കൊച്ചി : പ്രമുഖ കന്നട നിര്മാതാവും ബിസിനസ്സുകാരനുമായ നവീനുമായി നടി ഭാവനയുടെ വിവാഹനിശ്ചയം കഴിഞ്ഞു.
പരമ്പരാഗത കന്നട ആചാരപ്രകാരമാണ് വിവാഹനിശ്ചയ ചടങ്ങുകള് നടന്നത്. തൃശൂരിലെ ഭാവനയുടെ വീട്ടില് വളരെ ലളിതമായിട്ടായിരുന്നു ചടങ്ങ് സംഘടിപ്പിച്ചത്. അടുത്ത ബന്ധുക്കളും സുഹൃത്തുക്കളും അടങ്ങിയ 16ഓളം പേര് മാത്രമാണ് ചടങ്ങില് പങ്കെടുത്തത്. നടി മഞ്ജുവാര്യരും ചടങ്ങിലെത്തിയിരുന്നു.
ഒരു കന്നട നിര്മാതാവുമായി ഭാവന പ്രണയത്തിലാണെന്ന് നേരത്തെ റിപ്പോര്ട്ടുകളുണ്ടായിരുന്നു. താന് പ്രണയത്തിലാണെന്ന് ഭാവനയും പറഞ്ഞിരുന്നു.
വിവാഹം ചിങ്ങത്തിലുണ്ടാവുമെന്ന് ബന്ധുക്കള് അറിയിച്ചു
