അച്ഛന് ഇന്ദ്രജിത്തിനൊപ്പമുള്ള മനോഹര നിമിഷങ്ങള് പങ്കുവച്ചിരിക്കുകയാണ് പ്രാര്ഥന. ഇന്സ്റ്റഗ്രാമില് പ്രാര്ഥന പങ്കുവച്ച ചിത്രങ്ങള് ഇതിനകം ആരാധകര് ഏറ്റെടുത്തിരിക്കുകയാണ്. മകളെ ചേര്ത്തു പിടിച്ചു ഉമ്മ വയ്ക്കുന്ന ഇന്ദ്രജിത്താണ് ചിത്രത്തിലുള്ളത്. മനോഹരമായ ചിത്രങ്ങള് അച്ഛനും മകളും തമ്മിലുള്ള ആത്മബന്ധത്തിന്റെ ആഴം വിളിച്ചോതുന്നതാണ്. ബൈക്ക് റൈഡ് ടു നെവര്ലാന്ഡ് സൂണ് എന്നെഴുതിയാണ് പ്രാര്ഥന ചിത്രങ്ങളെല്ലാം പങ്കുവച്ചിരിക്കുന്നത്. ഓ ശരിയെന്നായിരുന്നു പൂര്ണിമയുടെ കമന്റ്. എത്രമാത്രം ആഴമുള്ളതാണ് അച്ഛനും മകളും തമ്മിലുള്ള സ്നേഹമെന്ന് ചിത്രങ്ങളില് നിന്നും വായിച്ചെടുക്കാമെന്ന് ആരാധകര് പറയുന്നു. ചിത്രത്തിലെ ഇന്ദ്രജിത്തിന്റെ മുഖഭാവങ്ങളും ആരാധകര്ക്ക് നന്നേ പിടിച്ചിട്ടുണ്ട്. അവരത് കമന്റുകളിലൂടെ അറിയിക്കുന്നുമുണ്ട്.
ഇന്ദ്രജിത്ത്-പൂര്ണിമ ദമ്പതികളുടെ മൂത്ത മകളാണ് പ്രാര്ഥന. കലാകുടുംബത്തിലെ പുതു തലമുറക്കാരിയായ പ്രാര്ഥന നല്ലൊരു ഗായികയാണെന്ന് ചെറുപ്രായത്തിലേ തെളിയിച്ചു കഴിഞ്ഞു. അച്ഛനും അമ്മയുമെന്നാല് കുട്ടികളുടെ നല്ല സുഹൃത്തുക്കള് കൂടിയായിരിക്കണമെന്ന് തെളിയിക്കുകയാണ് പൂര്ണിമയും ഇന്ദ്രജിത്തും. ഇരുവരും നേരത്തേയും മക്കള്ക്കൊപ്പമുള്ള രസകരമായ ചിത്രങ്ങള് ഇതുപോലെ സോഷ്യല് മീഡിയയിലൂടെ പങ്കുവയ്ക്കാറുണ്ട്. അത് ആരാധകര് ആഘോഷമാക്കുന്നതും പതിവാണ്.
