തിരുവനന്തപുരം : സംസ്ഥാനചലച്ചിത്ര അവാർഡ് ദാനച്ചടങ്ങിൽ മോഹൻലാലിനെ ക്ഷണിക്കുമെന്ന് മന്ത്രി ബാലൻ. മോഹൻലാലിനെ ക്ഷണിക്കരുതെന്ന് ആരും തന്നോട് ആവശ്യപ്പെട്ടിട്ടില്ലെന്നും ബുധനാഴ്ച അദ്ദേഹത്തിന് ക്ഷണക്കത്ത് നൽകുമെന്നും മന്ത്രി പറഞ്ഞു.
107 പേർ ഒപ്പിട്ട കത്തിൽ എവിടെയും മോഹൻലാലിനെ മുഖ്യാതിഥിയായി ക്ഷണിക്കാൻ പാടില്ലെന്ന് പറഞ്ഞിട്ടില്ലെന്നും ലാൽ പങ്കെടുത്താൽ ചടങ്ങിന്റെ ശോഭ കെടുമെന്ന വാദം തെറ്റാണെന്നും മന്ത്രി മാധ്യമങ്ങളോട് പറഞ്ഞു.
മോഹൻലാലിനെ ചടങ്ങിൽ പങ്കെടുപ്പിക്കരുത് എന്ന രീതിയിലുള്ള പ്രചരണങ്ങൾക്കക്കിടയിലാണ് മന്ത്രി ബാലന്റെ ഈ പ്രതികരണം.
