‘ഉപ്പും മുളകും’ എന്ന ജനപ്രിയ പരിപാടിയിലൂടെ അച്ഛനും മകളുമായി പ്രേക്ഷകർക്ക് മുന്നിൽ നിറഞ്ഞാടിയ ബിജു സോപാനവും ശിവാനി മേനോനും ആദ്യമായി ഒന്നിച്ചെത്തുന്ന ചിത്രമാണ് ‘റാണി’. എസ്.എം.ടി പ്രൊഡക്ഷൻസിൻ്റെ ബാനറിൽ നിസാമുദ്ദീൻ നാസർ സംവിധാനം ചെയ്യുന്ന സിനിമയുടെ ചിത്രീകരണം പൂർത്തിയായി. ഫാമിലി എന്റർടെയ്നർ സ്വഭാവത്തിലുള്ള ചിത്രത്തിൻ്റെ കഥ മണിസ് ദിവാകറിന്റേതാണ്. ചിത്രത്തിൽ മുൻനിര അഭിനേതാക്കളായി ജയൻ ചേർത്തല, കുളപ്പുള്ളി ലീല, മഖ്ബൂൽ സൽമാൻ, കണ്ണൻ പട്ടാമ്പി, അൻസാൽ പള്ളുരുത്തി, റിയാസ് പത്താൻ, ജെൻസൻ ആലപ്പാട്ട്, കവിത ബൈജു, ദാസേട്ടൻ കോഴിക്കോട്, ആരോമൽ ബി.എസ്, ശ്രീദേവ് പുത്തേടത്ത് എന്നിവരും അഭിനയിക്കുന്നു. 

മണിസ് ദിവാകർ, ബിനു ക്രിസ്റ്റഫർ, അബ്ദുൾ റഷീദ്, സയീദ് അലി, പ്രദീപ് പുത്തേടത്ത്, സജിഷ് ഫ്രാൻസി എന്നിവരാണ് സഹനിർമ്മാതാക്കൾ. അരവിന്ദ് ഉണ്ണി ഛായാഗ്രഹണം നിർവഹിക്കുന്ന ചിത്രത്തിൻ്റെ എഡിറ്റർ വി.ഉണ്ണികൃഷ്ണൻ ആണ്. പ്രൊഡക്ഷൻ കൺട്രോളർ: പ്രമോദ് ദേവനന്ദ, സംഗീതം: രാഹുൽരാജ് തോട്ടത്തിൽ, ബി.ജി.എം: ധനുഷ് ഹരികുമാർ, ചീഫ് അസോസിയേറ്റ് ഡയറക്ടർ: മുനീർ പൊന്നാൾ, അസോസിയേറ്റ് ഡയറക്ടർമാർ: സജിഷ് ഫ്രാൻസിസ്, ശ്രീദേവ് പുത്തേടത്ത്, അസിസ്റ്റന്റ് ഡയറക്ടർമാർ: ജോസ്വിൻ ജോൺസൻ, ആര്യൻ ഉണ്ണി, ഇബ്നു, ദിയകൃഷ്ണ, ഫിനാൻസ് മാനേജർ: നൗസൽ നൗസ, ആർട്ട്: ഷേണായി കട്ടപ്പന, മേക്കപ്പ്: ഹെന്ന & ദീപിക, കോസ്റ്റ്യൂം: ദിയകൃഷ്ണ, രണ്ടാം യൂണിറ്റ് ക്യാമറ: മുഹമ്മദ് ആർ.എഫ്.ഐ, ലൊക്കേഷൻ മാനേജർ: ജൈസൺ കട്ടപ്പന, സ്റ്റുഡിയോ: മാജിക് മാങ്കോ ഫിലിം സ്റ്റുഡിയോ, ഡി&എസ് മീഡിയ വർക്ക്സ്റ്റേഷൻ കൊച്ചി, വി.എഫ്.എക്സ്: ബെർലിൻ, സൗണ്ട് ഡിസൈൻ: ശ്രീജിത്ത് ശങ്കർ, കളറിസ്റ്റ്: അപ്പോയ്, പി.ആർ.ഒ: ഹരീഷ് എ.വി, മാർക്കറ്റിംങ് & പ്രമോഷൻസ്: ബി.സി ക്രിയേറ്റീവ്സ്, സ്റ്റിൽസ്: അംബരീഷ്. ആർ, ഡിസൈൻ: അതുൽ കോൾഡ്ട്രൂ എന്നിവരാണ് മറ്റ് അണിയറ പ്രവർത്തകർ. ചിത്രം ഉടൻ തീയേറ്ററിലേക്ക് എത്തുമെന്ന് അണിയറ പ്രവർത്തകർ അറിയിച്ചു.

മെഗാ സ്റ്റാർ മമ്മൂട്ടിയെ നായകനാക്കി  ലിജോ ജോസ് പെല്ലിശ്ശേരി സംവിധാനം ചെയ്ത ചിത്രം ‘നൻപകൽ നേരത്ത് മയക്കം’ തീയേറ്ററുകളിൽ ഗംഭീര പ്രദർശനം തുടരുന്നു. സിനിമ പ്രേക്ഷകരും നിരൂപകരും ഏറെ ആകാംഷയോടെ കാത്തിരുന്ന ചിത്രമാണ്. ഐ എഫ് എഫ് കെയിൽ ആദ്യമായി പ്രദർശിപ്പിച്ച നൻപകൽ നേരത്ത് മയക്കം പ്രേക്ഷകരുടെ പ്രിയങ്കരമായ ചിത്രമായി മാറുകയും പ്രേക്ഷക സ്വീകാര്യതക്കുള്ള അവാർഡ് നേടുകയും ചെയ്തിരുന്നു. ഇപ്പോഴിതാ ചിത്രത്തെ കുറിച്ച് പ്രശംസിക്കുകയാണ് സത്യൻ അന്തിക്കാട്.

സത്യൻ അന്തിക്കാടിന്റെ വാക്കുകളിൽ ‘നൻപകൽ നേരത്ത് മയക്കം’ കണ്ടു, ഉച്ചമയക്കത്തിലെ  സ്വപ്നം പോലൊരു സിനിമ. എത്ര മനോഹരമായാണ് ജെയിംസിന്റെയും സുന്ദരത്തിന്റെയും കഥ ലിജോ പറഞ്ഞത്. ചോളവയലുകളും ഗ്രാമവാസികൾ ഇടതിങ്ങിപ്പാർക്കുന്ന കൊച്ചു വീടുകളും, രാപകലില്ലാതെ അലയടിക്കുന്ന തമിഴ് പാട്ടുകളും ആ ഗ്രാമഭംഗി മുഴുവനും ലിജോ ഒപ്പിയെടുത്തിരിക്കുന്നു. മമ്മൂട്ടി എന്ന അതുല്യ നടന്റെ വിസ്മയിപ്പിക്കുന്ന പ്രകടനം വീണ്ടും കാണാൻ സാധിച്ചു. ജെയിംസിന്റെ നാടക വണ്ടി ഗ്രാമം വിട്ടു പോകുമ്പോൾ പിന്നാലെയോടുന്ന സുന്ദരത്തിന്റെ വളർത്തു നായയുടെ ചിത്രം ഇപ്പോഴും ഒരു നൊമ്പരമായി മനസ്സിൽ, ലിജോ ജോസ് പെല്ലിശ്ശേരിക്കും ടീമിനും മനസ്സു നിറഞ്ഞ സ്നേഹം – സത്യൻ അന്തിക്കാട് പറഞ്ഞു.

മമ്മൂട്ടി അവതരിപ്പിക്കുന്ന ജെയിംസ് എന്ന കഥാപാത്രം അഭിനയത്തിന്റെ വിസ്മയ മുഹൂർത്തങ്ങൾ സമ്മാനിക്കുന്ന ചിത്രമാണ്. പ്രേക്ഷകർക്കും തീയേറ്ററിൽ

ആസ്വദിക്കാൻ പറ്റുന്ന ചിത്രമാണ്. മമ്മൂട്ടി കമ്പനി നിർമ്മിച്ച ആദ്യ ചിത്രം നൻപകൽ നേരത്ത് മയക്കം തിയേറ്ററിലെത്തിക്കുന്നത് ദുൽഖർ സൽമാന്റെ വേഫെറെർ ഫിലിംസ്‌ ആണ്. ട്രൂത്ത് ഫിലിംസാണ് ഓവർസീസ് റിലീസ് നടത്തുന്നത്. അശോകൻ, രമ്യ പാണ്ഡ്യാൻ, സുരേഷ് ബാബു, കൈനകരി തങ്കരാജ്‌, ചേതൻ ജയലാൽ, രാജേഷ് ശർമ്മ തുടങ്ങിയവരാണ് മറ്റ് കഥാപാത്രങ്ങൾ.

മലയാളികളുടെ ഹാസ്യ നടി കല്പനയുടെ ഓർമകൾക്ക് ഏഴ് വയസ്സ്. വിട പറഞ്ഞിട്ടും കല്പനയുടെ ഇന്നും ഒഴിഞ്ഞു കിടക്കുന്നു. മലയാള സിനിമയിൽ അതുവരെയുണ്ടായിരുന്ന ഹാസ്യ കഥാപാത്രങ്ങളെ മാറ്റി

എഴുതിക്കൊണ്ടായിരുന്നു കല്പനയുടെ വരവ്. 1977 ൽ പുറത്തിറങ്ങിയ വിടരുന്ന മൊട്ടുകൾ എന്ന ചിത്രത്തിൽ കല്പന ബാലതാരമായി എത്തി. പിന്നീട് ശിവന്റെ യാഗം എന്ന ചിത്രത്തിൽ പ്രധാന വേഷം ചെയ്തു. തുടർന്ന് എം ടി വാസുദേവൻ നായരുടെ മഞ്ഞ്, അരവിന്ദന്റെ പൊക്കുവെയിൽ എന്നി ചിത്രങ്ങളിൽ അഭിനയിച്ചു. പോക്കു വെയിലെ നിഷ എന്ന കഥാപാത്രം കല്പനയുടെ കരിയറിലെ വഴിതിരിവായി മാറിയത്.

ഹാസ്യ വേഷങ്ങൾ മാത്രമല്ല നിരവധി സിനിമകളിൽ സ്വഭാവ നടിയായും കല്പന അഭിനയിച്ചു. “ചിന്നവീട് “എന്ന ചിത്രത്തിലൂടെ തമിഴകത്തും കല്പന തന്റെ സാന്നിധ്യമറിയിച്ചു. പിന്നീട് കമൽ ഹാസനൊപ്പം സതി ലീലാവതി, തിരുമഹി ഒരു ബഹുമതി, പമ്മൽ കെ സംബന്ധം എന്നി ചിത്രങ്ങളിലും കല്പന അഭിനയിച്ചു. ഡോക്ടർ പശുപതി എന്ന ചിത്രത്തിലെ യുഡിസി എന്ന കഥാപാത്രമാണ് കല്പനയിലെ ഹാസ്യ താരത്തെ അടയാളപെടുത്തിയത്. ഹാസ്യം മാത്രമല്ല ഏത് വേഷവും തന്റെ കയ്യിൽ ഭദ്രമാണെന്ന് കല്പന എത്രയോ തവണ തെളിയിച്ചു കളഞ്ഞു. 

ജഗതി ശ്രീകുമാർ, ഇന്നസെന്റ്, ഹരി ശ്രീ അശോകൻ എന്നിവരുടെ ജോഡിയായി കല്പന തിളങ്ങി. പിടക്കോഴി കൂവുന്ന നൂറ്റാണ്ട്, കാബൂളിവാല, കാവടിയാട്ടം, സിഐഡി ഉണ്ണികൃഷ്ണൻ ബി എ ബി എഡ്, ചന്താമാമ, ആലിബാബയും ആറര കള്ളന്മാരും തുടങ്ങി നിരവധി ചിത്രങ്ങളിൽ മലയാളികൾ മറക്കാത്ത ഹാസ്യ കഥാപാത്രങ്ങൾ കല്പന സമ്മാനിച്ചിട്ടുണ്ട്. മൂന്നുറിലേറെ സിനിമകളിൽ കല്പന അഭിനയിച്ചിട്ടുണ്ട്. തന്റെ ഓർമ്മ കളുടെ സമാഹാരമായി ഞാൻ കല്പന എന്ന പേരിൽ ഒരു പുസ്തകവും പുറത്തിറക്കിയിരുന്നു. മാർട്ടിൻ പ്രക്കാട്ട് ഒരുക്കിയ ‘ചാർലി’ യാണ് ഒടുവിൽ അഭിനയിച്ച ചിത്രം. സംവിധായകൻ അനിലാണ് ഭർത്താവ്. 16 വർഷത്തെ ദാമ്പത്യത്തിനു ശേഷം അവർ വിവാഹമോചിതരായി. ഏക മകൾ ശ്രീമയി പ്രിയദർശിനി. ‘തനിച്ചല്ല  ഞാൻ’ എന്ന സിനിമയിലെ പ്രകടനത്തിന് മികച്ച സഹനടിക്കുള്ള ദേശീയ പുരസ്‌കാരവും നേടിയിട്ടുണ്ട്.

ബോളിവുഡും കടന്നു ഹോളിവുഡിൽ എത്തി നിൽക്കുന്ന പ്രിയങ്കയുടെ ഓരോ വിശേഷങ്ങളും സിനിമ ആരാധകർ സ്വീകരിക്കാറുള്ളത്. ഇന്ത്യയിലും പുറത്തും നിരവധി ആരാധകരുള്ള താരം ഒരർത്ഥത്തിൽ ഗ്ലോബൽ ഐക്കൺ എന്ന പട്ടം ഇതിനോടകം തന്നെ നേടിക്കഴിഞ്ഞു. വിജയ് നായകനായി അഭിനയിച്ച തമിഴൻ എന്ന തമിഴ് ചിത്രത്തിലൂടെയാണ് പ്രിയങ്ക തന്റെ അഭിനയ ജീവിതത്തിലേക്ക് കാലെടുത്തു വെച്ചത്. പ്രിയങ്കയുടെ ആദ്യ ഹിന്ദി ചിത്രമാണ് അനിൽ ശർമ്മ സംവിധാനം ചെയ്ത ദി ഹീറോ : ലവ് സ്റ്റോറി ഓഫ് എ സ്പൈ 2003 ൽ. ഇതേ വർഷത്തിൽ തന്നെ പുറത്തിറങ്ങിയ അന്താശ് എന്ന ചിത്രമാണ് പ്രിയങ്ക ചോപ്രയുടെ ആദ്യ വിജയ ചിത്രം.

 അന്താശ് ചിത്രത്തിലൂടെ മികച്ച പുതുമുഖ നടിക്കുള്ള ഫിലിംഫെയർ അവാർഡ് പ്രിയങ്ക ചോപ്രക്കു ലഭിക്കുകയുണ്ടായി. എന്നാൽ നേട്ടങ്ങളുടെ കൊടുമുടിൽ നിൽക്കുമ്പോഴും തനിക്കും സിനിമ മേഖലയിൽ നിന്ന് മോശമായ ദുരനുഭവങ്ങൾ നേരിടേണ്ടി വന്നിട്ടുണ്ടെന്നു പ്രിയങ്ക വെളിപ്പെടുത്തുന്നു. നായകനും നായികയും തമ്മിലുള്ള ഇന്റിമേറ്റ് സീൻ ചിത്രികരിക്കുന്നതിനിടെയായിരുന്നു സംവിധായകൻ തന്നോട് പാന്റ് മാറ്റി അടിവസ്ത്രം ഒന്ന് കാണിക്കാൻ ആവശ്യപെട്ടത്. തന്റെ സ്റ്റൈലിഷിനോട് പോലും സംവിധായകൻ ഇതിനെ പറ്റി സംസാരിച്ചെന്നും പ്രിയങ്ക തുറന്നു പറഞ്ഞു. സംവിധായാകനോട് താൻ ഇക്കാര്യം സംസാരിച്ചപ്പോൾ എന്തു വന്നാലും അടിവസ്ത്രം കാണിച്ചേ തീരൂ എന്നാണ് പറഞ്ഞത്. ഇതോടെ താൻ ആ ചിത്രത്തിൽ നിന്ന് പിന്മാറി. അതെ സംവിധായകൻ തന്റെ മറ്റൊരു ചിത്രത്തിന്റെ ലൊക്കേഷനിൽ എത്തി മോശമായി പെരുമാറി എന്നും അയ്യാളുടെ സംസാരവും പെരുമാറ്റവും തന്നെ വല്ലാതെ ചൊടിപ്പിച്ചെന്നും പ്രിയങ്ക വ്യക്തമാക്കി. നടൻ സൽമാൻ ഖാൻ തന്നെ അന്ന് രക്ഷിച്ചതെന്നും പ്രിയങ്ക പറഞ്ഞു. ‘അൺഫിനിഷ് ‘ എന്ന തന്റെ പുസ്തകത്തിലൂടെയാണ് പ്രിയങ്ക സിനിമ മേഖലയിൽ നിലനിൽക്കുന്ന സ്ത്രീ വിരുദ്ധതകളെ കുറിച്ച് വെളിപ്പെടുത്തിയത്.

സിദ്ധാർഥ് ആനന്ദ് സംവിധാനം ചെയ്ത ബിഗ് ബഡ്ജറ്റ് ചിത്രം ‘പഠാൻ’ തീയേറ്ററുകളിൽ. സിനിമ പ്രേമികൾ ആകാംഷയോടെ കാത്തിരുന്ന ഷാരുഖ്  ഖാൻ ചിത്രം രാജ്യത്താകെ അയ്യായിരം സ്ക്രീനുകളിലാണ് പ്രദർശിപ്പിക്കുക. കേരളത്തിലും മികച്ച പ്രതികരണമാണ്  പ്രേക്ഷകരിൽ നിന്നും ലഭിക്കുന്നത്. പി വി ആർ സിനിമാസിൽ മാത്രം പത്തു ലക്ഷം ടിക്കറ്റുകൾ ബുക്ക്‌ ചെയ്തു കഴിഞ്ഞു. ഏകദേശം 50 കോടി രൂപയാണ്  ആദ്യദിനം ബോക്സ്‌ ഓഫീസിൽ നിന്നു പ്രീതീക്ഷിക്കുന്നത്. യാഷ്  രാജ്‌ ഫിലിംസാണ് ചിത്രത്തിന്റെ നിർമ്മാണം.

കേരളത്തിൽ ഹിന്ദി പതിപ്പാണ് പ്രദർശനത്തിനെത്തുന്നത്. കേരളത്തിൽ 130 തീയേറ്ററുകളിലാണ് ചിത്രം പ്രദർശനത്തിനെത്തുന്നത്. തമിഴിലും തെലുങ്കിലും ഇറങ്ങുന്ന പഠാന് ദക്ഷിണേന്ത്യയിലും നല്ല പ്രതികരണമാണ് ലഭിക്കുന്നത്. ചിത്രത്തിന്റെ ട്രൈയ്ലറിന് വലിയ സ്വീകാര്യതയാണ് ലഭിച്ചത്. ഷാരുഖ് ഖാന്റെയും ജോൺ എബ്രഹാമിന്റെയും സ്ക്രീൻ പ്രസൻസും അതിഗംഭീര ആക്ഷൻ രംഗങ്ങളുമായാണ് പഠാൻ എത്തുന്നത്.

ജോൺ എബ്രഹാമും ദീപിക പദുക്കോണുമാണ്  ചിത്രത്തിൽ ഷാരുഖിനൊപ്പം പ്രധാന വേഷങ്ങളിൽ എത്തുന്നത്. ഈ വർഷം ബോളിവുഡ് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് പഠാൻ. നിർമാതാക്കളായ യാഷ് രാജിന്റെ സ്പൈ  യൂണിവേഴ്സൽ ഒരുങ്ങുന്ന ആദ്യ സിനിമകൂടിയാണ് പഠാൻ. പഠാനിലെ ബെഷറം രംഗ്‌ എന്ന ഗാനം വലിയ വിവാദങ്ങൾക്ക്‌ തിരികൊളുത്തിയിരുന്നു. ഗാനത്തിലെ ഒരു രംഗത്തിൽ ദീപിക കാവി നിറത്തിലുള്ള ബിക്കിനി ധരിച്ചതാണ് ഒരു വിഭാഗം ആളുകളെ ചൊടിപ്പിച്ചത്. ചിത്രത്തിനെതിരെ ബോയ്കോട്ട് ക്യാമ്പയിനുകളും ആരംഭിച്ചിരുന്നു. ഹൃതിക് റോഷന്റെ സൂപ്പർഹിറ്റ് ചിത്രം ‘വാറി’നു  ശേഷം സിദ്ധാർഥ് സംവിധാനം ചെയ്യുന്ന ചിത്രം കൂടിയാണ് പഠാൻ. 

എൺപതുകളിൽ തെന്നിന്ത്യൻ സിനിമാ ലോകം അടക്കിവാണ താര റാണിയായിരുന്നു സിൽക്ക് സ്മിത. ശ്രദ്ധേയമായ രൂപവും ലൈംഗിക ആകർഷണവും വിടർന്ന കണ്ണുകളും,ചിരിയും മദാക   സൗന്ദര്യവും കാരണം സിൽക്ക് സ്മിത സൗത്ത് ഇന്ത്യൻ സിനിമയിലെ മാദക സൗന്ദര്യമായി വാഴ്ത്തപെട്ടു. 1989 ൽ മമ്മൂട്ടി നായകനായി തകർപ്പൻ വിജയം നേടിയ അഥർവ്വം എന്ന ചിത്രത്തിൽ സിൽക്ക് സ്മിത മുഴുനീള വേഷം ചെയ്തിരുന്നു. ഈ ചിത്രത്തിൽ മമ്മൂട്ടിയ്ക്ക്‌ മുന്നിൽ  പൂർണ്ണ നഗ്നയായി സ്മിത അഭിനയിച്ചിരുന്നു. ആ ചിത്രരംഗം ചിത്രികരിച്ചപ്പോഴുണ്ടായ സംഭവങ്ങൾ തുറന്നുപറഞ്ഞിരിക്കുകയാണ് ചിത്രത്തിന്റെ അസോസിയേറ്റ് ഡയറക്ടറായിരുന്ന വേണു ബി നായർ.

അങ്ങനെയുള്ള രംഗത്തെ കുറിച്ചു പറയാൻ സംവിധായകനായ ഡെന്നിസ് ജോസഫിനും വേണുവിനും ബുദ്ധിമുട്ടുണ്ടായിരുന്നു. സ്മിത കാര്യം തിരക്കിയപ്പോൾ പറയാൻ കഴിയാത്തതിനാൽ ഡെന്നിസ് ജോസഫ് avide നിന്നും എണീറ്റു പോകുകയായിരുന്നു. പിന്നീട് വേണുവാണ് ആ രംഗത്തെ കുറിച്ച് സ്മിതയോട് പറഞ്ഞത്. എന്നാൽ ഇത് നേരത്തെ പറയാമായിരുന്നില്ലേ എന്നും നേരത്തെ പറഞ്ഞിരുന്നെങ്കിൽ ആ രംഗത്തിനു അനുസരിച്ചുള്ള വസ്ത്രം ധരിച്ചു കൊണ്ട് ഷൂട്ടിംഗിന് വരാമായിരുന്നു എന്നുമാണ് സ്മിത പറഞ്ഞത്. 

ആ രംഗത്തിൽ പൂർണ നഗ്നയായി സ്മിത അഭിനയിച്ചു. എന്നാൽ അങ്ങനെ അഭിനയിക്കുന്നതിനു സ്മിത ഒരു വ്യവസ്ഥ മുന്നോട്ടു വെച്ചിരുന്നു. പൂർണ നഗ്നയായിട്ടുള്ള രംഗം ചിത്രികരിക്കുമ്പോൾ അവിടെ അധികമാരും ഉണ്ടാകരുത് എന്നായിരുന്നു സ്മിതയുടെ ഡിമാൻഡ്. ഇതുപ്രകാരം മമ്മൂട്ടിയുൾപെടെ അത്യാവശ്യമുള്ള കുറച്ചു പേർ മാത്രമാണ് ചിത്രികരണ സ്ഥലത്തു ഉണ്ടായിരുന്നത് എന്ന് വേണു പറഞ്ഞു

English Summary : silk Smitha’s naked scene in mammoottys adharvam

റോഷൻ ആൻഡ്രയുസ് സംവിധാനം ചെയ്ത സാറ്റർഡേ നൈറ്റ്‌ ഒടിടിയിലേക്ക്. ഡിസ്‌നി പ്ലസ് ഹോട്ട്സ്റ്റാറിൽ ജനുവരി 27 മുതൽ ചിത്രം സ്ട്രീം ചെയ്തു തുടങ്ങും. നിവിൻ പോളി, അജു വർഗീസ്, സൈജു കുറിപ്പ്, സിജു വിൽസൻ എന്നിവരാണ് കേന്ദ്രകഥാപാത്രങ്ങൾ. മാളവിക ശ്രീകാന്ത്, ഗ്രേസ് ആന്റണി, സാനിയ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. കിറുക്കനും കൂട്ടുകാരും എന്നാണ് ‘സാറ്റർഡേ നൈറ്റ്‌ ‘ ന്റെ ടാഗ് ലൈൻ.

സൗഹൃദത്തെ കുറിച്ച് സംസാരിക്കുന്ന, നാലു ചങ്ങാതിമാരുടെ കഥ പറയുന്ന ചിത്രമാണിത്. സ്റ്റാൻലി, പൂച്ച സുനിൽ, അജിത്ത് എബ്രഹാം, ജസ്റ്റിൻ എന്നിവരാണ് ഒന്നിച്ചു പഠിച്ച കൂട്ടുകാർ. കൂട്ടത്തിൽ ആത്മാർത്ഥ കൂടുതൽ സ്റ്റാൻലിയ്ക്കും സുനിലിനുമാണ്. അജിത്തും ജസ്റ്റിനും ആ സൗഹൃദത്തിന് വലിയ വിലയൊന്നും കൊടുക്കുന്നിലെന്നു തുടക്കത്തിൽ തന്നെ വ്യക്തമാക്കുന്നുണ്ട്. ഇരുവർക്കുമിടയിൽ പ്രത്യക്ഷത്തിൽ തന്നെ ചില അസ്വാരസ്യങ്ങൾ ഉണ്ടുതാനും. കൂട്ടത്തിലെ നേതാവ് സ്റ്റാൻലിയാണ്, എല്ലാരേയും ചേർത്തുനിർത്താൻ ഇഷ്ട്ടപെടുന്ന, ചങ്ങാതിമാർക്ക് ജീവിതത്തിൽ അമിതപ്രധാന്യം നൽകുന്ന ൾ, മൊത്തത്തിൽ ആദ്യകാഴ്ചയിൽ തന്നെ അൽപ്പം കിറുക്കുണ്ടോ എന്നുതോന്നിപ്പിക്കുന്ന ഒരാൾ.

പ്രൈവറ്റ് ജെറ്റ് പൈലറ്റായ സ്റ്റാൻലി അവധിക്കു എത്തുന്നതുതന്നെ കൂട്ടുകാർക്കൊപ്പം ‘WTF weekend with saturday night ‘ എന്ന ആശയവുമയാണ്. ചങ്ങാതിമാർക്കൊപ്പം എല്ലാം മറന്നു ‘ചിൽ’ ചെയ്യണം എന്നതിൽ കഴിഞ്ഞു സന്തോഷമുള്ള ഒന്നും സ്റ്റാൻലിയുടെ ജീവിതത്തിലില്ല. എന്നാൽ പലവിധ കാരണത്താൽ സ്റ്റാൻലിയുടെ സ്വപ്നങ്ങളൊന്നും നടക്കാതെ പോകുന്നു. ചില പിണക്കങ്ങളുടെ പേരിൽ ആ ചങ്ങാതികൂട്ടം പിരിയുന്നു. എന്നാൽ പിണങ്ങി അകന്നു പോയവർ വർഷങ്ങൾക്കു ശേഷം വീണ്ടും കണ്ടുമുട്ടുകയാണ്. എന്നാൽ ഇത്തവണ ഒരു ലോഡ് പ്രശ്നങ്ങളും ഇവർക്കൊപ്പമുണ്ട്. ട്രെയിലറും ടീസറുമൊന്നും വാഗ്ദാനം ചെയ്ത ആ ഫൺ മൂഡ്  സമ്മാനിക്കാൻ ചിത്രത്തിനു കഴിയാത്തത് തീയേറ്ററിൽ തിരിച്ചടിയാവുകയായിരുന്നു.

English Summary : Saturday night movie ott release

നടനും നർത്തകനുമായ വിനീത് വർഷങ്ങളായി മലയാളികളുടെ മനസ്സിൽ നിറഞ്ഞു നിൽക്കുന്ന താരമാണ്. ബാലതാരമായിട്ടാണ് വിനീത് സിനിമയിലേത്തിയത്. സ്കൂൾ കലോത്സവത്തിൽ കലാപ്രതിഭപട്ടം നേടിയ ശേഷമാണ് സിനിമയിലെക്കുള്ള അവസരങ്ങൾ ലഭിച്ചു തുടങ്ങിയത്. ‘ഇടനിലങ്ങൾ ‘ ആയിരുന്നു വിനീതിന്റെ ആദ്യ ചിത്രം. പിന്നീടാങ്ങോട്ട് ഐ വി ശശി, പത്മരാജൻ thudangiya മഹാന്മാർക്കൊപ്പം തുടക്കകാലത്തു തന്നെ സിനിമകൾ ചെയ്യാൻ വിനീതിനു കഴിഞ്ഞു.

മോഹൻലാൽ നായകനായ പത്മരാജന്റെ എക്കാലത്തെയും മികച്ച പ്രണയ കാവ്യമായ ചിത്രം “നമുക്ക് പാർക്കാൻ മുന്തിരിതോപ്പിൽ”  വിനീതിനും ഒരു മുഴുനീള കഥാപാത്രം ലഭിച്ചിരുന്നു. ഈ സിനിമയുടെ ചിത്രികരണ കാലത്തു നടന്ന രസകരമായ ഒരു സംഭവം കാൻ ചാനൽ മീഡിയയ്ക്ക് നൽകിയ അഭിമുഖത്തിൽ പങ്കു വെച്ചിരിക്കുകയാണ് വിനീത്. മോഹൻലാലിനൊപ്പമുള്ള മദ്യപാന രംഗത്തെ കുറിച്ചാണ് വിനീത് പറഞ്ഞിരിക്കുന്നത്.

ഒരു കുപ്പി ബിയർ മുഴുവനായി കുടിപ്പിക്കാനായിരുന്നു ലാലേട്ടൻ ശ്രമിച്ചത്. പക്ഷെ മദ്യം ഒഴിച്ചു തരികയായിരുന്നു പിന്നീട് ചെയ്തത്. മദ്യപാനത്തിൽ ലാലേട്ടനിൽ നിന്ന് ശിക്ഷത്യം സ്വീകരിച്ചെന്നും പറഞ്ഞു ഇന്നും എന്റെ സുഹൃത്തുക്കൾ കളിയാക്കാറുണ്ട്. മലയാളത്തിലെ ഏറ്റവും മികച്ച റൊമാന്റിക് ചിത്രമാണ് നമുക്ക് പാർക്കാൻ മുന്തിരിതോപ്പുകൾ എന്നും ലാലേട്ടന്റെ അഭിനയം എല്ലാം അസാധ്യമാണെന്നും വിനീത് കൂട്ടിച്ചേർത്തു. ആന്റണി എന്ന ആ  കഥാപാത്രം ചെയ്യുമ്പോൾ താൻ പത്താം ക്ലാസ്സ്‌ കഴിഞ്ഞതേ ഉണ്ടായിരുന്നുള്ളു.

നൃത്തത്തിലും അഭിനയത്തിലും ഒരു പോലെ തിളങ്ങുന്ന മലയാളികളുടെ നായികയാണ്  ശോഭന. ഗ്രേസ് എന്ന തിന്റെ പര്യായമാണ് ശോഭന. ഇപ്പോൾ അഭിനയത്തിൽ അത്ര സജിവമലെങ്കിലും ഇന്നും മലയാളി പ്രേക്ഷകർ നെഞ്ചോട് ചേർക്കുന്ന ഒരു നായിക കൂടിയാണ്. അഭിനയത്തേക്കാൾ ഉപരിനൃത്തത്തിനു വേണ്ടിയാണു ശോഭന ഇപ്പോൾ തന്റെ സമയം മാറ്റിവെക്കുന്നത്. ശോഭന ഓരോ ചിത്രങ്ങളും വീഡിയോകളും തന്റെ ആരാധകർക്ക് വേണ്ടി സോഷ്യൽ മീഡിയയിൽ പങ്കുവെക്കാറുണ്ട്.

നർത്തകനും നടനുമായ വിനീതിനൊപ്പമുള്ള ചിത്രമാണ് ഇപ്പോൾ സോഷ്യൽ മീഡിയയിൽ വൈറലാക്കുന്നത്. “ഞാനും എന്റെ സഹോദരനും, പത്മാസുബ്രഹ്മണ്യത്തി ന്റെ ആശംസ പരിപാടിയിൽ നിന്ന് ” എന്നാണ് ശോഭന കുറിച്ചിരിക്കുന്നത്. ശോഭനയുടെ ബന്ധുകൂടിയാണ് വിനീത്. രണ്ടു പേരും നൃത്തവേഷമണിഞ്ഞാണ് ചിത്രത്തിൽ പ്രതീക്ഷപെട്ടിരിക്കുന്നത്. ചെന്നൈയിൽ ‘കലാതർപ്പണ’ എന്ന നൃത്ത വിദ്യാലയം നടത്തുകയാണ് ശോഭന.  രാജ്യത്തിനകത്തും പുറത്തും ധാരാളം നൃത്തപരിപാടികളിലും സജീവമായി പങ്കെടുക്കുന്നുണ്ട്. അനന്തനാരായണിയാണ് മകൾ. വാങ്ക് എന്ന കാവ്യാ പ്രകാശ് ചിത്രത്തിലാണ് വിനീത് അവസാനമായി അഭിനയിച്ചത്‌. ഡബ്ബിങ് മേഖലയിലും സജിവാണ് വിനീത്. 

മലയാള സിനിമപ്രേക്ഷകരുടെ പ്രിയ നടൻ ജോജു ജോർജ് വീണ്ടും വ്യത്യസ്ത കഥാപാത്രത്തിൽ എത്തുന്നു. നായാട്ടിനു ശേഷം മാർട്ടിൻ – പ്രക്കാട്ട് ജോജു  ജോർജ്, സിജോ വടക്കൻ എന്നിവർ നിർമ്മിക്കുന്ന ആക്ഷനും സസ്‌പെൻസും നിറഞ്ഞ ചിത്രമാണ്  “ഇരട്ട “. ചിത്രത്തിന്റെ ട്രൈയ്ലർ പുറത്തിറങ്ങിയിരിക്കുന്നു. കരിയറിലെ തന്നെ ആദ്യ ഇരട്ട വേഷത്തിലാണ് താരം

അഭിനയിക്കുന്നത്. ഇരട്ട സഹോദരങ്ങളായ രണ്ടു പോലീസ് ഉദ്യോഗസ്ഥരുടെ ജീവിതം പറയുന്ന ചിത്രം, തികച്ചും വ്യത്യസ്തരായ ഈ രണ്ടു മനുഷ്യർക്കിടയിൽ ഉള്ള പകയുടെ കൂടെ കഥയാണ് എന്നുള്ളത് ട്രൈയ്ലർ നൽകുന്ന സൂചനകൾ. ഇവർക്കിടയിൽ ഉണ്ടാകുന്ന ചില സംഭവവികസങ്ങളാണ് ചിത്രത്തെ കൂടുതൽ ആകാംഷനിറഞ്ഞതാക്കുന്നു.

ജോജുവിനോപ്പം അഞ്ജലി അവതരിപ്പിക്കുന്ന നായിക കഥാപാത്രവും പ്രതീക്ഷ നൽകുന്നതാണ്. സംവിധാനം, തിരക്കഥ, ഇരട്ടയുടെ കഥ എന്നിവ നിർവഹിക്കുന്നത് നവഗതനായ  രോഹിത് എം ജി കൃഷ്ണനാണ്. അപ്പു പാത്തു പ്രൊഡക്ഷൻഹൗസിനും മാർട്ടിൻ പ്രക്കാട്ട് ഫിലിംസിനും ഒപ്പം പ്രൊഡ്യൂസർ സിജോ വടക്കനും കൈകോർക്കുന്ന സിനിമയുടെ ഫസ്റ്റ് ലുക്ക്‌ പോസ്റ്റർ ഇതിനോടകം ചർച്ചചെയ്യപ്പെട്ടിരുന്നു. അഞ്ജലി, ശ്രീകാന്ത് മുരളി, സാബുമോൻ, അഭിരാം, സ്രിന്ധ, ആര്യ സലിം എന്നിവരാണ് മറ്റു കഥാപാത്രങ്ങൾ.