കോഴിക്കോട്: സുപ്രീം കോടതിയുടെ അനുകൂല വിധിയെ തുടര്‍ന്ന് ഇന്ന് പുലര്‍ച്ചെ ഹാദിയയും ഷെഫിന്‍ ജഹാനും  കോഴിക്കോടെത്തി പോ​പ്പു​ല​ർ ഫ്ര​ണ്ട് ചെ​യ​ർ​മാ​ൻ ഇ.​അ​ബൂ​ബ​ക്ക​റു​മാ​യി കൂ​ടി​ക്കാ​ഴ്ച ന​ട​ത്തി.  ഷെ​ഫി​ൻ ജ​ഹാ​നു​മാ​യു​ള്ള വി​വാ​ഹം സു​പ്രീം​കോ​ട​തി ശ​രി​വെ​ച്ച​തോ​ടെ ത​നി​ക്ക് സ്വാ​ത​ന്ത്ര്യം കി​ട്ടി​യെ​ന്ന് പറഞ്ഞ ഹാ​ദി​യ കൂ​ടെ നി​ന്ന എ​ല്ലാ​വ​ര്‍​ക്കും ന​ന്ദി പ​റ​ഞ്ഞു.

പോ​പ്പു​ല​ർ ഫ്ര​ണ്ട് ഓ​ഫ് ഇ​ന്ത്യ മാ​ത്ര​മാ​ണ് ത​ന്നെ സ​ഹാ​യി​ച്ച്‌ ഒപ്പം നിന്നത്. ഇ​ഷ്ട​മു​ള്ള മ​തം തെ​ര​ഞ്ഞെ​ടു​ക്കു​ക എ​ന്ന​ത് ഭ​ര​ണ​ഘ​ട​ന ന​ല്‍​കു​ന്ന മൗ​ലീ​കാ​വ​കാ​ശ​മാ​ണ്. എ​ന്നാ​ൽ താ​ൻ മ​തം മാ​റാ​ൻ തീ​രു​മാ​നി​ച്ച​പ്പോ​ൾ ആ ​മ​ത​ത്തി​ലു​ള്ള പ​ല സം​ഘ​ട​ന​ക​ൾ പോ​ലും ത​ന്നെ സ​ഹാ​യി​ച്ചി​ല്ല. മ​തം മാ​റാ​ൻ സ്വാ​ത​ന്ത്ര്യ​മി​ല്ലെ​യെ​ന്നും ഹാ​ദി​യ ചോ​ദി​ച്ചു. മുസ്ലിം ആയതിന് ശേഷം താന്‍ ആദ്യം മറ്റ് സംഘടനകളെയാണ് സമീപിച്ചത്. അവര്‍ തന്നെ സഹായിക്കാന്‍ തയ്യാറായില്ല. പിന്നെ സഹായിച്ചവരെ കുറ്റപ്പെടുത്തുകയാണ് ചെയ്തത് എന്നും ഹാദിയ പറഞ്ഞു.
​

ന്യൂഡൽഹി: ഹാദിയയുടെ വിവാഹം റദ്ദാക്കിയ ഹൈക്കോടതി വിധി റദ്ദാക്കി സുപ്രീം കോടതിയുടെ നിർണായക വിധി. ഹാദിയയുടെ വിവാഹത്തിന് നിയമസാധുത ഉണ്ടെന്നും വിവാഹം റദ്ദാക്കാൻ ഹൈക്കോടതിക്ക് അധികാരമില്ലെന്നും സുപ്രീം കോടതി നിരീക്ഷിച്ചു. 2017 മേയ് 24നാണ് ഹൈക്കോടതി ഇവരുടെ വിവാഹം റദ്ദാക്കിയത്.

അതേസമയം, ഷെഫിൻ ജഹാനെതിരായ എൻഐഎ അന്വേഷണം തുടരാമെന്നും സുപ്രീം കോടതി ഉത്തരവിട്ടു. കഴിഞ്ഞ നവംബര്‍ 27നാണു സുപ്രീംകോടതി ഹാദിയയെ തുടര്‍പഠനത്തിനു കോയമ്പത്തൂരിലേക്ക് അയച്ചത്. വിവാഹം റദ്ദാക്കിയ ഹൈക്കോടതി വിധിക്കെതിരെ ഷെഫിൻ ജഹാൻ സമർപ്പിച്ച അപ്പീലിലാണ് സുപ്രീം കോടതിയുടെ വിധി വന്നിരിക്കുന്നത്.

കൊച്ചി: തിരുവനന്തപുരം, കോഴിക്കോട്  ലൈറ്റ് മെട്രോ പദ്ധതികളിലെ പ്രതിസന്ധിയിൽ സർക്കാരിനെതിരേ വിമർശനവുമായി ഡിഎംആർസി മുഖ്യഉപദേഷ്ടാവ് ഇ.ശ്രീധരൻ. ഡിഎംആർസി വലിയ ദുഃഖത്തോടെയാണ് പദ്ധതിയിൽ നിന്ന് പിന്മാറുന്നതെന്നും  സർക്കാരിന്‍റെ അനാസ്ഥയാണ് പിന്മാറാൻ കാരണം എന്നും കൊച്ചിയിൽ വിളിച്ച വാർത്താ സമ്മേളനത്തിൽ  ശ്രീധരൻ പറഞ്ഞു.

പദ്ധതിയുമായി ബന്ധപ്പെട്ട് ഡിഎംആർസിയുടെ ഭാഗത്ത് ഒരു വീഴ്ചയും ഉണ്ടായിട്ടില്ല. പ്രാഥമിക ജോലികൾ ഉടൻ തുടങ്ങാമെന്ന ഉറപ്പിലാണ് 15 മാസം മുൻപ് ഡിഎംആർസി ലൈറ്റ് മെട്രോയ്ക്കായി രണ്ടു ഓഫീസുകൾ കേരളത്തിൽ തുറന്നത്. മാസം 15 ലക്ഷത്തോളം മുടക്കിയാണ് ഓഫീസുകൾ പ്രവർത്തിച്ചിരുന്നത്. എന്നാൽ 15 മാസം കഴിഞ്ഞിട്ടും കരാർ ഒപ്പിടാൻ സർക്കാർ തയാറായില്ല. പദ്ധതിയുമായി ബന്ധപ്പെട്ട് പതിനഞ്ചോളം യോഗങ്ങളും ചേർന്നിരുന്നു. എന്നാൽ അന്തിമ കരാർ എന്ന നിലയിലേക്ക് സർക്കാർ എത്തിയില്ല. ഏറ്റവും ഒടുവിൽ മുഖ്യമന്ത്രിയെ കാണാൻ സമയം ചോദിച്ചെങ്കിലും അനുവദിച്ചില്ല. പിന്നെ, പിന്മാറുകയല്ലാതെ മറ്റ് മാർഗമില്ലെന്നും പദ്ധതിയിൽ ഇനി ഡിഎംആർസി ഉണ്ടാവില്ലെന്നും അദ്ദേഹം പറഞ്ഞു.

തനിക്കെതിരേ പൊതുമരാമത്ത് മന്ത്രി ജി.സുധാകരൻ നടത്തിയ വിമർശനങ്ങളോട് പ്രതികരിക്കാൻ താത്പര്യമില്ല. ഇ.ശ്രീധരൻ എന്ന വ്യക്തിയുള്ളത് കൊണ്ടാണ് കേരളത്തിലെ ജോലികൾ ഡിഎംആർസി ഏറ്റെടുത്തതെന്നും,  മാർച്ച് പകുതിയോടെ ഡിഎംആർസിയുടെ കേരളത്തിലെ ഓഫീസുകൾ പൂട്ടുമെന്നും ഇ.ശ്രീധരൻ വ്യക്തമാക്കി.