കൊറോണ കാലത്ത് അപ്രതീക്ഷിതമായി കിട്ടിയ ഒഴിവുവേള പല രീതിയില്‍ ഉപയോഗിക്കുകയാണ് എല്ലാവരും. ഒഴിവുവേളയില്‍  നൃത്തം ചെയ്യുകയാണ് നടി അനു സിതാര. തന്റെ പുതിയ വീട്ടിലാണ് അനു സിത്താര നൃത്തം പരിശീലിക്കുന്നത്. ഇതിന്റെ വീഡിയോ ആരാധകരുമായി പങ്കു വച്ചിരിക്കുകയാണ് താരം. നിരവധി ആരാധകരാണ് വീഡിയോയ്ക്ക് താഴെ കമന്റുമായി എത്തിയിരിക്കുന്നത്. അതേസമയം വിമര്‍ശനവുമായും ഒരു സംഘം എത്തിയിട്ടുണ്ട്. വിമര്‍ശകര്‍ക്ക് കൃത്യമായ മറുപടി നല്‍കാന്‍ ആരാധകരും മുന്‍പന്തിയിലുണ്ട്.

കൊറോണ സമയത്ത് വൈറലാക്കാനാണ് താരം ഈ വീഡിയോ പങ്കുവെച്ചിരിക്കുന്നതെന്ന് പറഞ്ഞ വിമര്‍ശകന്  ആരാധകന്‍ നല്‍കിയ മറുപടിയാണ് എല്ലാവരും ഏറ്റെടുത്തിരിക്കുന്നത്. സഹോദരന്മാരേ, ഇത് ഡാന്‍സ് വൈറലാക്കാനുള്ള വീഡിയോ അല്ല. വീട്ടിലിരിക്കുന്നവര്‍ ഹെല്‍ത്തി ആയി ഇരിക്കുക, ഡാന്‍സ്, എക്സര്‍സൈസ് പോലുള്ള സംഗതികള്‍ ചെയ്ത് ആരോഗ്യം മെയിന്റൈന്‍ ചെയ്യുക. അല്ലാതെ വെറുതെ ഭക്ഷണം കഴിച്ച് ഉറങ്ങി കൊണ്ടിരുന്നാല്‍ മറ്റു ആരോഗ്യ പ്രശ്നങ്ങള്‍ ഉണ്ടാകും, പോസിറ്റീവായി ചിന്തിക്കൂ എന്നായിരുന്നു ഒരു ആരാധകന്റെ മറുപടിക്കുറിപ്പ്

പൃഥ്വിരാജിന്റേയും സുപ്രിയയുടേയും മകളാണ് അലംകൃതയെന്ന അല്ലി. ഇപ്പോഴിതാ സുപ്രിയക്ക് മകളെ എങ്ങനെ ബോറടിപ്പിക്കാതെ വീട്ടിലിരുത്തും എന്ന സംശയത്തിന് മറുപടി നല്‍കുകയാണ് പൂര്‍ണിമ ഇന്ദ്രജിത്ത്. കൊറോണ വൈറസ് ലോകമെമ്പാടും പടര്‍ന്നു പിടിക്കുന്ന ഈ സാഹചര്യത്തില്‍ സ്‌കൂളുകള്‍ നേരത്തെ അടച്ചതിനാല്‍ വീട്ടിലിരിക്കുന്ന മക്കളെ എങ്ങനെ ബോറടിപ്പിക്കാതെ വീട്ടിലിരുത്താം എന്ന ചിന്തയാണ് പലരുടെയും മനസില്‍. ഈ ആശങ്ക തന്നെയാണ് സുപ്രിയയും പങ്ക് വച്ചത്.
മകളെ മുഷിപ്പിക്കാതെ വീട്ടില്‍ ഇരുത്തുവാന്‍ താനേറെ കഷ്ടപ്പെടുന്നു എന്ന് ഇന്ദ്രജിത്തിന്റെ മകള്‍ നക്ഷത്രക്ക് ഒപ്പമിരുന്ന് ചിത്രം വരയ്ക്കുന്ന അല്ലിയുടെ ചിത്രം പോസ്റ്റ് ചെയ്തുകൊണ്ടാണ് സുപ്രിയ കുറിക്കുന്നത്. നിങ്ങള്‍ എങ്ങനെയാണ് മക്കളെ എങ്കേജ് ചെയ്യുന്നത് എന്നും സുപ്രിയ ചോദിക്കുന്നുണ്ട്. ഇതിനോടൊപ്പം നിരവധി അമ്മമാര്‍ തങ്ങള്‍ ചെയ്യുന്ന കാര്യങ്ങള്‍ ടിപ്സ് ആയി കമന്റ് ബോക്സില്‍ ഇട്ടിട്ടുണ്ട്. ഒപ്പം ഇന്ദ്രജിത്തിന്റെ ഭാര്യ പൂര്‍ണിമ ഇന്ദ്രജിത്ത് നല്‍കുന്ന ഒരു കമന്റ് ആണ് സോഷ്യല്‍ മീഡിയയില്‍ വൈറലാകുന്നത്. കൂടെ ഇരുന്ന് കളിക്കൂ സുപ്പൂ, അതായിരിക്കും ചെയ്യാന്‍ പറ്റുന്ന ഏറ്റവും മികച്ച കാര്യം. എന്നാണ് പൂര്‍ണിമ പറയുന്നത്. പുത്തന്‍ ഐഡിയകള്‍ പങ്കുവച്ച അമ്മമാര്‍ക്ക് സുപ്രിയ നന്ദിയും അറിയിക്കുന്നുണ്ട്.

മലയാളത്തിലെ യുവ നടന്‍മാരില്‍ ശ്രദ്ധേയനാണ് സിജു വില്‍സണ്‍. ചെറിയ വേഷങ്ങളില്‍ എത്തി നായക വേഷങ്ങലും ചെയ്ത് പ്രേഷകര്‍ക്കിടയില്‍ ശ്രദ്ധ നേടിയ താരമാണ് സിജു. സോഷ്യല്‍ മീഡിയകളിലും സജീവമാണ് താരം. കോവിഡ് കാലത്തെ
സിജു വില്‍സണിന്റെ ഒരു ഫോട്ടോയാണ് ഇപ്പോള്‍ ചര്‍ച്ചയാക്കുന്നത്. സിജു വില്‍സണ്‍ തന്നെയാണ് സാമൂഹ്യ മാധ്യമത്തിലൂടെ ഫോട്ടോ ഷെയര്‍ ചെയ്തത്. ഭാര്യ ശ്രുതി വിജയന് ഒപ്പമുള്ള ഫോട്ടോയാണ് സിജു വില്‍സണ്‍ ഷെയര്‍ ചെയ്തിരിക്കുന്നത്. ശ്രുതി വിജയന് പുരികം ത്രെഡ് ചെയ്തു കൊടുക്കുന്ന സിജു വില്‍സണാണ് ഫോട്ടോയില്‍. കൊവിഡ് 19ന് എതിരെയുള്ള ജാഗ്രതയിലാണ് താരവും. പുറത്തിറങ്ങാതെ വീട്ടില്‍ തന്നെ ഇരിക്കുകയാണ്. വീട്ടിലിരിക്കുമ്പോള്‍ പുതിയ കഴിവുകള്‍ പരിശീലിക്കുന്നു. സഹായിക്കാന്‍ പ്രിയതമ ശ്രുതിയും എന്നാണ് സിജു വില്‍സണ്‍ ഫോട്ടോയ്ക്ക് അടിക്കുറിപ്പ് എഴുതിയത്.

പുതിയ സിനിമക്കായി അന്ന ബെന്‍ കിക് ബോക്സിംഗ് പഠിക്കുന്നുവെന്ന് റിപ്പോര്‍ട്ടുകള്‍. സംവിധായകനും തിരക്കഥാകൃത്തുമായ രഞ്ജന്‍ പ്രമോദ് ഒരുക്കുന്ന ചിത്രത്തിനായാണ് അന്ന കിക് ബോക്സിംഗ് പഠിക്കുന്നത്. കോവിഡ് 19ന്റെ ആശങ്കകള്‍ കുറയുന്നതോടെ ഷൂട്ടിംഗ് ആരംഭിക്കുമെന്നാണ് റിപ്പോര്‍ട്ടുകള്‍. ദേശീയ പുരസ്‌ക്കാര ജേതാവ് മുഹമ്മദ് മുസ്തഫ ഒരുക്കിയ ‘കപ്പേള’ ആയിരുന്നു അന്ന ബെന്നിന്റെ ഒടുവില്‍ തിയേറ്ററിലെത്തിയ ചിത്രം. കൊറോണ ലോകമെമ്പാടും പടര്‍ന്നു പിടിച്ച സാഹചര്യത്തില്‍ മാര്‍ച്ച് 6ന് റിലീസ് ചെയ്ത ചിത്രം തിയേറ്ററുകളില്‍ നിന്നും പിന്‍വലിക്കുകയായിരുന്നു.
‘കുമ്പളങ്ങി നൈറ്റ്സ്’ ആണ് അന്നയുടെ ആദ്യ ചിത്രം. താരത്തിന്റെ രണ്ടാമത്തെ ചിത്രം ‘ഹെലനും’ ശ്രദ്ധേയമായിരുന്നു.

സോഷ്യല്‍ മീഡിയയില്‍ സജീവ സാന്നിധ്യമാണ് നടി ദീപിക പദുകോണും രണ്‍വീര്‍ സിംഗും. സിനിമ പ്രെമോഷന് പുറമേ തങ്ങളുടെ ജീവിതത്തിലെ രസകരമായ സംഭവങ്ങളും പരസ്പരമുളള ട്രോളുകളും താരങ്ങള്‍ ആരാധകര്‍ക്കായി പങ്കുവയ്ക്കാറുണ്ട്. സിനിമ തിരക്കുകള്‍ക്കിടയിലും തങ്ങളുടേതായ നിമിഷങ്ങള്‍ ആസ്വദിക്കാന്‍ താരങ്ങള്‍ സമയം കണ്ടെത്താറുണ്ട്. കുടുംബവും കരിയറും ഒരുപോലെയാണ് ഇരുവരും കൊണ്ട് പോകുന്നത്. സിനിമ ഷൂട്ടിംഗിനിടെ വീണു കിട്ടുന്ന അവസരങ്ങളില്ലെല്ലാം ഒന്നിച്ചു നില്‍ക്കാന്‍ സമയം കണ്ടെത്തുന്ന താരങ്ങള്‍ കൊറോണ വ്യാപനത്തിനെ തുടര്‍ന്ന് അപ്രതീക്ഷിതമായി ലഭിച്ച അവധി ആഘോഷമാക്കുകയാണ്. കൊറോണ പടര്‍ന്നു പിടിക്കുന്ന സാഹചര്യത്തില്‍ ഭൂരിഭാഗം താരങ്ങളും വീട്ടിനുള്ളില്‍ തന്നെ ഇരിക്കുകയാണ്, അത്യാവശ്യ ഘട്ടങ്ങളില്‍ മാത്രമാണ് പുറത്തിറങ്ങുന്നത്.
ഇപ്പോഴിതാ വീട്ടിനുള്ളിലെ രണ്‍വീറുമായുള്ള രസകരമായ നിമിഷം പങ്കുവെയ്ക്കുകയാണ് ദീപിക. ഇന്‍സ്റ്റഗ്രാം സ്റ്റോറിയായിട്ടാണ് താരം വീഡിയോ പോസ്റ്റ് ചെയ്തിരിക്കുന്നത്.ചോക്ലേറ്റ് കഴിക്കുന്നതിന്റെ  ബൂമറിങ്ങ് വീഡിയോയാണ് ഇന്‍സ്റ്റഗ്രാം സ്റ്റോറിയായി ദീപിക നല്‍കിയത്. ചിയേഴ്സ് എന്ന് കുറിച്ചു കൊണ്ടാണ് ചോക്ലേറ്റുകളുമായുള്ള കൈകളുടെ ബൂമറിങ്ങ് വീഡിയോ താരം പോസ്റ്റ് ചെയ്തിരിക്കുന്നത്. താരങ്ങളുടെ രസകരമയ വീഡിയോ ആരാധകര്‍ ഏറ്റെടുത്തിട്ടുണ്ട്. കൂടാതെ അതേസമയം കൊവിഡ് 19 പടരാതിരിക്കാന്‍ എങ്ങനെ ജാഗ്രത പാലിക്കാമെന്ന് വ്യക്തമാക്കുന്ന വീഡിയോകളും സന്ദേശങ്ങളും താരങ്ങള്‍ പങ്കുവച്ചിട്ടുണ്ട്.

View this post on Instagram

A post shared by • яαηνєєя ѕιηgн • (@ranveerfcs) on Mar 22, 2020 at 7:04am PDT

മലയാളി പ്രേക്ഷകരുടെ പ്രിയപ്പെട്ട താരജോഡിയാണ് ഫഹദ് ഫാസിലും നസ്രിയയും.  സോഷ്യല്‍ മീഡിയയില്‍ ആക്ടീവാണ് താരം. ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് നസ്രിയയും ഫഹദും ഒന്നിച്ചുള്ള വീഡിയോയാണ്. ടിക്ക് ടോക്കില്‍ വൈറലായി കൊണ്ടിരിക്കുന്ന ഹാന്‍ഡ് ഇമോജി ചലഞ്ചില്‍ പങ്കെടുക്കുകയാണ് നടി. നസ്രിയ്ക്കൊപ്പം ഫഹദും ഈ വീഡിയോയില്‍ പ്രത്യക്ഷപ്പെടുന്നുണ്ട്. പാട്ടിന്റെ പശ്ചാത്തലത്തില്‍ സ്‌ക്രീനില്‍ തെളിയുന്ന മുദ്രകള്‍ ചെയ്യുകയാണ് ചലഞ്ച്. രസകരവും കുഴപ്പിക്കുന്നതുമായ ചലഞ്ച് നസ്രിയ മനോഹരമായി തന്നെ ചെയ്യുന്നുണ്ട്. എന്നാല്‍ വീഡിയോയിലെ ഹൈലൈറ്റ് ഫഹദാണ്. ഇവിടെ എന്താണ് സംഭവിക്കുന്നതെന്ന് അറിയാതെ അന്തംവിട്ട് ഇരിക്കുകയാണ് താരം. സ്‌ക്രീനില്‍ തെളിയുന്ന മുദ്രകള്‍ അനായാസമായി കൈകളിലൂടെ കാണിക്കുമ്പോള്‍ അതേ വേഗതയില്‍ ഫഹദിന്റെ കണ്ണുകളും മാറുകയാണ്. ചലഞ്ചില്‍ പങ്കെടുത്തത് നസ്രിയ ആണെങ്കിലും മുഖഭാവത്തിലൂടെ കയ്യടി നേടിയത് ഫഹദ് ആയിരുന്നു.
ഈ രസകരമായ വീഡിയോ നസ്രിയ തന്നെ തന്റെ ഇന്‍സ്റ്റഗ്രാമില്‍ പങ്കുവെച്ചിരിക്കുകയാണ്. ഇത് എങ്ങനെയാണ് ചെയ്യുന്നതെന്ന് ഭര്‍ത്താവിന് പറഞ്ഞു കൊടുക്കുന്ന ഞാന്‍. അദ്ദേഹത്തിന്റെ മുഖം നോക്കൂ… എന്താണ് ഇവിട നടക്കുന്നതെന്ന് ഒരു പിടിയുമില്ല… എന്ന കുറിപ്പോടെയാണ് താരം വീഡിയോ പങ്കുവച്ചിരിക്കുന്നത്. ഇതിനൊപ്പം ക്വാറന്റൈന്‍ ഹാഷ്ടാഗും താരം പങ്കുവച്ചിട്ടുണ്ട്.

View this post on Instagram

A post shared by Nazriya Nazim Fahadh (@nazriyafahadh) on Mar 21, 2020 at 12:54am PDT

മാസ്റ്ററില്‍ വിജയുടെ നായികയായി തിളങ്ങുന്ന നടി മാളവികയുടെ ക്യൂട്ട് ചിത്രങ്ങള്‍ പുറത്ത്. മാസ്റ്ററിന്റെ ഓഡിയോ ലോഞ്ച് അടുത്തിടെയാണ് ചെന്നൈയില്‍ നടന്നത്. ചടങ്ങില്‍ മറ്റു താരങ്ങള്‍ക്കൊപ്പം മാളവികയും തിളങ്ങിയിരുന്നു. ഓഡിയോ ലോഞ്ചിനിടെ എടുത്ത ചിത്രങ്ങള്‍ നടി തന്നെയാണ് തന്റെ ഇന്‍സ്റ്റഗ്രാം പേജില്‍ പോസ്റ്റ് ചെയ്തിരിക്കുന്നത്.  പേട്ടയിലെ ശ്രദ്ധേയ പ്രകടനമാണ് മാളവികയെ വിജയ് ചിത്രത്തിലേക്ക് എത്തിച്ചത്. മാസ്റ്ററിന് വേണ്ടി മാളവിക നേരത്തെ പാര്‍ക്കൗര്‍ പരിശീലനം നേടിയിരുന്നു. തമിഴില്‍ മാളവികയുടെ രണ്ടാമത്തെ ചിത്രം കൂടിയാണ് മാസ്റ്റര്‍. വിജയ്ക്കും മാളവിക മോഹനും പുറമെ വിജയ് സേതുപതിയും മാസ്റ്ററില്‍ പ്രധാന വേഷത്തില്‍ എത്തുന്നു. ചിത്രത്തില്‍ ദളപതിയുടെ വില്ലന്‍ വേഷത്തിലാണ് മക്കള്‍ സെല്‍വന്‍ എത്തുന്നത്. വിജയ് ചിത്രത്തിലെ പാട്ടുകളെല്ലാം നേരത്തെ തരംഗമായി മാറിയിരുന്നു. അനിരുദ്ധ് രവിചന്ദറാണ് സിനിമയ്ക്ക് സംഗീതമൊരുക്കിയിരിക്കുന്നത്. ബിഗിലിന്റെ വമ്പന്‍ വിജയത്തിന് പിന്നാലെ ദളപതിയുടെതായി റിലീസിങ്ങിനൊരുങ്ങുന്ന ചിത്രം കൂടിയാണ് മാസ്റ്റര്‍. മാസ്റ്ററില്‍ ഒരു കോളേജ് അധ്യാപകനായിട്ടാണ് വിജയ് എത്തുന്നത്. 96 താരം ഗൗരി കിഷനും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. കൂടാതെ കൈദിയിലൂടെ ശ്രദ്ധേയനായ അര്‍ജുന്‍ ദാസും മാസ്റ്ററില്‍ എത്തുന്നു. ചിത്രീകരണം പൂര്‍ത്തിയാക്കിയ സിനിമ നിലവില്‍ അവസാന ഘട്ട പോസ്റ്റ് പ്രൊഡക്ഷന്‍ വര്‍ക്കുകളിലാണുളളത്.

മമ്മൂട്ടിക്കൊപ്പം അവസരം ലഭിച്ചത് ലോട്ടറിയടിച്ചതിന് തുല്യമാണെന്ന് ഗായത്രി അരുണ്‍. സീരിയലില്‍ നിന്നാണ് സിനിമയിലേക്ക് ഗായത്രി എത്തിയത്. ബോബി സഞ്ജയുടെ തിരക്കഥയില്‍ സന്തോഷ് വിശ്വനാദന്‍ സംവിധാനം ചെയ്യുന്ന മെഗാസ്റ്റാര്‍ മമ്മൂട്ടി നായകനാകുന്ന വണ്‍ എന്ന ചിത്രത്തില്‍ ഒരു പ്രധാനവേഷം ചെയ്യുവാന്‍ ഗായത്രിക്ക് ഭാഗ്യം ലഭിച്ചു. ചിത്രത്തിന്റേതായി പുറത്തിറങ്ങിയ ടീസറിന് മികച്ച വരവേല്‍പ്പാണ് ലഭിച്ചത്. ചിത്രത്തില്‍ സീന എന്ന ബോള്‍ഡായ ഒരു കഥാപാത്രത്തെയാണ് ഗായത്രി അവതരിപ്പിക്കുന്നത്. ചിത്രത്തില്‍ താന്‍ നായികയല്ല എന്നും എങ്കിലും വളരെ പ്രാധാന്യമുള്ള ഒരു സ്ത്രീ കഥാപാത്രത്തെയാണ് താന്‍ അവതരിപ്പിക്കുന്നതെന്നും ഗായത്രി പറഞ്ഞിരുന്നു. ലോട്ടറിയടിച്ചതിന് തുല്യമാണ് ഇതെന്നും ഗായത്രി പറഞ്ഞു.

ബോബി- സഞ്ജയ് ടീം മമ്മൂട്ടിക്ക് വേണ്ടി ആദ്യമായി രചിച്ച തിരക്കഥ എന്ന പ്രത്യേകതയും ഈ ചിത്രത്തിന് വേണ്ടി കാത്തിരിക്കാന്‍ ആരാധകരെ പ്രേരിപ്പിക്കുന്നു. മമ്മൂട്ടിക്ക് ഒപ്പം മുരളി ഗോപി, ജോജു ജോര്‍ജ്, രഞ്ജി പണിക്കര്‍, വിഷ്ണു ഉണ്ണികൃഷ്ണന്‍, ശ്രീനിവാസന്‍, മാത്യു തോമസ്, ബാലചന്ദ്ര മേനോന്‍, സുദേവ് നായര്‍, സുരേഷ് കൃഷ്ണ, സലിം കുമാര്‍, സുധീര്‍ കരമന, ശങ്കര്‍ രാമകൃഷ്ണന്‍, അലസിയര്‍, ശ്യാമ പ്രസാദ്, നന്ദു, മാമുക്കോയ, മേഘനാദന്‍, വി കെ ബൈജു, മുകുന്ദന്‍, ജയകൃഷ്ണന്‍, ജയന്‍ ചേര്‍ത്തല, ബാലാജി ശര്‍മ്മ, വെട്ടുക്കിളി പ്രകാശ്, രശ്മി ബോബന്‍, ഗായത്രി അരുണ്‍, അര്‍ച്ചന മനോജ്, പ്രമീള ദേവി, സുബ്ബ ലക്ഷ്മി എന്നിവരും ഈ ചിത്രത്തില്‍ എത്തുന്നുണ്ട്.

നടി അമല പോൾ വിവാഹിതയായി. അമലയുടെ സുഹൃത്തും ഗായകനുമായ ഭവ്നിന്ദര്‍ സിംഗാണ് വരൻ. ഭവ്നിന്ദര്‍ സിംഗ് ഇൻസ്റ്റാഗ്രാമിൽ പങ്കുവെച്ച ചിത്രത്തിലൂടെയാണ് വിവാഹവിവരം പുറത്തറിഞ്ഞത്. രാജസ്ഥാനി വധൂവരന്മാരെ പോലെ ഇരുവരും ഒരുങ്ങിയ ചിത്രത്തിന് താഴെ “വിവാഹചിത്രങ്ങൾ ”ത്രോബാക്ക്’എന്ന് കുറിച്ചിട്ടുണ്ട്”

എന്നാൽ ഇതുവരെ അമലാപോളും ഭവ്നിന്ദര്‍ സിംഗും വാർത്തയോട് പ്രതികരിച്ചിട്ടില്ല.