തായ്ലൻഡിൽ ഗുഹയിൽ കുടുങ്ങിയ എല്ലാവരും രക്ഷപെട്ടു. 20 പേരടങ്ങിയ ദൗത്യസംഘമാണ് ഇന്ന് രക്ഷാപ്രവർത്തനത്തിന് ഇറങ്ങിയത്. ഇന്നും ഇന്നലെയും മഴ ശക്തമായി പെയ്യാഞ്ഞത് രക്ഷാപ്രവർത്തനത്തിന് സഹായകമായി. ബഡ്ഡിഡൈവ് ചെയ്തുകൊണ്ടുള്ള രക്ഷാപ്രവർത്തന രീതിയാണ് വിജയം കണ്ടത്.
12 കുട്ടികളും ഒരു കോച്ചുമാണ് കനത്ത മഴയെത്തുടർന്നു ഗുഹയിൽ അകപ്പെട്ടത്. 18 ദിവസമായി ഇവർ ഗുഹയിൽ പെട്ടിട്ട്. രക്ഷപെട്ട കുട്ടികളെ ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണ്. രക്ഷാപ്രവർത്തനത്തെ ലോകം മുഴുവൻ അഭിനന്ദിച്ചു.
