തിരുവനന്തപുരം: കോഴിക്കോട് കളക്ടര്‍ എന്‍.പ്രശാന്തിനെ മാറ്റാന്‍ ഇന്ന് ചേര്‍ന്ന മന്ത്രിസഭായോഗം തീരുമാനിച്ചു. പ്രശാന്തിന് പകരം ടൂറിസം ഡയറക്ടര്‍ യുവി ജോസാണ് പുതിയ കോഴിക്കോട് കളക്ടർ.

സോഷ്യൽമീഡിയയിൽ സജീവമായി ഇടപെടുന്ന പ്രശാന്തിന് കളക്ടർ ബ്രോ എന്ന വിളിപ്പേരിലാണ് അറിയപ്പെട്ടിരുന്നത് . പ്രശാന്തിന്‍റെ പുതിയ ചുമതല സംബന്ധിച്ച്  മന്ത്രിസഭായോഗത്തിൽ തീരുമാനം എടുത്തിട്ടില്ല.

ബംഗളൂരു:ബഹിരാകാശ ഗവേഷണ രംഗത്ത് പുതുചരിത്രമെഴുതി ഐഎസ്ആർഒ. ഒറ്ററോക്കറ്റിൽ 104 ഉപഗ്രഹങ്ങളാണ് പിഎസ്ൽവി സി 37 ഭ്രമണപഥത്തിലെത്തിച്ചത്. രാവിലെ 9.28ന് ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്‍ററിൽ നിന്നാണ്  പി.എസ്.എല്‍.വി സി37 ബഹിരാകാശ വാഹനം വിക്ഷേപിച്ചത്. എല്ലാ ഉപഗ്രഹങ്ങളും ഭ്രമണപഥങ്ങളിലെത്തിയതായി ഐഎസ്ആർഒ സ്‌ഥിതീകരിച്ചു. ഇതോടെ ഒരു റോക്കറ്റില്‍ ഏറ്റവും കൂടുതൽ ഉപഗ്രങ്ങൾ വിക്ഷേപിച്ച രാജ്യമെന്ന റെക്കോർഡും ഇന്ത്യയ്ക്കു സ്വന്തംമായി .

എല്ലാ ഉപഗ്രഹങ്ങളുടെയുംകൂടി ഭാരം 1378 കിലോഗ്രാമാണ് . ഇതില്‍ പ്രധാനം 714 കിലോ വരുന്ന കാര്‍ടോസാറ്റ് 2 ആണ്. ബാക്കി ഉപഗ്രഹങ്ങളില്‍ 80  എണ്ണം യുഎസിലെ വിവിധ സ്ഥാപനങ്ങളുടേതാണ്. ഇസ്രയേല്‍, കസാഖിസ്ഥാന്‍, നെതര്‍ലന്‍ഡ്സ്, സ്വിറ്റ്സര്‍ലന്‍ഡ്, യുഎഇ അടക്കമുള്ള രാജ്യങ്ങളുടെ ഉപഗ്രഹങ്ങളുo ഇതിൽ ഉണ്ട് .

അനധികൃത സ്വത്തുസമ്പാദനക്കേസിൽ അണ്ണാ ഡിഎംകെ ജനറൽ സെക്രട്ടറി ശശികലക്ക് വിചാരണക്കോടതി വിധിച്ച ശിക്ഷ സുപ്രീം കോടതി ശരിവച്ചു. കൂവത്തൂരിലെ റിസോർട്ടിൽ തന്നെ പിൻതുണയ്ക്കുന്ന എംഎൽഎമാർക്കൊപ്പം ശശികല വിധി കേട്ട് പൊട്ടിക്കരഞ്ഞതായാണ് അവരെ  റിപ്പോര്‍ട്ടുകള്‍ പുറത്തുവരുന്നത്.ശിക്ഷ ശരിവച്ച സാഹചര്യത്തില്‍ ശശികല കീഴടങ്ങണമെന്ന് സുപ്രീം കോടതി നിര്‍ദ്ദേശിച്ചു. നാലാഴ്ചയ്ക്കകം വിചാരണ കോടതിയില്‍ കീഴടങ്ങണമെന്നാണ് നിര്‍ദ്ദേശം.

മുഖ്യമന്ത്രിക്കസേരയിലേക്കുള്ള ചരടുവലികൾ നടത്തുന്നതിനിടെയാണ് കോടതിവിധി ശശികലയ്ക്ക് എതിരായി വന്നിരിക്കുന്നത്. നാല് വർഷത്തേക്കാണ് ശിക്ഷ. മുൻകാലങ്ങളിൽ അനുഭവിച്ച എട്ട് മാസത്തെ ശിക്ഷ കിഴിച്ച് അനുഭവിച്ചാൽ മതി. കൂടാതെ പത്ത് കോടി രൂപയുടെ പിഴയുമുണ്ട് ശശികലക്ക് .

ശിക്ഷ അനുഭവിച്ച് കഴിഞ്ഞാലും ആറ് വർഷത്തേക്ക് തെരഞ്ഞെടുപ്പിലൊന്നും മത്സരിക്കരുത് എന്നതിനാൽ ശശികലയുടെ രാഷ്ട്രീയഭാവി അസ്തമിക്കുകയാണെന്നാണ് രാഷ്ട്രീയനിരീക്ഷകരുടെ വിലയിരുത്തൽ.

തിരുവനന്തപുരം: ലോ അക്കാദമി പ്രിന്‍സിപ്പല്‍ സ്ഥാനത്തു പുറത്താക്കിയ  ലക്ഷ്മി നായരെ അറസ്റ്റു ചെയ്യണമെന്ന് ദേശീയ വനിതാ കമ്മിഷന്‍.കുട്ടികളോട് രേഖാമൂലം പരാതി നല്‍കാന്‍ ആവശ്യപ്പെട്ടിട്ടുണ്ടെന്നും ലക്ഷ്മി നായരെ അറസ്റ്റു ചെയ്യാന്‍ പോലീസ് കമ്മിഷണറോട് ആവശ്യപ്പെടുമെന്നും  കമ്മിഷന്‍ അംഗം സുഷമ സാഹു പറഞ്ഞു.ലക്ഷ്മി നായര്‍ വിദ്യാര്‍ഥികളോട് ഹിറ്റ്‌ലറെ പോലെയാണ് പെരുമാറിയിരുന്നതെന്നും  അവര്‍ മാധ്യമങ്ങളോട് പറഞ്ഞു.

പൃഥ്വിരാജ് നായകനായ സെവന്‍ത് ഡേ എന്ന സിനിമയിലൂടെ സംവിധാനരംഗത്തെത്തിയ ശ്യാംധര്‍ ഞായറാഴ്ച അന്നനാട് വേലുപ്പിള്ളി ധര്‍മ്മശാസ്താ ക്ഷേത്രത്തില്‍വെച്ച് വിവാഹിതനായി .സുഹൃത്തും പരസ്യകമ്പനിയില്‍ കോപ്പി റൈറ്ററുമായ അഞ്ജലിയാണ് വധു. തൃശൂര്‍ സ്വദേശിനിയാണ് അഞ്ജലി.മെഗാസ്റ്റാര്‍ മമ്മൂട്ടി വിവാഹച്ചടങ്ങില്‍ പങ്കെടുത്തു.മമ്മൂട്ടി നായകനായെത്തുന്ന ഒരു കുടുംബചിത്രത്തിന്റെ പണിപ്പുരയിലാണ് ശ്യംധര്‍ ഇപ്പോള്‍.

Click Here to Enter Marriage Photos  

ആലപ്പുഴ: ബിഡിജെഎസിന് നൽകിയ വാഗ്ദാനങ്ങളെല്ലാം ലംഘിച്ച ബിജെപിയുമായി യാതൊരു ബന്ധവുമില്ലെന്ന് വെള്ളാപ്പള്ളി നടേശൻ.ബിഡിജെഎസിന് ബിജെപി നൽകിയ വാഗ്ദാനങ്ങളെക്കുറിച്ച് തനിക്കറിയില്ല. എന്നാൽ കാസർഗോഡ് കേന്ദ്രസർവകലാശാലയ്ക്ക് ശ്രീനാരായണഗുരുവിന്‍റെ പേര് നൽകാമെന്ന് തനിക്ക് ഉറപ്പ് തന്നതാണ് എന്നാൽ അതും പാലിക്കപ്പെട്ടില്ല.  എസ്എൻഡിപി യോഗത്തിന് നൽകിയ ഒരുറപ്പും പാലിക്കപ്പെട്ടില്ലയെന്നും അദേഹം പറഞ്ഞു.

വാഗ്ദാനങ്ങള്‍ പാലിക്കാത്തതിനാലും അര്‍ഹിക്കുന്ന സ്ഥാനം എന്‍ഡിഎയില്‍ നിന്ന് ലഭിക്കാത്തതുമാണ് ബിഡിജെഎസിനെ ചൊടിപ്പിച്ചത്. മുന്നണി പരിപാടികളില്‍ ഇനി സഹകരിക്കേണ്ടെന്നും പ്രതിഷേധം തുടരാം എന്നുമാണ് വെള്ളാപ്പള്ളിയുടെ തീരുമാനം.

ചെന്നൈ: തമിഴ് സൂപ്പര്‍സ്റ്റാര്‍ രജനീകാന്ത് ഉടന്‍ രാഷ്ട്രീയ പാര്‍ട്ടി രൂപവത്കരിക്കുമെന്ന് റിപ്പോര്‍ട്ടുകള്‍.പുതിയ ഒരു രാഷ്ട്രീയ പാര്‍ട്ടി രൂപവത്കരിക്കാനാണ് രജനിയുടെ തീരുമാനമെന്നാണ് അറിയുന്നത്. ആര്‍എസ്എസ് സൈദ്ധാന്തികന്‍ എസ്.ഗുരുമൂര്‍ത്തിയുമായി ഇത് സംബന്ധിച്ച് രജനീകാന്ത് ചര്‍ച്ചകള്‍ നടത്തിയെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

എന്നാല്‍ സജീവ രാഷ്ട്രീയത്തില്‍ ഇറങ്ങരുതെന്ന് അമിതാഭ് ബച്ചന്‍ രജനീകാന്തിനെ ഉപദേശിച്ചു.

കൊച്ചി : എസ്എഫ്ഐ പ്രവര്‍ത്തകര്‍ തിരുവനന്തപുരം യൂണിവേഴ്സിറ്റി കോളേജില്‍  നടത്തിയ സദാചാര ഗുണ്ടായിസത്തിനെതിരെ സംവിധായകൻ ആഷിഖ് അബു. യൂണിവേഴ്സിറ്റി കോളേജിൽ നടന്നത് ‘സംഘി മോഡൽ ‘ആക്രമണമാണ്. ഇനി അവർ രണ്ട് രൂപ മെമ്പർ കൂടിയാണെങ്കിലും അവരെ എസ്എഫ്ഐ ടെ കൊടി പിടിപ്പിക്കരുതെന്നും ആഷിഖ് അബു തന്റെ ഫെയ്സ്ബുക്കിൽ കുറിച്ചു. ഇരകൾക്കൊപ്പം എന്ന ഹാഷ്ടാഗോടെയാണ് ആഷിഖ് അബു എസ്എഫ്ഐയുടെ സദാചാരഗുണ്ടായിസത്തിനെതിരെ പ്രതികരിച്ചത് .

എസ് എഫ് ഐക്കെതിരെ എസ് എഫ് ഐ പ്രവര്‍ത്തകയും ഗവേഷക വിദ്യാര്‍ഥിയുമായ ബി അരുന്ധതിയും പ്രതികരിച്ചിരുന്നു .സ്വാതന്ത്ര്യവും ജനാധിപത്യവുമുള്ളൊരു യൂണിവേഴ്‌സിറ്റി കോളേജിനെ തിരിച്ചുപിടിക്കൂ എന്ന് ആഹ്വാനം ചെയ്തുകൊണ്ടാണ് അരുന്ധതി ഫേസ്ബുക്കിൽ പ്രതികരിച്ചത് .

ഫെയ്സ്ബുക്ക് പോസ്റ്റ് പൂർണ്ണരൂപം

വലത്തേക്ക് നടന്നാല്‍ സെക്രട്ടേറിയറ്റ്. ഇടത്തേക്ക് തിരിഞ്ഞാല്‍ നിയമസഭ. ആഞ്ഞുപിടിച്ച് പതിനഞ്ച്മിനിറ്റ് നടന്നാല്‍ രാജ്ഭവന്‍. പാര്‍ട്ടി പ്രതിപക്ഷത്തിരിക്കുന്ന കാലത്ത് മിനിറ്റുകള്‍ക്കുള്ളില്‍ മിനിമം ആയിരം വിദ്യാര്‍ഥികളെയെങ്കിലും സംഘടിപ്പിച്ച് മേല്‍പ്പറഞ്ഞ ഇടങ്ങളിലെല്ലാം സമരം നടത്താന്‍ കഴിയുമെന്നതുകൊണ്ടാണ് യൂണിവേഴ്സിറ്റി കോളേജിലെ SFI നിലവിലെ നിലയില്‍ പ്രവര്‍ത്തിക്കുന്നത്.

മുഴുവന്‍ വിദ്യാര്‍ഥികളെയും സമരത്തൊഴിലാളികളായി കയ്യില്‍ കിട്ടേണ്ടതുകൊണ്ട് മറ്റെല്ലാ പാര്‍ടികളുടെയും പ്രവര്‍ത്തനസ്വാതന്ത്ര്യം കയ്യൂക്കുകൊണ്ട് തടയുന്നു. അടിച്ചേല്‍പ്പിക്കപ്പെടുന്ന സംഘടന മെമ്പര്‍ഷിപ്. അടിച്ചേല്‍പ്പിക്കപ്പെടുന്ന ആയിരം പിരിവുകള്‍.

വ്യാഴാഴ്ച വൈകീട്ടോടെയാണ് സംഭവങ്ങളുടെ തുടക്കം. കോളേജില്‍ നടക്കുന്ന നാടകം കാണാനാണ് പെണ്‍കുട്ടികളുടെ സുഹൃത്തായ ജിജേഷ് യൂണിവേഴ്‌സിറ്റി കോളേജിലെത്തിയത്.  ഇതിനിടെയാണ് സദാചാര പോലീസ് ചമഞ്ഞ് എസ്എഫ്‌ഐ പ്രവര്‍ത്തകര്‍ ഇവരെ മർഥിക്കുകയായിരുന്നു .

ചെന്നൈ: പനീര്‍ശെല്‍വം പക്ഷത്തേക്ക് നേതാക്കള്‍ മാറുകയും അനുകൂലിക്കുന്ന എം.എൽ.എമാർക്കിടയിൽ അഭിപ്രായ ഭിന്നത രൂക്ഷമാവുകയും ചെയ്ത സാഹചര്യത്തിൽ ശശികല തന്ത്രങ്ങള്‍ മാറ്റുന്നു.മുഖ്യമന്ത്രിയാകാനുള്ള നീക്കം തത്കാലത്തേക്ക് മാറ്റിവെച്ച് പാർട്ടിയിലെ വിശ്വസ്തരില്‍ ഒരാളെ മുഖ്യമന്ത്രിയാക്കി പ്രശ്നം പരിഹരിക്കാൻ ശശികല ആലോചിക്കുന്നതായി റിപ്പോര്‍ട്ട്. എന്നാൽ ഇത് ശശികലയുടെ തന്ത്രമാണെന്നാണ് പന്നീർസെൽവ പക്ഷം ആരോപിക്കുന്നത്.ശശികലയുടെ വിശ്വസ്തരുമായ കെ.എ സെങ്കോട്ടയ്യനോ, എടപ്പാടി പളനിസ്വാമിയോ മുഖ്യമന്ത്രിയായി നിയോഗിക്കുന്നതിനെക്കുറിച്ചാണ് ശശികല ക്യാമ്പില്‍ തിരക്കിട്ട കൂടിയാലോചന നടക്കുന്നത്.അതിനിടെ രണ്ടു മന്ത്രിമാരും രണ്ട് എംപിമാരും ഇന്ന് പനീർസെൽവത്തിനു പിന്തുണ പ്രഖ്യാപിച്ചു.തമിഴ് നടനും രാഷ്ട്രീയ നേതാവുമായ ശരത് കുമാർ പന്നീർ ശെൽവത്തിന് പിന്തുണ പ്രഖ്യാപിച്ചിട്ടുണ്ട്.