By admin 
കൊച്ചി: റാപ്പർ വേടനെതിരെ ബലാത്സംഗ കേസ് രജിസ്റ്റർ ചെയ്തു. ഒരു യുവ ഡോക്ടറുടെ പരാതിയിന്മേൽ കൊച്ചി തൃക്കാക്കര പൊലീസാണ് കേസെടുത്തത്. വിവാഹവാഗ്ദാനം നൽകി 2021 ഓഗസ്റ്റ് മുതൽ 2023 മാർച്ച് വരെ ഒന്നിലധികം തവണ പീഡിപ്പിച്ചുവെന്നാണ് പരാതി. ഐപിസി 376(2)(n) വകുപ്പ് പ്രകാരമാണ് കേസ്.
സമൂഹമാധ്യമത്തിലൂടെ പരിചയപ്പെട്ട ഇരുവരും ആദ്യം കോഴിക്കോടുള്ള ഫ്ലാറ്റിൽ വച്ചാണ് പീഡനം നടന്നതെന്ന് പരാതിക്കാരി ആരോപിക്കുന്നു. പിന്നീട് വിവിധ സ്ഥലങ്ങളിൽ വച്ചും പീഡനം തുടർന്നു. വേടൻ ബന്ധത്തിൽനിന്ന് പിന്മാറുകയും വിവാഹവാഗ്ദാനം ലംഘിക്കുകയും ചെയ്തതോടെയാണ് യുവതി പരാതി നൽകിയത്. വേടന്റെ പിന്മാറ്റം തന്നെ വിഷാദത്തിലേക്ക് നയിച്ചുവെന്നും സമൂഹത്തിന്റെ പ്രതികരണം ഭയന്നാണ് ഇതുവരെ പരാതി നൽകാതിരുന്നതെന്നും യുവതി പൊലീസിനോട് വെളിപ്പെടുത്തി.
പൊലീസ് യുവതിയുടെ മൊഴി പരിശോധിച്ചുവരികയാണ്. തുടർനടപടികൾ മൊഴി പരിശോധനയ്ക്ക് ശേഷം ഉണ്ടാകുമെന്ന് പൊലീസ് അറിയിച്ചു.