പാക്കിസ്ഥാനിലെ ബലൂചിസ്ഥാൻ പ്രവിശ്യയിലെ ഗ്യാദർ മേഖലയിലെ പഞ്ച നക്ഷത്ര ഹോട്ടലിൽ ഭീകരാക്രമണം. ഹോട്ടലിനുള്ളിൽ മൂന്ന് ഭീകരർ അതിക്രമിച്ചു കയറി. പേൾ കോണ്ടിനെന്റൽ ഹോട്ടലിലാണ് ആക്രമണം. സുരക്ഷ സേന ഹോട്ടൽ വളഞ്ഞു. ഹോട്ടൽ പരിസരത്ത് ഏറ്റുമുട്ടൽ ഇപ്പോഴും നടക്കുന്നതായി പാക് മാധ്യമങ്ങൾ. താമസക്കാരിൽ ഒട്ടുമിക്കവരെയും സുരക്ഷിതരായി പുറത്തെത്തിച്ചതായി റിപ്പോർട്ട്.

സാം പിത്രോദയെ തള്ളിപ്പറഞ്ഞ് രാഹുൽ ഗാന്ധി.സിഖ് കൂട്ടക്കൊല പരാമർശം കോൺഗ്രസ് നിലപാടല്ല. സിഖ് വിരുന്ന കലാപത്തെ കുറിച്ച് സാം പിത്രോദ പറഞ്ഞത് അനാവശ്യമായ കാര്യം. സാം പിത്രോദ മാപ്പ് പറയണമെന്നും രാഹുൽ ഗാന്ധി പറഞ്ഞു.ഏറെ വേദനിപ്പിച്ചതാണ് സിഖ് വിരുദ്ധകലാപമെന്നും നീതി നടപ്പാക്കണമെന്നും ഉത്തരവാദികളായവരെ ശിക്ഷിക്കണമെന്നും രാഹുൽ വ്യക്തമാക്കി. മുൻ പ്രധാനമന്ത്രി മൻമേഹൻ സിങ്ങും സോണിയ ഗാസിയും മാപ്പ് പറഞ്ഞതാണ് എന്നും രാഹുൽ കൂട്ടിച്ചേർത്തു.

തെച്ചിക്കോട്ടുകാവ് രാമചന്ദ്രന്റെ അരോഗ്യ ക്ഷമത പരിശോധിക്കും.രാമചന്ദ്രനെ നാളെ വിദഗ്ധ സംഘം പരിശോധിക്കും.ആരോഗ്യ ക്ഷമത അനുകൂലമെങ്കിൽ മാത്രം എഴുന്നള്ളിപ്പിന് അനുമതി നൽകും.പൂര വിളംബരത്തിന് എഴുന്നള്ളിക്കാൻ ഒരു മണിക്കൂർ അനുമതി നൽകുമെന്നും നിയന്ത്രണങ്ങളോടെയാകും അനുമതി നൽകുകയെന്നും ജില്ലാ കളക്ടർ ടി.വി.അനുപമ അറിയിച്ചു. കളക്ടർ അധ്യക്ഷയായ ജില്ലാതല നിരീക്ഷക സമിതിയുടേതാണ് ഈ തീരുമാനം. അതോടെപ്പം പൂരത്തിന് ആനകളെ വിട്ടു നൽകുമെന്ന് ആന ഉടമകൾ.കലക്ടറുടെ യോഗത്തിൽ അനുകൂല തീരുമാനം ഉണ്ടായതിലാണ് ഈ തീരുമാനം.

പൂരം ആഘോഷ കമ്മിറ്റി ഇന്നോ നാളെയോ ആയി തീരുമാനം എടുക്കണമെന്ന് സർക്കാരിന് നിയമോപദേശം.ആവശ്യമെങ്കിൽ പൂര വിളംബര ദിവസം മാത്രം തെച്ചിക്കോട്കാവ് രാമചന്ദ്രനെ എഴുന്നള്ളിക്കാം. മറ്റു ഉത്സവങ്ങൾക്ക് ഉത് കീഴ്വഴക്കമാക്കരുതെന്നും നിർദ്ദേശം.കൂടാതെ ജനങ്ങളെ നിശ്ചിത അകലത്തിൽ നിർത്തണം. അപകടം ഉണ്ടാവാതിരിക്കാനുള്ള മുൻകരുതൽ എടുക്കണം. ആനയെ ഉപദ്രവിക്കാനോ ശല്യപ്പെടുത്താനോ ഇടവരുത്തരുത്. ആന ഉടമയിൽ നിന്ന് രേഖാമൂലം ഉറപ്പ് വാങ്ങണമെന്നും നിയമോപദേശം.അനിഷ്ട സംഭവങ്ങൾ എന്തുണ്ടായാലും അത് ആന ഉടമ ഉത്തരവാദിത്വം ഏറ്റെടുക്കണം. തൃശൂർ പൂരത്തിന്റെ പ്രാധാന്യം കണക്കിലെടുത്താണ് നിയമോപദേശം.

പ്രതിച്ഛായയിൽ വന്ന വാർത്ത താൻ കണ്ടിട്ടില്ലെന്ന് പി.ജെ.ജോസഫ്. യുഡിഎഫ് നേതാക്കൾ കെ.എം.മാണിക്ക് ഒപ്പം നിന്നുവെന്ന് പി.ജെ.ജോസഫ്. വർഷങ്ങളോളം ഒരുമിച്ച് പ്രവർത്തിച്ചിട്ടും ഒരു വാക്ക് പോലും മാണിയെ താൻ എതിരായി പറഞ്ഞിട്ടില്ലെന്നും മുന്നണി വിടുന്നത് തത്കാലത്തേക്കാണെന്നുമാണ് പറഞ്ഞതെന്നും കേരളാ കോൺഗ്രസിന്റെ യോജിപ്പിന് വേണ്ടിയാണ് ഇടതുപക്ഷം വിട്ടതെന്നും പി.ജെ.ജോസഫ് വ്യക്തമാക്കി.

പോസ്റ്റൽ വോട്ട് തിരിമറിയിൽ പോലീസുകാരന് സസ്പെൻഷൻ.ഐആർ ബറ്റാലിയനിലെ വൈശാഖിനെയാണ് സസ്പെന്റ് ചെയ്തത്. വൈശാഖിനെതിരെ ജനപ്രാതിനിധ്യ നിയമപ്രകാരം കേസെടുത്തു. വോട്ടുകൾ നൽകാൻ നിർബന്ധിച്ചത് വൈശാഖാണെന്നാണ് നിഗമനം. മറ്റുള്ളവർക്കെതിരെയുള്ള നടപടികൾ വിശദമായ അന്വേഷണത്തിന് ശേഷമായിരിക്കും.

പുനലൂർ സപ്ലൈ ഓഫീസിലെ ജീവനക്കാർ ജോലി സമയത്ത് കൂട്ടത്തോടെ കല്യാണത്തിന് മുങ്ങി. ഉന്നത ഉദ്യോഗസ്ഥന്റെ മകളുടെ വിവാഹത്തിൽ പങ്കെടുക്കാനാണ് ജീവനക്കാർ മുങ്ങിയത്. അവധിയെടുക്കാതെയാണ് ജീവനക്കാർ മുഴുവൻ വിവാഹസത്കാരം കൂടുന്നതിനായി പോയത്. ജനങ്ങൾ പ്രതിഷേധിച്ചതോടെ മുങ്ങിയ ജീവനക്കാർക്ക് ഉച്ച വരെ അവധി നൽകി. രൂക്ഷമായ പ്രശ്നം ഒതുക്കി തീർക്കാൻ താലൂക്ക് സപ്പൈ ഓഫീസറാണ് ഉച്ചവരെ അവധി നൽകിയത്.