പ്രളയദുരിതമനുഭവിക്കുന്ന ക്ഷീര കര്‍ഷകര്‍ക്ക് ഒരു കൈത്താങ്ങ് എന്ന പദ്ധതി പ്രകാരം പൊതുമേഖലാ സ്ഥാപനമായ കേരളഫീഡ്‌സ് കാലിത്തീറ്റ വിലകുറച്ചു. റിച്ച്, മിടുക്കി, ഏലയ്റ്റ് എന്നീ ബ്രാന്‍ഡുകള്‍ക്കാണ് 100 രൂപ വീതം സെപ്റ്റംബര്‍ ഒന്നു മുതല്‍ വില കുറച്ച് വില്‍ക്കുന്നത്. പത്തനംതിട്ട, കോട്ടയം, ആലപ്പുഴ, എറണാകളും, തൃശൂര്‍ ജില്ലകളിലാണ് വില കുറച്ച് വില്‍ക്കുന്നത്. ഇവിടങ്ങളില്‍ കാലിത്തീറ്റയും ധാതു ലവണങ്ങളും കര്‍ഷകര്‍ക്ക് നല്‍കിയിരുന്നു. ക്ഷീര വികസന മന്ത്രി അഡ്വ. കെ. രാജുവിന്റെ താത്പര്യപ്രകാരമാണ് ക്ഷീരകര്‍ഷകര്‍ക്ക് വിലക്കുറച്ച് കാലിത്തീറ്റ നല്‍കുന്നതെന്ന് കേരള ഫീഡ് മാനേജിംഗ് ഡയറക്ടര്‍ ഡോ. ബി.ശ്രീകുമാറും ചെയര്‍മാന്‍ കെ.എസ്. ഇന്ദുശേഖരന്‍ നായരും പറഞ്ഞു.
പ്രളയദുരിതാശ്വാസം: കാലിത്തീറ്റയ്ക്ക് വില കുറച്ചു
ഞങ്ങൾ ഒപ്പമുണ്ട് : മുഖ്യ മന്ത്രിയോട് തമിഴ് സിനിമാ വേദി !
കേരളത്തിലെ പ്രളയ ദുരന്തത്തിന് ആദ്യം കൈതാങ്ങു നൽകിയത് തമിഴ് നാടും അവിടുത്തെ സർക്കാരും. കേരളം മുഖ്യ മന്ത്രിയുടെ ദുരന്ത ദുരിതാശ്വാസ ഫണ്ടിലേക്ക് അഞ്ചു കോടി രൂപ ആദ്യ ഘട്ടമായി പ്രഖ്യാപിച്ചതോടൊപ്പം ട്രാക്കുകളിയായി സർക്കാർ വക ടൺ കണക്കിന് അവശ്യ വസ്തുക്കളും കേരളത്തിലേക്ക് എത്തിച്ചു. ഒപ്പം തന്നെ തമിഴ് ചലച്ചിത്ര വേദിയും സഹായ സന്നദ്ധരായി മുന്നിട്ടിറങ്ങി .
തെന്നിന്ത്യ നടികർ സംഘം എന്ന തമിഴ് താര സംഘടന പ്രത്യേക യോഗം ചേർന്ന് അഞ്ചു ലക്ഷം രൂപ വാഗ്‌ദാനം ചെയ്തതോടൊപ്പം സംഘത്തിന്റെ വാർഷിക പൊതുയോഗത്തിൽ പ്രസിഡണ്ട് നാസർ കേരള മുഖ്യമന്ത്രിയുടെ ദുരന്ത ദുരിതാശ്വാസ നിധിയിലേക്ക് നേരിട്ട് സഹായങ്ങൾ എത്തിക്കണമെന്ന് ആഹ്വാനം ചെയ്തതോടെ തമിഴ് ചലച്ചിത്ര രംഗത്ത് നിന്നും സഹായ ധനത്തിന്റെ പ്രവാഹം തുടങ്ങുകയായിരുന്നു .
സൂര്യയും, കാർത്തിയും,വിശാലും തുടങ്ങി വെച്ചു . പിന്നീട് തമിഴ് സിനിമയിൽ നിന്നും ദശ ലക്ഷങ്ങളുടെയും കോടികളുടെയും ഒഴുക്കായി.നടൻ ലോറൻസ് ,നിർമ്മാതാക്കളായ ലൈക്ക പ്രൊഡക്ഷൻസ് എന്നിവർ ഒരു കോടി വീതം നൽകി പ്രചോദനമായി ഏറ്റവും ഒടുവിലായി എൺപതുകളിലെ തെന്നിന്ത്യൻ താര കൂട്ടായ്മ തങ്ങളുടെ വാർഷിക ആഘോഷങ്ങൾ മാറ്റി വെച്ച് കൊണ്ട് നാല്പതു ലക്ഷം രൂപ മുഖ്യമന്തിയെ ഏല്പിച്ചത് മറ്റുള്ളവർക്ക് പ്രചോദനം പകർന്നിരിക്കുന്നു .
കുശ്ബു ,സുഹാസിനി ,ലിസ്സി ,രാജ്‌കുമാർ എന്നിവരടങ്ങുന്ന പ്രധിനിധി സംഘമാണ് തുക തലസ്ഥാനത്തെത്തി മുഖ്യ മന്ത്രിക്കു കൈമാറിയത് .അത് പോലെ തമിഴ് ഫിലിം പ്രൊഡ്യൂസർ കൗൺസിൽ സെക്രട്ടറി കതിരേശൻ തങ്ങളുടെ സംഭാവനയായി പത്തു ലക്ഷം രൂപ സംഭാവന നൽകിക്കൊണ്ട് തമിഴ് സിനിമവേദി കേരളത്തിനൊപ്പമുണ്ടാകുമെന്ന വാഗ്‌ദാനവും മുഖ്യമന്ത്രിക്ക് നൽകി.
കൗൺസിൽ പ്രസിഡണ്ടും നടികർ സംഘം ജനറൽ സെക്രട്ടറിയുമായ വിശാലും തമിഴ് സിനിമാ മേഖലയോട് കേരളത്തിന് കൈത്താങ്ങാകാണമെന്ന് അഭ്യർത്ഥിച്ചിട്ടുണ്ട് . വാക്കുകളിലും വാഗ്‌ദാനങ്ങളിലും ഒതുങ്ങാതെ കേരളത്തോട് ഇവർ കാണിക്കുന്ന സ്നേഹത്തിനു പ്രത്യേകം മുഖ്യ മന്ത്രി നന്ദിയും പ്രക ടിപ്പിച്ചു . ഇരുപതു കോടിയിൽ അധികം തുക തമിഴ് സിനിമയുടേതായ സംഭാവനകൾ പ്രതീക്ഷിക്കുന്നതായും ,ഇപ്പോൾ തന്നെ അത് പന്ത്രണ്ടു കോടി കവിഞ്ഞതായും കണക്കുകൾ ഉദ്ധരിച്ചു കൊണ്ട് നടികർ സംഘം പിആർഓ വൃത്തങ്ങൾ വെളിപ്പെടുത്തി , തമിഴരുടെയും തമിഴ് സിനിമക്കാരുടെയും ഈ സഹോദര സ്നേഹത്തെ നമിക്കാം .ഈ സ്സ്നേഹ സഹകരണം നമുക്കും മാതൃകയാകട്ടെ.
കേടായ പമ്പുകൾ നന്നാക്കാൻ 20,000 രൂപ വരെ നൽകും
ആലപ്പുഴ: കുട്ടനാട് മേഖലയിലെ പുനരധിവാസം വേഗത്തിലാക്കുന്നതിന് ജലനിരപ്പ് താഴ്ത്തുന്നതിന് അടിയന്തരി നടപടി സ്വീകരിക്കാൻ ജില്ല കളക്ടറുടെ അധ്യക്ഷതയിൽ കളക്‌ട്രേറ്റിൽ ചേർന്ന യോഗം തീരുമാനിച്ചു. ഇതിന്റെ ഭാഗമായി കൈനകരി, ചമ്പക്കുളം, നെടുമുടി, പുളിങ്കുന്ന് പഞ്ചായത്തുകളിലെയും നഗരസഭയിലെ നെഹ്‌റുട്രോഫി വാർഡിന്റെ ചില ഭാഗങ്ങളിലും വെള്ളം വറ്റിക്കുന്നതിന് വെള്ളത്തിൽ മുങ്ങി നശിച്ച പമ്പുകൾ അററകുററപ്പണി നടത്തി പ്രവർത്തിപ്പിക്കുന്നതിന് ബന്ധപ്പെട്ട
പാടശേഖരസമിതികൾക്ക് 20,000 രൂപ വരെ നൽകാൻ ജില്ല കളക്ടർ നിർദ്ദേശം നൽകി. പുനരധിവാസത്തിന് വെള്ളം വറ്റിക്കേണ്ടത് അത്യാവശ്യമുള്ള ഭാഗങ്ങളിലാണ് ഇത് അനുവദിക്കുക.
ബോക്സിങ്ങില്‍ അമിത് പങ്കലിന് സ്വര്‍ണം
ഏഷ്യൻ ഗെയിംസിൽ ഇന്ത്യയുടെ അമിത് പങ്കലിന് സ്വർണം. പുരുഷന്മാരുടെ 49 കിലോ വിഭാഗം ബോക്സിങ്ങില്‍ ഉസ്ബക്കിസ്ഥാന്‍റെ ദുസ്മറ്റോവയെ അട്ടിമറിച്ചാണ് അമിത് വിജയം നേടിയത്.
പുരുഷന്മാരുടെ ബ്രിജ് (ചീട്ടുകളി) ടീം ഇനത്തിലും ഇന്ത്യ സ്വർണം കരസ്ഥമാക്കി. ഇതോടെ ഏഷ്യന്‍ ഗെയിംസില്‍ 15 സ്വർണം, 24 വെള്ളി, 29 വെങ്കലം ഉൾപ്പെടെ ഇന്ത്യയുടെ മെഡല്‍നേട്ടം 68 ആയി.
കേരളത്തിൽ എലിപ്പനി പടരുന്നു
പ്രളയത്തിന് പിന്നാലെ കേരളത്തിൽ എലിപ്പനി പടരുന്നതായി റിപ്പോർട്ട്. ആലപ്പുഴയിൽ നാല് പേരിൽ എലിപ്പനി സ്ഥിതീകരിച്ചു. നാലുപേരിൽ എലിപ്പനിക്ക് സമാനമായ ലക്ഷണങ്ങൾ കണ്ടതായും റിപ്പോർട്ട്. പത്തനംതിട്ടയിൽ എട്ട് പേരിൽ എലിപ്പനി സ്ഥിതീകരിച്ചു.
എലിപ്പനി പടരുന്നത് ഒഴിവാക്കാൻ ശക്തമായ പ്രതിരോധ നടപടികൾ നടപ്പിലാക്കാൻ സർക്കാർ. എലിപ്പനി പ്രതിരോധ മരുന്നുകളുടെ വിതരണം ഊർജിതമാക്കി ആരോഗ്യവകുപ്പും സർക്കാരും.
സ്വാതി റെഡ്ഡി വിവാഹിതയായി ; ചിത്രങ്ങൾ കാണാം
നടി സ്വാതി റെഡ്ഡി വിവാഹിതയായി. പൈലറ്റായ വികാസ് ആണ് വരന്‍. വിവാഹചടങ്ങുകള്‍ ഹൈദരാബാദില്‍ വച്ചാണ് നടന്നത്. ദീർഘനാളുകളായി ഇരുവരും പ്രണയത്തിലായിരുന്നു. സെപ്തംബർ 2 ന് കൊച്ചിയിൽവച്ച് സുഹൃത്തുക്കൾക്കും ബന്ധുക്കൾക്കുമായി വിവാഹ വിരുന്ന് നടക്കും.
പ്രളയം : ക്യാമ്പുകളിൽ താമസിക്കാത്തവർക്കും സഹായം ലഭിക്കും
പ്രളയത്തെ തുടർന്ന് നാശനഷ്ടം സംഭവിച്ച് ക്യാമ്പുകളിൽ കഴിയാത്തവർക്കും സഹായം ലഭിക്കുo. 10,000 രൂപ വീതം ഇവർക്ക് നൽകാൻ സർക്കാർ ഉത്തരവായി.
പ്രളയത്തെ തുടർന്ന് ക്യാമ്പുകളിൽ താമസിക്കുന്നവർക്ക് മാത്രമായിരിക്കും സഹായം ലഭിക്കുക എന്ന വാർത്തകൾ വന്നതിനെ തുടർന്നാണ് സർക്കാർ ഇത്തരത്തിൽ ഒരു ഉത്തരവ് പുറത്തിറക്കിയത്.
ദീപിക ആർ കെ ടാറ്റു ഒഴുവാക്കുന്നു?
ബി-ടൗണിലെ ഏറ്റവും പ്രശസ്തരായ താരങ്ങളിൽ ഒരാളാണ് ദീപിക പദുക്കോൺ. താരത്തിന്റെ പ്രണയവും ഗോസിപ്പുകളിൽ ഇടം പിടിച്ചിരുന്നു. ഇപ്പോൾ രൺവീറുമായി പ്രണയത്തിലാണ് താരം. മുൻപ് രൺബീർ കപൂറുമായി പ്രണയത്തിലായിരുന്നപ്പോൾ തന്റെ കഴുത്തിനു പിന്നിലായി ആർ കെ എന്ന് ടാറ്റു ചെയ്തിരുന്നു ദീപിക. വാർത്തകളിൽ ഇടം പിടിച്ച ആ ടാറ്റുവിന്റെ സ്ഥാനത്ത് ഒരു ബാൻഡേജ് ഒട്ടിച്ചിരിക്കുന്നതാണ് ഇപ്പോൾ പാപ്പരാസികളുടെ ശ്രദ്ധയിൽ പെട്ടിരിക്കുന്നത്. ആർ കെ ടാറ്റു ദീപിക ഒഴിവാക്കുകയാണെന്നാണ് പാപ്പരാസികൾ പറയുന്നത്.
എന്നാൽ, പുറത്തുവന്ന ദീപികയുടെ പുതിയ ചിത്രങ്ങളിൽ ടാറ്റു വ്യക്താമായി കാണാം. രൺവീറുമായി ഉടൻ കല്യാണം നടക്കാൻ പോകുന്ന ദീപിക ആർ കെ ടാറ്റു ഒഴുവാക്കുകയാണെന്നാണ് മാധ്യമങ്ങൾ കരുതിയിരുന്നത്.
വി.പി.എസ്. ഹെല്‍ത്ത് കൈയര്‍ 12 കോടിയുടെ മരുന്നുകളും അവശ്യ സാധനങ്ങളും കൈമാറി
തിരുവനന്തപുരം: യു.എ.ഇ. ആസ്ഥാനമായി പ്രവര്‍ത്തിക്കുന്ന ഹോസ്പിറ്റല്‍ ശൃംഖലയായ വി.പി.എസ്. ഹെല്‍ത്ത്‌കെയര്‍ ഗ്രൂപ്പ് പ്രളയ ബാധിത കേരളത്തിന്റെ പുനര്‍ നിര്‍മാണത്തിനായി നല്‍കുന്ന സഹായത്തിന്റെ ആദ്യ ഗഡുവായ 12 കോടി രൂപ വിലമതിക്കുന്ന 70 ടണ്ണോളം മരുന്നുകളും അവശ്യ സാധനങ്ങളും ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചറിന് കൈമാറി. കേരളത്തിലെ ജനങ്ങള്‍ കഷ്ടതയനുഭവിക്കുമ്പോള്‍ സഹായ ഹസ്തവുമായെത്തുന്ന പ്രവാസികളെ മലയാളികള്‍ എക്കാലവും ഓര്‍മ്മിക്കുമെന്ന് മന്ത്രി കെ.കെ. ശൈലജ ടീച്ചര്‍ പറഞ്ഞു. നിപ്പ വൈറസ് ബാധയേറ്റ സമയത്ത് വി.പി.എസ്. ഹെല്‍ത്ത് കെയര്‍ 30 ലക്ഷം രൂപ വിലമതിക്കുന്ന സുരക്ഷാ വസ്തുക്കള്‍ പ്രത്യേക വിമാനത്തില്‍ കോഴിക്കോട് എത്തിച്ചു തന്നിരുന്നു. ഇതെല്ലാം മറ്റുള്ളവര്‍ക്ക് പ്രചോദനമാകുമെന്നും മന്ത്രി പറഞ്ഞു. അബുദാബിയില്‍ നിന്നും പ്രത്യേകം ചാര്‍ട്ട് ചെയ്ത ബോയിംഗ് 777 വിമാനത്തിലാണ് സാമഗ്രികള്‍ എത്തിയത്. പ്രളയ ദുരന്തത്തിനിരയായ ആയിരങ്ങള്‍ക്കുള്ള മരുന്നുകള്‍, വസ്ത്രങ്ങള്‍, വാട്ടര്‍ പ്യൂരിഫയര്‍, കുട്ടികള്‍ക്കും വൃദ്ധര്‍ക്കുമായുള്ള ഡയപ്പര്‍, സ്ത്രീകള്‍ക്കുള്ള സാനിറ്ററി പാഡ്, ഭക്ഷ്യവസ്തുക്കള്‍ എന്നിവ അടങ്ങിയ 70 ടണ്‍ അവശ്യ വസ്തുക്കളാണ് വ്യാഴാഴ്ച തിരുവനന്തപുരത്ത് എത്തിയത്. തിരുവനന്തപുരം ജില്ലാ കളക്ടര്‍ വാസുകിയുടെ പേരിലാണ് അബുദാബിയില്‍ നിന്നുള്ള കണ്‍സയ്ന്‍മെന്റ് എത്തിയത്. നവകേരളം കെട്ടിപ്പെടുക്കുന്നതിനായി 50 കോടി രൂപയാണ് വി.പി.എസ്. ഹെല്‍ത്ത് കെയര്‍ നല്‍കുന്നതെന്ന് മാനേജിംഗ് ഡയറക്ടറും സി.ഇ.ഒ.യുമായ ഡോ. ഷംഷീര്‍ വയലില്‍ അറിയിച്ചു. അടുത്ത ഘട്ടത്തില്‍ നടപ്പിലാക്കേണ്ട പുനര്‍ നിര്‍മാണ പ്രവര്‍ത്തനങ്ങക്കായുള്ള സഹായം സര്‍ക്കാരും ഉന്നത ഉദ്യോഗസ്ഥരുമായി ചേര്‍ന്ന് ആലോചിച്ച ശേഷം തീരുമാനമെടുക്കുമെന്നും ഡോ. ഷംഷീര്‍ വയലില്‍ അറിയിച്ചു. വ്യവസായ വകുപ്പ് പ്രിന്‍സിപ്പല്‍ സെക്രട്ടറി ഡോ. ഇളങ്കോവന്‍, ജില്ലാ കളക്ടര്‍ വാസുകി, കെ.എസ്.ഐ.ഇ. കാര്‍ഗോ ജനറല്‍ മാനേജര്‍ ജയരാജ്, വി.പി.എസ്. ഇന്ത്യ മാനേജന്‍ ഹാഫിസ് അലി, സി എസ് ആര്‍ ഇന്‍ ചാര്‍ജ് രാജീവ് മാങ്കോട്ടില്‍, റിലേഷന്‍ഷിപ്പ് മാനേജര്‍ സഫര്‍ എന്നിവര്‍ പങ്കെടുത്തു.
നടി പ്രിയ വാര്യര്‍ക്കെതിരായ പരാതി സുപ്രീംകോടതി തള്ളി
ഒമർ ലുലു സംവിധാനം ചെയ്ത ഒരു അഡാറ് ലവ് എന്ന ചിത്രത്തിലെ “മാണിക്യ മലരായ പൂവി” എന്ന ഗാനം മതവികാരം വ്രണപ്പെടുത്തുന്നുവെന്ന് ആരോപിച്ച് നൽകിയ പരാതിയിൽ നടി പ്രിയ വാര്യര്‍ക്കെതിരായ പരാതിയും കേസിൻ‌റെ എഫ്.ഐ.ആറും സുപ്രീംകോടതി തള്ളി.
പ്രിയവാര്യർ തെലുങ്കാന പോലീസ് എടുത്ത കേസിനെതിരെ കോടതിയിൽ സമീപിച്ചതിനെത്തുടർന്നാണ് സുപ്രീം കോടതിയുടെ വിധി. പ്രിയവാര്യർക്കെതിരെ കേസെടുത്തത് അവകാശസ്വാതന്ത്രയത്തിനു മേലുള്ള കടന്നുകയറ്റമാണെന്നും പാട്ടിൽ അഭിനയിച്ചതിന്റെ പേരിൽ മതവികാരം വ്രണപ്പെടുത്തിയെന്ന കുറ്റം ചുമത്താനാകില്ലെന്നും സുപ്രീംകോടതി വ്യക്തമാക്കി.
എംഎല്‍എമാർക്കു സംസാരിക്കാൻ അവസരം നൽകാത്തതിന്റെ കാരണം അവരോട് തന്നെ ചോദിക്കണം : മുഖ്യമന്ത്രി
സംസ്ഥാനത്തുണ്ടായ പ്രളയക്കെടുതി മറികടക്കാൻ പണം ശേഖരിക്കാനുള്ള വിപുലപദ്ധതികളെക്കുറിച്ച് പത്രസമ്മേളനത്തിൽ വിവരിച്ച മുഖ്യമന്ത്രിയോട് പ്രളയബാധിത പ്രദേശങ്ങളിലെ എംഎല്‍എമാർക്കു നിയമസഭയിൽ സംസാരിക്കാൻ അവസരം നൽകാത്ത സംഭവത്തിന്റെ വിശദീകരണം ചോദിച്ചപ്പോൾ അത് ആ എംഎല്‍എമാരോട് തന്നെ ചോദിക്കണം എന്ന് മറുപടി.
എന്നാൽ സിപിഐ സംസ്ഥാന സെക്രട്ടറി കാനം രാജേന്ദ്രൻ എംഎൽഎമാരെ സഭയിൽ സംസാരിക്കാൻ അനുവദിക്കാത്തതിനെ ന്യായീകരിച്ച് രംഗത്തെത്തി.
പൃഥ്വിരാജ്- റഹ്മാൻ ചിത്രം രണം ട്രെയ്‌ലർ പുറത്തിറങ്ങി
മലയാള സിനിമയിലെ നിത്യ ഹരിത നായകന്മാരിൽ ഒരാളായ നടൻ റഹ്മാൻ ദക്ഷിണേന്ത്യൻ സിനിമയിലെ സജീവ സാന്നിധ്യമാണിപ്പോൾ . മലയാളത്തിൽ പൃഥ്വിരാജിനൊപ്പം അഭിയനയിച്ച ‘രണം’ എന്ന സിനിമയുടെ ട്രെയ്‌ലർ ഇന്നലെ മോഹൻലാലാണ് പുറത്തിറക്കിയത് . ട്രൈലെർ പുറത്തിറങ്ങി മണിക്കൂറുകൾക്കകം തന്നെ ലക്ഷം കാണികളെ താണ്ടി വൈറലായി എന്നത് ശ്രദ്ധേയം .‘രണ’ത്തിൻറെ ‘സർവൈവൽനാ എന്നാന്ന് തെരിയുമാ’എന്ന ഡയലോഗോട് കൂടി പുറത്തിറങ്ങിയ ടീസറും വൈറലായിരുന്നു .മാസ്സ് ലുക്കിലുള്ള ദാമോദർ എന്ന തമിഴ് കഥാപാത്രത്തെയാണ് ചിത്രത്തിൽ റഹ്മാൻ അവതരിപ്പിക്കുന്നത് . റഹ്‌മാനും പൃഥ്വിരാജ് രണത്തിൽ കൊമ്പു കോർക്കുന്നു എന്നതു തന്നെ പ്രേക്ഷകരിൽ ചിത്രത്തെക്കുറിച്ചുള്ള പ്രതീക്ഷയും ആകാംഷയും വർദ്ധിപ്പിച്ചിരിക്കയാണ് . നവാഗതനായ നിർമ്മൽ സഹദേവ് സംവിധാനം ചെയ്ത ‘രണം’ പൂർണമായും അമേരിക്കയിലാണ് ചിത്രീകരിച്ചത് .ഇഷാ തൽവറാണ് നായി
മലയാളത്തെ കൂടാതെ തമിഴ് ,തെലുങ്കു സിനിമകളിലും റഹ്മാൻ സജീവം . തമിഴ് -തെലുങ്ക് ദ്വിഭാഷാ ചിത്രമായ ‘ 7 ‘ (സെവൻ), അടുത്തിടെ പുറത്തിറങ്ങിയ ഈ സിനിമയുടെ ടീസറും വൈറലായിട്ടുണ്ട് .റഹ്മാൻ അഭിനയിച്ചു വരുന്ന മറ്റൊരു തെലുങ്ക് ചിത്രം ‘ഗാസി’ഫെയിം സങ്കൽപ് റെഡ്ഡി സംവിധാനം ചെയ്യുന്ന സ്പേസ് അഡ്വെഞ്ചർ ബ്രഹ്മണ്ഡ ചിത്രമായ “അന്ത രക്ഷ – 9000 kilo meter per hour” ആണ് , വരുൺ തേജ് – അദിതി റാവു എന്നിവർ ജോഡികളാവുന്ന ഈ ചിത്രത്തിൽ ബഹിരാകാശ ശാസ്ത്രജ്ഞനായ കേന്ദ്ര കഥാപാത്രത്തെയാണ് റഹ്മാൻ അവതരിപ്പിക്കുന്നത് . കൂടാതെ തമിഴിൽ ഡി 16 നിലൂടെ ശ്രദ്ധേയനായ കാർത്തിക് നരേനും റഹ്‌മാനും ‘നാടക മേടൈ’ എന്നാ സിനിമയിലൂടെ വീണ്ടും ഒന്നിക്കുന്നു എന്നും വാർത്തയുണ്ട്.മലയാളത്തിൽ
രണ്ടു യുവ സംവിധായരുടെ സിനിമകൾക്കായുള്ള ചർച്ചകളും പുരോഗമിക്കുന്നതായി റഹ്മാൻ വൃത്തങ്ങൾ വെളിപ്പെടുത്തുന്നു. ദക്ഷിണേന്ത്യൻ ഭാഷകളിൽ കൈ നിറയെ സിനിമകളുമായി യുവ സംവിധായകരുടെ പ്രിയപ്പെട്ട നടനായി തീർന്നിരിക്കയാണിപ്പോൾ റഹ്മാൻ .