വന്യജീവി സംരക്ഷണം, വനസംരക്ഷണം, സര്‍പ്പ കിയോസ്‌ക്, വനശ്രീ സ്റ്റോള്‍, സെല്‍ഫി പോയിന്റ് തുടങ്ങി വ്യത്യസ്തതയുടെ പുതിയൊരു ലോകം തീര്‍ക്കുകയാണ് എന്റെ കേരളം പ്രദര്‍ശന വിപണന മേളയില്‍ വനം വകുപ്പിന്റെ സ്റ്റാള്‍.

കാട്ടാറും വന്യജീവികളും നിറഞ്ഞ കാടിന്റെ വന്യഭംഗിയുടെ ചെറുപതിപ്പ് തിരുവനന്തപുരത്ത് കനകക്കുന്നില്‍ സന്ദര്‍കര്‍ക്കായി തയാറാക്കിയിട്ടുണ്ട്. മുതിര്‍ന്നവര്‍ക്കും കുട്ടികള്‍ക്കും ഒരേ വിധത്തില്‍ കണ്ടാസ്വദിക്കാവുന്ന വിധത്തിലാണ് വനം-വന്യജീവി വകുപ്പ് ഒരുക്കിയിരിക്കുന്ന ഈ വിസ്മയം. ഒരു വനസഞ്ചാരം നടത്തുന്ന അനുഭവം സന്ദര്‍ശകര്‍ക്ക്  പ്രദാനം ചെയ്യുന്ന  തരത്തിലാണ് വനംവകുപ്പ് സ്റ്റാള്‍ ഒരുക്കിയിട്ടുള്ളത്.

വനങ്ങളുടെ പാരിസ്ഥിതിക മൂല്യങ്ങള്‍, വന പുന:സ്ഥാപനവുമായി ബന്ധപ്പെട്ട വിവിധ പദ്ധതികളുടെ വിവരണവും ഇന്‍സ്റ്റലേഷനും, മനുഷ്യ-വന്യജീവി ലഘൂകരണ പ്രവര്‍ത്തനങ്ങളുമായി ബന്ധപ്പെട്ട പദ്ധതികളുടെയും മിഷനുകളുടെയും ഇന്‍സ്റ്റലേഷന്‍, വനം വകുപ്പിന്റെ നേട്ടങ്ങളെ സംബന്ധിച്ച വീഡിയോ പ്രദര്‍ശനം എന്നിവ മേളയില്‍ ഉണ്ടായിരിക്കും.

പാമ്പുപിടുത്തവും പാമ്പുകളുമായി ബന്ധപ്പെട്ടതുമായ എല്ലാ സംശയങ്ങള്‍ക്കും വനംവകുപ്പ് സ്റ്റാളില്‍ മറുപടി ലഭിക്കും. പൊതുജനങ്ങള്‍ക്ക് സര്‍പ്പ ആപ്പ് ഡൗണ്‍ലോഡ് ചെയ്ത് നല്‍കി ഉപയോഗരീതിയുടെ പരിശീലനം തത്സമയം നല്‍കും. പാമ്പുകളെ പിടികൂടുന്നതിനായി ഉപയോഗിക്കുന്ന ഉപകരണങ്ങളുടെ പരിചയപ്പെടുത്തലും മേളയില്‍ ഉണ്ടാകും.  
വനം വകുപ്പിന്റെ വിവിധ സേവനങ്ങളെക്കുറിച്ച് പൊതുജനങ്ങള്‍ക്ക് ഇന്ററാക്ടീവ് കിയോസ്‌ക് വഴി ് അറിയുവാന്‍ കഴിയും.

ഇരുപത്തിയേഴ് നക്ഷത്ര വൃക്ഷങ്ങള്‍ ഉള്‍പ്പെടുത്തി നക്ഷത്രവന മാതൃക വേറിട്ട കാഴ്ചയായിരിക്കും. ഹരിതകുടകള്‍ കൊണ്ട് വിവിധ പദ്ധതികളെ ഏകോപിപ്പിച്ച് രൂപപ്പെടുത്തിയ സെല്‍ഫി പോയിന്റും വനം വകുപ്പ് സ്റ്റാളിന്റെ ആകര്‍ഷമാണ്.

വിസ്മയ-കൗതുകകാഴ്ചകള്‍ക്കൊപ്പം വേറിട്ട കലാപരിപാടികള്‍ ദിവസവും വൈകിട്ട് ആസ്വദിക്കാം. ചാറ്റുപ്പാട്ട്, ഗരുഡന്‍ നൃത്തം പോലുള്ള അന്യംനിന്നുപോയ കലാരൂപങ്ങളുടെ അവതരണം സ്റ്റാളിനെ കൂടുതല്‍ ആകര്‍ഷകമാക്കും.

കാട് കണ്ട് കനകക്കുന്നിറങ്ങുമ്പോള്‍ വെറും കൈയ്യോടെ മടങ്ങണ്ട. ശുദ്ധമായ കാട്ടു തേന്‍ ഉള്‍പ്പെടെയുള്ള വനവിഭവങ്ങളും ഉല്‍പന്നങ്ങളുമായി വനശ്രീയുടെ വില്‍പന കൗണ്ടറും ഇവിടെ സജ്ജമാക്കിയിട്ടുണ്ട്. വിവിധ വന ഡിവിഷനുകളില്‍ നിന്ന് ആദിവാസി/വന ഉദ്യോഗസ്ഥര്‍ ശേഖരിച്ച 150 ഓളം വന ഉല്‍പ്പന്നങ്ങള്‍ വനശ്രീയില്‍ വില്‍പ്പനയ്ക്കായി ഒരുക്കിയിട്ടുണ്ട്. കാടിന്റെ തനിമ വിളിച്ചോതുന്ന വിവിധ വിഭവങ്ങള്‍ ഉള്‍പ്പെടുത്തിയ ഭക്ഷണശാലയും മേളയുടെ മറ്റൊരു ആകര്‍ഷണമാണ്.

രാവിലെ 9 മണി മുതല്‍ രാത്രി 9 വരെ നടക്കുന്ന പ്രദര്‍ശനത്തില്‍ പ്രവേശനം പൂര്‍ണ്ണമായും സൗജന്യമായിരിക്കും.

ന്യൂഡൽഹി: അറസ്റ്റിലായ യൂട്യൂബർ ജ്യോതി മൽഹോത്ര പാകിസ്താനിലേക്ക് പോയത് വിഡിയോ ഷൂട്ടിന് വേണ്ടി മാത്രമാണെന്നും ചാരവൃത്തി ചെയ്തില്ലെന്നും പിതാവ് ഹാരിസ് മൽഹോത്ര. പൊലീസ് തങ്ങളുടെ ലാപ്ടോപ്പും ഫോണുകളും എല്ലാം പിടിച്ചുവെച്ചിരിക്കുകയാണെന്നും മകൾ പാകിസ്താനിലേക്ക് പോയത് എല്ലാ അനുമതിയോടും കൂടിയാണെന്നും പിതാവ് പറഞ്ഞു. വാർത്താ ഏജൻസിയായ എ.എൻ.ഐയോടായിരുന്നു പിതാവിന്റെ പ്രതികരണം.

“ജ്യോതി വിഡിയോ ഷൂട്ട് ചെയ്യാനായി പാകിസ്താനിലേക്കും മറ്റ് സ്ഥലങ്ങളിലേക്കും പോകാറുണ്ട്. എല്ലാ അനുമതിയും എടുത്ത ശേഷമാണ് ഇങ്ങനെ പോകുന്നത്. അവിടെ സുഹൃത്തുക്കൾ ഉണ്ടെങ്കിൽ അവരെ വിളിക്കാൻ പറ്റില്ലേ? മറ്റൊന്നും ഞങ്ങൾ ആവശ്യപ്പെടുന്നില്ല, പിടിച്ചുവെച്ച ഫോണുകളും മറ്റും തിരിച്ചുതരണം” -പിതാവ് പറഞ്ഞു.

ജ്യോതി മൽഹോത്ര ഉൾപ്പെടെ ആറ് പേരാണ് പാകിസ്താനുവേണ്ടി ചാരവൃത്തി ചെയ്തെന്ന കുറ്റത്തിന് കഴിഞ്ഞ ദിവസം അറസ്റ്റിലായത്. ഇവർ പാകിസ്താൻ ഇന്റലിജൻസിന് തന്ത്രപ്രധാനമായ വിവരങ്ങൾ ചോർത്തി നൽകിയെന്നാണ് അന്വേഷണത്തിൽ കണ്ടെത്തിയത്. 2023ൽ ജ്യോതി പാകിസ്താൻ സന്ദർശിച്ചതായും അവിടെവച്ച് ഡൽഹിയിലെ പാകിസ്താൻ ഹൈകമീഷനിലെ ജീവനക്കാരനായ ഇഹ്‌സാനുർ റഹീം എന്ന ഡാനിഷുമായി അടുത്ത ബന്ധം സ്ഥാപിച്ചതായും റിപ്പോർട്ടുണ്ട്. ഓപറേഷൻ സിന്ദൂറിനെത്തുടർന്ന് കേന്ദ്രസർക്കാർ ഡാനിഷിനെ മേയ് 13ന് പുറത്താക്കിയിരുന്നു.

youtuber jyoti malhotra issue father said

തിരുവനന്തപുരം: തിരുവനന്തപുരം മെഡിക്കൽ കോളജ് ഹോസ്റ്റലിൽ ഭക്ഷ്യവിഷബാധ. പെൺകുട്ടികൾ താമസിക്കുന്ന ഹോസ്റ്റലിലാണ് ഭക്ഷ്യവിഷബാധ ഉണ്ടായത്. ഇതിന് പിന്നാലെ 83 കുട്ടികൾ ചികിത്സ തേടി. ആരുടെയും നില ഗുരുതരമല്ല. കഴിഞ്ഞ വ്യാഴാഴ്ച ഹോസ്റ്റലിൽ ഉണ്ടാക്കിയ ബട്ടർ ചിക്കനിൽ നിന്നാണ് ഭക്ഷ്യവിഷബാധ ഉണ്ടായതെന്ന് പ്രാഥമിക നിഗമനം. സംഭവത്തെക്കുറിച്ച് അന്വേഷിക്കുമെന്ന് മെഡിക്കൽ കോളജ് അധികൃതർ അറിയിച്ചു. ഭക്ഷണ സാമ്പിൾ അടക്കം ഭക്ഷ്യസുരക്ഷാ വിഭാഗം അധികൃതർ എത്തി ശേഖരിച്ചു. അതേസമയം വിദ്യാർഥികൾക്ക് മറ്റ് ആരോഗ്യ പ്രശ്നങ്ങൾ ഇല്ലാത്തതിനാൽ ആർക്കും പരാതിയില്ല.

food poison Trivandrum hostel

കൊച്ചി: സമൂഹമാധ്യമങ്ങളുടെ കടന്നുവരവ് ഇ കൊമേഴ്സ് രംഗത്തിന് കരുത്തേകിയെന്ന് ലുലു ഫാഷന്‍ ഫോറം. കൊച്ചി ലുലു മാളില്‍ ലുലു ഫാഷന്‍ സ്റ്റോര്‍ സംഘടിപ്പിച്ച ലുലു ഫാഷന്‍ ഫോറത്തില്‍ ഫാഷന്‍ ലോകവും സമൂഹമാധ്യമ സ്വാധീനവും എന്ന ചര്‍ച്ചയില്‍ നടന്‍ ജിനു ജോസഫ്, ഇന്‍ഫ്ളുവന്‍സറും ആരോഗ്യ വിദഗ്ധയുമായ ഡോ. ഫാത്തിമ നെലുഫര്‍ ഷെറിഫ്, അസിസ്റ്റന്റ് പ്രഫസറും അക്കാഡമിക് വിദഗ്ധയുമായ മുക്തി സുമംഗള, സെലിബ്രിറ്റി കോസ്റ്റും സ്റ്റൈലിസ്റ്റ് ജിഷാദ് ഷംസുദ്ധീന്‍ എന്നിവര്‍ അതിഥികളായി. അവതാരകനും നടനുമായ രാകേഷ് കേശവായിരുന്നു മോഡറേറ്റര്‍. ഇ കൊമേഴ്സ് രംഗത്ത് കാതലായ മാറ്റമാണ് സമൂഹമാധ്യമങ്ങളുടെ കടന്നുവരവോടെ സാധ്യമായതെന്ന് ഫാഷന്‍ ഫോറത്തില്‍ ഡോ. ഫാത്തിമ നെലുഫര്‍ ഷെറിഫ് അഭിപ്രായപ്പെട്ടു. ഫാഷന്‍ രംഗത്തെ ജനങ്ങളോട് അടുപ്പിക്കാനും ബ്രാന്‍ഡുകള്‍ വേഗത്തില്‍ തിരഞ്ഞെടുക്കുവാനും സോഷ്യല്‍ മീഡിയ സ്വാധീനം ഉപകരിക്കുന്നുണ്ട്. ഇന്‍സ്റ്റഗ്രാം , ഫേസ്ബുക്ക് പോലയുള്ള സമൂഹ മാധ്യമങ്ങളുടെ കടന്നുവരവ് ഇ കൊമേഴ്സ് രംഗത്തും ഫാഷന്‍ രംഗത്തും വലിയ മാറ്റങ്ങള്‍ കൊണ്ടു വന്നിട്ടുണ്ടെന്നും അവര്‍ പ്രതികരിച്ചു. ഫാഷന്‍ ബ്രാന്‍ഡുകള്‍ ഏത് തിരഞ്ഞെടുക്കണമെന്നും എപ്പോള്‍ തിരഞ്ഞെടുക്കണമെന്നും സമൂഹമാധ്യമങ്ങളുടെ വളരെ എളുപ്പത്തില്‍ സാധിക്കും. തിരഞ്ഞെടുപ്പുകള്‍ വേഗത്തിലാക്കുന്നതിനും വീട്ടില്‍ ഇരുന്ന് പോലും വേഗത്തില്‍ ഓര്‍ഡര്‍ ചെയ്യുന്നതിനും സമൂഹമാധ്യമങ്ങള്‍ വഴിയുള്ള തിരഞ്ഞെടുപ്പുകള്‍ ഫലപ്രദമാണെന്നും ഡോ ഫാത്തിമ നെലുഫര്‍ ഷെറിഫ് അഭിപ്രായപ്പെട്ടു.

ഒരു ഉത്പ്പന്നം മാര്‍ക്കറ്റിലേക്ക് എത്തിക്കുന്നതില്‍ പുതുതലമുറയെ ആര്‍ഷിക്കുന്ന പ്രധാന ഘടകമായി ഇന്ന് സമൂഹമാധ്യമങ്ങള്‍ മാറിക്കഴിഞ്ഞിട്ടുണ്ട്. അതിന്റെ ഫലമായി യൂട്യൂബ് , പോലെയുള്ള നവമാധ്യമ കടന്നുവരവും ഇന്‍ഫ്ളുവന്‍സേഴിസിന്റെ പരസ്യ പ്രചരണ രീതിയിലുള്ള വീഡിയോകളും പലപ്പോഴും ഫാഷന്‍ രംഗത്തെ പരിചയപ്പെടുത്തുന്നതില്‍ മുഖ്യപങ്ക് വഹിക്കുന്നുണ്ടെന്നും പ്രഫ. മുക്തി അഭിപ്രായപ്പെട്ടു. ഒരുപാട് ഇന്‍ഫള്യുവന്‍സേഴ്സ് ഫാഷന്‍ രംഗത്തേക്ക് വീഡിയോകളുമായി എത്തുമ്പോള്‍ ഉത്പ്പന്നത്തിലുള്ള വിശ്വാസീയത പ്രധാന ഘടകമാണെന്നും അവര്‍ പ്രതികരിച്ചു. ബിഗ്ബിയില്‍ അമല്‍ നീരദ് എന്നെ തിരഞ്ഞെടുത്തത് എന്റെ കോസ്റ്റുമും ഫാഷന്‍ സെന്‍സും തിരിച്ചറഞ്ഞാണെന്ന് നടന്‍ ജിനു ജോസഫിന്റെ പ്രതികരണം. എന്റെ ലുക്കും ഫാഷന്ഡ സെന്‍സുമാണ് അദ്ദേഹത്തിന് എന്നെ ആ വേഷത്തിലേക്ക് ക്ഷണിക്കാന്‍ പ്രേരിപ്പിച്ചതെന്നും ജിനു ജോസഫ് വ്യക്തമാക്കി.

ഒരു ചലച്ചിത്ര താരത്തിന്റെ വസ്ത്രം ആ താരത്തിന് ബോധിച്ച രീതിയില്‍ ചെയ്തെടുക്ക ഉത്തരവാദിത്തത്തോടെ ചെയ്യേണ്ട ജോലിയാണ്. ആ താരത്തിനെ ആ വസ്ത്രാലങ്കാരത്തിലൂടെ കൂടുതല്‍ സ്‌റ്റൈലാക്കുക എന്നതിന് കടമ്പകള്‍ ഏറെയുണ്ടെന്നും അദ്ദേഹം പറഞ്ഞു. അത്തരത്തില്‍ ചെയ്തെടുത്തിട്ടുള്ള കോസ്റ്റുമുകളാണ് പലപ്പോഴും അടുത്ത ട്രെന്‍ഡായി മാറിയിള്ളതെന്നും ജിഷാദ് ഷംസുദ്ധീന്‍ മോഡറേറ്റര്‍ രാകേഷ് കേശവിന്റെ ചോദ്യത്തിന് മറുപടിയായി പറഞ്ഞു. ജയിലര്‍ എന്ന സിനിമയിലെ മോഹന്‍ലാലിനുവേണ്ടി ചെയ്ത വസ്ത്രാലങ്കാരത്തെക്കുറിച്ചുള്ള അനുഭവവും അദ്ദേഹം വേദിയില്‍ പങ്കുവച്ചു. കഥാപാത്രത്തിന്റെ വ്യക്തിത്വവുമായി പൊരുത്തപ്പെടുന്ന ഒരു ലുക്ക് നിര്‍മ്മിക്കുന്നതിന് നിരീക്ഷണം ആവശ്യ ഘടകമാണെന്നും അദ്ദേഹം അഭിപ്രായപ്പെട്ടു. സിനിമകള്‍ക്കായുള്ള വസ്ത്രാലങ്കാരത്തില്‍ ഉള്‍പ്പെട്ടിരിക്കുന്ന വെല്ലുവിളികളെയും സങ്കീര്‍ണതകളെയും കുറിച്ച് ജിഷാദ് ചര്‍ച്ച ചെയ്തു. ഫാഷന്‍ ഫോറം സമാപന വേളയില്‍ ലുലു മാള്‍ ജനറല്‍ മാനേജര്‍ വിഷ്ണു ആര്‍ നാഥ് അതിഥികള്‍ക്ക് ഉപഹാരം നല്‍കി.

lulu fashion forum

ഓപ്പറേഷൻ സിന്ദൂറിന് പിന്നാലെ ഇന്ത്യയുടെ പ്രതിരോധ ബജറ്റിൽ 50,000 കോടി രൂപയുടെ വർധനവ് ഉണ്ടായേക്കാമെന്ന് സർക്കാർ വൃത്തങ്ങളിൽ നിന്ന് റിപ്പോർട്ട്. സപ്ലിമെന്ററി ബജറ്റിലൂടെ 50,000 കോടി രൂപ അധികമായി വകയിരുത്തുന്നതിനുള്ള നിർദ്ദേശം മുന്നോട്ടുവച്ചതായാണ്‌ വിവരം. ഇതോടെ മൊത്തം പ്രതിരോധ വിഹിതം 7 ലക്ഷം കോടി കവിയുമെന്ന് വൃത്തങ്ങൾ പറഞ്ഞു.

പുതിയ ആയുധങ്ങളും വെടിക്കോപ്പുകളും സാങ്കേതികവിദ്യയും സ്വന്തമാക്കുന്നതിന് കേന്ദ്ര സർക്കാർ വൻതുക നീക്കിവെച്ചതായാണ് ഔദ്യോഗിക വൃത്തങ്ങളെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. പാർലമെന്റിന്റെ ശീതകാല സമ്മേളനത്തിൽ ഇതിന് അംഗീകാരം ലഭിച്ചേക്കും. ഫെബ്രുവരി 1 ന് ധനമന്ത്രി നിർമ്മല സീതാരാമൻ അവതരിപ്പിച്ച 2025 -26 ബജറ്റിൽ സായുധ സേനയ്ക്കായി റെക്കോർഡ് 6.81 ലക്ഷം കോടി രൂപ നീക്കിവച്ചിരുന്നു. ഈ വർഷത്തെ വിഹിതം 2024- 25 ലെ 6.22 ലക്ഷം കോടി രൂപയിൽ നിന്ന് 9.2 ശതമാനം വർധിച്ചിരുന്നു.

2014 മുതൽ നരേന്ദ്ര മോദി ഭരണകൂടത്തിന്റെ കേന്ദ്രബിന്ദു പ്രതിരോധമാണ്. ബിജെപി സർക്കാരിന്റെ ആദ്യ വർഷമായ 2014- 15 ൽ പ്രതിരോധ മന്ത്രാലയത്തിന് 2.29 ലക്ഷം കോടി രൂപ അനുവദിച്ചു. നിലവിലെ വിഹിതം എല്ലാ മന്ത്രാലയങ്ങളിലും വച്ച് ഏറ്റവും ഉയർന്നതാണ്, ഇത് മൊത്തം ബജറ്റിന്റെ 13 ശതമാനമാണ്.

ഏപ്രിൽ 22 ലെ പഹൽഗാം ഭീകരാക്രമണത്തിനും പാക് അധീന കശ്മീരിലെയും ഭീകര ക്യാമ്പുകളെ ലക്ഷ്യമിട്ടുള്ള ഇന്ത്യയുടെ സൈനിക പ്രതികരണമായ ഓപ്പറേഷൻ സിന്ദൂരിനും ശേഷം, പാകിസ്ഥാനുമായുള്ള സംഘർഷം തുടരുന്നതിനിടയിലാണ് ഇന്ത്യയുടെ പ്രതിരോധ ബജറ്റ് വർധിപ്പിക്കുന്നത്.

india increase defence budget amount

അടുത്തിടെ ഒപ്പുവച്ച ഇന്ത്യ-യുകെ സ്വതന്ത്ര വ്യാപാര കരാർ ബ്രിട്ടീഷ് നിർമ്മിത ആഡംബര കാറുകളുടെ വിലയിൽ ഗണ്യമായ കുറവുണ്ടാകുമെന്ന പ്രതീക്ഷ ഉയർത്തിയിട്ടുണ്ട്. ഇറക്കുമതി നികുതി 100% ൽ കൂടുതൽ നിന്ന് വെറും 10% ആയി കുറച്ച കരാറോടെ, ലാൻഡ് റോവർ ഡിഫൻഡർ പോലുള്ള ജനപ്രിയ മോഡലുകൾക്ക് വൻതോതിൽ വിലക്കുറവ് ലഭിക്കുമോ എന്ന് കാണാൻ നിരവധി സാധ്യതയുള്ള വാങ്ങുന്നവർ കാത്തിരിക്കുകയാണ്. ശരി, ഈ ഉപഭോക്താക്കൾക്ക് ഒരു സന്തോഷവാർത്തയുണ്ട്, പക്ഷേ അത് എഫ്‌ടി‌എ കാരണമല്ല.

റോൾസ് റോയ്‌സ്, ആസ്റ്റൺ മാർട്ടിൻ, ബെന്റ്‌ലി, ജാഗ്വാർ ലാൻഡ് റോവർ തുടങ്ങിയ യുകെ നിർമ്മിത കാറുകൾക്ക് കൂടുതൽ താങ്ങാനാവുന്ന വിലയിൽ എഫ്‌ടിഎ ലഭിക്കുമെന്ന് പ്രതീക്ഷിക്കുന്നുണ്ടെങ്കിലും, ഡിഫെൻഡർ ഈ വ്യാപാര കരാറിന്റെ ഭാഗമാകില്ല. കാരണം, ഡിഫെൻഡർ യുകെയിൽ നിർമ്മിക്കുന്നില്ല. പകരം, സ്ലോവാക്യയിലെ ജെഎൽആറിന്റെ നൈട്ര പ്ലാന്റിൽ നിന്നാണ് ഇത് പുറത്തിറങ്ങുന്നത്. തൽഫലമായി, യുകെയിൽ നിർമ്മിച്ച സഹോദരങ്ങളുടെ അതേ നികുതി ഇളവുകൾക്ക് ഇത് അർഹമല്ല.
മാത്രമല്ല, ജെഎൽആർ ഇതിനകം തന്നെ പൂനെ പ്ലാന്റിൽ സികെഡി റൂട്ട് വഴി ഇന്ത്യയിൽ നിരവധി മോഡലുകൾ പ്രാദേശികമായി കൂട്ടിച്ചേർക്കുന്നുണ്ട്. ഈ പട്ടികയിൽ റേഞ്ച് റോവർ, റേഞ്ച് റോവർ സ്‌പോർട്, ഇവോക്ക്, വെലാർ എന്നിവ ഉൾപ്പെടുന്നു. തൽഫലമായി, ഈ മോഡലുകളുടെ വിലയെയും എഫ്‌ടിഎ ബാധിക്കില്ല.

india uk business

ന്യൂഡല്‍ഹി: പാകിസ്താനില്‍ ഇന്ത്യ ഇപ്പോള്‍ കാണിച്ചത് ട്രെയ്‌ലര്‍ മാത്രമാണെന്ന് ഇന്ത്യന്‍ പ്രതിരോധമന്ത്രി രാജ്‌നാഥ് സിംഗ്. ഇന്ത്യ ഉപയോഗിച്ചത് ഇന്ത്യന്‍ നിര്‍മ്മിത ഉപകരണങ്ങളാണെന്നും ബ്രഹ്‌മോസിന് മുന്നില്‍ പാകിസ്താന്‍ വിറച്ചു നിന്നെന്നും പറഞ്ഞു. ഭുജിലെ സൈനിക താവളം സന്ദര്‍ശിച്ച ശേഷമാണ് രാജ്‌നാഥ് സിംഗിന്റെ പ്രതികരണം. പാകിസ്താന് സഹായം നല്‍കുന്ന കാര്യം ഐഎംഎഫ് പുന: പരിശോധിക്കണമെന്നും പറഞ്ഞു. പാകിസ്താന് നല്‍കുന്ന ഓരോ സഹായവും ഭീകരതയ്ക്കുള്ള പരോക്ഷ ധനസഹായമായിട്ടാണ് മാറുന്നതെന്നും പറഞ്ഞു.

ഇന്ത്യന്‍ പൗരന്മാര്‍ക്കെതിരെ ഭരണകൂടം സ്പോണ്‍സര്‍ ചെയ്ത ആക്രമണങ്ങള്‍ നടത്താന്‍ തീവ്രവാദികളെ അനുവദിക്കുകയാണ് പാകിസ്താന്‍ ചെയ്യുന്നത്. കടക്കെണിയിലായ പാകിസ്ഥാന് 2.1 ബില്യണ്‍ ഡോളര്‍ ജാമ്യം നല്‍കുന്നത് പുനഃപരിശോധിക്കണമെന്നും പറഞ്ഞു. ഓപ്പറേഷന്‍ സിന്ദൂരിന്റെ ഭാഗമായി ഇന്ത്യന്‍ സൈന്യം പാകിസ്ഥാനിലെയും പാക് അധീന കശ്മീരിലെയും ഭീകര അടിസ്ഥാന സൗകര്യങ്ങളില്‍ ആക്രമണം നടത്തുന്നതിനിടെയാണ് ഐഎംഎഫ് ധനസഹായം പ്രഖ്യാപിച്ചത്. ഈ സമയത്ത് പാകിസ്ഥാന്‍ ഉത്തരേന്ത്യയിലെ സിവിലിയന്‍, സൈനിക മേഖലകളില്‍ ഡ്രോണ്‍, മിസൈല്‍ ആക്രമണം നടത്തുന്ന തിരക്കിലായിരുന്നെന്നും പറഞ്ഞു.

rajnath singh about sindoor attack