ആ കൂട്ടുകെട്ടിന് വിട, റെനോയും നിസാനും വേർപിരിയുന്നതായി റിപ്പോർട്ടുകൾ

ന്യൂഡൽഹി: ജനപ്രിയ വാ​ഹനനിർമ്മാതാക്കളായ റെനോ നിസ്സാൻ ഓട്ടോമോട്ടീവ് ഇന്ത്യ പ്രൈവറ്റ് ലിമിറ്റഡ് (RNAIPL) ൽ നിന്നും നിസ്സാൻ വേർപിരിയുന്നു. സംയുക്ത സംരംഭത്തിൽ നിന്നും ജാപ്പനീസ് കമ്പനിയായ നിസ്സാന്റെ ശേഷിക്കുന്ന 51 ശതമാനം ഓഹരികൾ വാങ്ങാൻ ഫ്രഞ്ച് ഓട്ടോമൊബൈൽ കമ്പനിയായ റെനോ ഗ്രൂപ്പിന് കോംപറ്റീഷൻ കമ്മീഷൻ ഓഫ് ഇന്ത്യയിൽ നിന്ന് (CCI) അനുമതി ലഭിച്ചു. അങ്ങനെ റെനോ ഈ ഇന്ത്യൻ കമ്പനിയുടെ 100 ശതമാനം ഓഹരി ഉടമയായി മാറും. ഈ വർഷം മാർച്ചിലാണ്, ആർ‌എൻ‌എ‌ഐ‌പി‌എല്ലിലെ നിസ്സാന്റെ 51 ശതമാനം ഓഹരികൾ വാങ്ങുമെന്ന് റെനോ ഗ്രൂപ്പ് പ്രഖ്യാപിച്ചത്.

നിസ്സാൻ മോട്ടോർ കമ്പനി ലിമിറ്റഡിന്റെ കൈവശമുള്ള ഇക്വിറ്റി ഓഹരികൾ പൂർണ്ണമായും പണമടച്ചുള്ള സീറോ-കൂപ്പൺ, നോൺ-കൺവേർട്ടബിൾ, റിഡീം ചെയ്യാവുന്ന പ്രിഫറൻസ് ഓഹരികൾ എന്നിവയാണ് റെനോ ഏറ്റെടുക്കുന്നതെന്ന് സിസിഐ ഔദ്യോഗിക പ്രസ്താവനയിൽ പറഞ്ഞു.

nissan and renault set out