തെന്നിന്ത്യൻ സിനിമയിൽ നായിക നിരയിലേക്ക് ഉയർന്നു വരുന്ന മലയാളി താരമാണ് വിവിയാ ശാന്ത്. മോഡലിംഗ് രംഗത്തു നിന്നും സിനിമയിലേക്ക് ചുവടു വെച്ച വിവിയ മലയാളത്തിൽ ഇട്ടി മാണി, വിജയ് സൂപ്പറും പൗർണമിയും എന്നീ സിനിമകളിലൂടെയാണ് ശ്രദ്ധേയയായത്. ചാൾസ് ജോസഫ് സംവിധാനം ചെയ്യുന്ന ഹിമാചൽ പ്രദേശ്, കശ്മീർ എന്നിവിടങ്ങളിൽ ചിത്രീകരണം നടന്നു വരുന്ന പുതിയ ചിത്രമായ ‘ സമാറ’ യിൽ റഹ്മാൻ്റെ നായിക വിവിയയാണ്. കഥയേക്കാൾ ഉപരി നല്ല പ്രോജക്ടുകൾ,നല്ല സംവിധായകർ എന്നീ ഘടകങ്ങൾക്ക് മുൻഗണന നൽകി സെലക്ടീവായി അഭിനയിക്കുക എന്നതാണ് ഈ താരത്തിൻ്റെ സിദ്ധാന്തം.

മലയാളം കൂടാതെ തമിഴ്, തെലുങ്ക് ഭാഷാ സിനിമാ വേദിയിൽ നിന്നും ഈ കായംകുളം സ്വദേശിയെ തേടി ഓഫറുകൾ എത്തി തുടങ്ങി. തമിഴിൽ ഭരത്തിൻ്റെ നായികയായി ‘6ഹവേഴ്സ് ‘, തെലുങ്കിൽ നായികാ പ്രാധാന്യമുള്ള ‘ അംഗുലീയം ‘ എന്നീ സിനിമകൾ പൂർത്തിയായി കഴിഞ്ഞു. ‘ സമാറ ‘ യിൽ റഹ്മാൻ്റെ ഭാര്യയായി ഹണി എന്ന നായികാ കഥാപാത്രത്തെയാണ് വിവിയാ ശാന്ത് അവതരിപ്പിക്കുന്നത്. ശക്തമായ നായികാ കഥാപാത്രങ്ങൾക്കായി കാത്തിരിക്കുന്ന, അഭിനയ പാടവവുമുള്ള വിവിയാ ശാന്ത് തെന്നിന്ത്യൻ സിനിമയിൽ നായിക നിരയിലേക്ക് ഒരു ഭാവി വാഗ്ദാനമാണ്.

സി. കെ. അജയ് കുമാർ

English Summary :Actress Viviya Santh Rahman’s couple in movie Samara

നടന്‍ ചിമ്പുവിന്റെ 45ാമത്തെ സിനിമയായ “മാനാട് “എന്ന ചിത്രത്തിന്റെ മലയാളം ടീസ്സര്‍ നാളെ ഫെബ്രുവരി മൂന്നിന് 2.34 pm ന് പ്രശസ്ത ചലച്ചിത്രതാരം പൃഥ്വിരാജ് സുകുമാരന്‍ റിലീസ് ചെയ്യും വി ഹൗസ് പ്രൊഡക്ഷന്‍സിന്റെ ബാനറില്‍ സുരേഷ് കാമാച്ചി നിര്‍മ്മിച്ച് വെങ്കട്ട് പ്രഭു സംവിധാനം ചെയ്യുന്ന ‘മാനാട്’ എന്ന പൊളിറ്റിക്കല്‍ ത്രില്ലറാണ്. അബ്ദുല്‍ ഖാലിക്ക് എന്ന യുവാവായിട്ടാണ് കഥാപാത്രത്തെയാണ് ചിമ്പു ‘മാനാടില്‍ അവതരിപ്പിക്കുന്നത്.

മാനാടിന്റെ ടീസര്‍ ചിമ്പുവിന്റെ ജന്മദിനമായ ഫെബ്രുവരി മൂന്നിന് ജന്മദിന സമ്മാനമായി പുറത്തിറങ്ങുമെന്ന് നേരത്തെ പ്രഖ്യാപിച്ചിരുന്നു. ആ ദിവസങ്ങളില്‍ താന്‍ ചെന്നൈ വീട്ടില്‍ ലഭ്യമാകില്ലെന്ന് ആരാധകനോട് ചിമ്പു അറിയിച്ചിരുന്നു.
യുവന്‍ ശങ്കര്‍ രാജ സംഗീതം നല്‍കിയ ചിത്രത്തില്‍ ചിമ്പുവിനെ കൂടാതെ കല്യാണി പ്രിയദര്‍ശന്‍, എസ് എ ചന്ദ്രശേഖര്‍, എസ്.ജെ. സൂര്യ, കരുണാകരന്‍, ഭാരതിരാജ, അരവിന്ദ് ആകാശ്, മനോജ് ഭാരതിരാജ, പ്രേംജി അമരന്‍, ഉദയ, ഡാനിയല്‍ ആനി പോപ്പ്, രവികാന്ത് എന്നിവര്‍ അഭിനയിക്കുന്നുണ്ട്. ഛായാഗ്രഹണം റിച്ചര്‍ഡ് എം നാഥ് നിര്‍വ്വഹിക്കുന്നു.
നവമ്പര്‍ 21ന് ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ റിലീസ് ചെയ്തിരുന്നു. മുഖത്ത് രക്തവും നെറ്റിയില്‍ വെടിയുണ്ടമായി പ്രാര്‍ത്ഥന നടത്തുന്ന ചിമ്പുവിന്റെ മുഖമാണ് പോസ്റ്ററില്‍. ‘A Venkat Prabhu Politics’ എന്ന ടാഗ്‌ലൈനോടുകൂടിയ പോസ്റ്ററില്‍ മഹാത്മാഗാന്ധിയുടെ ഉദ്ധരണിയുമുണ്ട്. ‘മനുഷ്യരാശിയുടെ വിനിയോഗത്തിലെ ഏറ്റവും വലിയ ശക്തിയാണ് അഹിംസ’.
വാര്‍ത്ത പ്രചരണം- എ എസ് ദിനേശ്.

English Summary :Chimpu’s ‘Manad’ teaser tomorrow

മാർക്ക്സ് പ്രൊഡക്ഷൻസിന്റെ ബാനറിൽ വി കെ കൃഷ്ണകുമാർ നിർമ്മാണവും സജി കെ പിള്ള സംവിധാനവും നിർവ്വഹിച്ചിരിക്കുന്ന സംഗീത ആൽബം ” പ്രിയനൊരാൾ ” റിലീസിനൊരുങ്ങുന്നു

ഭാരതീയ ചിത്രകലയുടെ കുലപതി രാജാരവിവർമ്മയുടെ പിൻമുറക്കാരനായ പ്രശസ്ത സംഗീത സംവിധായകൻ കിളിമാനൂർ രാമവർമ്മ, മഠം കാർത്തികേയൻ നമ്പൂതിരിയുടെ പ്രണയാർദ്രമായ വരികൾക്ക് സംഗീതാവിഷ്ക്കാരം നൽകി ആലപിച്ചിരിക്കുന്നു. ആൽബത്തിലെ ഒരു സുപ്രധാന വേഷത്തിൽ അദ്ദേഹം അഭിനയിച്ചിരിക്കുന്നുവെന്ന പ്രത്യേകതയുമുണ്ട്. പാരമ്പര്യത്തിന്റെ കെടാവിളക്കായി നിലകൊള്ളുന്ന കിളിമാനൂർ കൊട്ടാരവും പരിസരവും അതിന്റെ പഴമയും ദൃശ്യഭംഗിയും ഒട്ടും ചോർന്നുപോകാതെ രതീഷ് മംഗലത്ത് ക്യാമറയിൽ പകർത്തിയെടുത്തിരിക്കുന്നു.

പഴമയുടെ പ്രൗഢിയും പ്രണയവും വിരഹവും കാത്തിരിപ്പും ഒത്തു ചേരലുമെല്ലാം കൊണ്ട് പ്രേക്ഷകരെ ആർദ്രമായ ഓർമ്മകളിലേക്ക് കൂട്ടികൊണ്ടുപോകുന്ന അനുഭവമായിരിക്കും പ്രിയനൊരാൾ . ആഴമില്ലാത്ത ക്ഷണികങ്ങളായ ആധുനിക പ്രണയഭാവങ്ങൾക്ക് മേലേ നീണ്ട കാത്തിരിപ്പിന്റെ അഗ്നിയിൽ സ്ഫുടം ചെയ്തെടുത്ത അനശ്വരവും കാലാതിവർത്തിയുമായ ഉദാത്ത പ്രണയത്തിന്റെ ദീപ്തമായ മുഖമാണ് ഈ ദൃശ്യകാവ്യത്തിലൂടെ അനാവരണം ചെയ്യപ്പെടുന്നത്.

കിളിമാനൂർ രാമവർമ്മ, മായ കെ വർമ്മ, വൈഷ്ണവ് വർമ്മ, ഗായത്രി നായർ , വി കെ കൃഷ്ണകുമാർ എന്നിവർ അഭിനയിക്കുന്നു.

ബാനർ – മാർക്ക്സ് പ്രൊഡക്ഷൻസ്, നിർമ്മാണം – വി കെ കൃഷ്ണകുമാർ , സംവിധാനം – സജി കെ പിള്ള , ഛായാഗ്രഹണം – രതീഷ് മംഗലത്ത്, എഡിറ്റിംഗ് – വിമൽകുമാർ , ഗാനരചന – മഠം കാർത്തികേയൻ നമ്പൂതിരി, സംഗീതം, ആലാപനം – കിളിമാനൂർ രാമവർമ്മ, കല- വിനീഷ് കണ്ണൻ, ഡിസൈൻസ് – സജീവ് വ്യാസ, കീബോർഡ് പ്രോഗ്രാമിംഗ് & സൗണ്ട് മിക്സിംഗ് – രാജീവ് ശിവ, ചമയം – അനിൽ ഭാസ്ക്കർ, കളറിംഗ് ( ഡി ഐ) – പ്രദീപ്, സ്‌റ്റുഡിയോ – നിസാര, പി ആർ ഓ – അജയ് തുണ്ടത്തിൽ .

English Summary : The music album “Priyanoral ” is about to be released

പ്രശസ്ത ചലച്ചിത്ര സ്റ്റിൽ ഫോട്ടോഗ്രാഫർ അജി മസ്ക്കറ്റ് ഛായാഗ്രഹണവും സംവിധാനവും നിർവ്വഹിക്കുന്ന ‘ഏകാകിനി’യിൽ അമ്പിളി അമ്പാളി നായികയാകുന്നു. ഡയാന എന്ന കേന്ദ്ര കഥാപാത്രത്തെയാണ് അമ്പിളി ചിത്രത്തിൽ അവതരിപ്പിക്കുന്നത്.

ചെറുപ്രായത്തിൽ തന്നെ വിവാഹിതയാകേണ്ടി വന്നതിലൂടെ ജീവിതത്തിലെ എല്ലാ സന്തോഷങ്ങൾക്കും തിരശ്ശീല വീണ ഡയാനയുടെ ജീവിതത്തിലെ തുടർ സംഭവങ്ങളാണ് ചിത്രത്തിൽ വിഷയമാകുന്നത്. രണ്ടു പെൺകുട്ടികൾക്കു ജന്മം നൽകിയ ഡയാന, തന്റെ നഷ്ടസ്വപ്നങ്ങൾ മക്കളിലൂടെ സാക്ഷാത്കരിക്കാൻ അഹോരാത്രം കഷ്ടപ്പെടുന്നു. അവളുടെ കുടുംബത്തിന്റെ ചിലവുകൾ ഭർത്താവിന്റെ വരുമാനത്തിൽ ഒതുങ്ങുന്നതായിരുന്നില്ല. ഭർത്താവുണ്ടെങ്കിലും എല്ലാ ചുമതലകളും ഡയാനയിൽ മാത്രമായി. ബുദ്ധിമുട്ടുകൾക്കിടയിലും അവൾ രണ്ടു മക്കളെയും നന്നായി പഠിപ്പിച്ചു. അതിനിടയിൽ മൂത്തമകൾ സാന്ദ്രയ്ക്ക് അവളെ ഇഷ്ടപ്പെടുന്ന ജോബിയിൽ നിന്നും വിവാഹാലോചന വരുന്നു. വലിയ ആർഭാടങ്ങളില്ലാതെ അവരുടെ വിവാഹം ഡയാന നടത്തുന്നു. ഡയാനയുടെ സാമ്പത്തിക ബാധ്യതകൾ പരിധിവിട്ട് ഉയർന്നുകൊണ്ടിരുന്നു. കുടുംബത്തിന് താങ്ങും തണലുമാകേണ്ട മരുമകനിൽ നിന്നും ഡയാനയ്ക്കും കുടുംബത്തിനും വലിയ ക്രൂരതകൾ ഏൽക്കേണ്ടി വന്നു. കൂടുതൽ ഉദ്വേഗജനകങ്ങളായ മുഹൂർത്തങ്ങളാണ് ഡയാനയുടെ ജീവിതത്തിൽ തുടർന്നുണ്ടാകുന്നത്.

മലപ്പുറം മഞ്ചേരിയിലെ യാഥാസ്ഥിതിക മുസ്ലീം കുടുംബത്തിൽ നിന്നുള്ള നർത്തകിയും അഭിനേത്രിയുമായ അമ്പിളി അമ്പാളിയാണ് കേന്ദ്രകഥാപാത്രമായ ഡയാനയെ അവതരിപ്പിക്കുന്നത്. അമ്പിളിയോടൊപ്പം മലയാളത്തിലെ പ്രശസ്തതാരങ്ങളും ചിത്രത്തിൽ അഭിനയിക്കുന്നുണ്ട്.

ബാനർ – ആമി ക്രിയേഷൻസ്, ഛായാഗ്രഹണം, സംവിധാനം – അജി മസ്ക്കറ്റ്, കഥ – ആമി, തിരക്കഥ, സംഭാഷണം – മനോജ്, ഗാനരചന , സംഗീതം -ഖാലിദ്, പ്രൊഡക്ഷൻ കൺട്രോളർ – ജയശീലൻ സദാനന്ദൻ , പ്രൊഡക്ഷൻ എക്സിക്യൂട്ടീവ് – രാജേഷ് എം സുന്ദരം, കല- മധുരാഘവൻ , ചമയം – ബൈജു ബാലരാമപുരം, വസ്ത്രാലങ്കാരം – ശ്രീജിത് കുമാരപുരം, സ്‌റ്റുഡിയോ – ചിത്രാഞ്ജലി, പോസ്റ്റർ ഡിസൈൻസ് – മനുദേവ്, സ്റ്റിൽസ് – ഷംനാദ് എൻ ജെ, പി ആർ ഓ – അജയ് തുണ്ടത്തിൽ .

English Summary : Ambili Ambali is the heroine in Aji Muscat’s solo movie

സന്തോഷ് കീഴാറ്റൂര്‍,ആത്മീയ രാജന്‍ എന്നിവരെ പ്രധാന കഥാപാത്രങ്ങളാക്കി ദേശീയ പുരസ്ക്കാര ജേതാക്കളായ ഷെറി,ടി ദീപേഷ് എന്നിവര്‍ ചേര്‍ന്നു സംവിധാനം ചെയ്യുന്ന “അവനോവിലോന ” ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പ്രശസ്ത ചലച്ചിത്ര താരം മോഹന്‍ലാല്‍ തന്റെ ഫേയ്സ് ബുക്ക് പേജിലൂടെ പുറത്തിറക്കി.

കെ സി കൃഷ്ണന്‍,റിയാസ്,കെ എം ആര്‍,കോക്കാട് നാരായണന്‍,മിനി രാധന്‍,ഒ മോഹനന്‍,എ വി സരസ്വതി തുടങ്ങിയവര്‍ക്കൊപ്പം കണ്ണൂരിലെ ഇരുപതോളം ട്രാന്‍സ് ജെന്‍ഡര്‍ന്മാരും ഈ ചിത്രത്തില്‍ അഭിനയിക്കുന്നു.
സന്തോഷ് കീഴാറ്റൂര്‍ പ്രൊഡക്ഷന്‍സ്,നിവ് പ്രൊഡക്ഷന്‍സ് എന്നിവയുടെ ബാനറില്‍ സന്തോഷ് കീഴാറ്റൂര്‍,ശ്രീമ അനില്‍ എന്നിവര്‍ ചേര്‍ന്നു നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ജലീല്‍ ബാദുഷ നിര്‍വ്വഹിക്കുന്നു.ഷെറി തിരക്കഥ സംഭാഷണമെഴുതുന്നു.

പ്രൊജക്റ്റ് ഡിസെെനര്‍-ഡിക്സണ്‍ പൊടുത്താസ്,എഡിറ്റര്‍-അഖിലേഷ് മോഹന്‍,പഞ്ചാത്തല സംഗീതം-ഗോപീ സുന്ദര്‍,കല-സുനീഷ് വടക്കുമ്പാടന്‍,മേക്കപ്പ്-മണികണ്ഠന്‍ ചുങ്കത്തറ,വസ്ത്രാലങ്കാരം- റിയഇഷ,സ്റ്റില്‍സ്-ലിജിന്‍ രവി,പരസ്യ ക്കല-ലെെനോജ്‌ റെഡ് ഡിസെെന്‍,അസോസിയേറ്റ് ഡയറക്ടര്‍-പ്രതാപന്‍ പടിയില്‍,അസിസ്റ്റന്റ് ഡയറക്ടര്‍-വര്‍ഷ ജിത്തു,പ്രൊഡ്ക്ഷന്‍ എക്സിക്യൂട്ടീവ്-അനീഷ് നമ്പ്യാര്‍.

ട്രാന്‍സ് ജെന്‍ഡര്‍ സമൂഹത്തിന്റെ ജീവിത പശ്ചാത്തലത്തില്‍ കഥ പറയുന്ന ഈ ചിത്രത്തില്‍ എഡ്ഡി എന്ന ട്രാന്‍സ് ജെന്‍ഡര്‍ കഥാപാത്രത്തെ സന്തോഷ് കീഴാറ്റൂര്‍ അവതരിപ്പിക്കുന്നു.ട്രാന്‍സ് ജെന്‍ഡന്മാരുടെ കുലദേവതയാണ് ഗ്രീക്ക് ദേവതയാണ്
” അവനോവിലോന “.

“ആദിമധ്യാന്തം” എന്ന ചിത്രത്തിലൂടെ ദേശീയ അവാര്‍ഡ് നേടിയ ഷെറിയും “ടെെപ്പ് റെെറ്റര്‍”എന്ന ചിത്രത്തിലൂടെ ദേശീയ അവാര്‍ഡ് നേടിയ ടി ദീപേഷും ഒന്നിക്കുന്ന ” അവനോവിലോന “കണ്ണൂര്‍ പരിസര പ്രദേശങ്ങളിലായി ചിത്രീകരണം പൂര്‍ത്തിയാവുന്നു. വാര്‍ത്ത പ്രചരണം-എ എസ് ദിനേശ്.

English Summary : Movie “Avanovilona” tells the story of the life of a transgender community.

ഇരുട്ടിന്റെ രാജാവ് എന്നറിയപ്പെടുന്ന ഒടിയന്റെ കഥ വീണ്ടും മലയാളത്തിൽ. നവാഗതയായ ശ്രീഷ്മ ആർ മേനോൻ തിരക്കഥയെഴുതി സംവിധാനം ചെയ്യുന്ന ” കരുവ് ” എന്ന ചിത്രത്തിന്റെ ടൈറ്റിൽ പോസ്റ്റര്‍ പുറത്തിറങ്ങി. പുതുമുഖങ്ങൾക്ക് ഏറെ പ്രാധാന്യം നല്കി ആല്‍ഫാ ഓഷ്യന്‍ എന്‍ടര്‍ടെയിന്‍മെന്‍റ്സിന്‍റെ ബാനറില്‍ സുധീർ ഇബ്രാഹിം നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ടോണി ജോര്‍ജ്ജ് നിര്‍വ്വഹിക്കുന്നു.സംഗീതം-റോഷന്‍,എഡിറ്റര്‍-ഹാരി മോഹന്‍ദാസ്,
എക്സിക്യൂട്ടീവ് പ്രൊഡ്യൂസർ- കൗസല്യ പ്രൊഡക്ഷൻസ്, പ്രോജക്ട് ഡിസൈനർ- റിയാസ് എം.ടി & സായ് വെങ്കിടേഷ്, പ്രൊഡക്ഷൻ കൺട്രോളർ- വിനോദ് പറവൂർ, കലാ സംവിധാനം- ശ്രീജിത്ത്‌ ശ്രീധരൻ, മേക്കപ്പ്- അനൂപ് സാബു, കോസ്റ്റ്യൂം- ലാവണ്യ, ചീഫ് അസോസിയേറ്റ് ഡയറകടര്‍- സുകൃത്ത്, സെക്കന്റ് ക്യാമറ- ശരൺ പെരുമ്പാവൂർ, സ്റ്റിൽസ്- വിഷ്ണു രഘു, ഡിസൈൻ- അരുൺ കൈയ്യല്ലത്ത്.ഫെബ്രുവരി പത്ത് പാലക്കാട് ചിത്രീകരണം ആരംഭിക്കും.വാര്‍ത്ത പ്രചരണം-എ എസ് ദിനേശ്.

English Summary : Odian’s story again: “Karuv”

യുവ താരംഅപ്പാനി ശരത്തിനെ നായകനാക്കി വിനോദ് ഗുരുവായൂര്‍ തിരക്കഥയെഴുതി സംവിധാനം ചെയ്യുന്ന ” ” “മിഷന്‍-സി ” എന്ന റിയലിസ്റ്റിക് ക്രെെം ആക്ഷന്‍ ത്രില്ലര്‍ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസായി.എം സ്ക്വയര്‍ സിനിമാസിന്റെ ബാനറില്‍ മുല്ല ഷാജി നിര്‍മ്മിക്കുന്ന ഈ ചിത്രത്തില്‍ മീനാക്ഷി ദിനേശാണ് നായിക.പ്രശസ്ത സംവിധായകന്‍ ജോഷിയുടെ “പൊറിഞ്ചു മറിയം ജോസ് ” എന്ന ചിത്രത്തില്‍ നെെല ഉഷയുടെ ആലപ്പാട്ട് മറിയത്തിന്റെ കൗമാര കാലം അവതരിപ്പിച്ച മീനാക്ഷി ദിനേശ് ആദ്യമായി നായികയായി അഭിനയിക്കുന്ന ചിത്രമാണ് ” മിഷന്‍-സി “
മേജര്‍ രവി,ജയകൃഷ്ണന്‍,കെെലാഷ്,ഋഷി തുടങ്ങിയ പ്രമുഖരും അഭിനയിക്കുന്നു.സുശാന്ത് ശ്രീനി ഛായാഗ്രഹണം നിര്‍വ്വഹിക്കുന്നു.സുനില്‍ ജി ചെറുകടവ് എഴുതിയ വരികള്‍ക്ക് ഹണി,പാര്‍ത്ഥസാരഥി എന്നിവര്‍ സംഗീതം പകരുന്നു.വിജയ് യേശുദാസ്,അഖില്‍ മാത്യു എന്നിവരാണ് ഗായകര്‍. എഡിറ്റര്‍-റിയാസ് കെ ബദര്‍.പ്രൊഡക്ഷന്‍ കണ്‍ട്രോളര്‍-ബിനു മുരളി,കല-സഹസ് ബാല,മേക്കപ്പ്-മനോജ് അങ്കമാലി,വസ്ത്രാലങ്കാരം-സുനില്‍ റഹ്മാന്‍,സ്റ്റില്‍സ്-ഷാലു പേയാട്,ആക്ഷന്‍-കുങ്ഫ്യൂ സജിത്ത്,പ്രൊഡക്ഷന്‍ എക്സിക്യൂട്ടീവ്-അബിന്‍,വാര്‍ത്ത പ്രചരണം-
എ എസ് ദിനേശ്.

English Summary : “Mission-C” First Look Poster Release

കാക്കമുക്ക് ഗ്രാമത്തിലെ കൃഷിക്കാരനായ അച്യുതനെ ചുറ്റിപ്പറ്റിയാണ് ” ഒരിലത്തണലിൽ” എന്ന ചലച്ചിത്രത്തിന്റെ കഥ ഉരുത്തിരിയുന്നത്. ഒരപകടത്തിൽ ഇരുകൈപ്പത്തികളും നഷ്ടപ്പെട്ട അച്യുതൻ തന്റെ കൈകൾക്കായി പ്രത്യേകം രൂപപ്പെടുത്തിയ കൃഷി ഉപകരണങ്ങൾ ഉപയോഗിച്ച് കൃഷി ചെയ്യുന്നു. പ്രകൃതിയെ പഠിക്കാനും മനസ്സിലാക്കാനും മെച്ചപ്പെടുത്താനും അശ്രാന്തപരിശ്രമം നടത്തുന്ന അച്യുതൻ, പക്ഷികൾക്കും മറ്റു ജീവജാലങ്ങൾക്കും അനുകൂലമായൊരു അന്തരീക്ഷം സൃഷ്ടിക്കുന്നു.

ശ്രീധരൻ / കൈനകരി തങ്കരാജ് / ഷൈലജ പി അമ്പു / അരുൺ / വെറോണിക്ക മെദേയ് റോസ് / ഡോ. ആസിഫ് ഷാ / മധുബാലൻ / സാബു പ്രൗദീൻ / പ്രവീൺകുമാർ / സജി പുത്തൂർ / അഭിലാഷ് / ബിജു / മധു മുൻഷി / സുരേഷ് മിത്ര / മനോജ് പട്ടം / ജിനി പ്രേംരാജ് / അറയ്ക്കൽ ബേബിച്ചായൻ / അമ്പിളി / ജിനി സുധാകരൻ എന്നിവർ അഭിനയിക്കുന്നു….

ബാനർ – സഹസ്രാരാ സിനിമാസ്/ സംവിധാനം – അശോക്.ആർ നാഥ് / നിർമ്മാണം – സന്ദീപ് ആർ / രചന -സജിത് രാജ്‌ / ഛായാഗ്രഹണം – സുനിൽപ്രേം എൽ എസ് / എഡിറ്റിംഗ് – വിപിൻ മണ്ണൂർ / ചീഫ് അസോസിയേറ്റ് ഡയറക്ടർ – ജിനി സുധാകരൻ / ലൈൻ പ്രൊഡ്യൂസർ – സാബു പ്രൗദീൻ / പ്രൊഡക്ഷൻ കൺട്രോളർ – വിജയൻ മുഖത്തല / ചമയം -ലാൽ കരമന / കല- ഹർഷവർദ്ധൻ കുമാർ / വസ്ത്രാലങ്കാരം – വാഹീദ് / സംഗീതം – അനിൽ / സൗണ്ട് ഡിസൈൻ – അനീഷ് എ എസ് / സൗണ്ട് മിക്സിംഗ് – ശങ്കർദാസ് / പ്രൊഡക്ഷൻ എക്സിക്യൂട്ടീവ് – മണിയൻ മുഖത്തല / അസോസിയേറ്റ് ഡയറക്ടർ – അരുൺ പ്രഭാകർ / പശ്ചാത്തല സംഗീതം – അനിൽ, വിതരണം – സഹസ്രാരാ സിനിമാസ് / മാർക്കറ്റിംഗ് – രാജേഷ് രാമചന്ദ്രൻ ( ശ്രീ മൗലി ക്രിയേറ്റീവ് മാർക്കറ്റിംഗ് ), സ്‌റ്റുഡിയോ – ചിത്രാഞ്ജലി, പോസ്റ്റ് ഫോക്കസ് , സൂര്യ വിഷ്വൽ മീഡിയ / സ്റ്റിൽസ് & ഡിസൈൻ – ജോഷ്വാ കൊല്ലം / പി ആർ ഓ – അജയ് തുണ്ടത്തിൽ ..

സംസ്ഥാന സർക്കാരിന്റെ കൃഷി പുരസ്കാരം ശ്രീധരനെ തേടിയെത്തി

ശാരീരിക വൈകല്യങ്ങളെ അതിജീവിച്ച്, കൃഷിയോടുള്ള അഭിനിവേശം ഉൾക്കൊണ്ട് , കൃഷിയിലൂടെ ജീവിതം കെട്ടിപ്പടുത്തിയ വേറിട്ട കർഷകപ്രേമികളെ പരിചയപ്പെടുത്താൻ സംസ്ഥാന കൃഷിവകുപ്പ് ഏർപ്പെടുത്തിയ പ്രത്യേക പുരസ്കാരം ശ്രീധരനെ തേടിയെത്തി. തിരുവനന്തപുരം കുറ്റിച്ചൽ കോട്ടൂർ കൊമ്പിടി ആദിവാസി സെറ്റിൽമെന്റിലിലാണ് ഇരുകൈപ്പത്തികളും നഷ്ടപ്പെട്ട ശ്രീധരന്റെ സ്വദേശം.

English Summary : Sreedharan has bagged the state government’s agriculture award

നടൻ റഹ്മാൻ സമാറ എന്ന പുതിയ മലയാള സിനിമയുടെ ഷൂട്ടിങ്ങിനായിട്ടാണ് ഹിമാചൽ പ്രദേശിലെ കുളു മനാലിയിൽ കഴിഞ്ഞ ദിവസം എത്തിയത് . താരം ആദ്യമായാണ് ഇവിടം സന്ദർശിക്കുന്നത്. നഗരത്തിലെത്തിയ റഹ്മാന് ബാരാഗർ പഞ്ച നക്ഷത്ര റിസോർട്ട് ഉടമകൾ നകുൽ കുല്ലാർ, ഗുനാൽ കുല്ലാർ എന്നിവരും സംഘവും  ഹിമാചൽ പ്രദേശിലെ ആദിത്യ ആചാര പ്രകാരം ഉഷ്മളമായ സീകരണം നൽകി. പതിനഞ്ച് ദിവസമാണ് നായക താരം ഇവിടെ ക്യാമ്പ് ചെയ്യുക. നവാഗതനായ ചാൾസ് ജോസഫ് സംവിധാനം ചെയ്യുന്ന ഇൻവെസ്റ്റിഗേഷൻ ത്രില്ലറാണ് സമാറ. ഹിമാചൽ പ്രദേശ് കശ്മീർ എന്നിവിടങ്ങളിലാണ് ചിത്രീകരണം.

സി. കെ. അജയ് കുമാർ, പി ആർ ഒ

English Summary : Actor Rahman gets a warm welcome in Himachal