ശ്രീ​നാ​രാ​യ​ണ​ ​ഗു​രു​വി​ന്റെ​ ​നാ​മ​ധേ​യ​ത്തി​ൽ​ ​കൊ​ല്ല​ത്ത് ​ആ​രം​ഭി​ച്ച​ ​സം​സ്ഥാ​ന​ത്തെ​ ​ആ​ദ്യ​ ​ഓ​പ്പ​ൺ​ ​സ​ർ​വ​ക​ലാ​ശാ​ല​യുടെ പ്ര​ഥ​മ​ ​വൈ​സ്ചാ​ൻ​സ​ല​റാ​യി​ ഡോ.​മു​ബാ​റ​ക് ​പാ​ഷ​യെ​ ​നിയമിക്കാൻ ഇന്നുചേർന്ന മന്ത്രിസഭായോഗം തീരുമാനിച്ചു. ഒ​മാ​ൻ​ ​നാ​ഷ​ണ​ൽ​ ​യൂ​ണി​വേ​ഴ്സി​റ്റി​ ​ഒ​ഫ് ​സ​യ​ൻ​സ് ​ആ​ൻ​ഡ് ​ടെ​ക്നോ​ള​ജി​യി​ലെ​ ​ഗ​വേ​ണ​ൻ​സ് ​ആ​ൻ​ഡ് ​സ്ട്രാ​റ്റ​ജി​ക് ​പ്ലാ​നിം​ഗ് ​മേ​ധാ​വിയാണ് അദ്ദേഹം. ഡോ. സുധീറിനെ പ്രോ വിസിയായി നിയമിക്കാനും തീരുമാനിച്ചു.പ്രോ. വി സി നിയമനം വിവാദത്തിൽ സം​സ്ഥാ​ന​ത്തെ​ ​ആ​ദ്യ​ ​ഓ​പ്പ​ൺ​ ​സ​ർ​വ​ക​ലാ​ശാ​ല​യെ​ ​തു​ട​ക്ക​ത്തി​ലേ​ ​നി​യ​മ​ക്കു​രു​ക്കി​ൽ​പ്പെ​ടു​ത്താ​ൻ​ ​നീ​ക്കം നടക്കുന്ന എന്ന ആരോപണത്തിനിടെയാണ് പുതിയ നിയമനങ്ങൾ.

​അ​റു​പ​തു​ ​വ​യ​സി​ൽ​ ​കൂ​ടു​ത​ലു​ള്ള​വ​രെ​ ​പ്രോ​ ​വൈ​സ് ​ചാ​ൻ​സ​ല​റാ​യി​ ​നി​യ​മി​ക്കാ​ൻ​ ​പാ​ടി​ല്ലെ​ന്നാ​ണ് ​സ​ർ​വ​ക​ലാ​ശാ​ലാ​ ​നി​യ​മ​ത്തി​ലു​ള്ള​ത്.​ ​ആ​ദ്യ​ ​പി.​വി.​സി​യെ​ ​സ​ർ​ക്കാ​രി​ന് ​നി​യ​മി​ക്കാ​മെ​ങ്കി​ലും,​ ​നി​യ​മം​ ​മ​റി​ക​ട​ക്കാ​നാ​വി​ല്ല.​ ​അ​റു​പ​ത് ​വ​യ​സി​ൽ​ ​കൂ​ടാ​ത്ത,​ ​പ്രൊ​ഫ​സ​റാ​യി​രി​ക്ക​ണം​ ​പി.​വി.​സി​യെ​ന്നാ​ണ് ​യു.​ജി.​സി​ ​ച​ട്ടം.​ ​എ​ന്നാ​ൽ,​ ​വി​ര​മി​ച്ച​ ​ശേ​ഷം​ ​ക​രാ​ർ​ ​നി​യ​മ​നം​ ​നേ​ടി​യ​ ​പ്രൊ​ഫ​സ​റ​ല്ലാ​ത്ത​ 64​ ​വ​യ​സു​ളളയാ​ളെ​ ​ഓ​പ്പ​ൺ​ ​സ​ർ​വ​ക​ലാ​ശാ​ല​യി​ലെ​ ​പി.​വി.​സി​ ​ത​സ്തി​ക​യി​ലേ​ക്ക് ​ നിയമിച്ചതാണ് വിവാദമായത്.​

ഈ​ ​ക​രാ​ർ​ ​ത​സ്തി​ക​ ​പ്രൊ​ഫ​സ​റു​ടേ​തി​ന് ​തു​ല്യ​മ​ല്ല.​ ​വി.​സി,​ ​പി.​വി.​സി​ ​തു​ട​ങ്ങി​യ​ ​സ്റ്റാ​റ്റ്യൂ​ട്ട​റി​ ​ത​സ്തി​ക​ക​ളി​ൽ​ ​യു.​ജി.​സി​ ​യോ​ഗ്യ​ത​യു​ള്ള​വ​രെ​ ​നി​യ​മി​ച്ചി​ല്ലെ​ങ്കി​ൽ​ ​സ​ർ​വ​ക​ലാ​ശാ​ല​യ്ക്ക് ​യു.​ജി.​സി​ ​അം​ഗീ​കാ​രം​ ​ല​ഭി​ക്കി​ല്ല.​​വി​ദൂ​ര​പ​ഠ​ന​ത്തി​ന് ​യു.​ജി.​സി​ ​അം​ഗീ​കാ​ര​മി​ല്ലെ​ങ്കി​ൽ​ ​കു​ട്ടി​ക​ൾ​ ​വ​ല​യും.​ ​നേ​ര​ത്തേ,​ ​യു.​ജി.​സി​ ​അം​ഗീ​കാ​ര​മി​ല്ലാ​ത്ത​തി​നാ​ൽ​ ​നാ​ല് ​സ​ർ​വ​ക​ലാ​ശാ​ല​ക​ളി​ൽ​ ​വി​ദൂ​ര​പ​ഠ​നം​ ​നി​റു​ത്തേ​ണ്ടി​വ​ന്നി​രു​ന്നു.​ ​കേ​സു​ണ്ടാ​യാ​ൽ​ ​നി​യ​മ​വി​രു​ദ്ധ​ ​നി​യ​മ​നം​ ​റ​ദ്ദാ​ക്ക​പ്പെ​ടാം.

യോ​ഗ്യ​ത​യു​ള്ള​ ​നി​ര​വ​ധി​ ​അ​പേ​ക്ഷ​ക​ൾ​ ​സ​ർ​ക്കാ​രി​ന്റെ​ ​പ​രി​ഗ​ണ​ന​യി​ലി​രി​ക്കെ​യാ​ണ് ​തു​ട​ക്ക​ത്തി​ലേ​ ​ക​ല്ലു​ക​ടി​യാ​വു​ന്ന​ ​തീ​രു​മാ​നം.​കേ​ര​ള,​ ​ക​ലി​ക്ക​റ്റ്,​ ​എം.​ജി,​ ​ക​ണ്ണൂ​ർ​ ​സ​ർ​വ​ക​ലാ​ശാ​ല​ക​ളി​ലെ​ ​വി​ദൂ​ര,​ ​പ്രൈ​വ​റ്റ് ​പ​ഠ​നം​ ​ശ്രീ​നാ​രാ​യ​ണ​ഗു​രു​ ​സ​ർ​വ​ക​ലാ​ശാ​ല​യി​ലേ​ക്ക് ​മാ​റ്റി​യി​ട്ടു​ണ്ട്.​ ​ഈ​ ​അ​ദ്ധ്യ​യ​ന​ ​വ​ർ​ഷം​ ​മു​ത​ൽ​ ​പ്ര​വേ​ശ​നം​ ​ഓ​പ്പ​ൺ​ ​സ​ർ​വ​ക​ലാ​ശാ​ല​യി​ലാ​ണ്.

English Summary : Dr.PM Mubarak Pasha Sreenarayanaguru Open College vc

തിരുവനന്തപുരം: ദേഹാസ്വാസ്ഥ്യത്തെ തുടർന്ന് വ്യവസായമന്ത്രി ഇ.പി.ജയരാജനെ ആശുപത്രിയിൽ പ്രവേശിപ്പിച്ചു. തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച മന്ത്രി നിലവിൽ തീവ്രപരിചരണ വിഭാഗത്തിൽ ചികിത്സയിലാണ്. മന്ത്രിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.

കഴിഞ്ഞ മാസം ജയരാജനും പത്നിക്കും കൊവിഡ് സ്ഥിരീകരിച്ചിരുന്നു. തുടർന്ന് ആശുപത്രിയിൽ ചികിത്സ തേടിയ ഇരുവരും കൊവിഡ് പരിശോധനയിൽ നെഗറ്റീവായതിനെ തുടർന്ന് നിരീക്ഷണത്തിലേക്ക് മാറുകയും ചെയ്തു. നിരീക്ഷണം പൂർത്തിയാക്കി മന്ത്രി ഔദ്യോഗിക  ചുമതലകൾ ഏറ്റെടുത്തു വരുന്നതിനിടെയാണ് മന്ത്രിക്ക് ശാരീരിക അസ്വാസ്ഥ്യം അനുഭവപ്പെട്ടത്.

English Summary : Minister EP Jayarajan hospitalised

കൊച്ചി: സ്വർണക്കടത്ത് കേസിൽ സ്വപ്ന സുരേഷിന് ജാമ്യം. കസ്റ്റംസ് റജിസ്റ്റർ ചെയ്ത കേസിലാണ് ജാമ്യം. 60 ദിവസം പിന്നിട്ട സാഹചര്യത്തിൽ സ്വപ്നയ്ക്ക് സ്വാഭാവികജാമ്യമാണ് ലഭിച്ചത്. എന്നാൽ എൻഐഎ ഉൾപ്പടെ റജിസ്റ്റർ ചെയ്ത കേസുകളിൽ പ്രതിയായതിനാൽ സ്വപ്ന സുരേഷിന് ഇപ്പോൾ പുറത്തിറങ്ങാനാകില്ല. കൊച്ചിയിലെ സാമ്പത്തിക കുറ്റകൃത്യങ്ങൾ പരിഗണിക്കുന്ന പ്രത്യേകകോടതിയാണ് ജാമ്യം നൽകിയത്.  

ജൂലൈ 8-ന് ബംഗളുരുവിൽ വച്ചാണ് സ്വപ്ന സുരേഷ് അറസ്റ്റിലാകുന്നത്. കേസിൽ ആകെയുള്ള 17 പ്രതികളിൽ 10 പേർക്ക് ഇതുവരെ ജാമ്യം കിട്ടി. സ്വപ്നയ്ക്ക് ഒപ്പം പിടിയിലായ സന്ദീപ് നായർക്ക് ഇതേ കേസിൽ മുമ്പ് ജാമ്യം ലഭിച്ചിരുന്നു.

English Summary : Swapna Suresh granted bail in gold smuggling case

ബംഗളൂരു: കർണാടക പി സി സി അദ്ധ്യക്ഷൻ ഡി കെ ശിവകുമാറിന്റെയും സഹോദരൻ ഡി കെ സുരേഷിന്റെയും വീടുകളിലും ഓഫീസുകളിലും സി ബി ഐ റെയ്ഡ് നടത്തുന്നു. 14 ഇടങ്ങളിൽ റെയ്ഡ് നടക്കുന്നു എന്നാണ് റിപ്പോർട്ട്. കനകപുരിയിലെ ശിവകുമാറിന്റെ വസതിയിൽ ഇന്ന് രാവിലെയാണ് സി ബി ഐ റെയ്ഡിനെത്തിയത്. ഇതേസമയം തന്നെയായിരുന്നു ഡി കെ സുരേഷിന്റെ വീട്ടിലും മറ്റ് സ്ഥലങ്ങളിലും റെയ്ഡ് ആരംഭിച്ചത്. അഴിമതി, അനധികൃത സ്വത്ത് സമ്പാദനം തുടങ്ങിയ കേസുകളിലാണ് റെയ്ഡ് എന്നാണ് വിവരം.

കളളപ്പണം വെളുപ്പിക്കുന്നതുമായി ബന്ധപ്പെട്ട് എൻഫോഴ്സ്‌മെന്റ് ഡയറക്ടറേറ്റ് കണ്ടെത്തിയ വിവരങ്ങൾ സി ബി ഐയ്ക്ക് കൈമാറിയിരുന്നു. ഈ വിവരങ്ങൾ വച്ചാണ് സി ബി ഐ കേസ് രജിസ്റ്റർചെയ്തത്. നികുതി വെട്ടിപ്പ്, ഹവാല ഇടപാട് തുടങ്ങിയ കുറ്റങ്ങളാണ് അദ്ദേഹത്തിന് മേൽ ചുമത്തിയിരിക്കുന്നതെന്നാണ് റിപ്പോർട്ട്. കഴിഞ്ഞവർഷം സെപ്തംബറിൽ ആദായനികുതി വകുപ്പ് സമർപ്പിച്ച കുറ്റപത്രത്തിന്റെ അടിസ്ഥാനത്തിൽ ഇ ഡി അദ്ദേഹത്തെ അറസ്റ്റുചെയ്തിരുന്നു.

അതേസമയം റെയ്ഡ് രാഷ്ട്രീയ പ്രേരിതമാണെന്ന ആരോപണവുമായി കോൺഗ്രസ് രംഗത്തെത്തി. സംസ്ഥാനത്ത് ഉപതെരഞ്ഞെടുപ്പ് അടുത്തു വരുന്ന സാഹചര്യത്തിൽ കേന്ദ്ര ഏജൻസികളെ ഉപയോ​ഗിച്ചുള്ള രാഷ്ട്രീയ ആക്രമണമാണ് ബി ജെ പി നടത്തുന്നതെന്നാണ് കോൺഗ്രസിന്റെ ആരോപണം.

English Summary : CBI raid at DK Sivakumar’s house

ശാന്തിഗിരി ആശ്രമം ജനറല്‍ സെക്രട്ടറി സ്വാമി ഗുരുരത്‌നം ജ്ഞാന തപസ്വിക്ക് കോവിഡ് പോസിറ്റീവ് സ്ഥിരീകരിച്ചു. രണ്ട് ദിവസമായി ചെറിയ  അസ്വസ്ഥതയുണ്ടായിരുന്നു. ഇതിനെതുടര്‍ന്ന് പരിശോധിച്ചപ്പോഴാണ്  കോവിഡ് സ്ഥിരീകരിച്ചത്. അദ്ദേഹം ഇപ്പോള്‍ ആശ്രമത്തിലെ എഡ്യൂക്കേഷണൽ സോണിലെ ഗസ്റ്റ്ഹൗസിൽ  കോറന്റൈനിലാണ്. 

ഈ അടുത്തദിവസങ്ങളില്‍ ചില ചാനൽ പരിപാടികളിലും പൊതുപരിപാടികളിലും പന്കെടുത്തിട്ടുള്ളതിനാൽ അടുത്ത് സമ്പര്‍ക്കം പുലര്‍ത്തിയവര്‍ സ്വയം നീരീക്ഷണത്തില്‍ കഴിണമെന്ന് സ്വാമി അഭ്യര്‍ത്ഥിച്ചു.

English Summary : swami gururethnam jnana thapaswi covid test positive

കൊവിഡ് വ്യാപനത്തിൽ മുന്നറിയിപ്പുമായി ഇന്ത്യൻ മെഡിക്കൽ അസോസിയേഷൻ (ഐഎംഎ). രോഗികളുടെ എണ്ണം അടുത്ത രണ്ട് മാസം ഉയർന്ന നിരക്കിലെത്തും. പ്രതിദിനം ഇരുപതിനായിരം കൊവിഡ് രോഗികൾ വരെ ഉണ്ടാകുമെന്ന് ഐഎംഎ സംസ്ഥാന പ്രസിഡന്റ് എബ്രഹാം വർഗീസ് മുന്നറിയിപ്പ് നൽകി.

സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തിലാണ് മുന്നറിയിപ്പുമായി ഐഎംഎ രംഗത്തെത്തിയത്. വരും ദിവസങ്ങൾ നിർണായകമാണെന്ന് ഐഎംഎ സംസ്ഥാന പ്രസിഡന്റ് ചൂണ്ടിക്കാട്ടി. ജനങ്ങൾ ജാഗ്രത പാലിക്കണം. സർക്കാർ ആരോഗ്യ അടിയന്തരാവസ്ഥ പ്രഖ്യാപിക്കണമെന്നാണ് ആവശ്യപ്പെടുന്നത്. നിയന്ത്രണങ്ങൾ ശക്തിപ്പെടുത്തണം. കർശന നടപടികൾ സ്വീകരിക്കാൻ സർക്കാർ തയ്യാറാകണം. നിലവിൽസർക്കാർ പ്രഖ്യാപിച്ച നിരോധനാജ്ഞ ഫലം ചെയ്യുമെന്ന് പ്രതീക്ഷിക്കുന്നുവെന്നും എബ്രഹാം വർഗീസ് പറഞ്ഞു.

English Summary : Up to 20,000 covid patients per day; Be careful ‘; IMA warns

ന്യൂഡൽഹി: രാജ്യത്ത് കോവിഡ് ബാധിതരുടെ എണ്ണം 65 ലക്ഷം കടന്നു. 75,829 പുതിയ കോവിഡ് കേസുകളാണ് കഴിഞ്ഞ 24 മണിക്കൂറിനിടയിൽ രാജ്യത്ത് റിപ്പോർട്ട് ചെയ്യപ്പെട്ടത്. 940 പേർ ഒരു ദിവസത്തിനിടെ കോവിഡ് ബാധിച്ച് മരിച്ചു.

65,49,374 കോവിഡ് കേസുകളാണ് രാജ്യത്ത് ഇതുവരെ റിപ്പോർട്ട് ചെയ്യപ്പെട്ടത്. ഇതിൽ 9,37,625 പേർ നിലവിൽ കോവിഡ് ബാധിതരായി ചികിത്സയിലുള്ളവരാണ്.1,01,782പേരാണ് രാജ്യത്ത് ഇതുവരെ കോവിഡ് ബാധിതരായി മരണപ്പെട്ടത്.ലോകത്ത് യു എസ് കഴിഞ്ഞാൽ ഏറ്റവും അധികം കോവിഡ് കേസുകൾ സ്ഥിരീകരിച്ചത് ഇന്ത്യയിലാണ്. യുഎസ്സിൽ 7,600,846 പേർക്കാണ് ഇതുവരെ കോവിഡ് സ്ഥിരീകരിച്ചത്.

ആകെയുള്ള മരണത്തിൽ മൂന്നാം സ്ഥാനത്താണ് ഇന്ത്യ. അമേരിക്ക, ബ്രസീൽ എന്നിവിടങ്ങളാണ് ഏറ്റവും അധികം മരണം റിപ്പോർട്ട് ചെയ്യപ്പെട്ട മറ്റ് രാജ്യങ്ങൾ.

Engish Summary : Over 65 lakh covid patients in india

കൊച്ചി ;- പാലാരിവട്ടം പാലം പുനര്‍നിര്‍മാണത്തിന്റെ ഭാഗമായി ഇന്ന്  മുതല്‍ ഗതാഗത നിയന്ത്രണം. എറണാകുളത്തേക്കും കാക്കനാട്ടേക്കും പാലത്തിനടിയിലൂടെയുള്ള ഗതാഗതം ഉണ്ടാവില്ല. ദേശീയപാതയില്‍ ഇരുവത്തേക്കും വാഹനങ്ങള്‍ പോകുന്നത് തടസസമില്ല.പാലാരിവട്ടം പാലത്തിന്റെ ഗര്‍ഡറുകള്‍ പൊളിക്കാന്‍ തുടങ്ങുന്ന സാഹചര്യത്തിലാണ് ഇന്ന്  മുതല്‍ ഗതാഗത നിയന്ത്രണം.

പാലാരിവട്ടം സിഗ്‌നലിന് ഇരു വശത്തും ദേശീയ പാതയില്‍ 700 മീറ്റര്‍ സഞ്ചരിച്ചാല്‍ യു ടേണ്‍ എടുക്കാന്‍ സൗകര്യമുണ്ടാകും. സിഗ്‌നലില്‍ തിരക്കൊഴിവാക്കാന്‍ രണ്ട് വഴികള്‍ കൂടി ട്രാഫിക് പൊലീസ് നിര്‍ദേശിക്കുന്നുണ്ട്.

കാക്കനാട് നിന്ന് വരുന്നവര്‍ക്ക് ഈച്ചമുക്കില്‍ നിന്ന് തിരിഞ്ഞ് വെണ്ണല എത്തി പുതിയ റോഡ് വഴി ചക്കരപ്പറമ്പിലൂടെ എറണാകുളത്തേക്ക് പോകാം. എറണാകുളത്ത് നിന്ന് കാക്കനാടേക്ക് പോകുന്നവര്‍ക്ക് ഇടപ്പള്ളിയില്‍ നിന്ന് വലത്തേക്ക് തിരിഞ്ഞ് ഒബ്രോണ്‍ മാളിന് സമീപത്തു കൂടി തൃപ്പൂണിത്തുറ റോഡിലൂടെ പാടിവട്ടത്ത് എത്താം. ദേശീയപാതയില യാത്രക്കാര്‍ക്ക് നിയന്ത്രണം ഉണ്ടാവില്ല.ഇന്ന് മുതൽ ഒരാഴ്ച നിലവിലെ ഗതാഗത ക്രമീകരണം വിലയിരുത്തി ആവശ്യമെങ്കില്‍ പിന്നീട് മാറ്റം വരുത്തുകയോ സ്ഥിരം സിഗ്‌നല്‍ സംവിധാനം സജ്ജമാക്കുകയോ ചെയ്യാനാണ് ട്രാഫിക് പൊലീസിന്റെ തീരുമാനം. 

English Summary : Traffic control from today as part of Palarivattom bridge reconstruction

തിരുവനന്തപുരം:- സംസ്ഥാനത്ത് സ്‌കൂളുകള്‍ ഉടന്‍ തുറക്കില്ല. ഈ മാസം 15നു ശേഷവും സ്‌കൂളുകള്‍ തുറക്കില്ലെന്ന് സര്‍ക്കാര്‍ വ്യക്തമാക്കി. കോവിഡ് വ്യാപനം അപകടകരമായി വര്‍ധിക്കുന്ന സാഹചര്യത്തില്‍ ഇപ്പോള്‍ തുറക്കുന്നതു പ്രായോഗികമല്ലെന്നു ജില്ലകളില്‍ നിന്നു വിദ്യാഭ്യാസ വകുപ്പ് അധികൃതര്‍ സര്‍ക്കാരിനെ അറിയിച്ചു. നിലവിലെ സാഹചര്യത്തില്‍ സ്‌കൂളുകള്‍ തുറന്നാല്‍ കോവിഡ് കേസുകള്‍ വര്‍ദ്ധിക്കുകയും ചെയ്യും. പല സ്‌കൂളുകളുംഫസ്റ്റ്ലൈന്‍ ട്രീറ്റ്‌മെന്റ് സെന്ററുകളുമാണ്.ഈ മാസം 15നു ശേഷം സ്‌കൂളുകള്‍ തുറക്കുന്ന കാര്യം സംസ്ഥാനങ്ങള്‍ക്കു തീരുമാനിക്കാമെന്നാണ് അണ്‍ലോക്ക്5 മാര്‍ഗനിര്‍ദേശങ്ങളില്‍ കേന്ദ്ര സര്‍ക്കാര്‍ വ്യക്തമാക്കിയത്.എന്നാൽ അപ്പോഴേക്കും കോവിഡ് ബാധിതരുടെ എണ്ണം ഇനിയും വര്‍ധിക്കുമെന്നാണു സര്‍ക്കാരിനു ലഭിച്ച റിപ്പോര്‍ട്ട്. 10,12 ക്ലാസ് വിദ്യാര്‍ത്ഥികളെ സംശയനിവാരണത്തിനായി നിയന്ത്രണങ്ങള്‍ പാലിച്ചു സ്‌കൂളിലെത്താന്‍ അനുവദിക്കാമെന്നു നേരത്തേ വിദ്യാഭ്യാസ ഡയറക്ടര്‍ ശുപാര്‍ശ നല്‍കിയിരുന്നു. ആരോഗ്യ വകുപ്പിന്റെ വിലയിരുത്തല്‍ കൂടി പരിഗണിച്ചാകും അന്തിമതീരുമാനം.

ന്യൂഡല്‍ഹി: രാഹുല്‍ ഗാന്ധിയും പ്രിയങ്ക ഗാന്ധിയും ഉള്‍പ്പെടെ 203 കോണ്‍ഗ്രസ് പ്രവര്‍ത്തകര്‍ക്കെതിരെ ഉത്തര്‍ പ്രദേശ് പോലീസ് കേസ് രജിസ്റ്റര്‍ ചെയ്തു. ഗ്രേറ്റര്‍ നോയ്ഡയിലെ എക്കോടെക്ക് പോലീസ് സ്‌റ്റേഷനിലാണ് ഇവര്‍ക്കെതിരെ എഫ്.ഐ.ആര്‍. രജിസ്റ്റര്‍ ചെയ്തിട്ടുള്ളത്.കൊറോണ മഹാമാരിയുടെ പശ്ചാത്തലത്തില്‍ ഗൗതം ബുദ്ധ നഗര്‍ ജില്ലയില്‍ പ്രഖ്യാപിച്ച 144 ലംഘിച്ചുവെന്നാണ് എഫ്.ഐ.ആറില്‍ പറയുന്നത്. തിരിച്ചറിയുന്ന 153 പേര്‍ക്കെതിരെയും തിരിച്ചറിയാന്‍ കഴിയാത്ത 50 പേര്‍ക്കെതിരെയുമാണ് കേസ് രജിസ്റ്റര്‍ ചെയ്തിരിക്കുന്നതെന്ന് ഇന്ത്യ ടുഡേ റിപ്പോര്‍ട്ട് ചെയ്തു.ഉത്തര്‍ പ്രദേശിലെ ഹത്രാസില്‍ കൂട്ടബലാത്സംഗത്തിനും ക്രൂരപീഡനത്തിനും ഇരയായി കൊല്ലപ്പെട്ട യുവതിയുടെ വീട് സന്ദര്‍ശിക്കാന്‍ രാഹുലും പ്രിയങ്കയും ഉള്‍പ്പെട്ട സംഘം ഇന്നലെ പുറപ്പെട്ടിരുന്നു. എന്നാല്‍ ഇവരെ യു.പി. പോലീസ് വഴിമധ്യേ തടഞ്ഞിരുന്നു. വാഹനം തടഞ്ഞപ്പോള്‍ നടന്നുപോകാന്‍ തീരുമാനിച്ച രാഹുലിനേയും പ്രിയങ്കയേയും പോലീസ് അറസ്റ്റ് ചെയ്ത് നീക്കുകയുമായിരുന്നു. സര്‍ക്കാര്‍ ഉദ്യോഗസ്ഥനെ കര്‍ത്തവ്യ നിര്‍വഹണത്തില്‍നിന്ന് തടയല്‍, കലാപം, മാരക ആയുധങ്ങള്‍ കൈവശം വെക്കല്‍ തുടങ്ങിയ വകുപ്പുകളും ഇവര്‍ക്കു മീതേ ചുമത്തിയിട്ടുണ്ട്.ഡല്‍ഹി-നോയ്ഡ ഹൈവേയിലൂടെ ഹത്രാസിലേക്ക് പുറപ്പെട്ട രാഹുലിനോടും 200ല്‍ അധികം വരുന്ന പ്രവര്‍ത്തകരോടും യാത്ര അവസാനിപ്പിക്കണമെന്ന്‌ നിരവധി തവണ ആവശ്യപ്പെട്ടിരുന്നെന്നും അമ്പതോളം കാറുകള്‍ ഉള്‍പ്പെട്ട വാാഹനവ്യൂഹമായിരുന്നു അതെന്നും പോലീസ് പുറത്തിറക്കിയ പ്രസ്താവനയില്‍ പറയുന്നു. കോവിഡ് പശ്ചാത്തലത്തില്‍ ഗൗതം ബുദ്ധ നഗറില്‍ 144 പ്രഖ്യാപിച്ചിരുക്കുന്നതിനാല്‍ യാത്ര നിര്‍ത്താന്‍ രാഹുലിനോടും സംഘത്തോടും ആവശ്യപ്പെട്ടു. എന്നാല്‍ യാത്ര അവസാനിപ്പിക്കാന്‍ അവര്‍ തയ്യാറായില്ല. പകരം യമുന എക്‌സ്പ്രസ് വേയുടെ നേര്‍ക്ക് ഇവര്‍ നീങ്ങി. 

തിരുവനന്തപുരം: ലോക്ഡൗണ്‍ കാലത്തിനു മുന്‍പും ശേഷവുമുള്ള ബില്‍ കുടിശിക അടയ്ക്കാത്തവരുടെ വൈദ്യുതി വിച്ഛേദിക്കുമെന്ന് ബോര്‍ഡ്. പല ഉപയോക്താക്കളും ലോക്ക്ഡൗണ്‍ കാലയളവിന് മുന്‍പും അതിന് ശേഷവും ബില്ലുകള്‍ അടക്കാത്തത് ബോര്‍ഡിനെ സാമ്ബത്തികമായി പ്രതിസന്ധിയിലാക്കുന്നതായി ചൂണ്ടിക്കാട്ടിയാണ് നടപടി.ഏപ്രില്‍ 20 മുതല്‍ ജൂണ്‍ 19 വരെ നല്‍കിയ ബില്ലുകള്‍ ഗാര്‍ഹിക ഉപയോക്താക്കള്‍ക്കു ഡിസംബര്‍ 31 വരെ സര്‍ചാര്‍ജും പലിശയും ഇല്ലാതെ അടയ്ക്കാം. ഇത് തവണകളായും അടയ്ക്കാനുള്ള സാഹചര്യമുണ്ട്. 175 കോടിയോളം രൂപയുടെ സബ്‌സിഡി ഗാര്‍ഹിക ഉപയോക്താക്കള്‍ക്കു നല്‍കിയിരുന്നു.എല്ലാ വ്യവസായ, വാണിജ്യ ഉപയോക്താക്കള്‍ക്കും സ്വകാര്യ ആശുപത്രികള്‍ക്കും മാര്‍ച്ച്‌, ഏപ്രില്‍, മേയ് മാസങ്ങളില്‍ ബാധകമായ ഫിക്‌സഡ് ചാര്‍ജില്‍ 25% കിഴിവ് നല്‍കുകയും ബാക്കിയുള്ള ഫിക്‌സഡ് ചാര്‍ജ് പിഴപ്പലിശ ഇല്ലാതെ ഡിസംബര്‍ 15നുള്ളില്‍ അടയ്ക്കുന്നതിനുള്ള സൗകര്യവും നല്‍കി.എന്നാല്‍ 1000 കോടി രൂപ കടം എടുത്താണ് ബോര്‍ഡ് ഇപ്പോള്‍ പ്രവര്‍ത്തിക്കുന്നതെന്ന് ബോര്‍ഡ് ചെയര്‍മാന്‍ എന്‍എസ് പിള്ള പറഞ്ഞു. ഈ സാഹചര്യത്തിലാണ് നോട്ടീസ് നല്‍കി വൈദ്യുതി ബന്ധം വിച്ഛേദിക്കുക.

English : KSEB to cut off power to those who do not pay their bills before and after the lockdown

ആറു മാസത്തിനു ശേഷം ഒമാനിൽ വിമാനത്താവളങ്ങൾ തുറന്നു. കോവിഡ് വ്യാപനത്തെ തുടർന്ന് മാർച്ച് അവസാനം മുതൽ വിമാനത്താവളങ്ങൾ അടച്ചിട്ടിരിക്കുകയായിരുന്നു. ഇന്ന് പുലർച്ചെ മുതൽ ആണ് വിമാന സർവീസുകൾക്ക് തുടക്കമായത്.മസ്കത്ത് വിമാനത്താവളത്തിൽ നിന്ന് മാത്രമാണ് രാജ്യാന്തര സർവീസുകൾ ഉള്ളത്. സലാലയിലേക്കുള്ള ആഭ്യന്തര വിമാന സർവീസുകൾക്കും തുടക്കമായിട്ടുണ്ട്. ദേശീയ വിമാന കമ്പനിയായ ഒമാൻ എയറും സലാം എയറും സർവീസ് ആരംഭിച്ചിട്ടുണ്ട്. ഒമാനിൽ വന്നിറങ്ങുന്ന യാത്രക്കാരെല്ലാം വിമാനത്താവളത്തിൽ നിർബന്ധിത പി.സി.ആർ പരിശോധനക്ക് വിധേയരാകണം. 25 റിയാലാണ് നിരക്ക്.വിമാന ജീവനക്കാരെയും 15 വയസിൽ താഴെയുള്ള കുട്ടികളെയും മാത്രമാണ് പി.സി.ആർ പരിശോധനയിൽ നിന്ന് ഒഴിവാക്കിയിട്ടുള്ളത്. ഒമാനിലേക്കുള്ള യാത്രക്കാർ തറാസുദ് പ്ലസ് മൊബൈൽ ആപ്ലിക്കേഷനിൽ രജിസ്റ്റർ ചെയ്യണമെന്നതും നിർബന്ധമാണ്. ഒമാനിൽ എട്ട് ദിവസത്തിൽ കൂടുതൽ നില്‍ക്കുന്നവർ തറാസുദ് പ്ലസ് ബ്രേസ്ലെറ്റ് ധരിക്കുകയും 14 ദിവസം ക്വാറൈൻറൻ ചെയ്യുകയും വേണം. ഒമാനിലെത്തുന്ന എല്ലാ വിദേശികൾക്കും കുറഞ്ഞത് ഒരു മാസത്തെ കോവിഡ് ചികിത്സാ ചെലവ് വഹിക്കാൻ കഴിയുന്ന ഇൻഷൂറൻസ് പോളിസി നിർബന്ധമാണ്.