കൊറോണ വൈറസ് പടര്‍ന്ന് പിടിക്കുന്ന പശ്ചാത്തലത്തില്‍ ഉത്തര ഉണ്ണിയുടെ വിവാഹ ആഘോഷങ്ങള്‍ മാറ്റി വച്ചു. ഉത്തര ഉണ്ണി തന്നെയാണ് ഇക്കാര്യം പ്രേക്ഷകരെ അറിയിച്ചത്. നിശ്ചയിച്ച തിയതിയില്‍ അമ്പലത്തില്‍ വച്ച് ലളിതമായി താലികെട്ട് മാത്രമാകും ഉണ്ടാവുക എന്നും താരം അറിയിച്ചു. നിലവിലുള്ള സാഹചര്യങ്ങള്‍ ശാന്തം ആയതിനുശേഷം വിവാഹ ആഘോഷ ചടങ്ങുകള്‍ ഉണ്ടാകുമെന്നും ഇന്‍സ്റ്റഗ്രാമിലൂടെ താരം കുറിച്ചിട്ടുണ്ട്.
കൊറോണ ഭീതിയില്‍ ലോകമാകെ വലിയ ഭയത്തില്‍ ആണെന്നും ഈ വേളയില്‍ ഞങ്ങള്‍ വിവാഹാഘോഷങ്ങള്‍ മാറ്റിവയ്ക്കുന്നു എന്നും ചടങ്ങില്‍ പങ്കെടുക്കാനായി നേരത്തെ ടിക്കറ്റ് ബുക്ക് ചെയ്തവരോട് ക്ഷമ ചോദിക്കുന്നുവെന്നും ഉത്തര ഇന്‍സ്റ്റഗ്രാമില്‍ കുറിച്ചു. ഏപ്രില്‍ അഞ്ചിനാണ് ഉത്തരയുടെയും ഐ.ടി മേഖലയില്‍ ജോലി ചെയ്യുന്ന നിതേഷിന്റെയും വിവാഹം കഴിഞ്ഞ മാസം എറണാകുളം കുമ്പളത്തെ സ്വകാര്യ റിസോര്‍ട്ടില്‍ വച്ച് ഇരു കുടുംബങ്ങളുടെയും സാന്നിധ്യത്തില്‍ നിശ്ചയിച്ചത്.