കൊച്ചി ∙ മലയാളത്തിലെ പ്രശസ്ത സംവിധായകൻ ദീപൻ (47) അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. കരൾസംബന്ധമായ രോഗത്തെ തുടർന്ന് ചികിൽസയിലായിരുന്നു അദ്ദേഹം . സംസ്കാരം നാളെ തിരുവനന്തപുരത്തു നടക്കും. പ്രശസ്ത ഡബ്ബിങ് ആർട്ടിസ്റ്റ് ആനന്ദവല്ലിയുടെ മകനാണ് ദീപൻ . ഭാര്യ ദീപ. മക്കൾ: മാധവൻ, മഹാദേവൻ.
ദീപൻ ഏഴു ചിത്രങ്ങൾ സംവിധാനം ചെയ്തിട്ടുണ്ട്. ജയറാമിനെ നായകനായ ‘സത്യ’ എന്ന ചിത്രത്തിന്റെ പണിപ്പുരയിലായിരുന്നു അദ്ദേഹം . ഡോൾഫിൻ ബാറാണ് പുറത്തിറങ്ങിയ അവസാന ചിത്രം. ഷാജി കൈലാസിന്റെ സഹായിയായാണ് ദീപൻ സിനിമയിൽ സജീവമാകുന്നത്. 2003ല്‍ സായികുമാർ പ്രധാനകഥാപാത്രമായ ‘ദ് കിങ് മേക്കർ ലീഡർ’ ആണ് അദ്ദേഹത്തിന്റെ ആദ്യചിത്രം . പൃഥ്വിരാജ് ചിത്രം പുതിയമുഖത്തിലൂടെ ദീപൻ അറിയപ്പെടുന്ന സംവിധായകനായി മാറിയത് .