ഇന്ദ്രജിത്ത്   സുകുമാരൻ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമായ ആഹയുടെ ടീസർ യൂട്യൂബിൽ ലക്ഷകണക്കിന് കാഴ്ചക്കാരെ ആകർഷിച്ചു കൊണ്ട് ട്രെൻഡിങ്ങായി മുന്നേറുന്നു.  മോഹൻലാലാണ് ചിത്രത്തിന്റെ ടീസർ പുറത്തിറക്കിയത്. കേരളത്തിന്റെ തനത് കായിക വിനോദമായ വടംവലിയെ പശ്ചാത്തലമാക്കി, സംഗീതത്തിനും, പ്രണയത്തിനും, കുടുംബബന്ധങ്ങൾക്കുമെല്ലാം ഒരേപോലെ പ്രാധാന്യമുള്ള കഥയുമായാണ് ആഹാ പ്രേക്ഷകരിലേക്ക് എത്തുന്നത്.

എൻപത്തി നാലിൽ പരം ലൊക്കേഷനുകളിയായി ആയിരത്തിലധികം ജൂനിയർ ആർട്ടിസ്റ്റുകളെ അണിനിരത്തിയാണ് ആഹയുടെ ചിത്രീകരണം പൂർത്തീകരിച്ചത്. വൈകാരികത യോടെ കാണികളെ ആകാംഷയുടെ മുൾ മുനയിൽ നിർത്തുന്ന ഒരു ചിത്രമായിരിക്കും ആഹാ എന്ന് ടീസർ വ്യക്തമാക്കുന്നു.   
സാസാ പ്രൊഡക്ഷൻസിന്റെ ബാനറിൽ പ്രേം എബ്രഹാം നിർമ്മിച്ച് ബിബിൻ പോൾ സംവിധാനം ചെയുന്ന ആഹാ ഒരു മുഴു നീള സ്പോർട്സ് ഡ്രാമയാണ്. ദിവസങ്ങളോളം നീണ്ട കഠിന പരിശ്രമത്തിനൊടുവിലാണ് ഇന്ദ്രജിത്ത് അടക്കമുള്ള സിനിമ താരങ്ങളും, വടം വലിയിലെ യഥാർത്ഥ ഹീറോകളും, മറ്റ് അഭിനേതാക്കളും ആഹയിലെ കഥാപാത്രങ്ങളായി പ്രേക്ഷകർക്ക് മുന്നിലെത്തുന്നത്.

ശാന്തി ബാലചന്ദ്രൻ, അമിത് ചക്കാലക്കൽ, അശ്വിൻ കുമാർ, മനോജ്.കെ.ജയൻ, സിദ്ധാർത്ഥ ശിവ തുടങ്ങിയവരും ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നു. ടോബിത് ചിറയത്ത് തിരക്കഥയും സംഭാഷണവും ഒരുക്കിയിരിക്കുന്ന ചിത്രത്തിന്റെ സംഗീതം നിർവ്വഹിക്കുന്നത് സയനോര ഫിലിപ്പാണ്. സയനോര ഫിലിപ്പ്, ജുബിത് നമ്പറാടത്, ടിറ്റോ പി തങ്കച്ചൻ എന്നിവരാണ് ചിത്രത്തിലെ ഗാനങ്ങൾ എഴുതിയിരിക്കുന്നത്. 2020 മധ്യ വേനൽ അവധി കാലത്താണ്  സിനിമയുടെ റിലീസ് .

#സി കെ അജയ് കുമാർ , പി ആർ ഒ

തീയേറ്ററില്‍ വന്‍ പരാജയം ഏറ്റുവാങ്ങി സിനിമയുടെ സിഡി ഇറങ്ങിയ ശേഷം ഹിറ്റായചിത്രമാണ് ആട്. ആടിലെ എല്ലാ കഥാപാത്രങ്ങളേയും പ്രേക്ഷകര്‍ക്ക് വളരെ ഇഷ്ടമാണ്. മറ്റൊരു സിനിമയിലെ കഥാപാത്രങ്ങള്‍ക്കും ഇത്രയേറെ സ്വീകാര്യത ലഭിച്ച് കാണില്ല. മിഥുന്‍ മാനുവല്‍ തോമസിന്റെ സംവിധാനത്തിലൊരുങ്ങിയ ചിത്രത്തിന്റെ മൂന്നാം ഭാഗം ഉടന്‍ ഉണ്ടാകുമെന്നാണ് ഇപ്പോള്‍ സംവിധായകന്‍ വെളിപ്പെടുത്തിയിരിക്കുന്നത്. പിങ്കി എന്ന ആട് ചിത്രത്തിലെ ഒരു പ്രധാന കഥാപാത്രമായിരുന്നു. ഇപ്പോഴിതാ ആട് 3ല്‍ പിങ്കി ഉണ്ടാകില്ലയെന്നാണ് മിഥുന്‍ പറയുന്നത്.

ഇതൊരു ബിഗ് ബജറ്റ് മൂവിയാണ്. ആദ്യ പകുതിയും ക്ലൈമാക്‌സും റെഡിയായി കഴിഞ്ഞു. ഇനി ബാക്കിയുള്ളത് എഴുതണം. അടുത്ത രണ്ടു മാസത്തിനുള്ളില്‍ സ്‌ക്രിപ്റ്റ് മുഴുവന്‍ പൂര്‍ത്തിയാക്കാന്‍ കഴിയുമെന്നാണ് എന്റെ വിശ്വാസം. മിഥുന്‍ മാനുവല്‍ തോമസ് പറഞ്ഞു. ജയസൂര്യ, വിനായകന്‍, ഇന്ദ്രന്‍സ്, ധര്‍മ്മജന്‍ തുടങ്ങി ആദ്യ രണ്ടു ഭാഗത്തെ താരങ്ങളെല്ലാം തന്നെ മൂന്നാം ഭാഗത്തില്‍ ഉണ്ടാകും. പക്ഷേ മൂന്നാം ഭാഗത്തില്‍ പിങ്കി ഉണ്ടാകുമോ എന്ന കാര്യത്തില്‍ ഉറപ്പില്ല. വില്ലന്മാരായി കൂടുതല്‍ കഥാപാത്രങ്ങള്‍ കൂടി എത്തുമെന്നാണ് അറിയാന്‍ കഴിയുന്നത്. മലയാള സിനിമ ഇന്നേവരെ കണ്ടിട്ടില്ലാത്ത ഒരു ആശയവും പരീക്ഷണവുമായിരിക്കും ആട് 3യിലൂടെ പ്രേക്ഷകരിലേക്കെത്തുക. മിഥുന്‍ കൂട്ടി ചേര്‍ത്തു.

പൃഥിരാജിന്റെ കരിയറിലെ ഏറ്റവും വെല്ലുവിളി നിറഞ്ഞ കഥാപാത്രമായിരിക്കും ആടുജീവിതത്തിലേത്. ചിത്രത്തിന് വേണ്ടി പൃഥ്വി നടത്തിയ മേക്കോവറും ഏറെ വാര്‍ത്താ പ്രാധാന്യം നേടിയിരുന്നു. അതിന് പിന്നാലെയാണ് കുറച്ച് നാളുകള്‍ രാജ്യം വിടുകയാണെന്ന കുറിപ്പുമായി പൃഥ്വി എത്തിയത്. ഇപ്പോഴിതാ, മകന് പൂര്‍ണ പിന്തുണയും അറിയിച്ച് മല്ലിക സുകുമാരനും രംഗത്തെത്തിയിരിക്കുകയാണ്.

എന്റെ കുഞ്ഞിനെ സര്‍വശക്തനായ ദൈവം തമ്പുരാന്‍ രക്ഷിക്കട്ടെ..മോനൂ അമ്മയുടെ പ്രാര്‍ഥനയും അനുഗ്രഹങ്ങളും കൂടെയുണ്ടാവും…കഠിനാധ്വാനം, സമര്‍പ്പണം, പ്രതിബദ്ധത, പാഷന്‍…നീ ഈ ഗുണങ്ങള്‍ കൊണ്ടെല്ലാം അനുഗ്രഹിക്കപ്പെട്ടവനാണ് മോനൂ. ദൈവം നിന്റെ കൂടെയുണ്ട് എന്റെ ദാദൂ …എന്നായിരുന്നു മല്ലിക സുകുമാരന്റെ കുറിപ്പ്.

പൃഥ്വിരാജിന്റെ കരിയറിലെ തന്നെ ഏറ്റവും മികച്ച ചിത്രങ്ങളിലൊന്നായി തീരുവാന്‍ കെല്പുള്ള ചിത്രമാണ് ആടുജീവിതം. തനിക്കു വേണ്ടി കുറച്ച് സമയം മാറ്റി വയ്ക്കേണ്ടതാണ് അത്യാവശ്യമാണെന്നും തന്റെ അവസാനത്തെ ലുക്ക് സ്‌ക്രീനില്‍ മാത്രം കാണേണ്ട ഒന്നാണെന്നാണ് താന്‍ വിശ്വസിക്കുന്നതെന്നും പൃഥ്വിരാജ് പറയുന്നു. ശരീര ഭാരം കുറച്ച് താടിയും മുടിയും നീട്ടിയുള്ള പൃഥ്വിരാജിന്റെ ലുക്ക് ആരാധകര്‍ ഏറ്റെടുത്തിരുന്നു.

അഭിനയജീവിതത്തിലെ ഏറ്റവും വലിയ സ്വപ്നം വെളിപ്പെടുത്തി ദുല്‍ഖര്‍ സല്‍മാന്‍. അഭിനയജീവിതത്തില്‍ എട്ടാം വര്‍ഷം പിന്നിട്ടിരിക്കുകയാണ് അദ്ദേഹം. കണ്ണും കണ്ണും കൊള്ളയടിത്താല്‍ എന്ന ചിത്രത്തിലൂടെ ഒരിടവേളയ്ക്കുശേഷം കോളിവുഡില്‍ എത്തിയ താരം ഫണ്‍ ക്രൈം കോമഡി എന്റര്‍ടെയിനറായ ചിത്രത്തെക്കുറിച്ചും പുതിയസിനിമാവിശേഷത്തെക്കുറിച്ചും സംസാരിക്കുകയാണ്.

കണ്ണുംകണ്ണും കൊള്ളയടിത്താല്‍ എന്ന സിനിമയിലെ ഒരു നിര്‍ണായക വേഷം ഗൗതം മേനോന്‍ ആണ് കൈകാര്യം ചെയ്യുന്നത്. ഗൗതം മേനോന്‍ സംവിധാനം ചെയ്യുന്ന ഒരു ചിത്രത്തില്‍ നായകന്‍ ആകണം എന്നത് തന്റെ ഏറ്റവും വലിയ സ്വപ്നമാണെന്നും ഷൂട്ടിംഗ് സമയത്ത് വളരെ അടുത്ത് സംസാരിക്കുവാനും സൗഹൃദം സ്ഥാപിക്കുവാനും സാധിച്ചുവെന്നും അദ്ദേഹം പറയുന്നു.

അദ്ദേഹമാണ് ആ റോള്‍ ചെയ്യുന്നത് എന്ന് തനിക്ക് ആദ്യം അറിയില്ലായിരുന്നു എന്നും അറിഞ്ഞപ്പോള്‍ വളരെ എക്സൈറ്റഡ് ആയിരുന്നു എന്നും ദുല്‍ഖര്‍ പറയുന്നു. പ്രതാപ് എന്ന ഗൗതം മേനോന്‍ കഥാപാത്രമാണ് ഈ സിനിമയുടെ നട്ടെല്ല് എന്നും ചിത്രത്തെ മുന്നോട്ട് കൊണ്ടു പോകുന്നതും ആ കഥാപാത്രം ആണെന്നും ദുല്‍ഖര്‍ പറയുന്നുണ്ട്.

വിനയന്‍ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് മേഘ്ന രാജ് മലയാള സിനിമയിലേക്ക് എത്തുന്നത്. ചിത്രം അത്ര വിജയം നേടിയില്ലെങ്കിലും മേഘ്ന രാജ് എന്ന നടിയെ പ്രേഷകര്‍ ഏറ്റെടുത്തു. മലയാളം വിട്ട്
തെലുങ്ക് തമിഴ് സിനിമകളിലൂടെ സൂപ്പര്‍ താരങ്ങളുടെ നായികയായും മേഘ്‌ന എത്തി. നടിയുടെ ഏറ്റവും പുതിയ ചിത്രങ്ങള്‍ ആണ് സോഷ്യല്‍ മീഡിയയില്‍ ഇപ്പോള്‍ വൈറലാകുന്നത്.

വിവാഹ ശേഷം അഭിനയത്തോട് വിട പറയുന്ന ലിസ്റ്റില്‍ തന്നെയായിരുന്നു മേഘ്‌നയും പേട്ടിരുന്നത്. 2018 ലായിരുന്നു താരം ചിരഞ്ജീവി സര്‍ജയെ പ്രണയിച്ച് വിവാഹം ചെയ്ത്. പിന്നീട് താരം സിനിമകളിലും മാദ്ധ്യമങ്ങളിലും അധികം പ്രത്യക്ഷപ്പെട്ടില്ല.
ഇപ്പോഴിതാ വ്യത്യസ്തമായ ലുക്കിലാണ് താരം പ്രേക്ഷകരുടെ മുന്നിലെത്തുന്നത്. തങ്ങളുടെ പഴയ മേഘ്‌ന തന്നെയാണോ എന്നാണ് ആരാധകര്‍ ഇപ്പോള്‍ സംസാരിക്കുന്നത്. അത്രയ്ക്ക് മേക്കവറാണ് താരത്തിന് ഇപ്പോള്‍ സംഭവിച്ചിരിക്കുന്നത്, രണ്ട് വര്‍ഷത്തെ പ്രണയത്തിനു ശേഷമാണ് ചിരിഞ്ജീവി സര്‍ജയെ താരം വിവാഹം ചെയ്യുന്നത്. ആട്ടഗര എന്ന സിനിമയില്‍ അഭിനയിക്കുമ്പോഴാണ് ഇരുവരും പ്രണയത്തിലായത്. 2018 ഒക്ടോബര്‍ 22നായിരുന്നു ഇരുവരുടേയും വിവാഹം നടന്നന്നത്.

താരത്തിന്റെ പുതിയ ചിത്രങ്ങള്‍ സോഷ്യല്‍ മീഡിയയില്‍ ചുരുങ്ങിയ സമയം കൊണ്ടാണ് വൈറലായത്.

മഹാനടിയിലെ സാവിത്രിയായി പ്രേക്ഷകരെ വിസ്മയിപ്പിച്ച താരമാണ് കീര്‍ത്തി സുരേഷ്. നാഗ് അശ്വിന്‍ സംവിധാനം ചെയ്ത സിനിമയിലെ പ്രകടനത്തിനാണ് മികച്ച നടിക്കുളള ദേശീയ പുരസ്‌കാരം കീര്‍ത്തിക്ക് ലഭിച്ചത്. മഹാനടി നടിയുടെ കരിയറിലും വലിയ വഴിത്തിരിവായി മാറിയിരുന്നു. മഹാനടിക്ക് പിന്നാലെ വീണ്ടുമൊരു ശക്തമാര്‍ന്ന കഥാപാത്രവുമായി എത്തുകയാണ് കീര്‍ത്തി.

മോഹന്‍ലാല്‍ പ്രിയദര്‍ശന്‍ കൂട്ടുകെട്ടില്‍ ഒരുങ്ങുന്ന മരക്കാര്‍ അറബിക്കടലിന്റെ സിംഹത്തിന്റെ പുതിയ സ്റ്റില്‍ പുറത്തിറങ്ങി. പ്രഖ്യാപിച്ച അന്ന് മുതല്‍ ആരാധകര്‍ ആവേശത്തോടെ കാത്തിരിക്കുന്ന ബ്രഹ്മാണ്ഡ ചിത്രമാണ് മരക്കാര്‍. മോഹന്‍ലാലിന് പുറമെ മഞ്ജു വാര്യര്‍, ഫാസില്‍, മധു, അര്‍ജുന്‍ സര്‍ജ, കല്യാണി പ്രിയദര്‍ശന്‍, കീര്‍ത്തി സുരേഷ്, പ്രണവ് മോഹന്‍ലാല്‍ തുടങ്ങിയ വലിയ താരനിര തന്നെ ചിത്രത്തില്‍ അണിനിരക്കുന്നുണ്ട്.
ഇവരെക്കൂടാതെ വിദേശത്ത് നിന്നുള്ള താരങ്ങളും ചിത്രത്തില്‍ അഭിനയിക്കുന്നു.

സാമൂതിരി രാജവംശത്തിന്റെ നാവികമേധാവിയായിരുന്ന കുഞ്ഞാലി മരക്കാറുടെ കഥ പറയുന്ന ചിത്രമാണ് മരക്കാര്‍ അറബിക്കടലിന്റെ സിംഹം. തിരുവാണ് ചിത്രത്തിന്റെ ഛായാഗ്രാഹകന്‍. സാബു സിറില്‍ കലാസംവിധാനം നിര്‍വഹിക്കും. അഞ്ചു ഭാഷകളിലായാണ് ചിത്രം ഒരുങ്ങുന്നത് . ലോകമെമ്ബാടുമുള്ള 5000 തിയേറ്ററുകളിലായി 2020 മാര്‍ച്ച് 26 ന് ചിത്രം റിലീസിനെത്തും.

നസ്രിയ വളര്‍ത്തുനായയാണ് ഓറിയോ. നസ്രിയയെപ്പോലെ തന്നെ ആരാധകര്‍ക്കിടയിലും താരമാണ് ഓറിയോ.

ഓറിയോയുടെ വിശേഷങ്ങള്‍ സമൂഹമാധ്യമങ്ങളില്‍ നസ്രിയ പങ്കുവയ്ക്കാറുമുണ്ട്. ഫഹദ് തന്ന ഗിഫ്റ്റ് എന്നാണ് നസ്രിയ ഓറിയോയെ വിശേഷിപ്പിക്കാറുള്ളത്. നസ്രിയയുടെ ലോക്കറ്റാണ് ഇപ്പോള്‍ ആരാധകരെ അത്ഭുതപ്പെടുത്തുന്നത്. ലോക്കറ്റില്‍ നസ്രിയയുടെയും ഫഹദിന്റെയും പേരിനൊപ്പം ഒറിയോയുടെയും പേര് കാണാം.

സിനിമാക്കാര്‍ക്കെല്ലാം പരിചിതയാണ് നസ്രിയയുടെയും ഫഹദിന്റെയും പ്രിയപ്പെട്ട ഓറിയോ. സിനിമാസെറ്റുകളിലും ഓറിയോ പലപ്പോഴും നസ്രിയയ്ക്ക് അകമ്പടിയാവാറുണ്ട്. ‘കൂടെ’യുടെ ഷൂട്ടിംഗിനായി ഊട്ടിയിലെത്തിയപ്പോള്‍ ഓറിയോയോയും നസ്രിയ കൂടെ കൂട്ടിയിരുന്നു. വെള്ളയും കറുപ്പും ഇടകലര്‍ന്ന് ഓറിയോ ബിസ്‌കറ്റിനെ ഓര്‍മ്മപ്പെടുത്തുന്ന നിറമാണ് ഈ കുഞ്ഞന്‍ നായയുടെ പ്രത്യേകത.

ഓറിയോ അവന്‍ എന്റെ ആത്മാര്‍ഥ സുഹൃത്താണ്. ശരിക്കും എനിക്ക് ഫഹദ് തന്ന ഗിഫ്റ്റായിരുന്നു ഓറിയോ. കല്യാണം കഴിഞ്ഞ് ഒരു വര്‍ഷം കഴിയുന്നതു വരെ എനിക്ക് നായക്കുട്ടികളെ ഭയങ്കരപേടിയായിരുന്നു. ‘ബാംഗ്ലൂര്‍ ഡെയ്സ്’ ചെയ്തു കൊണ്ടിരുന്ന സമയത്തൊക്കെ എല്ലാവരും എന്നെ കളിയാക്കുമായിരുന്നു. ഫഹദിനും സഹോദരനും എല്ലാവര്‍ക്കും പട്ടികളെ ഭയങ്കര ഇഷ്ടമാണ്. ഫഹദ് കാരണമാണ് ഞാന്‍ നായ പ്രേമിയായത്.” ഓറിയോ വന്നതിനു ശേഷം നായക്കുട്ടികളോടുള്ള തന്റെ പേടിമാറിയെന്നും ഓറിയോ എന്ന പേര് ഇട്ടത് ഫഹദിന്റെ സഹോദരി അമ്മുവാണെന്നും നസ്രിയ പറയുന്നു.