ശശികല തന്ത്രങ്ങള്‍ മാറ്റുന്നു : മുഖ്യമന്ത്രി സ്ഥാനത്തേക്കില്ലെന്ന് ശശികല

ചെന്നൈ: പനീര്‍ശെല്‍വം പക്ഷത്തേക്ക് നേതാക്കള്‍ മാറുകയും അനുകൂലിക്കുന്ന എം.എൽ.എമാർക്കിടയിൽ അഭിപ്രായ ഭിന്നത രൂക്ഷമാവുകയും ചെയ്ത സാഹചര്യത്തിൽ ശശികല തന്ത്രങ്ങള്‍ മാറ്റുന്നു.മുഖ്യമന്ത്രിയാകാനുള്ള നീക്കം തത്കാലത്തേക്ക് മാറ്റിവെച്ച് പാർട്ടിയിലെ വിശ്വസ്തരില്‍ ഒരാളെ മുഖ്യമന്ത്രിയാക്കി പ്രശ്നം പരിഹരിക്കാൻ ശശികല ആലോചിക്കുന്നതായി റിപ്പോര്‍ട്ട്. എന്നാൽ ഇത് ശശികലയുടെ തന്ത്രമാണെന്നാണ് പന്നീർസെൽവ പക്ഷം ആരോപിക്കുന്നത്.ശശികലയുടെ വിശ്വസ്തരുമായ കെ.എ സെങ്കോട്ടയ്യനോ, എടപ്പാടി പളനിസ്വാമിയോ മുഖ്യമന്ത്രിയായി നിയോഗിക്കുന്നതിനെക്കുറിച്ചാണ് ശശികല ക്യാമ്പില്‍ തിരക്കിട്ട കൂടിയാലോചന നടക്കുന്നത്.അതിനിടെ രണ്ടു മന്ത്രിമാരും രണ്ട് എംപിമാരും ഇന്ന് പനീർസെൽവത്തിനു പിന്തുണ പ്രഖ്യാപിച്ചു.തമിഴ് നടനും രാഷ്ട്രീയ നേതാവുമായ ശരത് കുമാർ പന്നീർ ശെൽവത്തിന് പിന്തുണ പ്രഖ്യാപിച്ചിട്ടുണ്ട്.