ചില പൊടികൈകൾ

 വെയിലേറ്റ പാടുകൾ അകറ്റാൻ രണ്ടു ടീസ്പൂൺ പുളിച്ച തൈരും നാല് ടീസ്പൂൺ തണ്ണിമത്തൻ നീരും ആറു ടീസ്പൂൺ ബദാം പേസ്റ്റും ചേർത്ത മിശ്രിതം മുഖത്തും കൈകളിലും പുരട്ടുക. ഉണങ്ങിക്കഴിഞ്ഞു നല്ല തണുത്ത വെള്ളത്തിൽ കഴുകാം.

ചുണ്ടിന്റെ കറുപ്പ് മാറാൻ ഒരു ടീസ്പൂൺ ബീറ്റ്‌റൂട്ടിന്റെ നീരിൽ അല്പം തേനും 2 – 3 തുള്ളി നാരങ്ങാ നീരും കലർത്തി ചുണ്ടിൽ പുരട്ടുക. ഉണങ്ങിയ ശേഷം തണുത്ത വെള്ളത്തിൽ കഴുകാം. ദിവസവും ചെയ്താൽ ചുണ്ടിന്റെ കറുപ്പുനിറം മാറും

 വെള്ളത്തിൽ അല്പം കല്ലുപ്പിട്ട് കലക്കി ആ വെള്ളം വീടിനുള്ളിലും പുറത്തും തളിച്ചാൽ ഈച്ച ശല്യം കുറയും.

രാത്രി കാലങ്ങളിൽ ട്യൂബ് ലൈറ്റുകൾ ഇടുന്നതിനുമുൻപ് ട്യൂബിൽ അല്പം പെർഫ്യൂം തടവിയ ശേഷം ഓൺ ചെയ്യുക. പ്രകാശത്തോടൊപ്പം പരിമളവും വീട്ടിൽ നിറഞ്ഞുനിൽക്കും.

നാരങ്ങയുടെ നീര് എടുത്തശേഷം തൊലി കളയാതെ അത് കാൽപാദങ്ങളിലോ കൈമുട്ടുകളിലോ തേക്കാവുന്നതാണ്‌ ഇത് ചർമ്മം മൃദുലമാകാൻ സഹായിക്കും.

വസ്ത്രത്തിൽ രക്തക്കറ പുരണ്ടാൽ ആ വസ്ത്രം ആദ്യം ഉപ്പുവെള്ളത്തിൽ അരമണിക്കൂർ മുക്കിവച്ചതിനു ശേഷം സോപ്പുപൊടി കലക്കിയ ചൂടുവെള്ളത്തിൽ കുറച്ചുനേരം വച്ച് ഉരച്ചെടുക്കുക. കറ പോകും.

കൊതുകുകടി മൂലമുണ്ടാകുന്ന തടിപ്പ് മാറാൻ ചെറുനാരങ്ങാനീര് പുരട്ടിയാൽ മതി.