വിജയ് സേതുപതി , നിത്യാ മേനോൻ – എന്നിവർ ജോഡികളായ ‘ തലൈവൻ തലൈവി ‘ ലോകമെമ്പാടും കത്തിക്കയറി ബോക്സ് ഓഫീസിൽ തൂത്തു വാരുമ്പോൾ ഈ സിനിമ ‘ സാർ മാഡം ‘ എന്ന പേരിൽ തെലുങ്ക് മാട്ടലാടി (സംസാരിച്ച് ) ആഗസ്റ്റ് 1 മുതൽ ആന്ധ്രയിലും , തെലുങ്കാനയിലും റിലീസാവുകയാണ്. ആഗോള വിജയം നേടിയ ‘ തലൈവൻ തലൈവി ‘ യെ , നായകൻ വിജയ് സേതുപതി, സംവിധായകൻ പാണ്ഡിരാജ് എന്നിവരുടെ ശക്തമായ തിരിച്ചു വരവിൻ്റെയും ഉയിർത്തെഴുന്നേൽപ്പിൻ്റെയും സിനിമയായി വിശേഷിപ്പിക്കാം. വിജയ് സേതുപതിയുടെ കരിയറിലെ ഏറ്റവും വലിയ ഓപ്പനിങ്ങും കളക്ഷനുമാണ് ചിത്രം നേടിയിരിക്കുന്നത്.

‘ മഹാരാജ ‘ക്ക് മുമ്പും ശേഷവും പറയത്തക്ക ബോക്സ് ഓഫീസ് വിജയമൊന്നും തമിഴിൽ താരത്തിൻ്റെ ക്രെഡിറ്റിൽ ഇല്ല. ഒടുവിലായി എത്തിയ ‘ ഏസ് ‘ ബോക്സ് ഓഫീസിൽ ഒരു ചലനവും സൃഷ്ടിക്കാതെ കടന്നു പോയി. എന്നാൽ ‘ തലൈവൻ തലൈവി ‘ യുടെ മഹാവിജയം വിജയ് സേതുപതിക്ക് ഉൻമേഷകരമായ ഉയിർത്തെഴുന്നേൽപ്പാണ് നൽകിയിരിക്കുന്നത്. റിലീസിൻ്റെ ആദ്യത്തെ ഒരാഴ്ച്ച പൂർത്തിയാക്കുമ്പോൾ ചിത്രത്തിൻ്റെ തമിഴ് പതിപ്പിൻ്റെ കളക്ഷൻ മാത്രം ആഗോള തലത്തിൽ അമ്പതു കോടി താണ്ടുമെന്നന്നാണ് കണക്കുകൾ സൂചിപ്പിക്കുന്നത്. സംവിധായകൻ പാണ്ഡിരാജിനും ഇത് ശക്തമായ തിരിച്ചു വരവിൻ്റെ ചിത്രം. സൂര്യ നായകനായ ‘ എതർക്കും തുനിന്തവൻ ‘ (ET) ആയിരുന്നു പാണ്ഡിരാജിൻ്റെ ഒടുവിലത്തെ ചിത്രം. ആരാധകരുടെ പ്രതീക്ഷകൾ തകർത്ത് ബോക്സ് ഓഫീസിൽ കീഴടങ്ങിയ ‘ എതർക്കും തുനിന്തവൻ ‘ റിലീസ് ചെയ്ത് മൂന്നു വർഷത്തെ ഇടവേളക്ക് ശേഷം ‘ തലൈവൻ തലൈവി ‘ യിലൂടെ പാണ്ഡിരാജും തൻ്റെ ഗ്രാഫ് ഉയർത്തി ശക്തമായ തിരിച്ചു വരവ് നടത്തിയിരിക്കയാണ്.
തമിഴിലെ മുൻ നിര നിർമ്മാതാക്കളായ സത്യ ജ്യോതി ഫിലിംസിനും തങ്ങളുടെ കിരീടത്തിൽ പൊൻ തൂവൽ അണിയിച്ചിരിക്കയാണ്
‘തലൈവൻ തലൈവി’. സ്ഥിരം നിർമ്മാതാക്കളായ ഇവരുടെ ക്രെഡിറ്റിൽ അജിത്തിൻ്റെ ‘ ബോക്സ് ഓഫീസ് സ്ട്രോം ‘ ആയ ‘ വിശ്വാസം ‘ എന്ന സിനിമക്ക് ശേഷം വലിയ വിജയങ്ങൾ ഒന്നും ഇല്ല. അതിനു ശേഷം നിർമ്മിച്ച പട്ടാസ്, അൻപറിവ്, മാരൻ, വീരൻ, ക്യാപ്ടൻ മില്ലർ എന്നീ സിനിമകൾ പ്രതീക്ഷക്കൊത്ത് ഉയർന്നില്ല. സത്യ ജ്യോതി ഫിലിംസിനും ഊർജ്ജം പകർന്നിരിക്കയാണ് ‘ തലൈവൻ തലൈവി ‘. ശിവ കാർത്തികേയൻ, വിഷ്ണു വിശാൽ ഉൾപ്പെടെയുള്ള മുൻ നിര നായകന്മാർ അഭിനയിക്കുന്ന നാലു സിനിമകളാണ് നിർമ്മാണത്തിലുള്ളത്. ഏതായാലും കുടുംബ സദസ്സുകൾ ഏറ്റെടുത്ത ‘ തലൈവൻ തലൈവി ‘ യുടെ മഹാവിജയം, ചിത്രത്തിൻ്റെ അണിയറക്കാർക്ക് മാത്രമല്ല തമിഴ് ഇൻഡസ്ട്രിക്കും കൂടുതൽ കരുത്ത് പകർന്നിരിക്കയാണ്.

ചിത്രത്തിലെ മറ്റ് പ്രധാന അഭിനേതാക്കൾ ആർ. കെ .സുരേഷ് , യോഗി ബാബു,’ പരുത്തി വീരൻ ‘ ശരവണൻ , കാളി വെങ്കട്ട്, ചെമ്പൻ വിനോദ് ജോസ്, സെൻട്രായൻ , അരുൾ ദാസ്, വിനോദ് സാഗർ, മയാ നന്ദിനി, രോഷിണി ഹരി പ്രിയ, ദീപാ ശങ്കർ , ജാനകി സുരേഷ് എന്നിവരാണ്. സന്തോഷ് നാരായണനാണ് സംഗീത സംവിധാനം. നവാഗതരായ എച്ച് എം അസോസിയേറ്റ്സാണ് ‘ തലൈവൻ തലൈവി ‘ യുടെ കേരളത്തിലെ വിതരണക്കാർ. രജനിയുടെ ‘ കൂലി ‘ യാണ് ഇവരുടെ അടുത്ത റിലീസ് .

സി. കെ. അജയ് കുമാർ,

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ ” ലോക – ചാപ്റ്റർ വൺ:ചന്ദ്ര” യുടെ ടീസർ രണ്ട് മില്യൺ കാഴ്ചക്കരിലേക്ക്. ഇന്ത്യൻ സിനിമകളുടെ ടീസറുകളിൽ യൂട്യൂബ് ട്രെൻഡിങ്ങ് ലിസ്റ്റിൽ ഒന്നാം സ്ഥാനവും ലോക സ്വന്തമാക്കി. കല്യാണി പ്രിയദർശൻ, നസ്‌ലൻ എന്നിവർ പ്രധാന വേഷങ്ങളിലെത്തുന്ന ഈ സൂപ്പർ ഹീറോ ചിത്രം രചിച്ചു സംവിധാനം ചെയ്തിരിക്കുന്നത് ഡൊമിനിക് അരുൺ ആണ്. മെഗാ ബഡ്ജറ്റിലാണ് ചിത്രം ഒരുക്കിയിരിക്കുന്നത്. “ലോക” എന്ന് പേരുള്ള ഒരു സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് “ചന്ദ്ര”. ഒരു സൂപ്പർഹീറോ കഥാപാത്രം ആയാണ് കല്യാണി പ്രിയദർശൻ ഈ ചിത്രത്തിൽ വേഷമിട്ടിരിക്കുന്നത്. ഓണം റിലീസായി ചിത്രം തീയേറ്ററുകളിലെത്തും.

ടീസർ റിലീസിന് പിന്നാലെ വലിയ ഹൈപ്പാണ് ചിത്രത്തിന് മേൽ ഉണ്ടായിരിക്കുന്നത്. ലോകമെമ്പാടും ട്രെൻഡിങ്ങ് ലിസ്റ്റിൽ ഇടം പിടിച്ച ലോക ചാപ്റ്റർ 1 : ചന്ദ്രയുടെ ട്രെയിലർ ഇന്ത്യയിൽ തന്നെ സിനിമകളുടെ ട്രെയിലർ ട്രെൻഡിങ്ങ് ലിസ്റ്റിലാണ് ഒന്നാം സ്ഥാനം നേടിയത്. ബഹ്‌റൈനിൽ ഒന്നാം സ്ഥാനത്താണ് ടീസർ. ലിസ്റ്റിൽ മൂന്നാം സ്ഥാനത്തും ഓസ്‌ട്രേലിയയിൽ 25ാം സ്ഥാനത്തും ടീസർ ഇടം പിടിച്ചു. ട്രെയിലർ കണ്ട് തീയറ്ററിൽ ചിത്രത്തിനായി ഒരുപാട് പ്രതീക്ഷയോടെ കാത്തിരിക്കുകയാണ് സിനിമ പ്രേമികൾ.

ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തെ പുറത്തു വന്നിരുന്നു. മലയാളി പ്രേക്ഷകർ ഇതുവരെ കാണാത്ത കാണാത്ത കഥാ പശ്ചാത്തലത്തിലാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇപ്പോൾ വന്നിരിക്കുന്ന ടീസറും ആദ്യം എത്തിയ ഫസ്റ്റ് ലുക്ക് പോസ്റ്ററും തരുന്നത്. ചന്ദു സലിം കുമാർ, അരുൺ കുര്യൻ, ശാന്തി ബാലചന്ദ്രൻ എന്നിവരും നിർണ്ണായക വേഷങ്ങൾ ചെയ്യുന്ന ചിത്രം വമ്പൻ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്. ഒന്നിലധികം ഭാഗങ്ങളിൽ ഒരുങ്ങുന്ന ഒരു സിനിമാറ്റിക്ക് യൂണിവേഴ്‌സിൻ്റെ ആദ്യ ഭാഗമാണ് “ലോക – ചാപ്റ്റർ വൺ: ചന്ദ്ര”.

ഛായാഗ്രഹണം -നിമിഷ് രവി, സംഗീതം – ജേക്‌സ് ബിജോയ്, എഡിറ്റർ – ചമൻ ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വർഗീസ്, ബിബിൻ പെരുമ്പള്ളി, അഡീഷണൽ തിരക്കഥ-ശാന്തി ബാലചന്ദ്രൻ, പ്രൊഡക്ഷൻ ഡിസൈനർ-ബംഗ്ലാൻ , കലാസംവിധായകൻ-ജിത്തു സെബാസ്റ്റ്യൻ, മേക്കപ്പ് – റൊണക്സ് സേവ്യർ, കോസ്റ്റ്യൂം ഡിസൈനർ-മെൽവി ജെ, അർച്ചന റാവു, സ്റ്റിൽസ്- രോഹിത് കെ സുരേഷ്, അമൽ കെ സദർ, ആക്ഷൻ കൊറിയോഗ്രാഫർ- യാനിക്ക് ബെൻ, പ്രൊഡക്ഷൻ കൺട്രോളർ – റിനി ദിവാകർ, വിനോഷ് കൈമൾ, ചീഫ് അസോസിയേറ്റ്-സുജിത്ത് സുരേഷ്, പിആർഒ- ശബരി.

കൊച്ചി: താര സംഘടന അമ്മയുടെ തിരഞ്ഞെടുപ്പുമായി ബന്ധപ്പെട്ട് അപ്രതീക്ഷിത നീക്കവുമായി ജഗദീഷെന്ന് സൂചന. അധ്യക്ഷ പദവിയിലേക്ക് നാമനിർദേശ പത്രിക സമർപ്പിച്ചിരിക്കുന്ന ജഗദീഷ് മുന്നണിയിൽ വെടിപൊട്ടിച്ചതോടെ ഇത് തിരഞ്ഞെടുപ്പിനേയും ബാധിക്കും. സ്ത്രീകളിൽ ഒരാൾ അദ്ധ്യക്ഷ സ്ഥാനത്ത് എത്തുന്ന കാര്യം പണിഗണിക്കുകയാണെങ്കിൽ പത്രിക പിൻവലിക്കുമെന്നാണ് ജദ​ഗിഷ് അറിയിച്ചിരിക്കുന്നത്. ഇതോടെ അമ്മയുടെ തലപ്പത്തേക്ക് ആദ്യമായി ഒരു വനിതാ അധ്യക്ഷ വരുമെന്നാണ് സൂചന. മോഹൻലാലും, ഇന്നസെന്റും അടക്കം ഇതുവരെ പുരുഷനിര നിരന്ന അമ്മയിലേക്ക് ആദ്യമായി വനിതാ അം​ഗം അധ്യക്ഷയായി എത്തുകയാണെങ്കിൽ അത് ആരാണെന്ന ചോദ്യവും ഉയരുകയാണ്. വനിതാ പ്രതിനിധി വരട്ടെയെന്ന കാര്യം ജ​ഗദീഷ് മോഹൻലാൽ, മമ്മൂട്ടി, സുരേഷ്‌ഗോപി എന്നിവരെ അറിയിച്ചിട്ടുണ്ടെന്നും പുറത്തുവരുന്ന വിവരത്തിൽ പറയുന്നു. പ്രസിഡന്റ് സ്ഥാനത്തേക്ക് ജഗദീഷിനൊപ്പം ശ്വേതാമേനോനും പത്രിക സമർപ്പിച്ചിട്ടുണ്ട്.

സെക്രട്ടറി സ്ഥാനത്തേക്ക് കുക്കു പരമേശ്വരനും മത്സരിക്കുന്നുണ്ട്. നിലവിൽ അമ്മയിൽ ഒരുവിഭാ​ഗം തമ്മിലുള്ള അടി രൂക്ഷമാകുകയാണ്. അൻസിബ അടക്കമുള്ള താരങ്ങൾ കഴിഞ്ഞ ദിവസങ്ങളിൽ ചില പുരുഷ അം​ഗങ്ങൾക്കെതിരെ പ്രതികരിച്ചെന്നാണ് സൂചന. സിദ്ദിഖിനെതിരെ ഉയർന്ന മിടു ആരോപണത്തിന് പിന്നാലെ മോഹൻലാൽ അതൃപ്തി പ്രകടമാക്കി സംഘടനയുടെ പ്രസിഡന്റ് സ്ഥാനം ഒഴിഞ്ഞത്. മുൻപ് ദിലീപ് വിഷയത്തിൽ അമ്മയിൽ നിന്ന് സ്വയം പിൻമാറിയ ദിലീപ് പിന്നീട് സംഘടനയിലേക്ക് തിരികെയെത്തിയതുമില്ല. സ്ത്രീ പീഡന ആരോപണങ്ങളും, സ്ത്രീകൾക്കെതിരായ അതിക്രമങ്ങളും ലൊക്കേഷനിൽ പല ആവർത്തി തുടർന്നിട്ടും അമ്മ ചെറുവിരൽ അനക്കിയില്ലെന്നായിരുന്നു വനിതാ പ്രവർത്തകരുടെ സംഘടനയായ ഡബ്ള്യു. സി.സി അടക്കം ആരോപണം ഉന്നയിച്ച് രം​ഗത്തെത്തിയത്.

നിലവിൽ അമ്മയുടെ അം​ഗങ്ങൾ രണ്ട് തട്ടിലെന്ന സൂചനയാണ് പുറത്തുവരുന്നത്. അമ്മ അധ്യക്ഷസ്ഥാനത്തേക്ക് ഒരു വനിത എത്തുന്നതിനെ പിന്തുണച്ച് നടനും മന്ത്രിയുമായ കെ.ബി. ഗണേഷ്‌കുമാർ രംഗത്ത് വന്നിരുന്നു. പുതിയ സാഹചര്യത്തിൽ സ്ത്രീകൾ നയിക്കുന്നത് ഉചിതമെന്ന് ​ഗണേഷ് കുമാറിന്റെ പ്രതികരണമെത്തിയത്. സ്ത്രീവിരുദ്ധ സംഘടനയാണ് അമ്മ എന്ന തരത്തിലുള്ള ചർച്ചകളുണ്ടെങ്കിൽ അത് മാറണമെന്നും ഗണേഷ് കുമാർ മാധ്യമങ്ങളോട് പ്രതികരിച്ചിരുന്നു. 31 വരെയാണ് നാമനിർദേശ പത്രിക പിൻവലിക്കാനുള്ള സമയം. അതിനുള്ളിൽ കൂടുതൽ നോമിനേഷനുകൾ എത്തുമെന്നാണ് പ്രതീക്ഷ, മത്സര ചിത്രത്തിൽ അൻസിബ, അടക്കമുള്ളവർ മത്സര ചിത്രത്തിലുണ്ടാകുമെന്നാണ് സൂചനകൾ, നേതൃത്വം വനിതകൾ ഏറ്റെടുക്കണമെന്നും പ്രധാന പദവികളിൽ സ്ത്രീകൾ വരണം. ഇനിയൊരു മാറ്റം വരട്ടെ എന്നാണ് മോഹൻലാൽ ഒഴിയു മ്പോൾ പറഞ്ഞത്. ‘അമ്മ’ എന്ന പേര് അന്വർത്ഥമാക്കണമെന്നും ഗണേഷ് കുമാർ ആവശ്യപ്പെട്ടു. ജഗദീഷിനും ശ്വേതാ മേനോനും പുറമേ ദേവൻ, രവീന്ദ്രൻ, ജയൻ ചേർത്തല, അനൂപ് ചന്ദ്രൻ എന്നിവരും പ്രസിഡന്റ് സ്ഥാനത്തേക്ക് നാമ നിർദേശ പത്രിക സമർപ്പിച്ചിട്ടുണ്ട്.നടൻ ജോയ് മാത്യുവിന്റെ പേരും പ്രസിഡന്റ് സ്ഥാനത്തേക്ക് ഉയർന്ന് കേട്ടിരുന്നു. എന്നാൽ ജോയ് മാത്യുവിന്റെ പത്രിക തള്ളുകയും ചെയ്തിട്ടുണ്ട്. മോഹൻലാൽ ഈ ഭാരം ഇറക്കിവക്കുകയാണ് നല്ലതെന്നാണ് ഒരു വിഭാ​ഗം ഉന്നയിക്കുന്നത്. അങ്ങനെയെങ്കിൽ എല്ലാ അം​ഗങ്ങളേയും ഒരേ നിലയ്ക്ക് കൊണ്ടുപോകുന്ന പകരക്കാരൻ ആര് എന്നതും ചോദ്യമാണ്.

AMMA election