും ചിത്രത്തിലുണ്ട്.

ലൊക്കേഷൻ: ഇന്ത്യയിലെ വിവിധ നഗരങ്ങൾക്ക് പുറമെ അസർബൈജാൻ തുടങ്ങിയ വിദേശ രാജ്യങ്ങളിലും വെച്ചാണ് ചിത്രം ചിത്രീകരിച്ചിരിക്കുന്നത്.

ഏപ്രിൽ 17-ന് ചിത്രം ലോകമെമ്പാടുമുള്ള തീയേറ്ററുകളിൽ പ്രദർശനത്തിനെത്തും. മഞ്ജു വാര്യരുടെ സ്റ്റൈലിഷ് ലുക്കും ആര്യയുടെ ആക്ഷൻ പ്രകടനവും കാണാൻ കാത്തിരിക്കുകയാണ് ആരാധകർ!

Mr X Movie Trailer Manju Warrier Arya