കൊറോണ കാലത്ത് അപ്രതീക്ഷിതമായി കിട്ടിയ ഒഴിവുവേള പല രീതിയില് ഉപയോഗിക്കുകയാണ് എല്ലാവരും. ഒഴിവുവേളയില് നൃത്തം ചെയ്യുകയാണ് നടി അനു സിതാര. തന്റെ പുതിയ വീട്ടിലാണ് അനു സിത്താര നൃത്തം പരിശീലിക്കുന്നത്. ഇതിന്റെ വീഡിയോ ആരാധകരുമായി പങ്കു വച്ചിരിക്കുകയാണ് താരം. നിരവധി ആരാധകരാണ് വീഡിയോയ്ക്ക് താഴെ കമന്റുമായി എത്തിയിരിക്കുന്നത്. അതേസമയം വിമര്ശനവുമായും ഒരു സംഘം എത്തിയിട്ടുണ്ട്. വിമര്ശകര്ക്ക് കൃത്യമായ മറുപടി നല്കാന് ആരാധകരും മുന്പന്തിയിലുണ്ട്.
കൊറോണ സമയത്ത് വൈറലാക്കാനാണ് താരം ഈ വീഡിയോ പങ്കുവെച്ചിരിക്കുന്നതെന്ന് പറഞ്ഞ വിമര്ശകന് ആരാധകന് നല്കിയ മറുപടിയാണ് എല്ലാവരും ഏറ്റെടുത്തിരിക്കുന്നത്. സഹോദരന്മാരേ, ഇത് ഡാന്സ് വൈറലാക്കാനുള്ള വീഡിയോ അല്ല. വീട്ടിലിരിക്കുന്നവര് ഹെല്ത്തി ആയി ഇരിക്കുക, ഡാന്സ്, എക്സര്സൈസ് പോലുള്ള സംഗതികള് ചെയ്ത് ആരോഗ്യം മെയിന്റൈന് ചെയ്യുക. അല്ലാതെ വെറുതെ ഭക്ഷണം കഴിച്ച് ഉറങ്ങി കൊണ്ടിരുന്നാല് മറ്റു ആരോഗ്യ പ്രശ്നങ്ങള് ഉണ്ടാകും, പോസിറ്റീവായി ചിന്തിക്കൂ എന്നായിരുന്നു ഒരു ആരാധകന്റെ മറുപടിക്കുറിപ്പ്
