തെന്നിന്ത്യന്‍ സിനിമ പ്രേക്ഷകരുടെ പ്രിയപ്പെട്ട നടിയാണ് അമല അക്കിനേനി. മലയാളത്തിലും അമലയ്ക്ക് ആരാധകര്‍ ഏറെയാണ്. മലയാളത്തില്‍ കെയ്‌റ് ഓഫ് സൈറാ ബാനു ആണ് ഏറ്റവും ഒടുവില്‍ അഭിനയിച്ച മലയാള ചിത്രം. അമല കരുത്തുറ്റ ഒരു വേഷത്തില്‍ അഭിനയിക്കുന്നുവെന്നതാണ് പുതിയ റിപ്പോര്‍ട്ട് .
ഇന്ത്യന്‍ ബാഡ്മിന്റണ്‍ ചാമ്പ്യനും ടീം ഇന്ത്യയുടെ പരിശീലക മേധാവിയുമായ പുല്ലേല ഗോപിചന്ദിന്റെ ജീവചരിത്രം പറയുന്ന സിനിമയിലാണ് അമല അക്കിനേനി അഭിനയിക്കുക.
ഗോപിചന്ദിന്റെ അമ്മയായ സുബ്ബരാവമ്മയുടെ വേഷത്തിലാണ് അമല അഭിനയിക്കുക. ഗോപിചന്ദിന് ചാമ്പ്യന്‍ താരമാക്കുന്നതില്‍ നിര്‍ണ്ണായകമാണ് സുബ്ബരാവമ്മ. സുധീര്‍ ബാബുവാണ് ഗോപിചന്ദ് ആയി അഭിനയിക്കുന്നത്. തെലുങ്കിലും തമിഴിലും ഹിന്ദിയിലുമായിട്ടാണ് ചിത്രം.
