ശബരിമലയുമായ ബന്ധപ്പെട്ട എല്ലാ ഹർജികളും നാളെ സുപ്രീം കോടതി പരിഗണിക്കും.പുന:പരിശോധന ഹർജികൾക്ക് പുറമെ പുതിയ റിട്ട് ഹരജികളും പരിഗണിക്കും. സാവകാശം തേടി നൽകിയ ഹർജികളും നാളെ പരിഗണിക്കപ്പെടും.എന്നാൽ തന്ത്രിക്കെതിരായ കോടതിയലക്ഷ്യ ഹർജികൾ നാളെ പരിഗണിക്കില്ല. വാദം കേൾക്കുക ചീഫ് ജസ്റ്റിസ് അദ്ധ്യക്ഷനായ അഞ്ചംഗ ഭരണഘടനാ ബെഞ്ച് ആണ്.

കൊൽക്കത്തയിൽ നടത്തി വന്ന ധാരണ അവസാനിപ്പിച്ച് മമത ബാനർജി.ഭരണഘടനയുടെയും ജനാധിപത്യത്തിന്റെയും വിജയമാണിതെന്ന് മമത.കേന്ദ്രത്തിനെതിരെ ആയിരുന്നു കൊൽക്കത്തയിൽ മമത ബാനർജിയുടെ ധർണ.അടുത്തയാഴ്ച ഈ വിഷയം ഡൽഹിയിൽ ഉയർത്തുമെന്നും പ്രഖ്യാപിച്ചു.

ശബരിമലയിൽ ശുദ്ധിക്രിയ നടത്തിയത് യുവതീ പ്രവേശനത്തിന്റെ പേരിലല്ലെന്ന് തന്ത്രി.ശുദ്ധിക്രിയ ദേവചൈതന്യത്തിന് കളങ്കം വന്നതിലാണെന്ന് തന്ത്രി കണ്ഠര് രാജീവര് പറഞ്ഞു. വിവാദങ്ങളും അനിഷ്ട സംഭവങ്ങളും ദേവചൈതന്യത്തിന് കളങ്കം വരുത്തി എന്നും ദേവസ്വം ബോർഡ് നൽകിയ നോട്ടീസ് നിയമപരമല്ലെന്നും ദേവസ്വം ബോർഡ് വെറും ട്രസ്റ്റിയെന്നും കണ്oര് രാജീവര്.പൂജാദികർമ്മങ്ങളുടെ പരമാധികാരം തന്ത്രിക്ക് മാത്രമാണെന്നും അദ്ദേഹം വിശദീകരിച്ചു. വിശദീകരണം ചോദിക്കുന്നതിന് മുൻപ് ദേവസ്വം കമ്മീഷണർ കുറ്റക്കാരനെന്ന് പ്രസ്താവന നടത്തി. ദേവസ്വം കമ്മീഷണറുടെ നടപടി നീതി നിഷേധമെന്നും തന്ത്രി കണ്ഠര് രാജീവര്.

12,18, 28 ശതമാനം ജി എസ് ടി യുടെ ഉത്പന്നങ്ങൾക്ക് ഒരു ശതമാനം സെസ് ഏർപ്പെടുത്തി.ഭൂരിഭാഗം ഉത്പന്നങ്ങൾക്കും ഇതു കാരണം വില കൂടും.കൂടാതെ നിർമ്മാണമേഖലയ്ക്കും കനത്ത തിരിച്ചടി ആയിരിക്കുകയാണ് 2019ലെ ബജറ്റ്. വില കൂടുന്നവയുടെ പട്ടികയിൽ ഇടംപിടിച്ചിരിക്കുകയാണ് സിമന്റും ,ഗ്രാനൈറ്റും, മാർബിളും, ടൈലും, പെയിന്റും, പ്ലൈവുഡുമെല്ലാം.