ഡിജിപി സ്ഥാനത്തുനിന്ന് നീക്കിയ സര്‍ക്കാര്‍ നടപടി റദ്ദാക്കിയ സുപ്രിം കോടതി വിധിയില്‍ വളരെ സന്തോഷം ഉണ്ടെന്നു ടി.പി. സെൻകുമാർ.ഡിപിജി സ്ഥാനത്തുനിന്നു മാറ്റിയ ഉത്തരവിനെതിരെ തന്റെ ഒപ്പം നിന്ന എല്ലാവരോടും നന്ദിയുണ്ടെന്ന് അദ്ദേഹം പറഞ്ഞു. തനിക്കു വേണ്ടി ഹാജരായ അഭിഭാഷകർക്കും അദേഹം നന്ദി പറഞ്ഞു . ജോലി ചെയ്തതിന്‍റെ പേരിൽ ഒരു ഉദ്യോഗസ്ഥരും പീഡിപ്പിക്കപ്പെടരുത്. തനിക്കെതിരെ ഉണ്ടാക്കിയ രേഖകളുടെ സത്യാവസ്ഥ കോടതിക്കു ബോധ്യമായെന്നും ഒരു കാലത്തും നടക്കാൻ പാറ്റത്ത കാര്യങ്ങളാണ് തനിക്കുനേരെയുണ്ടായതെന്നും അദ്ദേഹം പറഞ്ഞു.
വ്യക്തിപരമായ കാരണം കൊണ്ടല്ല കോടതിയ സമീപിച്ചത്. ഇന്ത്യയിലെ എല്ലാ ഉദ്യോഗസ്ഥർക്കും വേണ്ടിയാണ് കോടതിയെ സമീപിച്ചത്. ഇത്തരത്തിലുള്ള സംഭവങ്ങൾ ഇന്ത്യയിൽ ഒരു ഉദ്യോഗസ്ഥർക്കും ഉണ്ടാകരുതെന്നും സെൻകുമാർ കൂട്ടിച്ചേർത്തു.