ചെന്നൈ: പ്രമുഖ സംഗീതസംവിധായകൻ അനിരുദ്ധ് രവിചന്ദറും സൺ ടിവി നെറ്റ്‌വർക്ക് എക്സിക്യൂട്ടീവ് ഡയറക്ടറും സൺറൈസേഴ്‌സ് ഹൈദരാബാദ് ഉടമയുമായ കാവ്യ മാരനും തമ്മിലുള്ള വിവാഹം നവംബർ 10, 11 തീയതികളിൽ ഗ്രീസിൽ നടക്കുമെന്ന് റിപ്പോർട്ട്. അടുത്ത ബന്ധുക്കളും ചുരുക്കം ചില സുഹൃത്തുക്കളും മാത്രം പങ്കെടുക്കുന്ന സ്വകാര്യ ചടങ്ങായിട്ടായിരിക്കും വിവാഹം നടക്കുക.
ഗ്രീസിലാണ് വിവാഹച്ചടങ്ങുകൾ നടക്കുന്നത്. എന്നാൽ മാധ്യമങ്ങളിൽ പ്രചരിച്ചതുപോലെ സാന്റോരിനിയിൽ (Santorini) ആയിരിക്കില്ല ചടങ്ങുകൾ നടക്കുകയെന്ന് വൃത്തങ്ങൾ വ്യക്തമാക്കിയിട്ടുണ്ട്.
ഗ്രീസിലെ വിവാഹ ചടങ്ങുകൾക്കായുള്ള അതിഥികളുടെ യാത്രാസൗകര്യങ്ങളും താമസവുമടക്കമുള്ള എല്ലാ ലോജിസ്റ്റിക്‌സ് കാര്യങ്ങളും മാരൻ കുടുംബമാണ് നേരിട്ട് ഏർപ്പെടുത്തിയിരിക്കുന്നത്.
വിവാഹത്തിന് ശേഷം നവംബർ 21-ന് ചെന്നൈയിൽ വെച്ച് വലിയ രീതിയിലുള്ള വിവാഹ സ്വീകരണച്ചടങ്ങ് നടക്കുമെന്നാണ് റിപ്പോർട്ടുകൾ
വിവാഹ സ്വീകരണച്ചടങ്ങിലേക്ക് ക്ഷണിക്കുന്നതിനായി സൺ ഗ്രൂപ്പ് ചെയർമാൻ കലാനിധി മാരൻ പ്രധാനമന്ത്രി നരേന്ദ്ര മോദി, തമിഴ്നാട് മുഖ്യമന്ത്രി വിജയ്, തെലങ്കാന മുഖ്യമന്ത്രി എ. രേവന്ത് റെഡ്ഡി എന്നിവരെ നേരിൽ കണ്ട് ക്ഷണക്കത്ത് കൈമാറി.
കഴിഞ്ഞ വർഷം ഇരുവരുടെയും വിവാഹത്തെക്കുറിച്ച് ഗോസിപ്പുകൾ പ്രചരിച്ചപ്പോൾ അനിരുദ്ധ് അത് തള്ളിക്കളഞ്ഞിരുന്നു. എന്നാൽ അടുത്തിടെ അനിരുദ്ധിന്റെ അമ്മാവനും നടനുമായ വൈ.ജി. മഹേന്ദ്ര അടക്കമുള്ളവർ വിവാഹം ഉണ്ടാകുമെന്ന് സ്ഥിരീകരിച്ചിരുന്നു. നിലവിൽ സിനിമാ-രാഷ്ട്രീയ രംഗത്തെ പ്രമുഖരുടെ അടക്കം സാന്നിധ്യത്തിൽ നടക്കാനിരിക്കുന്ന വിവാഹത്തിനായുള്ള കാത്തിരിപ്പിലാണ് ആരാധകർ.
കൊച്ചി: പ്രാചീന കാലത്തെ ഗോത്രവർഗക്കാരുടെ ജീവിതവും അതിജീവനവും പ്രമേഹമാക്കി പുതിയ ചിത്രം ഒരുങ്ങുന്നു. ‘അസ്ഥിക്കാരി’ എന്ന് പേരിട്ടിരിക്കുന്ന ചിത്രത്തിന്റെ പ്രഖ്യാപനം ചലച്ചിത്ര ലോകത്ത് ശ്രദ്ധ നേടുന്നു. വടക്കൻ കേരളത്തിന്റെയും കർണാടകയുടെയും ഉൾക്കാടുകളിൽ വസിച്ചിരുന്ന ആദിമ ഗോത്രങ്ങളുടെ കഥ പറയുന്ന ചിത്രത്തിന്റെ ചിത്രീകരണം നവംബർ അവസാനത്തോടെ ആരംഭിക്കും.
കാടും മലയും മാത്രം മനുഷ്യന്റെ വാസസ്ഥലമായിരുന്ന കാലഘട്ടത്തിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. ഭയം, കാമം, വിശപ്പ്, അധികാരം എന്നിവയിൽ ആനന്ദം കണ്ടെത്തുകയും കൈക്കരുത്തുള്ളവർ മറ്റുള്ളവരെ അടിമകളാക്കുകയും ചെയ്തിരുന്ന ഒരു കാലഘട്ടത്തെയാണ് ചിത്രം ദൃശ്യവൽക്കരിക്കുന്നത്.
ഇടുക്കി, മൈസൂർ, വയനാട് എന്നിവിടങ്ങളിലായി ചിത്രീകരണം നടക്കുമെന്ന് നിർമാതാവ് സലോമി ജോണി അറിയിച്ചു.
സഖി സത്യ കേന്ദ്ര കഥാപാത്രമാകുന്നു
ചിത്രത്തിൽ ഏറെ പ്രാധാന്യമുള്ള ‘അസ്ഥിക്കാരി’ എന്ന കേന്ദ്ര കഥാപാത്രത്തെ അവതരിപ്പിക്കുന്നത് സഖി സത്യയാണ്. ഒപ്പം മലയാളത്തിലെ മറ്റ് പ്രമുഖ താരങ്ങളും പ്രധാന വേഷങ്ങളിൽ എത്തും.
സൈനു ചാവക്കാടൻ കഥ, തിരക്കഥ, സംവിധാനം നിർവഹിക്കുന്ന ചിത്രം നിർമിക്കുന്നത് സലോമി ജോണിയാണ്. ചലച്ചിത്ര കഫേ, ഫസ്റ്റ്റിങ് മീഡിയ, വിനിത രമേശ് എന്നിവരാണ് സഹനിർമ്മാതാക്കൾ.
അണിയറപ്രവർത്തകർ:
ഛായാഗ്രഹണം: രഞ്ജിത്ത് പുന്നപ്ര
വരികൾ: റഫീഖ് അഹമ്മദ്
സംഗീതം: സോണി സായ്
പശ്ചാത്തല സംഗീതം: സായി ബാലൻ
ചിത്രസംയോജനം: ഗൗതം ശരത്
കലാസംവിധാനം: ഷെരീഫ് സി കെ
സംഘട്ടനം: ഡ്രാഗൺ ജിറോഷ്
ശബ്ദ സംവിധാനം: കരുൺ പ്രസാദ്
നൃത്ത സംവിധാനം: അമീഷ് കാലിക്കറ്റ്
ചമയം: പ്രഭീഷ് കാലിക്കറ്റ്
മുഖ്യ സംവിധാനസഹായി: ലാറ ഡൗളറ്റ്
അസ്സോസിയേറ്റ് ഡയറക്ടർമാർ: ഗായത്രി സത്യ, അനീഷ് റൂബി
കീർത്തി സുരേഷും രാധിക ആപ്‌തെയും പ്രധാന വേഷങ്ങളിലെത്തുന്ന നെറ്റ്ഫ്ലിക്സ് സീരീസ് ‘അക്ക’യുടെ ടീസർ പുറത്തിറങ്ങി. കീർത്തി സുരേഷിന്റെ ജന്മദിനത്തോടനുബന്ധിച്ചാണ് ടീസർ പുറത്തുവിട്ടത്. യഷ് രാജ് ഫിലിംസിന്റെ ബാനറായ വൈആർഎഫ് എന്റർടെയ്ൻമെന്റ് നിർമ്മിക്കുന്ന സീരീസ് ഒക്ടോബർ 30ന് നെറ്റ്ഫ്ലിക്സിലൂടെ ആഗോളതലത്തിൽ സ്ട്രീമിങ് ആരംഭിക്കും. 1980കളുടെ പശ്ചാത്തലത്തിൽ സ്ത്രീകൾ തലമുറകളായി കെട്ടിപ്പടുത്ത് ഭരിക്കുകയും സംരക്ഷിക്കുകയും ചെയ്ത പെർണുരു എന്ന സാങ്കൽപ്പിക രാജ്യത്താണ് കഥ നടക്കുന്നത്. ആഴത്തിൽ വേരൂന്നിയ പാരമ്പര്യങ്ങളും അധികാരമാറ്റങ്ങളും കടുത്ത വൈരങ്ങളും നിറഞ്ഞ ഈ ലോകത്ത് ഭവാനി, രുദ്ര എന്നീ കരുത്തുറ്റ സ്ത്രീകഥാപാത്രങ്ങൾ തമ്മിലുള്ള ഏറ്റുമുട്ടലാണ് സീരീസിന്റെ പ്രധാന ആകർഷണം.
ധർമരാജ് ഷെട്ടി രചനയും സംവിധാനവും നിർവഹിക്കുന്ന ‘അക്ക’ അദ്ദേഹത്തിന്റെ ആദ്യ സംവിധാന സംരംഭമാണ്. പെർണുരുവിന്റെ അധികാരഘടനയും അവിടെ നിലനിൽക്കുന്ന പാരമ്പര്യങ്ങളും വൈരങ്ങളും ഉൾപ്പെടുത്തി, സ്ത്രീകളുടെ നേതൃത്വത്തിലുള്ള ഒരു ഗ്യാങ്സ്റ്റർ ലോകത്തിലൂടെയാണ് സീരീസ് അവതരിപ്പിക്കുന്നത്. കീർത്തി സുരേഷ് ഭവാനിയായും രാധിക ആപ്തെ രുദ്രയായും എത്തുന്നു. ഇരുവരും അവതരിപ്പിക്കുന്ന കഥാപാത്രങ്ങൾ തമ്മിലുള്ള സംഘർഷങ്ങളും വ്യത്യസ്തമായ കാഴ്ചപ്പാടുകളും കഥയ്ക്ക് സങ്കീർണതയും ഉദ്വേഗവും നൽകുമെന്നാണ് ടീസർ നൽകുന്ന സൂചന. തൻ്റേതായ വിശ്വാസങ്ങളിൽ ഉറച്ചുനിൽക്കുകയും ചുറ്റുമുള്ള ലോകത്തെ ചോദ്യം ചെയ്യുകയും ചെയ്യുന്ന കഥാപാത്രമാണ് രുദ്രയെന്ന് രാധിക ആപ്തെ വ്യക്തമാക്കിയിട്ടുണ്ട്. തനിക്കു ലഭിച്ചിട്ടുള്ളതിൽ ഏറ്റവും വ്യത്യസ്തവും ഓർമയിൽ നിൽക്കുന്നതുമായ കഥാപാത്രങ്ങളിലൊന്നാണ് ഭവാനിയെന്ന് കീർത്തി സുരേഷും അഭിപ്രായപ്പെട്ടു.
നെറ്റ്ഫ്ലിക്സിനും വൈആർഎഫ് എന്റർടെയ്ൻമെന്റിനുമൊപ്പമുള്ള തന്റെ ആദ്യ സീരീസാണ് ‘അക്ക’യെന്നും താരം വ്യക്തമാക്കി. ഭവാനിയുടെ പല തലങ്ങളിലൂടെയുള്ള യാത്രയും കഥാപാത്രങ്ങൾ തമ്മിലുള്ള സങ്കീർണമായ ബന്ധങ്ങളും പ്രേക്ഷകർക്ക് പുതിയ അനുഭവമാകുമെന്നാണ് പ്രതീക്ഷയെന്നും കീർത്തി പറഞ്ഞു. നെറ്റ്ഫ്ലിക്സുമായി മുമ്പ് നിരവധി പ്രോജക്ടുകളിൽ സഹകരിച്ചിട്ടുള്ള രാധിക ആപ്തെ, വൈആർഎഫ് എന്റർടെയ്ൻമെന്റിനൊപ്പം ഈ സീരീസിൽ പ്രവർത്തിക്കാൻ കഴിഞ്ഞതും വ്യത്യസ്തമായ കഥാപാത്രങ്ങളുള്ള ഈ കഥയുടെ ഭാഗമാകാനായതും സന്തോഷകരമായ അനുഭവമാണെന്ന് പ്രതികരിച്ചു. കീർത്തി സുരേഷിന്റെ ജന്മദിനത്തിൽ ടീസറും റിലീസ് തീയതിയും പ്രഖ്യാപിച്ചതിൽ ഉള്ള സന്തോഷവും രാധിക പങ്ക് വെച്ചു.
സ്ത്രീകൾ കേന്ദ്രകഥാപാത്രങ്ങളാകുന്ന ഗ്യാങ്സ്റ്റർ സാഗ എന്ന നിലയിൽ ‘അക്ക’യുടെ ലോകവും കഥാപാത്രങ്ങളും ശ്രദ്ധേയമാകുന്നു. പാരമ്പര്യങ്ങളും അധികാരവും തമ്മിലുള്ള ഏറ്റുമുട്ടലുകൾക്കൊപ്പം, സ്വന്തം നിയമങ്ങളാൽ നിയന്ത്രിക്കപ്പെടുന്ന പെർണുരുവിലെ ശക്തമായ സ്ത്രീകളുടെ കഥയാണ് സീരീസ് പറയുന്നത്. കീർത്തി സുരേഷ്, രാധിക ആപ്തെ എന്നിവർക്കൊപ്പം തൻവി ആസ്മിയും പ്രധാന താരനിരയിലുണ്ട്. ഒക്ടോബർ 30ന് നെറ്റ്ഫ്ലിക്സിലൂടെ സീരീസ് പ്രേക്ഷകരിലേക്ക് എത്തും.
സംവിധാനം, രചന: ധർമരാജ് ഷെട്ടി, നിർമ്മാണം: വൈആർഎഫ് എന്റർടെയ്ൻമെന്റ്, എക്സിക്യൂട്ടീവ് പ്രൊഡ്യൂസർമാർ: ആദിത്യ ചോപ്ര, യോഗേന്ദ്ര മൊഗ്രെ, അക്ഷയ് വിധാനി, പിആർഒ: ശബരി
ദുൽഖർ സൽമാനെ നായകനാക്കി പവൻ സാദിനേനി സംവിധാനം ചെയ്യുന്ന പുതിയ തെലുങ്ക് ചിത്രം ‘ആകാശംലോ ഒക താര’ യുടെ ടീസർ പുറത്ത്. നവംബർ 20ന് ആണ് ചിത്രം ആഗോള തലത്തിൽ തീയേറ്ററുകളിലെത്തുക. സന്ദീപ് ഗണ്ണവും രമ്യ ഗണ്ണവും ചേർന്നാണ് ചിത്രം നിർമ്മിക്കുന്നത്. തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്ന ചിത്രം, തെലുങ്ക്, തമിഴ്, ഹിന്ദി, മലയാളം ഭാഷകളിലായി പാൻ ഇന്ത്യൻ റിലീസായാണ് പ്രദർശനത്തിനെത്തുന്നത്. പുതുമുഖം സാത്വിക വീരവല്ലിയാണ് ചിത്രത്തിലെ നായികാ വേഷം ചെയ്തിരിക്കുന്നത്. സാത്വിക നായികയായി അരങ്ങേറ്റം കുറിക്കുന്ന ചിത്രം കൂടിയാണിത്.
നൂതനമായ കഥപറച്ചിൽ രീതിക്കും തന്റേതായ സിനിമാറ്റിക് സമീപനത്തിനും പേരുകേട്ട സംവിധായകൻ പവൻ സാദിനേനി ഒരുക്കുന്ന ചിത്രത്തിന്റെ പുതിയ ടീസർ, ചിത്രത്തിന്റെ പ്രമേയത്തെ കുറിച്ചുള്ള കൂടുതൽ സൂചനകൾ നൽകുന്നു. സാത്വിക അവതരിപ്പിക്കുന്ന കല്പന എന്ന് പേരുള്ള സ്ത്രീ കഥാപാത്രത്തിന് ഏറെ പ്രാധാന്യമുള്ള ചിത്രം മനസ്സിൽ തൊടുന്ന വൈകാരിക മുഹൂർത്തങ്ങൾ കൊണ്ടും സമ്പന്നമായിരിക്കും എന്നാണ് സൂചന. പ്രണയം, ഫീൽ ഗുഡ് നിമിഷങ്ങൾ എന്നിവയും കോർത്തിണക്കി പ്രേക്ഷകരുടെ മനസ്സ് നിറക്കുന്ന രീതിയിലാണ് ചിത്രം കഥ പറയുകയെന്നും ടീസർ കാണിച്ചു തരുന്നുണ്ട്. ദുൽഖർ സൽമാനും സാത്വിക വീരവല്ലിയും അവതരിപ്പിക്കുന്ന കേന്ദ്ര കഥാപാത്രങ്ങളുടെ ജീവിതത്തിലൂടെയുള്ള ഒരു യാത്രയാണ് ചിത്രത്തിലൂടെ അവതരിപ്പിക്കുന്നതെന്നാണ് സൂചന. സമൂഹം കൽപ്പിച്ചു നൽകിയ ജീവിതത്തിൻ്റെ, സ്വപ്നങ്ങളുടെ അതിർവരമ്പുകൾ എല്ലാം ഭേദിച്ചു കൊണ്ട് തൻ്റെ ലക്ഷ്യത്തിനായി മുന്നേറുന്ന കല്പനയുടെയും, അതിനായി കൈ, മെയ് മറന്ന് അവൾക്കൊപ്പം നിൽക്കുന്ന കൃഷ്ണ എന്ന കഥാപാത്രത്തിൻ്റെയും കഥയാണ് ചിത്രം പറയുന്നത്.
ചിത്രത്തിൽ ദുൽഖർ സൽമാൻ അവതരിപ്പിക്കുന്ന കൃഷ്ണ എന്ന കേന്ദ്ര കഥാപാത്രത്തിന്റെ ലുക്ക് നേരത്തെ തന്നെ പുറത്തു വരികയും ആരാധകരുടെ ശ്രദ്ധ നേടുകയും ചെയ്തിരുന്നു. തമിഴ് നടി ശ്രുതി ഹാസൻ ആണ് ചിത്രത്തിലെ മറ്റൊരു നിർണ്ണായക കഥാപാത്രത്തെ അവതരിപ്പിക്കുന്നത്. മുരളി ശർമ, സ്വാസിക എന്നിവരും ചിത്രത്തിൻ്റെ താരനിരയിലുണ്ട്. ഇത് കൂടാതെ, ചിത്രത്തിലെ ‘കുട്ടി കുട്ടി പൂവേ’ എന്ന ഗാനവും സമൂഹ മാധ്യമങ്ങളിൽ വലിയ പ്രതികരണം നേടിയെടുത്തിട്ടുണ്ട്. ഗാനത്തിന്റെ ദൃശ്യങ്ങൾക്കൊപ്പം അതിന്റെ മേക്കിങ് ദൃശ്യങ്ങളും ശ്രദ്ധേയമായി മാറിയിരുന്നു.
‘മഹാനടി’, ‘സീതാ രാമം’, ‘ലക്കി ഭാസ്കർ’ തുടങ്ങിയ ചിത്രങ്ങളിലെ നായകനായുള്ള ശ്രദ്ധേയമായ പ്രകടനങ്ങളിലൂടെയും പ്രഭാസ് നായകനായ ‘കൽക്കി 2898 എഡി’യിലെ ശ്രദ്ധേയമായ അതിഥി വേഷത്തിലൂടെയും തെലുങ്ക് സിനിമയിൽ വലിയ ജനപ്രീതി നേടിയ ദുൽഖർ സൽമാന്റെ അടുത്ത തെലുങ്ക് റിലീസ് എന്ന പ്രത്യേകതയും ‘ആകാശംലോ ഒക താര’യ്ക്കുണ്ട്. ദേശീയ പുരസ്‌കാര ജേതാവ് ജി വി പ്രകാശ് കുമാർ ആണ് ചിത്രത്തിന് സംഗീതം ഒരുക്കിയത്. അദ്ദേഹം ചിത്രത്തെ കുറിച്ച് പറഞ്ഞ ഗംഭീര അഭിപ്രായങ്ങളും സമൂഹ മാധ്യമങ്ങളിൽ ഏറെ ശ്രദ്ധ നേടിയിരുന്നു.
രചന, തിരക്കഥ – ഗുന്നം ഗംഗരാജു, കഥ – പവൻ സദിനേനി & വസന്ത് ജുറു, അധിക തിരക്കഥ – വസന്ത് ജുറു, ഛായാഗ്രഹണം – സുജിത് സാരംഗ്, സംഗീതം – ജി വി പ്രകാശ് കുമാർ, എഡിറ്റർ – പ്രവീൺ കെ.എൽ, പ്രൊഡക്ഷൻ ഡിസൈനർ – ശ്വേത സാബു സിറിൽ, എക്സിക്യൂട്ടീവ് പ്രൊഡ്യൂസർ – ചന്തു നിമ്മഗദ്ദ, സഹസംവിധായകൻ – സുരേഷ് പരുച്ചൂരി, ലൈൻ പ്രൊഡ്യൂസർ – യെലെപ്പെട്ടി ശ്രീനിവാസ്, പ്രൊഡക്ഷൻ ടീം – ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം – ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ – പല്ലവി സിംഗ്, കലാസംവിധാനം – വംശി കൃഷ്ണ, സൗണ്ട് ഡിസൈനർ – സിങ്ക് സിനിമ, പബ്ലിസിറ്റി ഡിസൈനർ – അനിൽ ഭാനു, വിഎഫ്എക്സ് – എഗ്വൈറ്റ് വിഎഫ്എക്സ്, Vfx സൂപ്പർവൈസർ – തൗഫീഖ് ഹുസൈൻ, കളറിസ്റ്റ് – ഷൺമുഖ പാണ്ഡ്യൻ എം, സ്റ്റിൽസ്- സായ് ശശാങ്ക്, മാർക്കറ്റിംഗ് – വാൾസ് ആൻഡ് ട്രെൻഡ്സ്, പിആർഒ – ശബരി
രജനികാന്തിനെ നായകനാക്കി നെൽസൺ ദിലീപ്കുമാർ സംവിധാനം ചെയ്ത ‘ജയിലർ 2’ തിയേറ്ററുകളിൽ അതിഗംഭീര പ്രേക്ഷക പ്രതികരണവുമായി ബ്ലോക്ക്ബസ്റ്റർ വിജയം നേടി മുന്നേറുന്നു. ഇന്നലെ മുതൽ ആഗോള തലത്തിൽ പ്രദർശനം ആരംഭിച്ച ചിത്രം, കേരളത്തിൽ ആദ്യ ദിനം കളിച്ചത് 1600 ഓളം ഹൗസ്ഫുൾ ഷോകളാണ്. ആദ്യ ദിനം കേരളത്തിൽ 4000 ഷോകൾ കളിച്ച ചിത്രം, കേരളത്തിൽ നിന്ന് ഏറ്റവും ഉയർന്ന ആദ്യ ദിന ഗ്രോസ് നേടുന്ന അന്യഭാഷാ ചിത്രമെന്ന റെക്കോർഡും സ്വന്തമാക്കി. വിജയ് ചിത്രം ലിയോ നേടിയ 12 കോടി എന്ന ആദ്യ ദിന കലക്ഷൻ ആണ് ജയിലർ 2 മറികടന്നത്. കേരളത്തിൽ ചിത്രത്തിന് റെക്കോർഡ് ബുക്കിംഗ് ആണ് ലഭിക്കുന്നത്. നേരത്തെ കേരളത്തിൽ 8 കോടിയോളം രൂപയുടെ പ്രീസെയിൽസ് നേടി ശ്രദ്ധ നേടിയ ചിത്രം, റിലീസിന് ശേഷവും ആരാധകർക്കിടയിൽ വലിയ ആവേശം സൃഷ്ടിക്കുകയാണ്. ബുക്ക് മൈ ഷോയിൽ ട്രെൻഡിങ്ങായും ഡിസ്ട്രിക്റ്റ് ബൈ സൊമാറ്റോയിൽ മോസ്റ്റ് ഹൈപ്പ്ഡ് ബാഡ്ജോടെയും എത്തിയ ചിത്രത്തിന് രണ്ടാം ദിനവും ഹൗസ്ഫുൾ ഷോകളുടെ പെരുമഴയാണ് കേരളത്തിൽ ലഭിക്കുന്നത്. സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിച്ച ചിത്രം കേരളത്തിൽ ശ്രീ ഗോകുലം ഗോപാലന്റെ ശ്രീ ഗോകുലം മൂവീസാണ് വിതരണം ചെയ്തത്. ഡ്രീം ബിഗ് ഫിലിംസാണ് ചിത്രത്തിൻ്റെ കേരളത്തിലെ ഡിസ്ട്രിബ്യൂഷൻ പാർട്ണർ.
വലിയ ആവേശമാണ് ചിത്രം കേരളത്തിലെ പ്രേക്ഷകർക്കിടയിൽ സൃഷ്ടിച്ചിരിക്കുന്നത്. റിലീസ് ദിനത്തിൽ കേരളത്തിലെ പല സ്ക്രീനുകളിലും 24 മണിക്കൂർ മാരത്തൺ ഷോകൾ ഉൾപ്പെടെ ഒരുക്കിയത് ചിത്രത്തോടുള്ള ആരാധകരുടെ ആവേശത്തിന്റെ ഉദാഹരണമാണ്. കേരളത്തിലെ 800 സ്ക്രീനുകളിലായി ഒരുക്കിയ വിപുലമായ റിലീസും ചിത്രത്തിന് വലിയ പ്രേക്ഷക പിന്തുണ ഉറപ്പാക്കുന്നു.
മലയാളത്തിൻ്റെ മെഗാതാരം മോഹൻലാലിൻ്റെ സാന്നിധ്യവും കേരളത്തിൽ ചിത്രത്തിന് ലഭിച്ച അഭൂതപൂർവമായ സ്വീകരണത്തിൽ മുഖ്യ പങ്ക് വഹിച്ചിട്ടുണ്ട്. രജനികാന്തും മോഹൻലാലും ഒരുമിക്കുന്ന രംഗങ്ങൾ ബിഗ് സ്ക്രീനിൽ കാണാനുള്ള ആകാംക്ഷയാണ് പ്രേക്ഷകരെ തിയേറ്ററുകളിലേക്ക് ആകർഷിക്കുന്ന പ്രധാന കാരണങ്ങളിലൊന്ന്. ബ്ലോക്ക്ബസ്റ്റർ വിജയമായ ‘ജയിലറി’ന് ശേഷം മുത്തുവേൽ പാണ്ഡ്യനായി രജനികാന്ത് വീണ്ടും എത്തുന്ന ചിത്രത്തിൽ ശിവ രാജ്കുമാറും, ബോളിവുഡ് താരം ഹൃതിക് റോഷനും അതിഥി വേഷത്തിലെത്തുന്നു. സുരാജ് വെഞ്ഞാറമൂട്, എസ്.ജെ. സൂര്യ, വിദ്യ ബാലൻ, മിഥുൻ ചക്രവർത്തി, യോഗി ബാബു, ഹക്കീം ഷാജഹാൻ, ജാക്കി ഷെറോഫ്, നമോ നാരായണൻ, കോട്ടയം നസീർ, തുടങ്ങിയവരും ചിത്രത്തിൻ്റെ താരനിരയിലുണ്ട്. നെൽസൺ ദിലീപ്കുമാറിന്റെ മാസ് അവതരണവും ആക്ഷൻ രംഗങ്ങളും ബ്ലാക്ക് ഹ്യൂമറും അനിരുദ്ധ് രവിചന്ദറിന്റെ സംഗീതവും പശ്ചാത്തല സംഗീതവും ചിത്രത്തിന്റെ പ്രധാന ആകർഷണങ്ങളാണ്.
ചിത്രത്തിന് കേരളത്തിൽ ലഭിക്കുന്ന വൻ തിരക്കും മികച്ച പ്രേക്ഷക പ്രതികരണവും ചിത്രത്തിന്റെ വമ്പൻ ബോക്സ് ഓഫീസ് മുന്നേറ്റത്തിന് അടിത്തറ പാകുകയാണ്. മാരത്തൺ ഷോകളും അധിക പ്രദർശനങ്ങളും വലിയ ബുക്കിംഗ് ആവേശവും ചിത്രത്തെ ചുറ്റിപ്പറ്റിയുള്ള ആഘോഷത്തിന് കൂടുതൽ ഊർജം പകരുന്നുണ്ട്. ചിത്രത്തിൻ്റെ കേരളത്തിലെ തിയേറ്ററുകളിലെ പ്രതികരണത്തിനൊപ്പം തമിഴ്നാട്ടിലെയും ആഗോളതലത്തിലെ ബോക്സ് ഓഫീസ് പ്രകടനവും ആവേശകരമാണ്.
രചന, സംവിധാനം: നെൽസൺ ദിലീപ്കുമാർ, നിർമ്മാതാവ്: കലാനിധി മാരൻ, ബാനർ: സൺ പിക്ചേഴ്സ്, ഛായാഗ്രഹണം: വിജയ് കാർത്തിക് കണ്ണൻ, എഡിറ്റിംഗ്: ആർ. നിർമ്മൽ, സംഗീതം: അനിരുദ്ധ് രവിചന്ദർ, പ്രൊഡക്ഷൻ ഡിസൈനർ: ഡോ. കെ. കിരൺ, ആക്ഷൻ: ചേതൻ ഡി’സൂസ, കോസ്റ്റ്യൂം ഡിസൈനർമാർ: പല്ലവി സിംഗ്, മുതുൽ ഹഫീസ്, സൗണ്ട് മിക്സ്: സുരേൻ ജി., സൗണ്ട് ഡിസൈൻ: സുരേൻ ജി., എസ്. അളഗിയകൂത്തൻ, കളറിസ്റ്റ്: ആൻഡ്രിയാസ് ബ്രൂക്കൽ, ഡി.ഐ. ലാബ്: അന്നപൂർണ സ്റ്റുഡിയോസ്, വി.എഫ്.എക്സ്. പ്രൊഡ്യൂസർ: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റിൽസ്: വി. സിത്തിരസു, പബ്ലിസിറ്റി ഡിസൈൻ: കബിലൻ ചെല്ലയ്യ, പ്രൊഡക്ഷൻ കൺട്രോളർമാർ: ഡി. രമേഷ് കുച്ചിരായർ, ആർ. എസ്. സുരേഷ് മണിയൻ, എക്സിക്യൂട്ടീവ് പ്രൊഡ്യൂസർ: സുനിൽ റെഡ്ഡി, പി.ആർ.ഒ: ശബരി.
തൃശ്ശൂർ: കല്യാൺ ജ്വല്ലേഴ്സിന്റെ നവരാത്രി ആഘോഷങ്ങളിൽ പങ്കെടുക്കാൻ തമിഴ്നാട് മുഖ്യമന്ത്രി വിജയ് കേരളത്തിലെത്തില്ല. കോയമ്പത്തൂരിൽ പെയ്യുന്ന കനത്ത മഴയെത്തുടർന്ന് കാലാവസ്ഥ മോശമായതാണ് തൃശ്ശൂരിലേക്കുള്ള അദ്ദേഹത്തിന്റെ യാത്ര മുടങ്ങാൻ കാരണം.
കോയമ്പത്തൂരിൽ നിന്നായിരുന്നു വിജയ് തൃശ്ശൂരിലേക്ക് എത്തേണ്ടിയിരുന്നത്. എന്നാൽ പ്രതികൂല കാലാവസ്ഥ മൂലം ഹെലികോപ്റ്റർ യാത്ര റദ്ദാക്കേണ്ടി വന്നതിനെ തുടർന്ന് അദ്ദേഹം പ്രത്യേക വിമാനത്തിൽ ചെന്നൈയിലേക്ക് മടങ്ങി. തൃശ്ശൂർ സന്ദർശനം തൽക്കാലത്തേക്ക് റദ്ദാക്കിയെങ്കിലും, പിന്നീടൊരിക്കൽ കേരളത്തിലെത്താമെന്ന് വിജയ് ഉറപ്പുനൽകിയതായി കല്യാൺ ജ്വല്ലേഴ്സ് ചെയർമാൻ ടി.എസ്. കല്യാണരാമൻ അറിയിച്ചു.
കല്യാൺ ജ്വല്ലേഴ്സിന്റെ നേതൃത്വത്തിൽ എല്ലാ വർഷവും വിപുലമായ രീതിയിൽ നവരാത്രി ആഘോഷങ്ങൾ സംഘടിപ്പിക്കാറുണ്ട്. ഈ ചടങ്ങുകളിൽ പങ്കെടുക്കാനായി എല്ലാ വർഷവും നിരവധി പ്രമുഖരാണ് എത്തിച്ചേരാറുള്ളത്.
തമിഴ്നാട് മുഖ്യമന്ത്രിയായതിനു ശേഷം വിജയ് ഇതുവരെ ഔദ്യോഗികമായി കേരള സന്ദർശനം നടത്തിയിട്ടില്ല. ഏകദേശം രണ്ടു വർഷം മുൻപ് വെങ്കട് പ്രഭു സംവിധാനം ചെയ്ത ‘ദി ഗ്രേറ്റസ്റ്റ് ഓഫ് ഓൾ ടൈം’ (GOAT) എന്ന സിനിമയുടെ ചിത്രീകരണ വേളയിലാണ് അദ്ദേഹം അവസാനമായി തിരുവനന്തപുരത്ത് എത്തിയത്.
തിരുവനന്തപുരം: നവരാത്രി ആഘോഷങ്ങളുടെ ഭാഗമായി ഒക്ടോബർ 19 തിങ്കളാഴ്ചയും സംസ്ഥാനത്ത് പൊതുഅവധി പ്രഖ്യാപിച്ച് സർക്കാർ ഉത്തരവിറങ്ങി. ഇതോടെ ഞായറാഴ്ച ഉൾപ്പെടെ തുടർച്ചയായി 4 ദിവസങ്ങളിൽ സർക്കാർ ഓഫിസുകൾക്കും വിദ്യാഭ്യാസ സ്ഥാപനങ്ങൾക്കും അവധിയായിരിക്കും.
അവധി ദിവസങ്ങൾ:
ഒക്ടോബർ 18: പൂജവെപ്പ് / ഞായർ
ഒക്ടോബർ 19: ദുർഗ്ഗാഷ്ടമി (തിങ്കൾ)
ഒക്ടോബർ 20: മഹാനവമി (ചൊവ്വ)
ഒക്ടോബർ 21: വിജയദശമി (ബുധൻ)
ബാധകമായ സ്ഥാപനങ്ങൾ: സംസ്ഥാനത്തെ എല്ലാ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾക്കും നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന ബാങ്ക് ഉൾപ്പെടെയുള്ള സ്ഥാപനങ്ങൾക്കും തിങ്കളാഴ്ച അവധി ബാധകമാണ്.
വിദ്യാഭ്യാസ സ്ഥാപനങ്ങൾ: പ്രൊഫഷണൽ കോളേജുകൾ ഉൾപ്പെടെ സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും തിങ്കളാഴ്ച അവധിയായിരിക്കുമെന്ന് സർക്കാരിന്റെ ഔദ്യോഗിക ഉത്തരവിൽ വ്യക്തമാക്കിയിട്ടുണ്ട്.
4 ദിവസത്തെ നീണ്ട അവധി: പൂജവെപ്പും ദുർഗ്ഗാഷ്ടമിയും മഹാനവമിയും വിജയദശമിയും അടുപ്പിച്ചുവരുന്നതോടെ സർക്കാർ-പൊതുമേഖലാ സ്ഥാപനങ്ങൾക്കും സ്‌കൂളുകൾക്കും 4 ദിവസത്തെ നീണ്ട അവധിയാണ് ലഭിക്കുന്നത്.
ന്യൂഡൽഹി: രാജ്യത്തെ ടെലികോം ഉപയോക്താക്കൾക്ക് കൂടുതൽ സുരക്ഷയും വ്യക്തതയും നൽകിക്കൊണ്ട് പുതിയ സംവിധാനം വരുന്നു. ഫോണിൽ വരുന്ന അപരിചിത കോളുകൾ തിരിച്ചറിയുന്നതിനായി ‘കോളിംഗ് നെയിം പ്രസന്റേഷൻ’ (CNAP – Calling Name Presentation) സംവിധാനം നടപ്പിലാക്കാൻ കേന്ദ്ര സർക്കാർ ഉത്തരവിട്ടു. നവംബർ 1 മുതൽ രാജ്യത്ത് ഈ നിയമം പ്രാബല്യത്തിൽ വരും.
സ്‌പാം കോളുകളും ഓൺലൈൻ തട്ടിപ്പുകളും (Spam and Scam Calls) തടയുക എന്ന ലക്ഷ്യത്തോടെയാണ് ടെലികോം റെഗുലേറ്ററി അതോറിറ്റിയുടെയും (TRAI) ടെലികോം വകുപ്പിന്റെയും (DoT) ഈ നിർണ്ണായക തീരുമാനം.
എന്താണ് CNAP സംവിധാനം?
ഉപയോക്താക്കളുടെ ഫോണിൽ കോൺടാക്റ്റ് ആയി സേവ് ചെയ്തിട്ടില്ലാത്ത നമ്പറുകളിൽ നിന്ന് കോളുകൾ വരുമ്പോൾ, ആ വ്യക്തിയുടെ ഔദ്യോഗിക പേര് സ്ക്രീനിൽ തെളിയുന്ന സംവിധാനമാണിത്. സിം കാർഡ് എടുക്കുമ്പോൾ കസ്റ്റമർ അപ്ലിക്കേഷൻ ഫോമിൽ (CAF) നൽകിയിട്ടുള്ള യഥാർത്ഥ പേരായിരിക്കും ടെലികോം ഓപ്പറേറ്റർമാരുടെ ഡാറ്റാബേസ് വഴി സ്ക്രീനിൽ പ്രദർശിപ്പിക്കുക.
4G, 5G നെറ്റ്‌വർക്കുകളിൽ മാത്രം: നിലവിൽ 4G, 5G നെറ്റ്‌വർക്കുകളെ പിന്തുണയ്ക്കുന്ന സ്മാർട്ട്‌ഫോണുകളിലാണ് ഈ സേവനം ആദ്യഘട്ടത്തിൽ ലഭ്യമാകുക.
അന്താരാഷ്ട്ര കോളുകൾക്ക് പ്രത്യേക നിർദ്ദേശം: വിദേശത്തുനിന്നും മറ്റും വരുന്ന കോളുകളിൽ ഉപയോക്താവിന്റെ പേരിന് പകരം ‘International Call’ എന്ന് മാത്രമായിരിക്കും ദൃശ്യമാവുക.
സ്വകാര്യതയ്ക്ക് മുൻഗണന: ഉപയോക്താക്കളുടെ സ്വകാര്യത സംരക്ഷിക്കുന്നതിന് കർശന വ്യവസ്ഥകളുണ്ട്. കോൾ പൂർത്തിയായ ഉടൻ തന്നെ ഡാറ്റാബേസിൽ നിന്ന് ഈ വിവരങ്ങൾ നീക്കം ചെയ്യപ്പെടും.
ബിസിനസ്സ് സ്ഥാപനങ്ങൾക്കായി: വാണിജ്യ ആവശ്യങ്ങൾക്കായുള്ള കണക്ഷനുകളിൽ (Business/Bulk connections) രജിസ്റ്റർ ചെയ്ത യഥാർത്ഥ പേരിന് പുറമെ ജി.എസ്.ടി (GST) അല്ലെങ്കിൽ ട്രേഡ് മാർക്ക് പ്രകാരമുള്ള ഔദ്യോഗിക ബിസിനസ്സ് പേരുകളും നൽകാൻ അവസരമുണ്ടാകും.
ടെലികോം സേവനദാതാക്കൾ (Operators) ഇതിനായുള്ള സാങ്കേതിക ഒരുക്കങ്ങൾ പൂർത്തിയാക്കിവരികയാണ്. നവംബർ 1 മുതൽ പുതിയ സംവിധാനം സജീവമാകുന്നതോടെ വ്യാജ കോളുകളുടെ ശല്യത്തിന് വലിയ രീതിയിൽ തടയിടാൻ സാധിക്കുമെന്നാണ് ടെലികോം വകുപ്പിന്റെ വിലയിരുത്തൽ.
ഒക്ടോബർ 18 ഞായറാഴ്ച വൈകുന്നേരത്തോടെയാണ് പൂജവെപ്പ് ചടങ്ങുകൾ ആരംഭിക്കുന്നത്. വീടുകളിലും ക്ഷേത്രങ്ങളിലുമുള്ള പൂജാമുറികളിൽ ഗ്രന്ഥങ്ങൾ, പഠനോപകരണങ്ങൾ, തൊഴിൽപരമായ ഉപകരണങ്ങൾ എന്നിവ സരസ്വതി ദേവിക്ക് മുന്നിൽ സമർപ്പിച്ച് പ്രാർത്ഥിക്കുന്നു. പൂജവെപ്പ് ആരംഭിച്ചാൽ വിജയദശമി ദിനത്തിൽ പൂജയെടുക്കുന്നത് വരെ അധ്യയനവും തൊഴിൽപരമായ കാര്യങ്ങളും ഒഴിവാക്കുന്നതാണ് പരമ്പരാഗത രീതി.
മഹാനവമിയും ആയുധപൂജയും (ഒക്ടോബർ 20, ചൊവ്വാഴ്ച)
നവരാത്രി ആഘോഷങ്ങളിലെ ഒമ്പതാം ദിനമായ മഹാനവമി ഒക്ടോബർ 20 ചൊവ്വാഴ്ച ആചരിക്കും. ഈ ദിവസമാണ് ആയുധപൂജ നടക്കുന്നത്. വാഹനങ്ങൾ, തൊഴിലുപകരണങ്ങൾ, യന്ത്രങ്ങൾ എന്നിവ കഴുകി വൃത്തിയാക്കി പൂജിക്കുന്ന ചടങ്ങ് അന്നാണ് നടക്കുക.
വിജയദശമിയും വിദ്യാരംഭവും (ഒക്ടോബർ 21, ബുധനാഴ്ച)
നവരാത്രി ആഘോഷങ്ങൾക്ക് സമാപനം കുറിച്ചുകൊണ്ട് ഒക്ടോബർ 21 ബുധനാഴ്ച വിജയദശമി ആഘോഷിക്കും. രാവിലെ പൂജയെടുപ്പ് നടക്കും. തുടർന്ന് കുരുന്നുകൾ അക്ഷരലോകത്തേക്ക് ചുവടുവെക്കുന്ന വിദ്യാരംഭം (എഴുത്തിനിരുത്ത്) ചടങ്ങുകൾ ക്ഷേത്രങ്ങളിലും സാംസ്കാരിക കേന്ദ്രങ്ങളിലും നടക്കും.
(കുറിപ്പ്: പ്രാദേശിക ക്ഷേത്രങ്ങളിലെ തിഥി സമയമനുസരിച്ച് പൂജവെപ്പിലും പൂജയെടുപ്പിലും ചെറിയ സമയവ്യത്യാസങ്ങൾ വരാൻ സാധ്യതയുള്ളതിനാൽ കുടുംബക്ഷേത്രങ്ങളിലെ സമയം ഉറപ്പുവരുത്തേണ്ടതാണ്.)
തിരുവനന്തപുരം: സംസ്ഥാനത്ത് തുലാവർഷം (വടക്കുകിഴക്കൻ മൺസൂൺ) ആരംഭിക്കുന്നതിന്റെ ഭാഗമായി കേരളത്തിൽ അടുത്ത ദിവസങ്ങളിൽ മഴ ശക്തമാകുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. രാജ്യത്തിന്റെ ശേഷിക്കുന്ന ഭാഗങ്ങളിൽ നിന്ന് തെക്കുപടിഞ്ഞാറൻ മൺസൂൺ പൂർണ്ണമായി പിൻവാങ്ങുന്നതിനൊപ്പം, തെക്കേ ഇന്ത്യയിൽ തുലാവർഷം ആരംഭിക്കാനുള്ള അനുകൂല സാഹചര്യങ്ങളാണ് നിലവിലുള്ളത്.
ചക്രവാതച്ചുഴി നിലവിലുണ്ട്: മന്നാർ ഉൾക്കടലിനും അതിനോട് ചേർന്ന തെക്കൻ തമിഴ്നാട് തീരത്തിനും മുകളിൽ സമുദ്രനിരപ്പിൽ നിന്ന് 0.9 കിലോമീറ്റർ ഉയരത്തിൽ ചക്രവാതച്ചുഴി തുടരുന്നു.
ബംഗാൾ ഉൾക്കടലിൽ ന്യൂനമർദ്ദ സാധ്യത: തെക്കൻ ആൻഡമാൻ കടലിനും സമീപ പ്രദേശങ്ങൾക്കും മുകളിലായി മറ്റൊരു ചക്രവാതച്ചുഴി സ്ഥിതിചെയ്യുന്നുണ്ട്. ഇതിന്റെ സ്വാധീനഫലമായി ഒക്ടോബർ 13-ഓടെ (ഇന്ന്) തെക്കുകിഴക്കൻ ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
കേരളത്തിലെ മഴ പ്രവചനം (ഒക്ടോബർ 12 – 16):
സംസ്ഥാനത്ത് 2026 ഒക്ടോബർ 12 മുതൽ 16 വരെയുള്ള ദിവസങ്ങളിൽ പലയിടത്തും നേരിയതോ മിതമായതോ ആയ മഴയ്ക്ക് സാധ്യതയുണ്ട്. ഒക്ടോബർ 15, 16 തീയതികളിൽ ഒറ്റപ്പെട്ട സ്ഥലങ്ങളിൽ ശക്തമായ മഴയാണ് പ്രവചിക്കപ്പെട്ടിരിക്കുന്നത്.
ഒക്ടോബർ 12: ഒറ്റപ്പെട്ട സ്ഥലങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 30–40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യത.
ഒക്ടോബർ 13 & 14: ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴ തുടരും.
ഒക്ടോബർ 15 & 16: ഒറ്റപ്പെട്ട സ്ഥലങ്ങളിൽ ഇടിമിന്നലോടുകൂടിയ ശക്തമായ മഴയ്‌ക്കൊപ്പം മണിക്കൂറിൽ 40–50 കിലോമീറ്റർ വരെ വേഗതയിൽ വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്.
പൊതുജനങ്ങൾക്കുള്ള ജാഗ്രതാ നിർദ്ദേശം: തുലാവർഷത്തിന്റെ വരവറിയിച്ചുകൊണ്ട് ഇടിമിന്നലും ശക്തമായ കാറ്റും ഉണ്ടാകാൻ സാധ്യതയുള്ളതിനാൽ, പൊതുജനങ്ങൾ ജാഗ്രത പാലിക്കണമെന്ന് അധികൃതർ അഭ്യർത്ഥിച്ചു. മിന്നൽ സാധ്യതയുള്ള സമയങ്ങളിൽ തുറസ്സായ സ്ഥലങ്ങളിൽ നിൽക്കുന്നത് ഒഴിവാക്കുക.
കേരള രാഷ്ട്രീയ ചരിത്രത്തിലെ ജ്വലിക്കുന്ന ഏടായ, തൊഴിലാളി വർഗ്ഗത്തിന്റെ സമരനായകൻ സഖാവ് പി.കെ. ഗുരുദാസന്റെ ജീവിതം ഡോക്യുമെന്ററിയാകുന്നു. ‘സമരസഖാവ് പി.കെ. ഗുരുദാസൻ’ എന്ന് പേരിട്ടിരിക്കുന്ന ഈ ചിത്രം അദ്ദേഹത്തിന്റെ സമരതീക്ഷ്ണമായ വഴികളിലൂടെയും കര്‍മ്മമേഖലകളിലൂടെയുമുള്ള യാത്രയാണ്. വിദ്യാർത്ഥി പ്രസ്ഥാനത്തിൽ നിന്ന് തുടങ്ങി, കൊല്ലത്തിന്റെ മണ്ണിൽ കശുവണ്ടി-കയർ തൊഴിലാളികളുടെ അവകാശങ്ങൾക്കായി പൊരുതി ആ കാലഘട്ടത്തിന്റെ കരുത്തുറ്റ ശബ്ദമായി മാറിയ സഖാവിന്റെ ജീവിതം വെള്ളിത്തിരയിലെത്തിക്കുന്നത് പ്രശസ്ത സംവിധായകൻ ബിജു നെട്ടറയാണ്. ഇതിനുമുമ്പ് എൻ. എൻ. പിള്ള, കാക്കനാടൻ എന്നിവരെക്കുറിച്ച് ബിജു നെട്ടറ ഒരുക്കിയ ഡോക്യുമെന്ററികൾ ഏറെ ശ്രദ്ധിക്കപ്പെട്ടിരുന്നു.
തൊഴിലാളി പ്രസ്ഥാനങ്ങളുടെ ചരിത്രത്തിൽ വലിയൊരു ഏട് അടയാളപ്പെടുത്തുന്ന ഈ ഡോക്യുമെന്ററി രാഷ്ട്രീയ-സാമൂഹിക രംഗത്ത് വലിയ ചർച്ചയാകുമെന്നാണ് പ്രതീക്ഷിക്കുന്നത്.
ബാനർ -നെട്ടറ മീഡിയ പ്രൊഡക്ഷൻസ്,സ്ക്രിപ്റ്റ്, സംവിധാനം – ബിജു നെട്ടറ, നിർമ്മാണം- പി. എ. സമദ് കരുനാഗപ്പള്ളി, സുധീർ മംഗലത്ത്, വിൽസൺ പെരേര, എഡിറ്റിംഗ്- അഭിലാഷ് ബാലചന്ദ്രൻ, പ്രോജക്ട് ചീഫ് കോ-ഓർഡിനേറ്റർ – കെ സേതുമാധവൻ, കോ-പ്രൊഡ്യൂസർ- ടി വി ബാലൻ, ഛായാഗ്രഹണം- രാരിഷ്, ഗൗരി ബിജു, നരേഷൻ – പ്രൊഫ. അലിയാർ, അസ്സോ: ഡയറക്ടർ – പതി കെ നായർ, സൗണ്ട് മിക്സിംഗ് & ഡിസൈൻ – ദിനേശ് പവിത്രേശ്വരം,സിങ്ക് സൗണ്ട്- മോഹൻകുമാർ (ചിത്രാഞ്ജലി), പ്രൊഡക്ഷൻ മാനേജർ – ജയചന്ദ്രൻ നെടുങ്ങോലം, കമൻ്ററി റൈറ്റർ_നന്ദകുമാർ കടപ്പാൾ, ടെക്നിക്കൽ സപ്പോർട്ട് – അയ്മൻ ഡിജിറ്റൽ സ്‌റ്റുഡിയോ, തിരുവനന്തപുരം, ലൊക്കേഷൻ മാനേജേഴ്സ് – ജെ വി കുറുപ്പ്, ഗോപൻ വി എസ്, സ്‌കെച്ചസ് – സിഗ്‌നി ദേവരാജ്, മുരളിദാസൻ, ബ്രോഷർ – ശ്രീരഞ്ജ് ഗ്രാഫിക്‌സ്, സ്റ്റിൽസ് – ജിജോ എസ് പരവൂർ, ജോഷ് തംബുരു, സന്തോഷ് തട്ടാമല, പി ആർ ഓ – അജയ് തുണ്ടത്തിൽ.
രജനികാന്തിനെ നായകനാക്കി നെൽസൺ ദിലീപ്കുമാർ സംവിധാനം ചെയ്യുന്ന ‘ജയിലർ 2’ അഡ്വാൻസ് ബുക്കിംഗിന് റെക്കോർഡ് പ്രതികരണം. ബുക്കിങ് ആരംഭിച്ച ആദ്യ ദിനം തന്നെ 4 കോടിയോളം റെക്കോർഡ് പ്രീസെയിൽ ആണ് ചിത്രത്തിന് കേരളത്തിൽ നടന്നത്. പ്രധാന തിയേറ്ററുകളിൽ റിലീസ് ദിനത്തിൽ മാരത്തൺ ഷോകൾ ഒരുക്കാനുള്ള പദ്ധതികളും സജീവമാണ്. തൃശൂരിലെ പ്രശസ്ത തീയേറ്റർ ആയ രാഗത്തിൽ ഇതിനോടകം തന്നെ ആദ്യ ദിനം 24 മണിക്കൂർ മാരത്തോൺ ഷോസ് ആണ് ജയിലർ 2-നായി ചാർട്ട് ചെയ്തിരിക്കുന്നത്. മണിക്കൂറിൽ 40000 ടിക്കറ്റുകൾക്ക് മുകളിൽ എന്ന നിരക്കിലാണ് ചിത്രത്തിൻ്റെ ടിക്കറ്റ് വിൽപന ആദ്യ മണിക്കൂറുകളിൽ ബുക്ക് മൈ ഷോയിൽ നടന്നത്. മണിക്കൂറിൽ 12000 ത്തിലധികം ടിക്കറ്റുകൾ വിറ്റ് കൊണ്ട് ഡിസ്ട്രിക്ട് ബൈ സൊമാറ്റോ ആപ്പിലും ചിത്രം പുതിയ റെക്കോർഡ് സൃഷ്ടിച്ചു. ഡിസ്ട്രിക്റ്റ് ആപ്പിൻ്റെ ചരിത്രത്തിൽ ആദ്യമായാണ് ഒരു ചിത്രത്തിൻ്റെ 12000 ത്തിലധികം ടിക്കറ്റുകൾ ഒരു മണിക്കൂറിൽ വിറ്റു പോകുന്നത്. ബുക്ക് മൈ ഷോ, ഡിസ്ട്രിക്റ്റ് ബൈ സൊമാറ്റോ, ടിക്കറ്റ് ന്യൂ എന്നീ ആപ്പുകൾ വഴിയും കൗണ്ടർ വിൽപന വഴിയും ചിത്രത്തിൻ്റെ 1 ലക്ഷത്തിലധികം ടിക്കറ്റുകളാണ് ആദ്യ മണിക്കൂറിൽ മാത്രം വിറ്റ് പോയത്. സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം കേരളത്തിൽ ശ്രീ ഗോകുലം ഗോപാലൻ്റെ ശ്രീ ഗോകുലം മൂവീസാണ് വിതരണം ചെയ്യുന്നത്. ചിത്രം ഒക്ടോബർ 15 ന് ആഗോള റിലീസായി എത്തും. കേരളത്തിലെ എണ്ണൂറോളം സ്ക്രീനുകളിൽ റെക്കോർഡ് റിലീസായി ആണ് ചിത്രമെത്തുന്നത്.
ബുക്ക് മൈ ഷോയിൽ ഇപ്പോഴും ട്രെൻഡിങ്ങായി തുടരുന്ന ചിത്രത്തിന്, ഡിസ്ട്രിക്റ്റ് ബൈ സൊമാറ്റോ ആപ്പിൽ മോസ്റ്റ് ഹൈപ്പ്ഡ് ബാഡ്ജും ലഭിച്ചിട്ടുണ്ട്. സംസ്ഥാനത്തുടനീളം ഗംഭീര ബുക്കിംഗാണ് ചിത്രത്തിന് ലഭിക്കുന്നത്. പല കേന്ദ്രങ്ങളിലും ആദ്യ ദിവസത്തെ മുഴുവൻ ഷോകളും ഇതിനോടകം ഫുൾ ആയതോടെ കൂടുതൽ ഷോകൾ ചേർക്കാനുള്ള ഒരുക്കങ്ങളും പുരോഗമിക്കുകയാണ്. ഡ്രീം ബിഗ് ഫിലിംസാണ് ചിത്രത്തിൻ്റെ കേരളത്തിലെ ഡിസ്ട്രിബ്യൂഷൻ പാർട്ണർ.
കൊച്ചി, തിരുവനന്തപുരം, കോഴിക്കോട്, തൃശൂർ, കണ്ണൂർ, കോട്ടയം തുടങ്ങി കേരളത്തിലെ പ്രധാന നഗരങ്ങളിലെല്ലാം ചിത്രത്തിന് വലിയ ബുക്കിംഗ് ആവേശമാണ് അനുഭവപ്പെടുന്നത്. ആദ്യ ദിനം തന്നെ ചിത്രം കാണാനുള്ള ആരാധകരുടെ തിരക്കാണ് ബുക്കിംഗിൽ പ്രതിഫലിക്കുന്നത്. ഡിമാൻഡ് വർധിക്കുന്ന സാഹചര്യത്തിൽ സംസ്ഥാനത്തെ വിവിധ കേന്ദ്രങ്ങളിൽ കൂടുതൽ പ്രദർശനങ്ങൾ ഉൾപ്പെടുത്തുന്നുണ്ട്.
‘ജയിലർ 2’ ൻ്റെ ബുക്കിംഗിൽ മോഹൻലാൽ ഫാക്ടറും വലിയ രീതിയിൽ പ്രവർത്തിക്കുന്നുണ്ട്. ആദ്യ ഭാഗത്തിൽ അതിഥി വേഷത്തിലെത്തി കൈയടി നേടിയ മോഹൻലാൽ രണ്ടാം ഭാഗത്തിലും എത്തുന്നുവെന്നത് മലയാളി പ്രേക്ഷകരുടെ പ്രതീക്ഷ വർധിപ്പിക്കുന്നു. ട്രെയ്‌ലറിൽ മാസ് ലുക്കിൽ പ്രത്യക്ഷപ്പെട്ട മോഹൻലാലിന്റെ രംഗങ്ങളും ആരാധകർക്കിടയിൽ വലിയ ചർച്ചയായിട്ടുണ്ട്. രജനികാന്തിന്റെയും മോഹൻലാലിന്റെയും സാന്നിധ്യം ഒരുമിക്കുന്ന ചിത്രം ബിഗ് സ്ക്രീനിൽ കാണാനുള്ള ആവേശമാണ് ബുക്കിംഗിലും പ്രകടമാകുന്നത്.
ബ്ലോക്ക്ബസ്റ്റർ വിജയമായ ‘ജയിലറി’ന് ശേഷം മുത്തുവേൽ പാണ്ഡ്യനായി രജനികാന്ത് വീണ്ടും എത്തുന്ന ചിത്രത്തിൽ ശിവ രാജ്കുമാറും തിരിച്ചെത്തുന്നുണ്ട്. സുരാജ് വെഞ്ഞാറമൂട്, എസ്.ജെ. സൂര്യ, വിദ്യ ബാലൻ, മിഥുൻ ചക്രവർത്തി, യോഗി ബാബു, ഹക്കീം ഷാജഹാൻ തുടങ്ങിയവരും താരനിരയിലുണ്ട്. അനിരുദ്ധ് രവിചന്ദറിന്റെ സംഗീതവും പശ്ചാത്തല സംഗീതവും നെൽസൺ ദിലീപ്കുമാറിന്റെ മാസ് അവതരണവും ചിത്രത്തിന്റെ പ്രതീക്ഷകൾ ഉയർത്തുന്നു.
ഒക്ടോബർ 15ന് ആഗോളതലത്തിൽ തിയേറ്ററുകളിലെത്തുന്ന ‘ജയിലർ 2’ കേരളത്തിൽ പുലർച്ചെ ആറുമണിക്ക് ആദ്യ പ്രദർശനത്തോടെ റിലീസ് ആരംഭിക്കും. റിലീസ് ദിനം അടുക്കുമ്പോൾ ബുക്കിംഗ് കൂടുതൽ ശക്തമാകുമെന്ന പ്രതീക്ഷയിലാണ് ആരാധകരും തിയേറ്റർ മേഖലയിലുള്ളവരും. കേരളത്തിലെ പ്രധാന കേന്ദ്രങ്ങളിൽ മാരത്തൺ ഷോകളും അധിക പ്രദർശനങ്ങളും കൂടി വരുന്നതോടെ ആദ്യ ദിനം തന്നെ വലിയ ആഘോഷമായി ‘ജയിലർ 2’ മാറുമെന്നാണ് ആരാധകരുടെ പ്രതീക്ഷ.
രചന, സംവിധാനം: നെൽസൺ ദിലീപ്കുമാർ, നിർമ്മാതാവ്: കലാനിധി മാരൻ, ബാനർ: സൺ പിക്ചേഴ്സ്, ഛായാഗ്രഹണം: വിജയ് കാർത്തിക് കണ്ണൻ, എഡിറ്റിംഗ്: ആർ. നിർമ്മൽ, സംഗീതം: അനിരുദ്ധ് രവിചന്ദർ, പ്രൊഡക്ഷൻ ഡിസൈനർ: ഡോ. കെ. കിരൺ, ആക്ഷൻ: ചേതൻ ഡി’സൂസ, കോസ്റ്റ്യൂം ഡിസൈനർമാർ: പല്ലവി സിംഗ്, മുതുൽ ഹഫീസ്, സൗണ്ട് മിക്സ്: സുരേൻ ജി., സൗണ്ട് ഡിസൈൻ: സുരേൻ ജി., എസ്. അളഗിയകൂത്തൻ, കളറിസ്റ്റ്: ആൻഡ്രിയാസ് ബ്രൂക്കൽ, ഡി.ഐ. ലാബ്: അന്നപൂർണ സ്റ്റുഡിയോസ്, വി.എഫ്.എക്സ്. പ്രൊഡ്യൂസർ: സന്തോഷ് രാജു, മേക്കപ്പ്: പട്ടണം റഷീദ്, സി. ഹരിനാഥ്, സ്റ്റിൽസ്: വി. സിത്തിരസു, പബ്ലിസിറ്റി ഡിസൈൻ: കബിലൻ ചെല്ലയ്യ, പ്രൊഡക്ഷൻ കൺട്രോളർമാർ: ഡി. രമേഷ് കുച്ചിരായർ, ആർ. എസ്. സുരേഷ് മണിയൻ, എക്സിക്യൂട്ടീവ് പ്രൊഡ്യൂസർ: സുനിൽ റെഡ്ഡി, പി.ആർ.ഒ: ശബരി.
