തമിഴ്നാട്ടില്‍ അമ്മ മക്കള്‍ മുന്നേറ്റ കഴകവുമായി(എം.എം.കെ) സഖ്യമുണ്ടാക്കി അസദുദ്ദീന്‍ ഉവൈസിയുടെ മജ്ലിസെ ഇത്തിഹാദുല്‍ മുസ്ലിമീന്‍(എ.ഐ.എം.ഐ.എം). സഖ്യപ്രകാരം എ.ഐ.എം.എം.എം മൂന്ന് സീറ്റുകളില്‍ മത്സരിക്കും. വാണിയമ്ബാടി, കൃഷ്ണഗിരി, ശങ്കരാപുരം എന്നിവയാണ് മജ്ലിസ് പാര്‍ട്ടി മത്സരിക്കുന്ന സീറ്റുകള്‍. മജ്ലിസ് പാര്‍ട്ടി തമിഴ്നാട് സംസ്ഥാന പ്രസിഡന്റ് വക്കീല്‍ അഹമ്മദ് ഇക്കാര്യം സ്ഥിരീകരിച്ചു.

മൂന്ന് സീറ്റിലും വിജയിക്കാനാകുമെന്ന് വക്കീല്‍ അഹമ്മദ് പറഞ്ഞു. ഈ സഖ്യത്തില്‍ ഞങ്ങള്‍ക്ക് സന്തോഷമുണ്ട്. സഖ്യം മത്സരിക്കുന്ന 234 സീറ്റുകളിലും നന്നായി പരിശ്രമിച്ച് സ്ഥാനാര്‍ത്ഥികളുടെ വിജയം ഉറപ്പാക്കുമെന്നും വക്കീല്‍ അഹമ്മദ് വ്യക്തമാക്കി. തമിഴ്നാട്ടില്‍ ഡിഎംകെയുമായി സഖ്യമുണ്ടാക്കാന്‍ മജ്ലിസ് പാര്‍ട്ടി നേരത്തെ ശ്രമം നടത്തിയതായി റിപ്പോര്‍ട്ടുകളുണ്ടായിരുന്നു. എന്നാല്‍ ഡിഎംകെയില്‍ മുസ്ലിം ലീഗും മനിതനേയ മക്കള്‍ കക്ഷിയും ഉള്ളതിനാല്‍ ആ നീക്കം നടന്നില്ല.

തമിഴ്നാട്ടില്‍ മജ്ലിസ് പാര്‍ട്ടി മത്സരിക്കുമെന്ന് പാര്‍ട്ടി അധ്യക്ഷന്‍ ഒവൈസി നേരത്തെ വ്യക്തമാക്കിയിരുന്നെങ്കിലും സഖ്യം സംബന്ധിച്ച വിവരങ്ങളില്‍ ഇപ്പോഴാണ് തീരുമാനമാകുന്നത്. കേരളത്തിനൊപ്പം തമിഴ്നാട്ടിലും ഏപ്രില്‍ ആറിനാണ് നിയമസഭാ തെരഞ്ഞെടുപ്പ് നടക്കുക. തമിഴ്നാടിന് പുറമെ ബംഗാളിലും മജ്ലിസ് പാര്‍ട്ടി മത്സരിക്കുന്നുണ്ട്. ബിഹാറില്‍ നേടിയ വിജയത്തിന്റെ ആത്മിവശ്വാസത്തിലാണ് മജ്ലിസ് പാര്‍ട്ടി തമിഴ്നാട്ടിലും ബംഗാളിലും മത്സരിക്കാനിറങ്ങുന്നത്. ബിഹാറില്‍ 14 സീറ്റുകളില്‍ മത്സരിച്ച മജ്ലിസ് പാര്‍ട്ടി അഞ്ച് സീറ്റുകളിലാണ് വിജയിച്ചത്.

അതേസമയം വി.കെ ശശികല ജയില്‍ മോചിതയായി വരുമ്‌ബോള്‍ ദിനകരന്റെ പാര്‍ട്ടി വളരെ പ്രതീക്ഷയിലായിരുന്നു. അതിനിടെയാണ് ശശികല രാഷ്ട്രീയം അവസാനിപ്പിക്കുന്നതായി പ്രഖ്യാപിച്ചത്.

English Summary : In Tamil Nadu, Owaisi formed an alliance with Dinakaran’s party

പാലക്കാട്: സിപിഎം പാലക്കാട് ഘടകത്തിലെ പ്രതിഷേധത്തിന് ഫലം കണ്ടു. തരൂര്‍ മണ്ഡലത്തില്‍ ഡോ.പി.കെ. ജമീല സ്ഥാനാര്‍ത്ഥിയാവില്ല. ജില്ലാ നേതൃത്വം ഉയര്‍ത്തിയ കടുത്ത പ്രതിഷേധം കണക്കിലെടുത്താണ് സിപിഎം ജില്ലാ സെക്രട്ടേറിയറ്റ് ജമീലയെ മത്സരിപ്പിക്കേണ്ടതില്ലെന്ന് തീരുമാനിച്ചത്. മന്ത്രി എ കെ ബാലന്റെ ഭാര്യ പികെ ജമീലയെ സ്ഥാനാര്ഥിയാക്കിയതോടെയാണ് പാലക്കാട് പ്രശ്‌നങ്ങള്‍ക്ക് തുടക്കമാകുന്നത്.

ഇന്ന് ചേര്‍ന്ന പാലക്കാട് സിപിഎം. ജില്ലാ സെക്രട്ടേറിയേറ്റിനും ജില്ലാ കമ്മിറ്റിക്കും ശേഷമാണ് ഈ തീരുമാനം ഉണ്ടായത്. എല്ലാ മണ്ഡലങ്ങളിലെയും തെരഞ്ഞെടുപ്പിനെ ജമീലയെ മത്സരിപ്പിച്ചാല്‍ ബാധിക്കുമെന്ന് പാലക്കാട് ജില്ലാ കമ്മിറ്റി യോഗത്തില്‍ ഭൂരിഭാഗം പേരും അഭിപ്രായപ്പെട്ടു. സമ്മര്‍ദ്ദം കൂടുന്നതിനാലും ഭൂരിഭാഗം പേരും ഇതിന് എതിരായതിനാലും ജമീലയെ സ്ഥാനാര്‍ഥി സ്ഥാനത്ത് നിന്ന് മാറ്റാന്‍ തീരുമാനിച്ചത്.

പാലക്കാട് ജില്ലയില്‍ മന്ത്രി എ കെ ബാലനെതിരെ പോസ്റ്ററുകള്‍ എത്തിയിരുന്നു. മന്ത്രിയുടെ വീടിന് മുന്നിലും സിപിഐഎം ജില്ലാ കമ്മിറ്റി ഓഫിസിന് മുന്നിലുമാണ് പോസ്റ്റര്‍. സേവ് കമ്മ്യൂണിസത്തിന്റെ പേരില്‍ ആണ് പോസ്റ്ററുകള്‍ എത്തിയിരിക്കുന്നത്. കുടുംബ സ്വത്താക്കാന്‍ തരൂര്‍ മണ്ഡലത്തെ അനുവദിക്കരുതെന്നും, നട്ടെല്ലുള്ള കമ്മ്യൂണിസ്റ്റുകാര്‍ തിരിച്ചടിക്കുമെന്നുമാണ് പോസ്റ്റ്. രാഷ്ട്രീയത്തിലെ കുടുംബാധിപത്യം അവസാനിപ്പിക്കണമെന്നുമാണ് പോസ്റ്ററില്‍ ഉണ്ടായിരുന്നത്.

English Summary : Dr. P.K. Jameela will not be the CPM candidate in Tharoor

ഷില്ലോങ്: ജന്‍ ഔഷധി പദ്ധതിയുടെ കീഴില്‍ സ്ത്രീകള്‍ക്ക് സാനിറ്ററി പാഡുകള്‍ രണ്ടര രൂപയ്ക്ക് ലഭിക്കുമെന്ന് പ്രധാനമന്ത്രി നരേന്ദ്രമോഡി. താഴ്ന്ന വരുമാനക്കാര്‍ക്ക് കുറഞ്ഞ വിലയ്ക്ക് മരുന്നുകള്‍ ലഭ്യമാക്കുന്നതിനായി ആരംഭിച്ച പ്രധാനമന്ത്രി ഭാരതീയ ജന്‍ഔഷധി പരിയോജനയുടെ ഭാഗമായി 7500-ാമത് ജന്‍ ഔഷധി കേന്ദ്രം രാജ്യത്തിന് സമര്‍പ്പിച്ചുകൊണ്ടാണ് പ്രധാനമന്ത്രി ഇക്കാര്യം അറിയിച്ചത്.

മാര്‍ച്ച് ഒന്ന് മുതല്‍ ഏഴ് വരെ നടത്തിയ ജന്‍ ഔഷധി വരാഘോഷത്തിന്റെ അവസാന ദിവസമായ ഞായറാഴ്ച നോര്‍ത്ത് ഈസ്റ്റേണ്‍ ഇന്ദിരാ ഗാന്ധി റീജണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ആന്‍ഡ് മെഡിക്കല്‍ സയന്‍സസില്‍ നടന്ന ചടങ്ങിലാണ് ജന്‍ ഔഷധി കേന്ദ്രം പ്രധാനമന്ത്രി രാജ്യത്തിന് സമര്‍പ്പിച്ചത്.

ജന്‍ ഔഷധി കേന്ദ്രങ്ങളില്‍(മോദി കി ദുകാന്‍) നിന്ന് കുറഞ്ഞ വിലയ്ക്ക് മരുന്ന് ലഭിക്കുന്ന അവസരം പരമാവധി ഉപയോഗപ്പെടുത്തണമെന്നും അദേഹം ജനങ.ങളോട് ആവശ്യപ്പെട്ടു. 75 മരുന്നുകള്‍ രാജ്യത്തെ ജന്‍ ഔഷധി കേന്ദ്രങ്ങളിലൂടെ ജനങ്ങള്‍ക്ക് ലഭ്യമാക്കുമെന്നും പ്രധാനമന്ത്രി അറിയിച്ചു. വിപണി നിരക്കിനേകക്കാള്‍ 50-90 ശതമാനം വിലക്കുറവിലാണ് ജന്‍ ഔഷധി കേന്ദ്രങ്ങള്‍ വഴി െമരുന്നുകള്‍ ലഭിക്കുന്നത്.

തിരുവനന്തപുരം: ഗോത്ര മഹാസഭ അധ്യക്ഷയും ജനാധിപത്യ രാഷ്ട്രീയ പാര്‍ട്ടി സംസ്ഥാന പ്രസിഡന്റുമായ സികെ ജാനു വീണ്ടും എന്‍ഡിഎയിലേക്ക്. ശംഖുമുഖത്ത് നടക്കുന്ന ബിജെപിയുടെ വിജയ് യാത്രയുടെ സമാപന ചടങ്ങിലാണ് സികെ ജാനു തീരുമാനം പ്രഖ്യാപിച്ചത്. മുന്നണി മര്യാദകള്‍ പാലിക്കുമെന്ന എന്‍ഡിഎ നേതാക്കളുടെ ഉറപ്പിനെ തുടര്‍ന്നാണ് തിരിച്ചുവരവെന്ന് സികെ ജാനു പറഞ്ഞു. ഇടതു വലതു മുന്നണികള്‍ രാഷ്ട്രീയ പരിഗണന നല്‍കാത്തതും എന്‍ഡിഎ പ്രവേശന പ്രവേശനത്തിന് കാരണമെന്ന് സി.കെ ജാനു പ്രതികരിച്ചു.

ഗോത്ര മഹാസഭ അധ്യക്ഷയായിരുന്ന ജാനു 2016ല്‍ സുല്‍ത്താന്‍ ബത്തേരിയില്‍ എന്‍ഡിഎ സ്ഥാനാര്‍ത്ഥിയായിരുന്നു. 27,920 വോട്ടുകള്‍ നേടിയിരുന്നു. 2004ല്‍ ഇടുക്കി ലോക്സഭാ മണ്ഡലത്തില്‍ നിന്ന് മത്സരിച്ചപ്പോള്‍ ജാനുവിന് 11,628 വോട്ടും ലഭിച്ചിരുന്നു. തിരുനെല്ലി പനവല്ലി മിച്ചഭൂമി കോളനിയിലാണ് ജാനു താമസിക്കുന്നത്.

English Summary : CK Janu returns to NDA

ഇസ്ലമാബാദ്: പാക്  പ്രധാനമന്ത്രി ഇമ്രാന്‍ ഖാന് വിശ്വാസവോട്ടെടുപ്പില്‍ വിജയം . 342 അംഗ പാര്‍ലമെന്റില്‍ ഇമ്രാന്‍ ഖാന്‍ 178 വോട്ടുകള്‍ നേടി. 172 വോട്ടുകളുണ്ടെങ്കില്‍ സഭയില്‍ ഭൂരിപക്ഷം ഉറപ്പാക്കാം .കഴിഞ്ഞ ദിവസം നടന്ന സെനറ്റ് തിരഞ്ഞെടുപ്പില്‍ ധനമന്ത്രി പരാജയപ്പെട്ടതിന് പിന്നാലെയാണ് ഇമ്രാന്‍ ഖാന്‍ വിശ്വാസവോട്ടെടുപ്പില്‍ വിജയം നേടിയത് .അതെ സമയം പ്രതിപക്ഷ പാര്‍ട്ടികള്‍ നാഷണല്‍ അസംബ്ലി വോട്ടെടുപ്പ് ബഹിഷ്‌കരിച്ചു. വോട്ടെടുപ്പ് ബഹിഷ്‌കരിക്കുമെന്ന് നേരത്തേതന്നെ പാകിസ്ഥാന്‍ ഡെമോക്രാറ്റിക് മൂവ്‌മെന്റ് (പി.ഡി.എം) വ്യക്തമാക്കിയിരുന്നു. 11 പാര്‍ട്ടികളുടെ സഖ്യമാണ് പാകിസ്ഥാന്‍ ഡെമോക്രാറ്റിക് മൂവ്‌മെന്റ്. സെനറ്റ് തിരഞ്ഞെടുപ്പില്‍ ധനമന്ത്രി അബ്ദുല്‍ ഹഫീസ് ഷെയ്ഖ് പരാജയപ്പെട്ടതോടെയാണ് 68കാരനായ മുന്‍ ക്രിക്കറ്റര്‍ക്ക് പാര്‍ലമെന്റിന്റെ കീഴ്‌സഭയില്‍ വിശ്വാസവോട്ട് തേടേണ്ടിവന്നത്. പരാജയത്തോടെ പ്രധാനമന്ത്രി രാജിവെക്കണമെന്നായിരുന്നു പ്രതിപക്ഷം ആവശ്യപ്പെട്ടത് .181 അംഗങ്ങളുടെ പിന്തുണയോടെയാണ് ഇമ്രാന്‍ ഖാന്‍ അധികാരത്തിലിരുന്നത് . ഫൈസല്‍ വൗഡയുടെ രാജിയോടെ ഭൂരിപക്ഷം 180 ആയി കുറഞ്ഞിരുന്നു. 160 അംഗങ്ങളാണ് പ്രതിപക്ഷത്തിനുള്ളത്. ഒരു സീറ്റ് ഒഴിഞ്ഞുകിടക്കുകയാണ്.വിശ്വാസവോട്ട് തേടുന്നതിന് മുമ്പ്് ഇമ്രാന്‍ ഖാനെതിരെ വോട്ട് ചെയ്യുന്ന വിമതരെ അയോഗ്യരാക്കുമെന്ന് ഭരണകക്ഷി പ്രഖ്യാപിച്ചിരുന്നു. തുടര്‍ന്നാണ്  തിരഞ്ഞെടുപ്പ് നടന്നത്.

English Summary : Vote of confidence; Pakistan PM wins victory

തിരുവനന്തപുരം: മാര്‍ച്ച് 2 ന് നടത്തേണ്ടിയിരുന്ന സാങ്കേതിക സര്‍വകലാശാല പരീക്ഷ മാര്‍ച്ച് 15ന് നടക്കും. ഏപ്രില്‍ ആറാം തീയതി നടക്കുന്ന കേരള നിയമസഭാ തെരഞ്ഞെടുപ്പ് കണക്കിലെടുത്ത് ഏപ്രില്‍ 5 മുതല്‍ ആരംഭിക്കാനിരുന്ന എല്ലാ യുജി പരീക്ഷകളും പുനര്‍ക്രമീകരിച്ചിട്ടുണ്ട്.

പല കോളേജുകളിലും കൃത്യസമയത്ത് സിലബസ് പൂര്‍ത്തിയാക്കാത്ത സാഹചര്യം നിലനില്‍ക്കുന്നതിനാല്‍ ഒന്നാം സെമസ്റ്റര്‍ ബിരുദ ബിരുദാനന്തര (എംബിഎ ഒഴികെ) പ്രോഗ്രാമുകളുടെ കാലാവധി നീട്ടിയിട്ടുണ്ട്. കൂടാതെ ലാറ്ററല്‍ എന്‍ട്രി വിദ്യാര്‍ത്ഥികളുടെ അഭ്യര്‍ത്ഥനകള്‍ പരിഗണിച്ച് മൂന്നാം സെമസ്റ്റര്‍ (റെഗുലര്‍) പരീക്ഷകളും ഒന്നാം സെമസ്റ്റര്‍ ബിരുദ ബിരുദാനന്തര പരീക്ഷകളും പുനര്‍ക്രമീകരിച്ചിട്ടുണ്ട്.
പുനര്‍ക്രമീകരിച്ച ടൈം ടേബിള്‍ സര്‍വകലാശാല വെബ്‌സൈറ്റില്‍ ലഭ്യമാണ്. ഒഫീഷ്യല്‍ ട്രാന്‍സ്‌ക്രിപ്റ്റിന് ഓണ്‍ലൈനായി അപേക്ഷിക്കാം ഒഫീഷ്യല്‍ ട്രാന്‍സ്‌ക്രിപ്റ്റിനായി വിദ്യാര്‍ത്ഥികള്‍ക്ക് ഇനി പോര്‍ട്ടലിലൂടെ അപേക്ഷിക്കാം. ഈ സേവനം മാര്‍ച്ച് 8 മുതല്‍ ലഭ്യമാകും. ട്രാന്‍സ്‌ക്രിപ്റ്റുകള്‍ അയയ്‌ക്കേണ്ട വിലാസം പോര്‍ട്ടലില്‍ അപ്‌ഡേറ്റ് ചെയ്യാവുന്നതാണ്.

വെസ് (കാനഡ) മുഖേന യോഗ്യത നിര്‍ണ്ണയം നടത്താന്‍ ആഗ്രഹിക്കുന്ന വിദ്യാര്‍ത്ഥികള്‍ക്കും പോര്‍ട്ടല്‍ വഴി ഒഫീഷ്യല്‍ ട്രാന്‍സ്‌ക്രിപ്റ്റിന് അപേക്ഷിക്കാവുന്നതാണ്. വെസുമായി ബന്ധപ്പെട്ട മറ്റ് ഡോക്യുമെന്റുകള്‍ക്കു ീെലഃമാ@സൗേ.ലറൗ.ശി എന്ന ഇമെയിലിലേക്ക് അപേക്ഷകള്‍ അയക്കാം.

English Summary : Technical University: Postponed examination on March 15

കൊല്‍ക്കത്ത: ബംഗാള്‍ നിയമസഭാ തിരഞ്ഞെടുപ്പില്‍ മുഖ്യമന്ത്രി മമതാ ബാനര്‍ജിക്കെതിരെ നന്ദിഗ്രാമില്‍ ബിജെപിയുടെ സവേന്ദു അധികാരി മത്സരിക്കും. നന്ദിഗ്രാമിലേത് ഉള്‍പ്പെടെ 57 സീറ്റിലേക്കുള്ള സ്ഥാനാര്‍ത്ഥികളെ ബി.ജെ.പി പ്രഖ്യാപിച്ചു. ബംഗാളിലെ ഇടതു ഭരണത്തെ തൂത്തെറിയാന്‍ ഇടയാക്കിയ നന്ദിഗ്രാമിലെ ഭൂസമരകാലത്ത് മമതാബാനര്‍ജിയുടെ വലംകൈയും വിശ്വസ്തനുമായിരുന്ന സുവേന്ദു അധികാരിയുടെ സിറ്റിംഗ് സീറ്റാണ് നന്ദിഗ്രാം. സി.പി.എം വിട്ടുവന്ന തപസ്വി മണ്ഡലാണ് ഹല്‍ദിയയില്‍ ബി.ജെ.പി സ്ഥാനാര്‍ത്ഥി.ദേവ്ര സീറ്റില്‍ രണ്ട് ഐ.പി.എസ് ഓഫീസര്‍മാരും ബി.ജെ.പിക്കായി കളത്തിലിറങ്ങും.

ഡിസംബറിലാണ് ഗതാഗത, പരിസ്ഥിതി മന്ത്രിയായിരുന്ന സുവേന്ദു സ്ഥാനം രാജിവച്ച് ബി.ജെ.പിയില്‍ ചേര്‍ന്നത്. പിന്നാലെ അധികാരിയെ പിന്തുണക്കുന്ന നിരവധി നേതാക്കളും ബിജെപിയിലെത്തി. വെള്ളിയാഴ്ചയാണ് മമതാ ബാനര്‍ജി നന്ദിഗ്രാമില്‍ മത്സരിക്കുമെന്ന് അറിയിച്ചത്. നേരത്തെ രണ്ട് സീറ്റില്‍ മത്സരിക്കുമെന്ന് അറിയിച്ച മമത, പിന്നീട് ബി.ജെ.പി വെല്ലുവിളി ഏറ്റെടുത്ത് നന്ദിഗ്രാമില്‍ മാത്രം ജനവിധി തേടാന്‍ തീരുമാനിക്കുകയായിരുന്നു. അതേസമയം നന്ദിഗ്രാമിലെ സി.പി.എം – കോണ്‍ഗ്രസ്- ഐ.എസ്,?എഫ് സ്ഥാനാര്‍ത്ഥിയെ ഇതുവരെ പ്രഖ്യാപിച്ചിട്ടില്ല. ഐ.എസ്.എഫ് നേതാവായ അബ്ബാസ് സിദ്ദിഖിയുടെ കുടുംബത്തിലെ ആരെങ്കിലും ഒരാളായിരിക്കും നന്ദിഗ്രാമില്‍ ജനവിധി തേടുകയെന്നും സൂചനയുണ്ട്.

മമതയുടെ സിറ്റിംഗ്‌സീ റ്റായ ഭവാനിപുരില്‍ ഊര്‍ജമന്ത്രി സൊവന്‍ദേബ് ചക്രബൊര്‍ത്തി മത്സരിക്കും. പൂര്‍ബ മിഡ്‌നാപുര്‍ ജില്ലയില്‍ അധികാരി കുടുംബത്തിന് വ്യക്തമായ സ്വാധീനമുണ്ട്. അതുകൊണ്ടുതന്നെ ബംഗാള്‍ തിരഞ്ഞെടുപ്പില്‍ ഏറ്റവും ശ്രദ്ധേയമായ പോരാട്ടമായിരിക്കും ഇവരടേത്. മമതയെ അമ്ബതിനായിരം വോട്ടിന് തോല്‍പ്പിക്കുമെന്നും ഇല്ലെങ്കില്‍ രാഷ്ട്രീയം വിടുമെന്നും സുവേന്ദു അധികാരി നേരത്തെ പറഞ്ഞിരുന്നു.

English Summary : Suvend Adhikari will contest against Mamata Banerjee in Nandigram