വ്യത്യസ്ഥമായൊരു സ്ലിമ്മിംഗ് സൂപ്പ്

ചേരുവകൾ

1.ചെറുപയർ തൊലി കളഞ്ഞത് – കാൽ കപ്പ്

2.ചീരയില – 1

3.സവാള – 1

4.തക്കാളി – 2

5.പട്ട – 1 കഷണം

6.ഗ്രാമ്പു – 2 എണ്ണം

7.ഏലക്ക – 1

8.വെളുത്തുള്ളി – 4 അല്ലി

9.സെലറി തണ്ട് അരിഞ്ഞത് – 3 ടീസ്പൂൺ

10.കുരുമുളകുപൊടി – കാൽ ടീ സ്പൂൺ

11.ഉപ്പ് – പാകത്തിന്

പാചകം ചെയ്യുന്ന വിധം

ചെറുപയർ പകുതി മൂപ്പിച്ച് 3 മുതൽ 8 വരെയുള്ള ചേരുവകൾ ചേർത്ത് കുക്കറിൽ വേവിച്ചെടുക്കുക. കുക്കർ തുറന്നു വെച്ച് ഇല ചേർത്ത് ഒന്നു തിളപ്പിച്ച ശേഷം തണുപ്പിക്കുക. കുറച്ചു വെള്ളം ചേർത്ത് മിക്സിയിൽ അടിച്ചെടുത്ത് സെലറി അരിഞ്ഞതും കുരുമുളക് പൊടിച്ചതും ചേർത്ത് ഒന്നുകൂടി തിളപ്പിച്ച് ചൂടോടെ കഴിക്കാം. ക്ഷീണം മാറ്റാനും രക്തക്കുറവ് ഇല്ലാതാക്കാനും ഉന്മേഷത്തിനും നല്ലതാണ്. ഈ വിഭവം ദിവസവും മൂന്ന് നേരം ആഹാരത്തിനു മുൻപ് ഒരു ഗ്ലാസ് വീതം കഴിക്കുക.