മഹേഷ് നാരായണന്റെ സംവിധാനത്തിലൊരുങ്ങുന്ന പുതിയ ചിത്രം മാലികിലെ നിമിഷ സജയന്റെ ലുക്ക് പുറത്ത്. ടേക്ക് ഓഫിന് ശേഷം മഹേഷ് നാരായണന് സംവിധാനം ചെയ്യുന്ന ചിത്രമാണ് മാലിക്. ചിത്രത്തില് അറുപതുകാരനായ കഥാപാത്രത്തെയാണ് ഫഹദ് ഫാസില് അവതരിപ്പിക്കുന്നത്. ഫഹദിന്റെ ലുക്ക് പുറത്ത് വന്നതിന് പിന്നാലെയാണ് നടി നിമിഷ സജയന്റെ പ്രായമേറിയ ലുക്ക് അണിയറപ്രവര്ത്തകര് പുറത്ത് വിട്ടിരിക്കുന്നത്. മുടിയൊക്കെ നരച്ച് വട്ട കണ്ണട വച്ചുള്ള ഗറ്റപ്പിലാണ് താരം.
ഒറ്റനോട്ടത്തില് നിമിഷയാണെന്ന് തിരിച്ചറിയാനാകാത്ത മേക്ക് ഓവറാണ്. ആന്റൊ ജോസഫ് ഫിലിം കമ്പനി നിര്മ്മിച്ച് പുറത്തിറങ്ങുന്ന ബിഗ് ബജറ്റ് ചിത്രം വിഷു റിലീസായി പുറത്തിറങ്ങുമെന്നാണ് സൂചന. തൊണ്ടിമുതലും ദൃക്സാക്ഷിയും എന്ന സിനിമയ്ക്ക് ശേഷം ഫഹദും നിമിഷയും ഒരുമിക്കുന്ന സിനിമയാണിത്.
സുലൈമാന് മാലിക് എന്ന കഥാപാത്രമായി ഫഹദ് എത്തുന്ന ചിത്രത്തില് റോസ്ലിന് എന്ന കഥാപാത്രമായാണ് നിമിഷ എത്തുന്നത്. പൊളിറ്റിക് ത്രില്ലറാണ് ചിത്രമെന്നാണ് സൂചന. മമ്മൂട്ടിയും മോഹന്ലാലും ചേര്ന്നായിരുന്നു മാലിക് സിനിമയുടെ ഫസ്റ്റ് ലുക്ക് മുമ്പ് പുറത്തിറക്കിയിരുന്നത്. ചിത്രത്തില് വിവിധ ഗെറ്റപ്പുകളില് ഫഹദ് എത്തുന്നതായാണ് സൂചന. മാലികിനായി ഫഹദ് 20 കിലോ കുറച്ചത് മുമ്പ് വാര്ത്തയായിരുന്നു
