ലോക്സഭ വാശിയേറിയ പോരാട്ട എക്സിറ്റ് പോൾ ഫലം പുറത്ത് വന്നു. വീണ്ടും നരേന്ദ്ര മോദി തന്നെ അധികാരത്തിൽ തുടരുമെന്ന സൂചനകളാണ് എക്സിറ്റ് പോൾ ഫലങ്ങൾ നൽകുന്ന സൂചന. ടൈംസ് നൗ – വിഎംആർ എക്സിറ്റ് പോൾ ഫലമനുസരിച്ച് എൻഡിഎയ്ക്ക് 306 സീറ്റ് ലഭിക്കുമെന്നാണ് പ്രവചനം. യുപിഎ 132 സീറ്റുകളും മറ്റുള്ളവർ 104 സീറ്റുകളും സ്വന്തമാക്കുമെന്ന് ടൈംസ് നൗ പ്രവചനം. റിപ്പബ്ലിക് സീവോട്ടർ സർവ്വേ പ്രകാരം എൻഡിഎ 287 സീറ്റുകൾ സ്വന്തമാക്കുമെന്ന് സർവ്വേ. യുപിഎ 129 ഉം മറ്റുള്ളവർ 127 സീറ്റുകൾ സ്വന്തമാക്കുമെന്നും എക്സിറ്റ് പോൾ സർവ്വേ ഫലം പറയുന്നു.

ആറ്റിങ്ങലിൽ സമ്പത്തിന് വിജയം പ്രവചിച്ച് എക്സിറ്റ് പോൾ ഫലം. കൊല്ലത്ത് യുഡിഎഫ് സ്ഥാനാർത്ഥി എൻ.കെ പ്രേമചന്ദ്രൻ വിജയിക്കുമെന്നും പത്തനംതിട്ടയിൽ ആന്റോ ആന്റണിയെന്നും കെ.സുരേന്ദ്രൻ രണ്ടാമതെന്നും പ്രവചനം. എന്നാൽ മാവേലിക്കരയിൽ കൊടിക്കുന്നിൽ സുരേഷ് വിജയിക്കും. തിരുവനന്തപുരത്ത് എൻഡിഎ സ്ഥാനാർത്ഥി കുമ്മനം രാജശേഖരൻ ജയിക്കുമെന്നും പ്രവചനം.രണ്ടാം സ്ഥാനത്ത് ശശി തരൂരും സി.ദിവാകരൻ മുന്നാമതും എന്നും പ്രവചനം. കേരളത്തിൽ യുഡിഎഫ് ജയിക്കുമെന്നാണ് എക്സിറ്റ് പോൾ പ്രവചനം.രണ്ടാം സ്ഥാനത്ത് എൽഡിഎഫും മുന്നാമത് എൻഡിഎയും എന്ന് എക്സിറ്റ് പോൾ ഫലങ്ങൾ.

വടകര സ്വതന്ത്ര സ്ഥാനാർത്തിയും മുൻ സിപിഎം നേതാവുമായിരുന്ന സിഒടി റഷീദിന് വെട്ടേറ്റ സംഭവത്തിൽ അക്രമണത്തിന് പിന്നിൽ സിപിഎം ആണെന്ന ആരോപണവുമായി മുല്ലപ്പള്ളി. ആക്രമണം പ്രതിഷേധാർഹമെന്നും മുല്ലപ്പള്ളി.

വ്യാജരേഖ ഇൻറർനെറ്റിൽ അപ്ലോഡ് ചെയ്തയാൾ കസ്റ്റഡിയിൽ. എറണാകുളം സ്വദേശി ആദിത്യയെയാണ് കസ്റ്റഡിയിലെടുത്തത്.ഫാ.ടോണി കല്ലൂക്കാരനെ പോലീസ് ചോദ്യം ചെയ്തുവരുകയാണ്. ആദിത്യയെ കസ്റ്റഡിയിലെടുത്തതിനെതിരെ എസ്പി ഓഫീസിന് മുന്നിൽ വൻ പ്രതിഷേധം. വൈദികരുടെയും നാട്ടുകാരുടെയും സന്നാഹമാണ് പ്രതിഷേധിക്കുന്നത്.

ബംഗാളിൽ ആഭ്യന്തര സെക്രട്ടറിയെ മാറ്റി തിരഞ്ഞെടുപ്പ് കമ്മീഷൻ. തിരഞ്ഞെടുപ്പ് പ്രക്രിയയിൽ ഇടപെട്ടതിനാലാണ് കമ്മീഷന്റെ നടപടി.പകരം ചീഫ് സെക്രട്ടറിക്ക് ചുമതല നൽകി ഉത്തരവായി.കൂടാതെ പോലീസ് അസിസ്റ്റന്റ് ഡയറക്ടർ ജനറലിനെയും മാറ്റിയിരുന്നു.

തെരഞ്ഞെടുപ്പ് കമ്മീഷന്റെ ഇടപെടൽ നിയമവിരുദ്ധവും അധാർമ്മികവും എന്നും തനിക്ക് തെരഞ്ഞെടുപ്പ് കമ്മീഷനെ ഭയമില്ലെന്നും മമത. തെരഞ്ഞെടുപ്പ് കമ്മീഷനിൽ ഇരിക്കുന്നത് ആർ എസ് എസ്സുകാരാണെന്നും ബിജെപിയുടെ പാവയായി തെരഞ്ഞെടുപ്പ് കമ്മീഷൻ മാറിയെന്നും പോലീസിനെ കമ്മീഷൻ ഇരുട്ടിൽ നിർത്തിയെന്നും ബംഗാളിൽ കലാപമുണ്ടാക്കാനാണ് ബിജെപി ശ്രമമെന്നും മമത ആരോപിച്ചു.അമിത് ഷായ്ക്കെതിരെയാണ് നടപടി എടുക്കേണ്ടതെന്നും മമത.

ബാങ്കിന്റെ ജപ്തി ഭീഷണിയെ തുടർന്ന് അമ്മയും മകളും തീകൊളുത്തി ആത്മഹത്യ ചെയ്ത സംഭവത്തിൽ അമ്മ ലേഖ (40) 90 ശതമാനം പൊള്ളലേറ്റ് ആശുപത്രിയിൽ ചികിത്സയിലായിരിക്കെ മരിച്ചു. മകൾ വൈഷ്ണവി (19) സംഭവസ്ഥലത്ത് തന്നെ മരണപെട്ടിരുന്നു. നെയ്യാറ്റിൻകര മാരായമുട്ടം സ്വദേശിനികളാണ്. ഉച്ചയോടെയാണ് ഇരുവരും ആത്മഹത്യയ്ക്ക് ശ്രമിച്ചത്.നെയ്യാറ്റിൻകര സംഭവത്തിൽ ബാങ്കിനെതിരെ കളക്ടറുടെ റിപ്പോർട്ട്.ബാങ്ക് ജനറൽ മനേജറെ റവന്യൂ മന്ത്രി അതൃപ്തി അറിയിച്ചു.മോറട്ടോറിയം നിലനിൽക്കുമ്പോൾ എങ്ങനെയാണ് ജപ്തി നടപടിയെടുത്തതെന്ന് മന്ത്രി പ്രതികരിച്ചു.